十侍 - 棉花糖A5和牛壽喜燒專門店

营业中

休息中

好耐冇食過好嘢喇，幾個月冇晚市堂食，慳埋啲錢一次過all in食A5和牛壽喜燒 ($898)。 即使去幾高級嘅火鍋店，其實都好難見到咁靚嘅牛，大大塊A5和牛超滑超香，最難得嘅係煮熟咗之後依然好厚身有肉感，大口如我都要分幾啖先食得晒，食肉獸一定滿意。其餘配料全部都好啱我口味，蟹柳、日本豆腐、京蔥、娃娃菜同腐皮索滿晒湯汁真係好正。 最後當然唔少得落埋滑捋捋嘅烏冬，強行浸蛋汁嚟食，畫下左圓滿嘅句號。珠蔥豚肉卷($42)、牛舌 ($52)同芝士番薯 ($32)都有居酒屋嘅水準，當中最鍾意牛舌夠厚身有咬口。朋友話烏冬好食加多碗豚肉白湯烏冬，又係另一番風味，睇落係好簡單嘅豬骨湯但係充滿蒜油香，由炒香嘅蒜片同蝦皮就睇得出廚師嘅心機。

很多人去日本都會吃到壽喜燒，但其實在日本吃也不是很便宜的，特別是吃到專人幫你弄的，還再吃上日本Ａ５和牛的，那肯定不便宜，但意想不到是這間在旺角鬧市中開的一間壽喜燒專門店可以做出一個挺有性價比的套餐，讓香港人也可以感受到日本的滋味！ＰＳ這店的位置就在那間海南雞飯旁邊的巷裡，有點難找！壽喜燒—二人前（８９８元）這裡的唯一主食，包括了Ａ５鹿兒島黑毛和牛西冷或肉眼，野菜盛合，日本籣王雞蛋和烏冬或白飯。而今天我吃的是肉眼的部位，擺放得非常整齊，一共有三百六十克，油花豐滿！店員一開始會先把棉花糖放上鍋上，然後再加上自製的壽喜燒醬汁去煮一下，這就對題了，在煮的過程會聞到很香的壽喜燒醬汁味，接近焦香的狀態，然後加上牛肉去煮，輕輕燙幾下就可以吃了！全程由店員負責，你只要負責吃的就好了，不過我個人覺得煮得有點熟，如果再生一點就更好！不過也完全阻擋不住Ａ５和牛的香和滑，入口即化，滿口油香，帶有和牛的獨有的甜，然後再配上這裡提供的日本籣王雞蛋一起生拌，吃起來會更滑嫩更香，多了蛋味，吃起來真的慾擺不能！吃完牛肉後，店員就會幫忙把野菜盛合的放上去鍋上，用原有混合了牛油的壽喜燒醬汁去煮野菜，野菜還包括了蟹柳，獅子狗

由於新開張，再加入個地理位置嘅關係，簡直係熱鬧的旺區搵到一間僅有的寧靜日本武士低調裝修餐廳，率先早食早享受，完美地似包咗場。👍🏻-日式脆飯團🍙細細舊，外面好脆又有淡淡豉油味，配埋少少炸蒜頭🧄同埋紫菜，作為前菜一流，因為食完更加期待之後食物。-鰻魚牛舌冬菇蓮藕秋葵串燒X 1 最特別係個爐，唔係裝飾品，真係可以keep warm ，唔使驚啲串燒凍咗，可以慢慢品嚐，呢個已經好讚👍🏻-棉花糖壽喜燒好特別嘅煮法，傳統係落少少砂糖提一提牛肉嘅鮮味，但呢到係將成舊棉花糖係煮溶咗先再落A5和牛，噱頭一流，但有少少偏甜🤣 而A5 和牛，油脂分布10分平均，食落入口即溶👍🏻-野菜盤正常份量，2個女仔食啱啱好，又唔會浪費。但係要提一提全程都有職員由負責照顧個爐，十分貼心，可以唔使驚over cook 影響咗食物嘅質素。

一向都好鍾意食壽喜燒嘅我，最近喺朋友嘅社交平台不停見到呢一間餐廳出現，打聽之下原來先知呢間係最近新開嘅平價高質壽喜燒餐廳。相比起銅鑼灣，尖沙咀嘅壽喜燒店，呢度嘅CP值係10分高，唔使$1000已經有一個二人餐，而且仲要係A5和牛！睇相就知道呢度嘅牛肉超高質，牛肉雪花分布多而且好靚，油脂分布平均，色澤呈鮮紅色，可見係高質新鮮嘅靚牛肉，而且師傅切嘅牛肉厚度啱啱好，食落口有口感之餘又可以做到入口即融嘅感覺，諗返都覺得正！另外最值得讚嘅就係職員會幫我哋煮埋，所以可以掌握烹煮牛肉最靚嘅時間👍🏻 食完牛肉之後職員仲會幫我哋落埋蔬菜去烹煮，職員建議我哋煮3至5分鐘就可以食，但係因為我哋比較鍾意食淋嘅菜，所以煮耐啲，食落超入味，建議鍾意食淋嘅菜嘅人都可以煮耐啲😉🤤

見到Openrice好嘅食評非常多，17 May 2022夜晚懷著期待嘅心情去試，換嚟嘅係一餐快餐級服務嘅惡劣體驗。《今次嘅慘痛經歷令我徹底明白，永遠唔好盲目相信食評》已經浪費咗一餐晚飯嘅時間同人均>$650嘅金錢，只係唔想再又人中伏，簡述經歷及評價如下👇🏻（希望呢編食評唔會俾Openrice滅聲）☞ 環境良好☞ 18:57入座，初頭有兩個相信係比較junior嘅侍應招待，態度良好☞ 19:03落單，19:15食物送到，其中一個junior侍應開始煮牛肉（牛肉一份共有6塊），連續煮咗4塊，食唔切，19:30要求先停一停再煮☞ 19:45惡夢開始。一個比較senior嘅黑頭髮侍應出現（另一個金頭髮嘅senior侍應態度相對較好），開始以潑婦聲線問可以煮得嘢食未（後來先知20:30有客要迫人交枱），當時回應可以，當佢準備戴手套時將手套跌落個壽喜窩度，但佢執返起諗住當無事繼續煮，直到我望住先晦氣問係咪要換過d汁☞ 19:50牛肉全部煮晒，佢立刻一次過將成個素菜盤、腐皮、獅子狗及烏冬倒入窩，然後拋低一句“滾起後幾分鐘就食得，到時有人幫你”就離開☞ 19:55滾起，到20:05都無人理會

一般日本餐廳嘅所謂壽喜燒，唔知點解都係有種港式味道，平價肥牛配埋唔鹹唔淡嘅湯底，食完仲慘過唔食。 壽喜燒癮起，決心貴少少都要幫襯高質日本味道。本來擔心鹿兒島黑毛和牛壽喜燒二人前只係得六塊牛，會唔會到喉唔到肺，但原來一片都有成塊面咁大，絕對夠晒滿足。到坐低都唔明咩叫棉花糖壽喜燒，仲以為講緊個肉質，點知驚見店員手法純熟咁卷左一枝棉花糖放喺鍋上面，開爐加完湯底，棉花糖就慢慢消失咗，幾得意。基本上見到和牛油脂嘅雪花分佈已經知道好食，店員輕輕掃兩下，僅僅熟嘅狀態之下點埋蛋汁一齊食，嫩滑到極點，牛味同蛋香喺口入面迸發出嚟，真心覺得好幸福。炸物都好有驚喜，秋葵、蓮藕、冬菇全部新鮮爽甜，外皮脆得黎好透薄，尤其海老超級鮮甜彈牙，咬落去就感覺到一梳梳厚實嘅肉質，物有所值。

店員不夠專業，幫忙燒牛肉時，好像不懂掌握技巧！怕佢燒壞塊牛肉，影響質素，另外，座位太高了，坐著不舒服，但已經是卡座！不能安心享受一餐壽喜燒！店員只是把牛肉燒給客人，其他配菜，烏冬，豆腐等全部倒下禍，像是關東煮！我想應該在menu加上壽喜燒及關東煮較為適合及明白。我們好有期望去的，就算是要求我們五點半到吃晚餐，都準時到達，但得不到如期招待。串燒牛舌，鰻魚味道一般。之前食評好好，好想去，但之後我們會選擇其他店鋪

棉花糖加壽喜燒究竟係乜嘢味？出於好奇心嘅我一於去十侍發掘下呢一個謎底！餐廳位於旺角位置旺中帶靜 要行入後巷再上電梯但一想到去見到餐廳嘅環境即時加分日系風亦都帶有暗黑嘅味道但成個感覺好舒服 環境亦都夠寬敞難得嚟到梗係要叫佢哋嘅壽喜燒但兩個人又驚唔夠飽再叫咗串燒同埋小食好快就已經上咗酒粉紅色嗰杯叫練Nari 絕對絕對絕對值得叫因為打卡非常一流 就好似小王子嘅玫瑰花一樣獨特而美麗杯酒比較重柚子嘅味道 女仔都應該啱飲另外一杯叫左蟬Semi呢杯反而薑味好重我最鍾意就係有薑味嘅whisky所以好啱我飲好快亦都上咗兩個小食分別有炸蠔同埋流心蛋食得出啱啱查因為仲係好熱辣辣流心蛋用咗蘭王 一切落去蛋黃流晒出嚟另外叫咗三個串燒分別有和牛雞肉同埋豚肉大蔥最鍾意食和牛 淡淡牛香 放落好好滿足嘅感覺好快亦都到咗今日嘅主角就係棉花糖壽喜燒實在實在太好食啦A5和牛唔會好肥膩 同埋用蘭王蛋點一點再加埋有一浸棉花糖嘅味道非常好食 兩個人就算食6塊都覺得唔夠好想再encore食完和牛就食埋壽喜燒由於已經朔晒成個湯汁好甜好好味食完覺得好有滿足感下次都一定會再嚟呢間餐廳再食

出左bonus,想去日本， 想食好野，又唔想太貴，咁你就要去依間。十待 棉花糖A5 和牛壽喜燒個名好長。不過係推介嘅。環境好高級酒店水準唔講以為係日本廢話小講，直接post 食物相semi $137推介嘅cocktail 之一餐廳自家制甘甘地，都算易入口。有小小薑味neri - $138餐廳嘅signature 打卡一流，甜甜地，好易入口廣島蠔好食，粉唔厚，蠔味好出炸流心蛋口感幾得意串燒有雞牛豬細心位有個爐幫你保溫烏冬個湯好飲，烏冬唔係cheap 野主菜 - 2人餐個set 就係跟依d 野。有個野菜盤，飯/烏冬，日本蘭王蛋鹿兒島A5黑和牛用棉花糖去煮個汁，幾得意打卡位staff 會再幫你煮d 牛靚到呢。。。香港食過最好食嘅和牛太多相post 唔哂。兩個人一千多d,就食到日本嘅風味

多謝朋友介紹先食到呢間咁高質嘅綿花糖壽喜燒！呢間鋪真係好有驚喜！本身見間鋪咁難搵有啲擔心，因為係要入後巷先搵到間lift上樓。點知一上到去就比個門口驚艷左，餐廳環境同啲擺設都好靚！侍應都有好禮貌，服務好細心，令呢餐飯整體又加左唔少分數。之後要講野食方面啦，今日嗌咗碗烏冬、少少串燒、綿花糖壽喜燒鍋同埋同朋友一人一杯野飲，每人樣都係好好食完全冇失望嘅空間！碗豚肉白湯烏冬湯底濃郁，啲烏冬勁掛湯，烏冬控必點！大蔥雞同大蔥豚肉卷串燒都係勁香蔥味，鐘意食大蔥嘅Foodie一定要trytry！呢間嘅和牛絕對係冇得輸，無論係串燒定壽喜燒鍋嘅和牛都完全喺我內心100分！啲牛勁滑，超香牛味，完全唔韌！只可以話果然係A5和牛，真係會令人上癮，淨係舊和牛已經令我想再次番黎再食過！招牌嘅綿花糖壽喜燒鍋更加係令我同朋友都覺得十分驚喜！侍應會喺客人面前將個綿花糖慢慢融入鍋再加埋調料整成一個綿花糖壽喜燒鍋，亦都會為客人料理埋啲和牛，再夾埋入客人個碗度。 呢個服務同埋視覺享受都已經令我覺得值回票價，再加埋咁出色嘅味道，只可以話係無可挑剔。野飲方面，我地嗌左一杯Cocktail（Neri）同一杯Mocktail。杯Moc

今次嚟到呢間新開嘅居酒屋雖然係旺角嘅鬧市中心 但係因為係樓上舖 所以唔會好嘈 lighting同環境都好chill而且裝修都好靚 好濃厚嘅日本氣氛特別一入到門口見到嘅大型武士模型既然佢個店名強調有棉花糖嘅A5和牛壽喜燒 咁當然要試吓啦 另外再嗌咗幾串串燒同埋cocktail 好貼心咁上串燒嘅時候會有一個細細地嘅炭爐 令到啲串燒唔會凍哂 有大蔥雞串 大蔥豚肉串同和牛串啲肉質全部都好嫩好Juicy 特別中意加咗大蔥 大蔥嘅微辣同爽口 惹味得嚟中和咗肉類嘅油膩感 炸黑豚肉外皮好香脆 炸粉唔會太厚 豚肉白湯烏冬個湯好鮮甜 再加埋炸蒜同蔥 味道更豐富終於到主角登場棉花糖A5和牛壽喜燒 全程都有專人幫我哋煮牛肉 所以絕對唔怕自己會煮到鞋晒 一開頭加咗棉花糖落去打卡之餘 令到成個湯底都更加甜 A5和牛果然名不虛傳 肉質超嫩 牛味好香 而且啲staff煮得啱啱好 再沾埋蛋漿 令到個肉味更加鮮甜而壽喜燒最緊要嘅就係個湯底 個湯底鮮甜得嚟 咸味適中 令到我忍唔住一啖一啖咁飲晒佢啲湯 Neri用咗citrus infused gin去調配嘅Cocktail好fresh 帶微微酒味 女士應該好鍾意飲嘅一款酒

終於可以一班人食飯，朋友仔帶咗我去一間裝修勁靚嘅壽喜燒，高質和牛，bling bling Cocktail，小油炸物，串燒，九龍區打咭熱點！而且原來棉花糖和牛牛都可以扯上關係，佢哋嘅Sukiyaki汁係用上我嘅棉花糖和自家製醬油，味道鮮甜獨特！米芝連級數壽喜燒「十侍」用上A5鹿兒島 黑毛和牛西冷肉眼，肉質鮮嫩，油脂分布平均配上日本蘭王雞蛋，CP值超高，係香港都食到日本味道！📍 十侍Juji - Cotton Candy Kagoshima Kuroge A5 Wagyu Sukiyai 1/F, Station 21, 21C Soy Street, Mong Kok

久違既堂食.上網揾到泥間壽喜燒專門店要馬上book台試吓.主打鹿兒島黑毛A5和牛(2人前$898）先用綿花糖起爐.絕對係打卡之選.🤳🥚係用蘭王蛋.店員會先用京蔥燒香個爐.之後會因應我地既口味而煮個和牛之後就會落埋個蔬菜盤落去煮🥬再追加左份豚肉($68)佢個醬油係1:1所以味道濃厚💯店員都細心同有禮貌既.不過臨最後埋左單就無人再理會過我地.希望下次再幫襯會有人同我講聲byebye啦😹🫣😜

之前見報道知道旺角新開左一間專食和牛嘅壽喜燒，最特別之處係加入棉花糖一齊，真係未試過，今日終於同friend嚟食，一解思鄉之愁。十侍主打和牛壽喜燒，入面用武士做主題，一入餐廳，就會見到大大個武士公仔，入面既裝修擺設都好有武士型格風。我哋叫咗一個雞白湯烏冬同日式脆飯團做前菜，之後仲試咗佢唔同嘅串燒，有牛舌、冬菇、秋葵、蓮藕。串燒係廚房先燒熟，之後會擺上個爐烘熱，等你邊飲酒同慢慢品嘗串燒。之後終於嚟到餐廳主打壽喜燒。壽喜燒由專人煮理，大家坐定定就食得。店員先放棉花糖，打卡影相一流。鹿兒島黑毛A5和牛，紋理又多又密，望落好高質，再放壽喜燒湯，再煮肉。佢仲配埋日本最高檔嘅蘭王旦，和牛真係好好食，十分亂腍軟，入口即溶，配埋蛋汁，雙重享受。之後再加入湯，連野菜盛盒一齊打邊爐，亦相當豐富, 有竹輪, 蟹柳, 菇, 豆腐。餐廳更有唔同嘅酒精飲品和Cocktail比你慢慢嘆。

因為疫情好耐冇出去食嘢啦！今次嚟到旺角嘅呢間棉花糖A5和牛壽喜燒專門店—十侍。簡單點評一下小店，好有日本格調，餐具亦好有設計感，店員很親切～首先講下前菜同飲品，前菜方面有蕃茄仔，飲品方面叫咗一杯cocktail同一杯梳打(菠蘿+檸檬+熱情果）。我哋都覺得好好飲🫶🏻之後係串燒🍢有雞肉串、牛舌、冬菇、蓮藕、秋葵等。另外最深刻嘅係燒秋葵！本身自己唔係特別鍾意，但呢度嘅秋葵燒得好好食😋雞肉亦都好多汁，整體嚟講好滿意👍之後就到重頭戲啦🌟就係壽喜燒！店員先俾我哋打卡，之後將棉花糖同壽喜燒醬融合。一定唔可以唔講嘅係鹿兒島A5和牛，唔單止係由店員親自烹調，A5和牛配上生蛋汁味道同口感都一流！肉質嫩滑，入口即溶，大家真係值得一試！之後我哋就慢慢食壽喜燒，裏面有獅子狗、蟹柳、豆卜同雜菜等等。壽喜燒醬同棉花糖嘅味道完全滲透食物，因此好入味。總括嚟講都係好滿意，完全冇令我失望😍唔單止可以打卡，食物嘅賣相同埋味道都係一流，店員亦都好有禮貌。