十侍 - 棉花糖A5和牛壽喜燒專門店

营业中

休息中

好耐無得去日本啦，真係好排住係日本食到的好味壽喜燒！以前香港真係較少高質的壽喜燒，好多都只係得個名，完全同正宗無任何關係。但呢幾年多左好多間高質壽喜燒店，味道真係拍得住日本。🔸前菜 - 酒盜芝士「酒盜」的意思是好吃到要偷酒喝。發酵的吞拿魚腸加上芝士製成酒盜芝士，再配以餅乾食用，非常鹹香，食完的確好想飲番杯。🔸鹿兒島黑毛和牛A5壽喜燒 $898 (2人份)套餐芻括： 鹿兒島A5和牛6片、野菜拼盤、日本蘭王雞蛋2隻、稻亭烏冬/白飯(任選其一)⁠呢度既壽喜燒好特別，店員即場製作棉花糖，然後放係鍋上面溶解代替砂糖。和牛油脂真係非常靚，的確係和牛無得輸。 店員會幫手料理牛肉，所以唔洗怕自己唔識煮而浪費左靚牛。和牛肉質嫩滑，入口軟綿綿，配上日本蘭王雞蛋真的一絕。 食完牛肉就放入野菜和烏冬，吸收醬汁後十分入味，非常滿足。🔸串燒除左壽喜燒，呢度仲有串燒，一場來到決定叫幾串同朋友share食。牛舌、珠蔥豚肉卷、秋葵、冬菇、蓮藕，牛舌爽口彈牙，珠蔥豚肉卷好嫩滑。🔸巨蜂提子/蜜桃乳酸梳打高質既牛肉配上濃厚的壽喜燒汁，真係令人回味無窮。

太耐冇去日本旅行，真係好想食Sukiyaki，上網見到十侍嘅評論都幾唔錯，一於同朋友嚟試吓，睇吓啲質素點！呢度嘅舖頭位置都有少少難搵啦，去到附近要問下人先至搵到，上到嚟裝修都幾靚！上到嚟，梗係即刻叫Sukiyaki，比較特別，唔係用大量糖調味，而係用咗一舊棉花糖，溶解咗嘅糖分當醬汁，都幾特別！而Sukiyaki跟餐都會有一份烏冬，所以食落都唔怕唔夠飽！和牛嘅牛味都尚算可以！另外我哋仲叫咗啲串燒，食到有蓮藕嘅串燒！爽口脆身，都幾特別！之後我哋買咗兩杯酒！一杯係荔枝酒，入邊唔知點解有好多閃粉咁樣！好啱打卡，好靚！而另外自家製梅酒好好飲，細細杯，剛剛好！另外，我哋仲叫咗約小食，就係燒飯團，愛神好趣，又有蒜片加埋紫菜再嚟食！都幾特別，都幾好食！

黎到旺角，周圍搵吓嘢食，等咗好耐都唔知食乜嘢好，好少何喺旺角食日式料理，所以今次特登搵一間嚟試一試，咁啱搵到呢間裝修又好靚，好似幾唔錯咁！一嚟到，座位唔算好多，但尚算闊落，四個人你食嘅話就可以坐大卡位，都坐得幾舒服，如果兩個人嘅話就可能要坐高嘅吧枱。睇Menu來講，嘢食種類都算多，都要發一陣心思先可以諗到食乜嘢！呢度員工嘅人數有幾多，上啲嘢食都唔算好慢，態度尚算良好，如果笑容多番啲就更加好！我哋叫咗串燒，有蓮藕有牛舌秋葵等等，質素都算唔錯，有個爐比你興住啲串燒，因為太大冷氣而吹凍啲串燒，值得加分！而呢度最出名嘅就係食Sukiyaki，呢度嘅和牛都幾大塊，配菜都幾多，又有烏冬可以配！仲有蘭王雞蛋俾你點，都幾唔錯㗎！最後我哋仲叫咗個飯團，將長長嘅紫菜包住，都幾好食！最後我哋仲叫咗兩杯酒，一杯係荔枝Cocktail一杯係自家制梅酒！唔錯都幾enjoy！

朋友在OpenRice 見到，剛好在附近，見OpenRice 的餐單有壽喜燒，最平的二人餐要849元，其他百多元的餐也有，但是到店裡的餐牌感覺另一回事，除了壽喜燒是主食，其他無咩選擇了。但是800多每人分三片肉，我就拒絕了朋友要點這個。最後點了串燒加一碗白飯，兩人吃了一個不飽的午餐😅。服務員感覺足夠多，但沒有服務很到位，水都沒有給倒。肉有點油膩，應該是好的，但對本人來說沒有CP值可言。

今日朋友話帶我去食好西，有特式靚和牛壽喜燒同串燒食。餐廳位於旺角，環境舒適，即使今日係平日夜晚都比較多人，所以我哋被安排坐於bar枱。不過坐bar枱可以睇住即場調酒都另有一番風味。食壽喜燒前點左啲串燒填下肚先，分別點左芝士蕃薯、牛舌、珠蔥豚肉卷同大蔥雞，串燒仲要放係炭爐上面，保持住溫度，抵讚。特別推介牛舌，厚薄同韌度剛好。另外仲叫左燒飯團重頭戲係A5和牛壽喜燒二人前。佢用棉花糖起爐，視覺效果一流。和牛一上枱已經知係靚野，油脂同肉分布平均，和牛由店員幫手燒，唔需要擔心自己燒得唔好嘥咗件和牛。和牛加蘭王蛋，入口即溶，口感豐富，個口充斥着牛味，好正。和牛過後就到壽喜燒，野菜盛盒每樣少少份量岩岩好，加埋稻庭烏冬，好滿足。朋友的Gin酒同埋我杯水果特調餐廳無論環境同食物都一流，值得下次再嚟。

今日同朋友去旺角食飯，佢推介我去一間日本餐廳專門食壽喜燒，十侍 棉花糖A5和牛壽喜燒專門店。餐廳都好易搵，係旺角百老匯戲院後面，上到去門口有個一比一嘅日本武士擺設，好靚好有型。而餐廳入邊嘅裝修係日式格調，而且仲要好整潔，坐低好似去咗日本咁，感覺非常舒適。睇得出餐廳嘅擺設全部都係好用心，連一個杯杯碟碟都係好美觀。好有格調。棉花糖A5和牛壽喜燒，一盒A5和牛，有六大片，睇得出和牛每片都非常新鮮，而且脂肪比例非常均勻，仲要色澤紅潤一睇就知好嘢。店員先將棉花糖放入鍋中，再加啲壽喜燒汁，特別調製嘅燒汁可以中和返啲甜度，而且又食到棉花糖嘅香味。嗰汁調校好就將A5和牛放入去，己經急不及待好想食，牛肉等一陣已經可以食得，再加上日本蘭王蛋汁，入口牛肉味真係好香，有入口即溶嘅感覺，牛肉肉質非常嫩滑，加上脂肪比例均勻，令到牛肉味更加突出，而且蛋香慢慢滲出來，呢份感覺真係好幸福好好味。呢個壽喜燒真係好值得推介。燒牛舌，牛舌燒到剛剛好，而且仲保留到肉汁，調味得啱啱好，又香又好味。大蔥雞串燒 ，雞肉好滑，加上有少少焦香味，加埋大蒽嘅清新味道，配搭得啱啱好。

今日放工，約咗女朋友去旺角開餐，咁耐無出街食飯，女朋友指明要食餐好嘅，一於黎到呢間棉花糖A5和牛壽喜燒專門店。餐廳位於新落房的商業大廈，裝修有格調，燈光設計效果非常舒服。一坐低，先點兩杯野飲，我點了一杯青檸菠蘿熱情果Gin酒，味道調和得剛剛好，女朋友唔飲酒的關係，點了一杯蜜桃味水果飲料，非常清新。之後我地點了些少小食，有蕃薯、牛舌、牛像和豬肉串燒，串燒係炭爐上，食物香噴噴，很貼心，唔怕食物冷掉。仲點了兩個燒飯糰，十分好味。重頭戲當然係餐廳嘅招牌菜，侍應會將大大個棉花糖放入爐中，再幫我地煮A5和牛，大大塊，入口即融，好味道，要好好品嚐。最後係壽喜燒打邊爐，食物質素非常好，直頭啲湯汁全部都飲晒。推薦俾唔趕時間，想慢慢享受美食嘅人。

好特別嘅A5和牛壽喜燒店，餐廳嘅open kitchen 廚房有一部棉花糖機，職員會用即整棉花糖起爐，除咗好食仲有視覺上嘅享受。壽喜燒汁有少許溶咗嘅棉花糖嘅甜味，唔會蓋過和牛嘅牛肉味。店家採用日本鹿兒島A5黑毛和牛，每一塊會獨立咁包住，職員會即場整，A5黑毛和牛入口即溶，脂肪分布均勻，牛肉味非常濃郁，沾埋蘭王蛋漿食，一大享受😎食完和牛之後，會有埋精選野菜盤，配埋手打稻庭烏冬或者日本珍珠米食。野菜用壽喜燒汁滾起，仲食到少少牛味，食埋野菜盤剛剛好夠飽。餐廳裏面嘅座位好少，佈置方面梳化位後邊有啲日本特色燈，想去嘅朋友記得要預早book位。

今日特登約朋友去旺角行街睇戲，喺旺角睇完戲都差唔多六點，係時候搵啲嘢食，上OpenRice望吓有咩好嘢食，喺附近都唔使1分鐘路程搵到間日本餐廳非常之吸引，即刻同朋友去試吓。地址喺旺角豉油街21C號Station 21一樓十侍 棉花糖A5和牛壽喜燒專門店。上到去餐廳裝修好有日本風情，完全好似置身於日本一樣，坐喺餐廳度感覺真係好舒適，連杯碟嘅擺設都係好有心思好精細，值得一讚。首先帶咗啲串燒嚟食下，串燒燒到好香，而且前面有個爐保溫，餐廳真係非常細心，燒牛舌就係我最鍾意食，牛舌入口多汁牛肉味香濃，又爽口，一食就知道新鮮好味，另外嗰個燒蓮藕都幾特別，蓮藕燒到好香脆入口爽甜，另一番味道。重頭戲就係A5和牛壽喜燒，和牛入口即溶，牛肉味非常香濃，而且肉汁豐富，加上有少少牛油嘅脂肪，令到牛肉味更加香。真係好好食，配埋日本嘅蛋汁撈埋一齊食無論味道同口感都係一絕。喺香港真係好難食到咁好味嘅壽喜燒，好值得推介。練 Neri 杯酒賣相真係好吸引，首先將杯酒蓋住，再慢慢熏香，令到杯酒有一個熏香嘅味道，而且亦都唔會太濃，入口甜甜地，好飲👍

我地一行7人訂了坐房！本應因有朋友生日會送蛋糕。當日去到已經連wellcome drink都問幾次都當聽唔到消失了，食到最後因有朋友買了蛋糕黎，所以同侍應講一齊上，但上時只得朋友買的，再問之下竟然答送哂，我地食17:30都送哂！再問之下就送2份雪糕！後期夠時間交房結賬，我地問雪糕未到，侍應竟然好鄙視同其他人講……要雪糕呀！最後送上一小杯雪糕了事！我地是否真的做錯受到這樣的對待，我地消費左$7500元都係這樣

今日黎食bookmark左好耐既壽喜燒，裝修係比較西式風格，燈光有啲暗，有啲似bar咁叫咗幾串串燒食，店家好貼心，會配上一個爐去保持溫度，秋葵好脆無草腥味雞肉大蔥串，雞肉燒得好嫩滑，值得推介！跟住就黎到今日既重頭戲，叫左個棉花糖壽喜燒兩人餐！先將棉花糖放入鍋然後再加上濃郁嘅壽喜燒汁，未食已經聞到好濃郁嘅壽喜燒味，食前先將蘭王雞蛋🥚攪拌，呢度既侍應係會serve你的，會先問你A5和牛想要幾成熟，我就比較鍾意rare d，所以和牛放係鍋內稍為燙一燙就食得！A5和牛來自鹿兒島，油份比較多，所以肉質最軟腍鬆化，入口即溶，呢個壽喜燒同平時食既有d唔同，帶有一點甜味，但唔會覺得好膩，食完和牛就食其他配料，烏冬吸晒壽喜燒汁嘅味道，好正，夠哂滿足！

今日同男朋友上網見呢間新開，就黎試下位置方便，闊落有酒飲既餐廳，有whiskey,啤酒，cocktail等等網上見人推介食串燒，就試下雞肉蔥串，廚房燒完先拎出黎，都熱牛舌，幾好食蓮藕，冬菇，秋葵唔乾，蔬菜唔錯，幾健康蓮藕爽口，燒秋葵幾特別，雖然唔係人人都食，不過真係好健康㗎冬菇外型幾靚上網見人食燒飯團，又試下紫菜冇淋，飯團幾實淨嗌左兩杯酒asobu 同hanabi幾特別小鳥胃既我地，叫左一人份量壽喜燒，有2片牛，烏冬同雜菜，輕嘗棉花糖壽喜燒

放工黎到旺角，朋友話有間新開餐廳，就同男朋友黎試一試，入到去環境都ok, 有個日本武士，幾威武估唔到有串燒食，即刻嗌幾款先有蓮藕串燒、冬菇串燒、秋葵串燒三樣都係比較特別嘅串燒，雖然係蔬菜，但都好好食呢通常冬菇都係湯食多，第一次食串燒，唔錯架食完蔬菜就食下肉，雞肉大蔥串燒，牛利串燒兩隻串燒都幾好食比較少見嘅燒飯團正在溶化嘅棉花糖壽喜燒湯底我地share食一人前，一人有一片牛，另外仲有烏冬同雜菜另外仲嗌左兩杯飲品，個飲品名幾特別，一杯叫Asobu, 另一杯叫Hanabi亦都好啱打卡，幾特別

食物：鹿兒島A5和牛二人餐棉花糖喺隔離即刻整出嚟，幾有gimmick!擺個陣出嚟好適合打卡～個牛方面，脂肪多，好膩好肥，冇牛味。左邊隻蛋爛咗都拎出嚟，唔太好睇點落啲蛋度，本身嘅壽喜燒味會冇咗Btw呢啲好睇個人口味，同行朋友表示好食《春季》cocktails 好飲，開胃！but食灑啲牛先上，等得有啲耐服務：Waiter喺你面前煮，你食緊第一塊佢會行開，隔一陣又行過嚟煮。煮俾我嘅店員咁啱係黑口黑面的，好趕客，行埋邊又除口罩，成日唉聲嘆氣，關我咩事，幾影響食飯mood。

好耐無食壽喜燒啦！今次嚟到呢間「十侍綿花糖A5和牛壽喜燒」以綿花糖做主題夠晒特色，非常打卡able。地點都有啲難搵，大廈入口在隱蔽的行仔，餐廳唔係好大間，裝修設計是日本風格，武侍圖案同日式燈籠做裝飾～💟鹿兒島黑毛和牛A5壽喜燒 （二人前）$898🔅鹿兒島A5和牛6片 西冷/肉眼🔅季節日本野菜拼盤🔅自家調製壽喜燒醬汁🔅日本蘭王雞蛋2隻🔅真打稻庭烏冬/米飯即埸製作綿花糖，然後放在爐上，店員會知相機食先，會俾返啲時間我地打卡😆然後倒入壽喜燒汁，棉花糖中嘅糖份慢慢融化，過程好睇又新奇😍用綿花糖更加香甜香濃😋有專人會幫你燒，想食得生啲定熟啲隨你喜歡，和牛油脂分佈均勻，肉質細緻雪嫩，呈現「霜降」狀。我要咗5成熟，沾上蘭王蛋汁一啖咬落去「嘩！好好食呀！」心裏面說了出來🤣加蛋汁更細緻幼滑，入口即溶，牛肉香氣濃郁😋好想自己一個食晒6片，唔係好夠喉🤪食完牛之後仲有野菜拼盤，份量都唔少，加入水和壽喜燒汁，好似打邊爐咁，吸收咗和牛同埋壽喜燒汁嘅精華，好好食🤤💟串燒嗌咗和牛$68、鰻魚$48、芝士番薯$32。會有個炭爐俾你，食落好香炭燒味，不過份量好少，感覺唔抵食😣鰻魚硬身咗少少，但都好香口，芝士番薯如果知道用