影片
更多
2022-05-31
15 浏览
見到Openrice好嘅食評非常多，17 May 2022夜晚懷著期待嘅心情去試，換嚟嘅係一餐快餐級服務嘅惡劣體驗。《今次嘅慘痛經歷令我徹底明白，永遠唔好盲目相信食評》已經浪費咗一餐晚飯嘅時間同人均>$650嘅金錢，只係唔想再又人中伏，簡述經歷及評價如下👇🏻（希望呢編食評唔會俾Openrice滅聲）☞ 環境良好☞ 18:57入座，初頭有兩個相信係比較junior嘅侍應招待，態度良好☞ 19:03落單，19:15食物送到，其中一個junior侍應開始煮牛肉（牛肉一份共有6塊），連續煮咗4塊，食唔切，19:30要求先停一停再煮☞ 19:45惡夢開始。一個比較senior嘅黑頭髮侍應出現（另一個金頭髮嘅senior侍應態度相對較好），開始以潑婦聲線問可以煮得嘢食未（後來先知20:30有客要迫人交枱），當時回應可以，當佢準備戴手套時將手套跌落個壽喜窩度，但佢執返起諗住當無事繼續煮，直到我望住先晦氣問係咪要換過d汁☞ 19:50牛肉全部煮晒，佢立刻一次過將成個素菜盤、腐皮、獅子狗及烏冬倒入窩，然後拋低一句“滾起後幾分鐘就食得，到時有人幫你”就離開☞ 19:55滾起，到20:05都無人理會
《今次嘅慘痛經歷令我徹底明白，永遠唔好盲目相信食評》
已經浪費咗一餐晚飯嘅時間同人均>$650嘅金錢，只係唔想再又人中伏，簡述經歷及評價如下👇🏻（希望呢編食評唔會俾Openrice滅聲）
☞ 環境良好
☞ 18:57入座，初頭有兩個相信係比較junior嘅侍應招待，態度良好
☞ 19:03落單，19:15食物送到，其中一個junior侍應開始煮牛肉（牛肉一份共有6塊），連續煮咗4塊，食唔切，19:30要求先停一停再煮
☞ 19:45惡夢開始。一個比較senior嘅黑頭髮侍應出現（另一個金頭髮嘅senior侍應態度相對較好），開始以潑婦聲線問可以煮得嘢食未（後來先知20:30有客要迫人交枱），當時回應可以，當佢準備戴手套時將手套跌落個壽喜窩度，但佢執返起諗住當無事繼續煮，直到我望住先晦氣問係咪要換過d汁
☞ 19:50牛肉全部煮晒，佢立刻一次過將成個素菜盤、腐皮、獅子狗及烏冬倒入窩，然後拋低一句“滾起後幾分鐘就食得，到時有人幫你”就離開
☞ 19:55滾起，到20:05都無人理會，唯有自助
☞ 到20:20，senior嘅黑頭髮侍應再次出現，提醒20:30有人訂座之後就立刻離開。當時本人一頭霧水，因為經Openrice訂座的T&Cs當中無註明用餐時間（當然不排除今晚爭執過後會立刻加入90分鐘交枱條款），入座時亦無講過要幾點交枱
☞ 20:25，senior嘅黑頭髮侍應於本人座位後面打爛一個玻璃樽，大量液體（相信係清酒）同玻璃飛濺，但當事人完全無悔意，仲嘻皮笑臉話“又係咁”，當然亦無關心周圍嘅食客有無俾玻璃割傷，或被清酒整濕
☞ 20:30，senior嘅黑頭髮侍應又再出現，用極不耐煩嘅語氣話“夠90分鐘，要交枱，有其他客人等緊”，終於按捺不住，問佢邊度有註明需要90分鐘交枱，佢話“經Openrice訂枱時有寫”。我立刻打開自己個booking，裡面完全無寫，而我亦喺佢面前示範用Openrice book一張新枱，都無顯示相關條款，然後我話我兩個人叫咗一個二人餐加四串串燒同埋清酒（總數>HK$1,300），你expect我90分鐘食完交返張枱俾你接下一枱？？？佢立刻黑面話“咁你都要埋咗張單先”
☞ 20:45離開餐廳，講完
總括而言，性價比咁低嘅餐廳我一世都唔會再去（只有牛肉質素尚算正常，其他所有食物不值一提）。奉勸有幸見到呢編食評嘅大家，諗清楚先好去，要嘥錢的話可以有好多方法，絕對無需要益咗呢間靠疑似打手寫食評嘅餐廳（以同類型/價錢嘅餐廳去比較，銅鑼灣Hana好100倍）
题外话/补充资料：
酒店價錢、快餐店質素、大牌檔服務（都不如）
(以上食记乃用户个人意见 , 并不代表OpenRice之观点。)
张贴