十侍 - 棉花糖A5和牛壽喜燒專門店

营业中

休息中

今日同朋友逛街，介紹我去試呢間和牛壽喜燒專門店，一入餐廳感覺很安靜，地方不大，但裝修很有格調。和朋友點了兩杯野飲 Tropical Sour和Matata, 我飲既系Matata,蘋果味道，入口感覺很清新，喉嚨很舒服。另外我們叫了燒飯糰和少許燒烤，見服務員拿來熱石爐，以為要自己燒，後來才知道食物已燒好，而熱石爐是為了暖住串燒，感覺很貼心。燒牛舌很厚很有嚼勁，但吃的時候不小心掉了一塊在檯上，服務員好好補回一塊給我們，燒烤小食中個人最喜歡的是燒蓮藕，很脆爽，好好味道。還叫了兩人份量的A5和牛壽喜燒 （份量好足 ）。服務員會幫我哋喺鍋中加入京蔥及醬汁，再放入棉花糖，等棉花糖中溶入醬再會幫我們燒好和牛，燒之前會問我們要幾成熟，我們選了七成熟， 當牛肉蘸上蘭王蛋蛋漿，牛肉好爽滑，味道極好！總的來說感覺很不錯，最值得一提的是服務員的態度非常好。

一直都好鍾意食壽喜燒 見到呢一間好似唔錯就特意試下同埋價錢都唔算貴 一個套餐包括A5和牛6片 around 350g 野菜拼盤(椰菜，獅子狗，油揚豆腐，冬菇，金菇，野菇，蟹棒，大蔥),有得揀烏冬or飯 同埋蘭王蛋2隻 $899 2人前， 食得日本嘢點少得啤酒呢！首先要讚一讚呢度嘅服務態度，侍應都好有禮貌，由帶位到離開都好好！ 會主動問你有咩需要，同埋會主動幫你烹調，會主動幫你refill啲茶！因為我哋根本就係衝着壽喜燒而來！所以好快都order左！嘢食都好快準備好！ 和牛都會有專人幫你煮！ 會問你喜好，(先生你會鍾意食生啲普通定係熟)，但係當然首先會比時間你打下卡先！好細心！會主動執好位比你首先會見到侍應放棉花糖喺個鍋到，當煮溶咗就會放壽喜燒汁上去，然後再根據你嘅喜好去烹調A5和牛！ 然後再問你將肉放喺碗碟定係已經打好咗嘅蛋上面！識食一定放喺蛋漿上面！ 當食完和牛就會再加水去整餘下既食材！ 食後感:A5 和牛好香牛肉味但略嫌較肥，會容易有油膩感，個人認為食和牛都係A4最好，連埋蛋漿一齊食好滑，當食完和牛之後因為都比較油膩，所以都歇息咗一陣先繼續食其他野菜，之後再食就放埋野菜拼盤落去，壽

估唔到旺角都開咗壽喜燒專門店，價錢比較相宜，仲有串燒同埋各種飲品。呢度嘅cocktail賣相好靚！跟住就梗係要食壽喜燒啦，壽喜燒用咗棉花糖， 味道甜啲，豐富啲。A5黑毛和牛睇個樣就知佢好食，油脂分布平均，近乎入口即溶，食三片已經好滿足！之後仲有好多蔬菜同烏冬，份量十足。跟住我哋眼闊肚窄，仲叫咗飯團同串燒😂😂😂 燒飯團細細粒，不過好好食，外面焦香。串燒質素都唔錯，我哋鍾意大蔥雞肉同埋秋葵。壽喜燒二人餐性價比高，下次可以再encore呀！

落雨濕濕冇嘢做，一於出去食下飯。嚟到呢間壽喜燒餐廳，都唔算好多人，環境幽暗，適合靜靜地食餐飯。呢度主要食壽喜燒同埋串燒，壽喜燒二人餐已經好豐富，如果再叫埋串燒就會勁勁勁飽😂呢度嘅壽喜燒最特別就係用棉花糖，令到個壽喜燒汁甜啲、香啲！A5黑毛和牛真係好正，油脂好豐富，入口肉質幼滑，好好味！之後就用個鍋嚟煮烏冬，都幾好食。串燒就要咗牛舌，唔係太厚肉，不過肉質幾爽，推介👍串燒蔬菜其實都幾好食，冬菇同秋葵都好正！ 再飲埋杯啤酒～ 好滿足呀！

棉花糖壽喜燒，打卡一流，店員亦都好nice會幫你擺得靚靚幫你影相。另外亦都有店員一對一幫你燒，牛肉方面建議唔好食咁熟，加上蛋非常滑溜好有牛味另外加咗一個炸串拼盤，包甜品，甜品雪糕亦都非常之出色。炸串方面有秋葵冬菇同埋吉列生蠔等等！有機會再試吓佢嘅串燒同埋 Cocktail。

因為太耐冇去過日本，所以有啲掛住鄉下。行開旺角，見到橫街有個招牌寫住十侍。好似標榜係一個武士主題嘅餐廳。所以就想去試一試。一入到間餐廳，就比個裝修吸引住，餐廳嘅裝修以黑色為主，令到成件事好有格調，好有feel。仲要播埋好chill嘅音樂，星期六日過嚟chill下都真係唔錯嘅選擇。同朋友食咗呢個餐廳嘅主打棉花牛。佢個牛係鹿兒島黑毛和牛A5。有陣時食和牛最怕係佢嘅肥膩感。呢間餐廳真係用料上乘，所以個和牛一啲都唔肥膩，真係入口即溶。呢間餐廳嘅特別之處係佢呢個和牛set係以棉花糖做底壽喜燒煱。壽喜燒本身就甜甜地，原來加埋個棉花糖都真係幾夾架。當然食壽喜燒就唔會少得啲野菜，同埋啲菇類食物。蔬菜吸收晒和牛同埋壽喜燒汁嘅精華。食完真係圓滿。

旺角依個咁旺嘅地方，都有隱世嘅餐廳😂😂😂😂講緊係station 21依幢大廈，😂😂😂如果唔係因為見到網上面推介間餐廳，我都唔會知道原來旺角有依幢大廈。呢度出名係串燒，仲有棉花牛。不過呢排成日食燒肉，所以唔想咁多肉。就叫咗串燒試吓。佢嘅碗碟感覺好高級😂芝士紫薯第一次吃這個配搭，想不到也很夾，芝士少少鹹味，配紫薯的甜味。🙈🙈紫菜燒飯團🍙紫菜脆脆地，加埋飯團本身已經有豉油味，仲有櫻花蝦，好好味。牛舌爽口彈牙，又有岩鹽嘅加持，醃得好入味。鰻魚爽口，魚皮超脆，鰻魚汁好味。雞肉普通的雞肉配上京蔥，也有另一番風味。仲有燒烤爐溫熱住串燒，好貼心。青檸mocktail 熱情果mocktail 兩杯酸酸甜甜，為我這一餐串燒畫上完美的句號。下次都會嚟試埋佢嘅和牛。

忙咗幾個星期呢日終於放假可以好好休息朋友帶我去食好西食棉花糖A5和牛壽喜燒聽個名都流晒口水🤤雖然位置有啲難搵喺內街入面但上到去又別有一番感覺門口既武士同日本燈籠令人有種錯覺以為去左日本入面燈光偏暗感覺好有情調仲有一大張bar枱 晚上嚟飲酒感覺應該幾chill串燒叫咗2款肉同3款蔬菜上枱時用炭爐keep warm食得慢都唔怕凍左 有油膩嘅感覺幾款都做得好出色牛舌爽口彈牙大蔥雞肉鮮嫩蓮藕、秋葵、冬菇都好fresh燒得剛剛好 唔會乾A5和牛壽喜燒棉花糖溶化一刻 非常IG-able有專人幫你燒 會先問你想食得生啲定熟啲和牛係鹿兒島嚟既A5和牛牛肉入口溶化 好滑好juicy湯底濃度亦剛剛好食所有配料都唔會覺得咸當中最鐘意佢個腐皮好少機會喺出面食壽喜燒會食到腐皮練Neri好有噱頭 打卡一流係呢到既signature飲起上嚟甜甜地 用Gin酒做主調有少少煙燻嘅味道好易入口朋友嘅十侍之森用whisky做主調佢都話果香好濃仲有egg white 好特別

呢間喺旺角壽喜燒我一直都好想去打卡，今次終於去到試佢個棉花糖A5和牛😍2人前壽喜燒set $898 上到黎超靚，型型木盒有6片鹿兒島黑毛 A5和牛燒之前店員會喺棉花糖機捲棉花糖出黎，再放入鍋加埋壽喜燒汁就將和牛放入去煮喇～ 你睇啲油花極豐滿霜降均勻，完全就係入口即化！牛肉加埋壽喜燒醬同蛋汁，人生完滿了另外個set仲連埋個季節野菜盛盒同手打烏冬或者飯野菜盒有豆腐冬菇金菇蟹柳竹輪卷、大蔥同蔬菜串燒5點上到黎仲連埋個小炭爐，咁就唔驚啲野食到中間就凍唔牛舌：用厚切肉味濃素三拼盤：有秋葵蓮藕同香菇豚肉卷：豚肉好香仲有個飯卷～都好好味仲有大家一定要試埋佢地既cocktail，因為都係超igable ga! 練 Neri店員將酒蓋住，再慢慢注入煙熏，過程超治癒，入面係有Gin/柚子同mix埋蔓越莓，味道會偏甜啲～ Tropical Sour 相比之下，另一杯Tropical Sour個酒味就重啲，因為個base係威士忌關係，再加埋熱情果檸檬汁同頂頭蛋白，入口好順滑～

呢間喺旺角嘅人氣壽喜燒專門店十侍，而佢哋有一大嘅特色，就係用好似雲一樣軟綿綿嘅綿花糖代替壽喜燒嘅糖，所以味道會更濃更香，而且打卡影相一流。二人前套餐包括六大片鹿兒島黑毛 A5和牛、季節野菜盛盒、自家製壽喜卷醬準、日本生食級雞蛋、手打烏冬/日本米飯。呢度嘅壽喜燒完全係由職員負責，我哋只係需要選擇和牛嘅生熟度，店員就會將嚟自鹿兒島嘅黑毛和牛一片片咁煮熟。佢哋嘅和牛係用上A5級，所以見到啲油花豐滿，霜降亦好均勻，食落完全做到入口即化嘅感覺，而牛肉仲沾滿咗壽喜燒醬汁嘅味，如果再蘸堆佢哋嘅日本生食級嘅雞蛋汁，入口會更加順滑之餘仲多添一份濃郁嘅蛋味。而野菜盒用料十足，入面有蟹柳、竹輪卷、大蔥、蔬菜、豆腐、冬菇、金菇等。店員會喺我哋將牛肉食完之後，會用返經已煮過黑毛和牛嘅壽喜燒醬汁嚟煮野菜盒，令野菜盒嘅食材除咗有香濃嘅壽喜燒醬汁嘅味道外，仲多咗一份嚟自和牛嘅油香香味，令人食指大動。而主食方面我哋揀咗手打烏冬，手打烏冬口感彈牙爽口，又夠掛湯，烏冬掛滿香濃壽喜燒醬汁，仲散發出陣陣和牛嘅油香，令烏冬嘅味道層次立馬昇華不少。串燒：佢哋嘅串燒會連埋個小炭爐一齊，咁樣可以Keep住串燒嘅溫度。牛舌用咗厚切，牛味

第一次去試食地點真係有點難找好在有Google大神餐廳在旺角鬧市中隱蔽的行仔內可能就是這樣租金沒有那麼高餐價實惠一些給客人，餐廳內部裝修有特色當晚點了2人前壽喜燒有專人為你服侍A5和牛嫩滑有牛味色澤鮮紅好新鮮配合日本蛋一絕還有配菜都好新鮮只係烏冬感覺一般不夠細滑，另再點了些燒物牛舌，大蔥卷，燒和牛，雞頸肉，牛舌夠厚夠香沒有騷味其他正常但燒物整體不是很夠熱，我們被安排坐在卡位但梳化太高坐上去吊晒腳古怪，冷氣唔夠食咗一陣已經出汗，希望餐廳往後這些細節有待改善，價錢合理食物質素好係一個滿意的晚餐期望下次好快再光臨

出去食人氣比較高既壽喜燒都要好早做booking，食完都唔係覺得有好大驚喜。而今次係旺角咁就腳既地方搵到間幾有特色既壽喜燒，佢係主打棉花糖壽喜燒。一入到去既裝修好有神秘感，環境都幾好，店舖都好乾淨。叫左個二人壽喜燒餐，先黎既飲品，好清新好refreshing，另外再叫左幾串串燒，串燒有個細爐燒住咁就可以保存佢嘅溫度，叫咗秋葵、牛舌、冬菇、蓮藕同埋雞肉。最好食嘅就係牛舌，秋葵冬菇蓮藕同埋雞肉都好正常。另外叫左隻炸雞蛋，第一次食都幾特別，係流心蛋嚟，唔錯唔錯。主角出場，見到塊牛肉咁多雪花已經吞咗好多啖口水，佢仲配埋隻生雞蛋俾你，配埋落塊牛度，更加滑，入口即溶，呢個感覺已經值回票價。食完牛之後仲有啲蔬菜類，好似打邊爐咁，今次就配左烏冬，配埋個壽喜燒湯底，好好味。最後，係一個好方便嘅地方食到咁高級嘅壽喜燒，仲會有人serve你，成個用餐體驗係舒服但係又唔會覺得好擠迫，而且塊牛真係冇得輸，與其又要排隊，又要booking，咁不如試吓呢間。

之前男朋友生日就已經想試吓席前壽喜燒，但無奈行程關係一直未有機會試到，今次終於早一個月前book定🤣是必要食到壽喜燒🍲。一推開餐廳門，已經有尊侍衛像迎接我地🥷🏻十分之有氣勢，隨即店員就嚟serve我地，即刻有賓至如歸嘅感覺🤵🏻‍♀️。🐒流心蛋💰$28揚物方面首先就黎左粒炸蛋🍳切開入面仲係流心蛋，外面酥脆得黎內裡既蛋黃依然係橙黃色🌞為呢餐打響頭炮。🐒牛舌💰$52🐒大蔥雞💰$38🐒素拼串(秋葵，冬菇，蓮藕)💰$58之後就黎左啲串燒配我地既Mojito🍹💰$68👉🏻蘋果，桃，檸檬梳打👉🏻 菠蘿，青檸，蔓越莓汁我地都唔知Bartender會調配啲咩飲品俾我地，我地只係需要要求想要咩方向既飲品佢就調配到出嚟🤩呢樣好surprising🍢串燒黎講牛舌係必嗌，而價錢黎講一啲都唔貴，過程中仲有小炭爐去keep warm，保溫之外仲唔會令串燒乾柴。🐒A5鹿兒島黑毛和牛肉眼/西冷(二人前~360g)💰$898👉🏻季節野菜盛盒(豆腐，竹輪，蟹棒，油揚，冬菇，鴻喜菇，金菇，娃娃菜，京蔥)👉🏻自家製壽喜燒醬汁👉🏻日本蘭王雞蛋2隻👉🏻真打稻庭烏冬/白飯終於到戲肉啦🤩係A5鹿兒島黑毛和牛呀！你睇下佢啲雪花❄️會唔會太犯

作為壽喜燒控嘅我，放長假第一日已經好有planning，一朝早就衝去一間旺角嘅棉花糖壽喜燒專門店🥰。其實咩叫棉花糖壽喜燒呢？我都未試過，真係比個名吸引左，感覺好新奇咁。 餐廳係樓上鋪，裝修有日本特色之餘，仲比較mordern。座位亦都有好多唔同選擇，有一般四人檯、吧檯同高檯， 仲有兩間好靚嘅private room，可以坐到4-8個人，有落地玻璃可以望到繁華街景，朋友聚會夠曬私密度。 呢度除左壽喜燒之外，仲出名食串燒同飲酒。日間係主打壽喜燒同串燒等日本料理，夜晚會變成酒吧形式，有各式cocktail、mockail同清酒，燈光同音樂都會比較relax，但一樣有食物供應。 串燒方面，所有串燒都係用碳火烤，好有風味🥰。而且佢地會喺餐檯放一個細細嘅爐，用黎暖住d串燒，咁樣就唔會食食下變凍，呢樣野真係好貼心👍。 ❤牛舌串燒（$52）牛舌厚度適中，外皮脆脆地，入面仍然保持軟熟多汁。 ❤大蔥雞串燒（$38）雞肉係用雞腿肉，肉質比較嫩滑，而且唔會癡肥肉，更加能夠保留碳火嘅香味。 ❤素串燒拼盤（$58）有蓮藕，秋葵同冬菇，全部都好大串，所以我覺得呢個素拼盤好抵食😋。最鐘意蓮藕串，因為特別能夠食得出碳烤

餐廳裝修設計好有日本風格，以武侍圖案配日式燈籠裝飾牆身。佢座位唔多，基本上得出面幾枱，另外吧枱，加埋兩間房，好岩朋友仔想靜靜地傾下計，位置好舒服，而且侍應隨時隨地為你服務，好高質服務。🆂🅷🅰🆁 🆆🅸🆃🅷 🆈🅾🆄 -A5鹿兒島黑毛和牛肉眼呢個二人前餐好抵食，有6片獨立包裝和牛片，而且就咁睇已經睇到好有份量同埋質素。店員係鍋裡面加入京蔥同埋醬汁，然後再放入一大球綿花糖，由於佢唔係好似平時壽喜燒好多糖，所以要用綿花糖提升甜味。超香牛味，食落去好淋身，肉質一試難忘。$898串燒佢地上串燒時，會有一個細炭爐，保持串燒溫度。我地叫炸帆立貝、和牛、牛舌、鰻魚，珠蔥豚肉卷，全部都好香炭燒味，全部都好有水準，充滿肉汁。🆂🅴🅴 🆈🅾🆄…📍 旺角豉油街21C號Station 21 1樓𝖂𝖊𝖑𝖈𝖔𝖒𝖊 𝖘𝖍𝖆𝖗𝖊 𝖞𝖔𝖚𝖗 𝖋𝖊𝖊𝖑𝖎𝖓𝖌𝖘 ✍🏻