CHEF STAGE de Eddy Chu (已結業)

等到頸都長 限聚令終於放寛左小小 開返晚市堂食🥳藉著生日月仲未完結 好好甘獎勵自己 搵間高級餐廳嘆返個 DINNER先❤️呢間位於尖沙咀亞士厘道既一間樓上鋪西餐廳 網上好評如潮 我不禁對佢既期望極高🤗所以早2日已經電話預訂座位 訂左第一輪時間18:00-20:00🙂準時到達 店員安排座位迅速👍好好彩可以坐近窗邊位置 讓我可以邊嘆住美食邊飽覽維港夜景 太幸福啦😍我點左《五道菜套餐 》包含:有2款前菜, 1個餐湯 主菜方面:有十款供大家選擇(每款主菜都是不同價格)主菜我點左燒澳洲羊鞍 最後跟餐奉送一款是日甜品😋跟餐優惠我仲加點左個海鮮冷盤😎平民化價錢 我仲可以睇住日落靚景等起菜 超值👍呢一刻我完全係❤️❤️眼😍。 前菜: 乳酪鮮蝦芒果沙律 沙律菜新鮮清甜 醬汁方面唔係好覺得有乳酪味道 似普通沙律醬多啲 不過酸酸甜甜甜 幾開胃😅 前菜:清酒蟹肉日本年糕 平時唔係咁鍾意食日本年糕嘅我 今次竟然成碟食曬 醬汁方面用左我最中意既忌廉和洋蔥煮成 味道偏鹹配合淡而無味的年糕剛好👍。餐湯: 黑松露蘑菇湯 蘑菇味極濃郁 蘑菇粒有大有細 口感極佳 。主菜 燒澳洲羊鞍 (HK $528)我選了燒五成熟的羊鞍 大廚

之前一直都有朋友介紹呢間餐廳話好好食，一直都冇乜機會可以去試吓，今日難得出咗糧，一於好好咁恚怒下自己，慶祝吓先😌環境: ❤️❤️❤️❤️餐廳環境成個感覺幾整齊乾淨，地方小店嘅格局，不過依然有個大玻璃可以望到遠處嘅維港景色！加上夜晚出面面有嘅燈光好靚所以成個餐廳嘅氣氛都好好😉食物:❤️❤️❤️❤️❤️叫咗一個$1488嘅精選二人餐呢個套餐好抵食，入面仲包咗好多嘢！！有一支紅酒，蒜蓉包🤤海鮮拼盤入面有好多海鮮，我最鍾意佢嘅生蠔，好飽滿好鮮甜🤤🤤🤤有兩個main course可以揀，我就揀咗澳洲羊鞍，呢個樣好香嘅羊味，而且好大塊，鍾意食樣嘅一定會鍾意！另外仲叫咗慢燒美國牛肉眼，呢個牛肉眼超入味超林！口感超好！

好朋友帶我到一家別緻的西餐廳。餐廳位於商廈19樓. 餐廳的景緻不錯，座位沒有太逼狹，感覺開揚。午餐有八款選擇，有扒、意粉等主食、沙律、餐湯、甜品和飲品，價錢由$158-$198。沙律十分新鮮，加上軟滑吞拿魚肉，味道唔錯。餐湯是蕃茄海鮮湯，湯汁順滑，富有蕃茄的的酸香，又有少少蝦肉，稠度剛好，唔會太稠太膩口。烚雞胸配松露扁意粉$158這扁意粉口感滑溜又有陣陣松露香，加上烚雞胸，輕盈滋味，朋友説不錯。帶子鮮魚柳配磨茹薑味湯$168這道菜十分低脂輕盈。魚柳已經去骨，烚魚柳十分軟滑，加上磨茹薑清湯，是淸淡風味，但不失魚鮮味，而那帶子十分嫩滑厚肉，加埋蕃茄，十分清新。咖啡味道甘香，沒有酸味。而那tiramisu 旦糕細細件，味道香甜，滑溜溜的，倒也不錯。

今天經過尖沙咀和朋友吃這一家餐廳。磯煮鮑魚已醬汁慢火炆成，肉質鮮嫩亦有彈牙口感凱撒沙律配燒雞肉 $128凱撒沙律非常新鮮， 燒雞肉香滑原板加拿大鮮海膽配香蒜包及日本青芥末汁 $198平常吃海膽也是吃日本的，今次是第一次嘗加拿大的。原來加拿大的海膽是非常濃海膽味， creamy, 配上香蒜包，一軟一脆，口感非常特別。米酒薑味煮鱸魚柳 $168魚柳又林又香滑，完全沒有骨，魚香肉滑帶有薑味，底下還有羽衣甘藍，蘑菇和蕃茄。慢燒美國牛肉眼300克 （Medium)慢煮肉眼扒的份量很大，五成熟我認為剛剛好，粉紅色的肉非常香嫩而重牛味，肉帶點筋， 嫩滑可口。朱古力心太軟配雲呢拿雪糕 $88香脆的朱古力心太軟外層，切開會有流心朱古力， 朱古力味極濃厚，雲呢拿雪糕香甜日本原隻蜜桃雪葩 $88原隻蜜桃配上雪葩，蜜桃味濃郁，入口即溶

哩間餐廳景觀十分之靚可以望到繁華嘅尖沙咀之外仲望到對面海我哋6點嚟到 可以欣賞到日與夜之美☺️而美食係由前酒店大廚Eddy Chu主理食物味道令人驚喜👍🏻.今次我哋揀咗5道菜套餐及海鮮拼盤：🔸乳酪鮮蝦芒果沙律、磯煮鮑魚芒果香甜，鮮蝦爽彈，乳酪酸甜，用嚟代替沙律醬好開胃同健康。磯煮鮑魚❤️好好味！醬汁已經入哂味，而且鮑魚好彈牙，一啲都唔韌。上菜時跟了冬陰功汁，不過我覺得唔洗點汁已經好食！.🔸海鮮拼盤（+$288）👍🏻有海蝦、生蠔、磯煮鮑魚、帶子、青口，海鮮都好鮮甜美味，拌有青醬、冬陰功汁、白麵豉蜜糖汁，可以以個人喜好蘸點。生蠔係來自愛爾蘭，蠔味幾濃、味道很鮮。而我十分鍾意❤️帶子配白麵豉，咸香中帶有蜜糖嘅甜，好好味！.🔸黑松露蘑菇湯超級濃郁嘅蘑菇湯，入口啖啖蘑菇粒，湯質順滑，好味。.🔸蟹肉粟米南瓜湯👍🏻👍🏻但我更喜愛哩一款湯，南瓜同粟米都打到好滑身，口感creamy，南瓜同粟米味都好突出，又有蟹肉嘅鮮。樣子平凡但好好味。❤️❤️.🔸清酒蟹肉日本年糕醬汁帶有粟米同白酒味，拌以一絲絲嘅蟹肉，味道好鮮香👍🏻！每人每碟都有4件年糕，口感煙韌，食到哩度我已經開始感覺飽，但樣樣嘢都咁好食，又想繼續食😂。.🔸美

辛苦了一整個月，當然要食好啲。上網見Chef Stage有很高評價，當然要來享受一下。餐廳安排了我們坐在看到海景的靚位置，當然要和老公瘋狂打卡啦~磯燒鮑魚凡經網上訂枱，餐廳便送兩碟機燒鮑魚，配冬陰功醬，冬陰功醬味道不太辣，第一次以冬陰功入醬配鮑魚的吃法感覺新奇，但又出奇地夾。是日靚湯:西芹薯蓉蟹肉湯和黑松露蘑菇湯黑松露和蘑菇味道本來就是很夾，這個湯濃稠適中，黑松露味濃。蟹肉湯味道鮮甜，真材實料，啖啖都有蟹肉絲。清酒蟹肉年糕年糕本身沒有任何味道，但這個清酒蟹肉年糕卻烹調得另有一番風味，帶點清酒味，感覺特別。雜海鮮雜海鮮扒味道超讚，色香味俱全，從上枱一刻開始，海鮮味價撲鼻而來。三大隻肥美青口，青口肉厚鮮甜。魚扒煎得香脆，魚肉嫩滑，不加檸檬 也不帶腥味。帶子爽口，煎得香脆入味。大蝦超鮮美，蝦肉容易分離，肉質爽口彈牙。還有一隻 美味鮑魚，肉厚彈牙。 還有蕃茄，薯蓉配料， 美味又飽肚。慢燒美國牛肉眼牛肉眼目測應該有300g，七成熟的牛肉眼，肉質仍然是紅紅的。牛肉眼肉質細膩，由於牛肉眼的脂肪含量很高，吃起來香甜多汁，口感很好。 基本上都沒有醮它那小蝶的燒肉醬汁，味道已經夠豐富了。這個套餐還包括了甜

數月前，朋友邀請到這間餐廳晚餐，留下良好印象！ 對這裡的食物味道和服務水準都很欣賞！ 今天有機會也帶太太來一試！ 上次是吃晚餐看夜景，今次吃午餐看維港海景和街景一樣的心曠怡！點了两份Set Lunch 加一份二人海鮮盆 $ 176，沙律～蔬菜水份十足，很爽脆非常新鮮！是日餐湯，周打海鮮湯熱辣辣的！香濃鮮味！很多蟹肉，足料！熱呼呼的蒜茸包又香又脆！最令人回味的海鮮盆！每樣都鮮美優質！日式磯煮鮑魚夠入味又脆口，嫩滑帶子配日式甜味麵豉醬汁很特別！蠔杯深深的，蠔肉軟滑爽甜！燒美國牛肉眼扒 $ 198表面燒得又香又脆！肉質甘香嫩滑，底層的紫薯蓉軟滑香甜！蝦肉聖子配蟹肉白汁意粉 $148意粉富彈性口感，海鮮和醬汁充滿鮮味！精緻的甜品～Terimisu一口一件，又香又滑！太太也讚 Very good！很欣賞食物製作的一絲不苟！性價比高！服務好，是一間不可錯過的餐廳！

說到慶祝，這間餐廳的景觀、食物質素和份量完全符合我們的要求。落地玻璃窗外是維多利亞港的景色，在晚上八時正，還能看遠處的燈光匯演。在燈飾映下吃高級西餐，特別有格調。我們早到，便能在這靜觀由黃昏轉至晚上的景色，七時半過後，餐廳內都坐滿了人。 店員先端上冷盤——一隻鮑魚，新鮮爽口的鮑魚令我們更期待這裏食物的水準。鮑魚配上微辣的醬汁，更突顯其鮮甜味。再來乳酪鮮蝦芒果沙律，爽口鮮蝦，加上澆上乳酪的沙律，令人胃口大開。然後點了兩個五道菜套餐。加了一個海鮮盤(+$288)，海鮮——鮮蝦、青口、愛爾蘭生蠔和日本帶子拌着各種不同的醬汁。我尤愛青綠色的香草汁，配上任何海鮮都十分適合，能帶出海鮮的鮮味。主菜鮮鱸魚柳配日本帶子($498)，鱸魚比之前煎得更香口，完全做到皮脆內軟而多汁的效果。魚肉量多而不帶骨，每一個部份都煎得十分均勻，配上黑椒醬汁，更能帶出魚肉的焦香。鱸魚上的巨型日本帶子非常厚肉，外層輕煎，軟腍中帶爽口。旁邊的一球紫薯蓉頗綿滑，而羽衣甘藍也做到香脆鮮綠的效果，整碟不論主菜魚還是伴菜蔬果等都有甚高水平。友人點了一個四成熟的美國牛肉眼($578)，一向點五成熟牛扒，四成熟還是第一次。伴菜與鱸魚那碟

海鮮拼盤Irish oyster－甜甜地，有淡淡海水味，不錯的頭盤麵豉醬帶子－出奇地好夾，有驚喜蝦－用到墨西哥辣椒調整成個三汁，個汁少少辣，少少刺激，酸酸地好正，惹味鮑魚一好冧好正Aspragrus seafood soup - 一黎到聞到超香，通常西餐湯好杰，但依個唔係，好易入口，但淡淡海鮮碎日本年糕-煙銀，個汁令我改變對年糕無味或過濃睇法法式田螺－好香香草味，中間脆，薯蓉都唔可以放過，中間有少少薯粒，有咬口羊架配紫薯加羽衣甘藍－又改變我對羽衣甘藍睇法，一啲都唔苦，羊架好冧好入味，即唔會過老肉眼扒甜品tiramisu －士多啤梨汁好好味, 擺盤靚有個小心思大家一定感受吓熱盤碟係好熱，冷盤係凍，咁樣就可以keep住食物嘅溫度服務亦很貼心，解釋每度菜，同會睇吓我哋嘅進度先上下一度菜，唔會催趕我哋。我覺得特別日子可以揀依間，而lunch性價比高，又位於高層，可以稍稍見到維景，最鍾意佢喺客人進店食區全用玻璃窗設計

聽說這兒環境舒適食西餐可以望到維港， 香港人就最想有呢啲嘅享受，不用去什麼高質嘅地方也能享受到，食住個lunch能享受下維港就係可以舒舒服服咁簡單呢！環境好開揚，入門口左右兩邊都可以望到成個維港㗎，侍應生好有禮貌招呼。lunch套餐有五度菜呢！田園沙律/雜菜湯蒜蓉包/主餐/甜品和飲品還可以加優惠價便有海鮮拼盤$88有鮑魚/日本帶子/鮮蝦/愛爾蘭生蠔/青口還有兩款醬汁配搭，香草汁和冬蔭功汁， 冬陰功微辣酸甜，香草汁味道很特別，香草味好清香清新，原來配海鮮係一流呢！讚香燒原條鮮魚$188香燒原條上黃立鯧，好大條啊！好似仲響隻平底鑊燒烤燒烤咁！好有心思， 兩面煎得好香，外層魚皮脆卜卜 魚肉很滑，實肉有少少鹹味，熱辣辣食到停不到口，廚師手勢一流，再配埋綠色香草嘅醬汁好配呢！食魚我用慣筷子今次是用刀叉食，感覺好不一樣，而且不是配飯喎是配芋頭蓉甜甜地好特別呀。讚紐西蘭羊鞍$188七成熟啱啱好有啲羊騷味，肉質嫩滑好juicy 兩大隻好肥美，煎得好金香，配菜都幾豐富，芋頭蓉甜甜哋！代替飯感覺好飽肚。最後甜品和咖啡~~意大利terimisu 細細粒容易食，味道清新配咖啡是最合拍的甜品，滿滿的享受。

因為疫情關係，已很久沒有約閨蜜外出食飯，今晚一於帶她來試試這間由星級廚師Eddy Chu主理及有超級靚景的扒房！餐廳主要分兩區，一邊是無敵海景，另一邊是開揚樓景。海景更可享受日落景色，份外浪漫！ Five Course Set Dinner 選擇豐富， 款款不同價錢；還可另加$288 Seafood Platter 海鮮盤。乳酪鮮蝦芒果沙律Prwan of Mango Salad ，有機沙律菜及大蝦新鮮味美， 酸酸的乳酪配上甜甜的芒果令人食慾大增！黑松露蘑菇湯Mushrooms & Black Truffle ～細碎蘑菇粒令口感豐富，輕盈幼滑的黑松露味道令人難忘！Soup of the day 是蕃茄薯仔湯～蕃茄香氣撲鼻，啖啖新鮮蕃茄蓉及薯仔粒，味道超 fresh!! Surprised!!! 每位客人都有一件Complimentary黑椒雞翼，雖然是免費的，但賣相精美，皮香肉嫩，黑椒惹味非常 ! 第三道菜是清酒蟹肉年糕，醬汁非常creamy，年糕軟綿綿，吸收了醬汁精華軟腍入味！主菜出場～ 慢燒美國牛肉眼US Beef Rib Eye ，300g的肉眼扒以慢火燴煮而成(Medium d

收工與好友Happy Dinner，朋友推介了這間尖沙咀樓上餐館，旺中帶靜且擁有無敵靚維港景😍真係由黃昏食到天黑。食物大大份非常有水準，宣傳期內每位客人更送贈磯燒鮑魚配冬陰功醬一客，鮑魚彈牙凍食，冬陰功醬汁香口特別，完全無想過可這樣配搭😋五道菜套餐終於起動，前菜兩道先來清新開胃的乳酪鮮蝦芒果沙律，再來煙韌嚼口的清酒蟹肉日本年糕。黑松露蘑菇湯味道超班，每一口湯都充滿碎蘑菇粒，香濃可口質感十足。慢燒美國牛肉眼份量大得驚人，一上枱我和朋友都嘩了一聲😂牛扒7成熟嫩滑有肉汁，牛味特別濃郁而且無筋，配菜方面也特別採用了芋頭蓉，出奇的綿滑易入口👍🏻鮮爐魚柳配日本帶子，爐魚兩大塊火喉夠，帶子是特大Size，外熟內半生的有刺身感。其實已經很飽，但看到咖啡蛋糕及檸檬芝士蛋糕如此可愛，女士第二個胃立刻把甜品吃掉了🙈 特飲現在是買一送一的，當日是蜂蜜柚子梳打，消暑解渴大大杯抵飲🍹全晚服務員都友善體貼，是個非常愉快的用餐體驗，很適合情侶們來約會。

今晚係同老婆嘅結婚周年紀念所以就選擇左間比較好嘅餐廳同老婆慶祝一下咁啱之前喺YouTube度睇到一位大廚教人哋煮飯再睇一睇原來呢一位Eddy就係開咗呢一間餐廳所以今晚就嚟到去處理嘅餐廳度試一試佢嘅手勢我哋選擇左呢一款精選五菜套餐首先頭盤就有乳酪鮮蝦芒果沙律估唔到乳酪再配合埋沙律仲有新鮮嘅鮮蝦非常之咁出色非常之咁開胃另外我哋仲加錢要咗一款海鮮拼盤入面有大蝦鮑魚青口生蠔帶子 而且入面仲更加有泰式辣汁墨西哥汁仲有蒜蓉汁非常之咁出色餐湯方面我哋選擇左黑松露蘑菇湯是日精選餐湯椰菜花蟹湯首先蘑菇湯非常之咁香濃再加入淡淡的黑松露味道令人哋帶舉手指公另外呢個椰菜花蟹湯都非常之咁出色而且蟹肉仲係一疏疏用匙羹可以不喜食到嘅再配合埋椰菜花清新嘅味道啊令到呢個檔更加清新令人哋飲完仲更加開胃之後仲有另一款就係清酒蟹肉年糕估唔到連年糕配合埋清酒係完全唔會有箇中好油膩嘅感覺再加埋蟹肉更加係美不勝收最後主菜我選擇咗燒澳洲羊鞍我選擇了三成熟廚師處理得非常之好入面仲係紅紅地而且肉質非常之咁好完全唔會有讓蘇媚到再配合埋薄荷將簡直令人地想encore多一份另外我哋都選擇左橡果級黑毛豬肉黑毛豬嘅肉質有份非常之豐富切落去唔單止仲

西芹薯蓉蟹肉。好難嘅西芹味，食落有少少西芹花嘅咬口，淨係感覺幾篇面有少少薯仔嘅口感，仲有一大舊蟹肉。黑松露蘑菇湯好重黑松露味，飲落有啲蘑菇嘅說說粒粒咬口，蘑菇好靚好味好難好好飲。整體感覺十分不錯因為好夠熱。磯煮鮑魚 送嘅 open rice 預早book鮑魚隔離嘅汁有少少辣，感覺有啲似芥末。大蝦芒果沙律，有粟米，用咗油醋汁，有蕃茄仔，好新鮮清酒蟹肉日本年糕，年糕好有咬口。清酒汁配上洋蔥感覺冇咁肥膩，好清新。新鮮鱸魚配大size ，L size嘅帶子。條魚係街市新鮮交貨過嚟嗰啲，而唔係雪藏嗰種。煎得好透，有兩條，魚皮煎得香脆，魚肉好鮮味唔會有雪藏過嘅感覺。黑毛豬同埋菠蘿一齊食，仲有羽衣甘藍豬肉本身好濃嘅豬味，近乎係平時食西班牙火腿嗰種豬嘅味道嘅香濃，不過就冇火腿嗰種鹹同埋油膩嘅感覺。豬肉嘅肉質同脂肪比例都幾均勻。因為佢本身係食橡果嘅黑毛豬，即係西班牙最出名嘅火腿嗰種豬。菠蘿同紫蘇葉一齊食有一種前所未有嘅感覺，平時我係唔食紫蘇葉嘅，但係加埋菠蘿一齊食有一種開拓新天地，新滋味嘅感覺。羽衣甘藍稍為煮一煮過，因為生食會好硬。有一舊角煮蘿蔔，煮得好琳，好有日式嗰種關東煮嘅感覺，好入味。甜品係摩卡蛋

今晚老友約咗我食晚餐，難得大家收早， 6:00就到左約定地方，Chef Stage by Eddy Chu呢間餐廳位於尖沙咀嘅樓上餐廳，lift門打開, 一入去就另一番天地。對住美麗嘅尖沙咀海景，坐低先飲杯嘢。望住美景，真係感到更舒適，好嘆！食物方面，真係要讚一下，無論外觀、食材用料、味道、創意都係喜出望外。首先叫咗一個海鮮拼盤，生蠔非常新鮮，其他材料都食得到好鮮甜嘅味道，由於我哋有三個人，只得兩隻生蠔唔夠分，見過海鮮盤咁抵食，所以encore再叫多一盤。當然，配白酒係一流。特別留意係佢個凍鮑魚係有淡淡的煙熏味，好特別好吸引。跟住叫咗前菜，呢個焗法國田螺非常之特別，尤其是個田螺學原來係係自家製嘅脆脆底，好好食，好有心思。我哋叫咗兩款唔同嘅湯黎試，一個係黑松露雜菌湯、另一個係冬陰功海鮮湯。兩款湯做得同樣出色，松露蘑菇香味四溢。冬陰功湯類嘅海鮮好豐富、好新鮮。冇諗過湯內又有鮑魚食，湯底下一片好香滑嘅魚柳好鮮甜。冬陰功香濃而能夠突出到海鮮的味道，佳作！再來一下加拿大海膽多士，上菜時大家話一聲，因為兩板海膽，分量十足。香脆可口嘅蒜蓉包，沾上海膽來吃，味雷極高享受。主菜叫咗一盒鮑魚雞扒，分量之大