CHEF STAGE de Eddy Chu (已結業)

今日二時去看三千年華夏珍藏展，去前相公請我上了 chef stage de eddy chu午膳，他說這裡午市套餐五道茶價錢很合理，又可俯瞰尖沙咀的風景。看了餐牌我立刻叫了帶子海鮮大會配蟹肉咖哩套餐而相公就吃西班牙黑毛豬套餐，相公再叫多了海鮮盤（我倆一起分享）。先來了兩碟沙律再來兩個熱南瓜湯。然後來了海鮮盤，吃完後再來了兩個主菜。最後咖啡tiramisu一起上，極好。

今晚出咗尖沙咀又想食西餐，就即時諗起呢間西餐廳。呢間西餐廳唔單止就腳（鄰近地鐵站），而且環境舒適，仲可以望到維港，放咗工過嚟真係可以好好休息、享受吓！今晚食嘅每度菜都好高質素。「海鮮拼盤」有五款海鮮（生蠔、鮑魚、帶子、鮮蝦、青口）一次可以食哂唔同款式嘅海鮮，而且佢哋自家製醬汁，真係冇得彈！平時食生蠔都係落檸檬汁，但呢度係落香草汁，酸得黎又帶點清新。另一個出色嘅醬汁係冬蔭公汁，這個汁配不同的海鮮都咁啱，這個汁不太辣，好好味😋「油酥餅紅咖喱」酥皮整得香熱鬆化，紅咖喱有蟹肉、蟹子、磨菇等林料製成，杰杰的紅咖喱配配皮，一流👍「呠酒燴羊膝」大大隻羊肶沒有很大的羶味，羊肉好嫩滑，燴汁同羊肉配合得好好。「燒西班牙走地春雞」超級嫩滑，真係滑到好似bb嘅肉咁滑，而且肉汁豐富，燒雞的時間控制得好好。除咗主菜正，佢哋嘅配菜都做得好好，翠綠嘅雨衣甘藍、深紫色嘅紫薯、鮮紅嘅蕃茄、黄黄嘅粟米，唔單止色彩繽紛，而且蔬菜好新鮮、好有營養。這間西餐廳無論環境、服務、食物都好出色！

今日慶祝周年紀念，當然要揀一間好D既西餐廳慶祝，經同事介紹，訂左呢間西餐廳，食物質素非常高，果然冇介紹錯。我地揀左精選五道菜套餐，套餐有沙律、餐湯、前菜、主菜同埋甜品，份量非常多，最值得一讚係所有熱食上檯時隻碟都係非常熱，可以保持住食物溫度。乳酪鮮蝦芒果沙律餐湯可選黑松露蘑菇湯或是日餐湯前菜係清酒蟹肉日本年糕清酒蟹肉醬汁好清甜，亦好清新，配埋年糕好夾。黑松露雞翼 黑松露味香濃，雞翼好嫩滑。美國牛肉眼牛肉眼非常厚身，超大塊，肉質軟熟，呈粉紅色，5成熟剛剛好可以鎖住肉汁，牛味香濃。除左主菜外，紫薯薯蓉都好有驚喜，好甜。鮮鱸魚柳配日本帶子鱸魚肉質嫩滑，外脆內軟，魚皮非常香脆，日本帶子超厚身，食落好有口感，煎過既帶子亦好香，邊位有微焦。精選甜品

〰️乳酪鮮蝦芒果沙律🥗有黑醋開下胃仲有另外白色嗰隻醬，我覺得依隻夾啲😍但芒果有啲酸🙁〰️海鮮拼盤 $88per one 本身個拼盤係包埋蠔但因為唔食生蠔🦪分別轉做要多一隻鮑魚同埋一隻帶子象拔蚌仔有些少沙🙁蝦冰凍彈牙，磯煮鮑魚煙韌，香🥰帶子都幾大粒😚加埋啲醬好fresh😍〰️蒜蓉包香脆，唔會太過硬😵〰️南瓜粟米湯食唔出有南瓜味🎃（我幾鐘意🤣）〰️燒美國牛肉眼 $198叫咗五成熟，但係都偏老唔juicy 🙁🙁〰️西班牙橡果級黑毛豬 $168黑毛豬味唔算香濃🤥而且有少少生擺盆入面嘅番薯蓉最好食🤣甜品有tiramisu 蛋糕仔，細細一件切得有啲醜，不過味道都可以😬呢間舖頭服務態度都唔錯！👍🏻Lunch set一個main 會有埋沙律、湯、是日甜品同埋咖啡或茶😉

以為同佢無緣份，訂了2次位，每次埋門一腳禁聚令至晚上六時，死心不息再訂，終於可見佢一面了。座位不算太多，但可以眺望維港景色，夜幕低垂下，東方之珠再現光華食物揀選方面由朋友話事,因為佢埋單。智利白酒真心不貴，二百多元，入口酒味清香，不自覺地會喝多了海鮮拼盤有生蠔，鮑魚，帶子，海蝦，青口，配上白麵豉蜜糖汁，香草醬，冬陰功汁，當然醬汁隨你喜好怎樣配生蠔產地愛爾蘭，蠔身肥美，非常creamy,鮮甜,海水味不算太濃，更能突顯蠔的美味磯燒鮑魚，其實不點汁已ok.爽口彈牙帶子我醮白麵豉汁，出其地配搭，甜甜鮮鮮，厨師真是多才，可以配出這樣的鬼馬醬汁黑松露蘑菇湯侍應姐姐好窩心地提醒湯很燙,黑松露入口清香,蘑菇味濃郁,不錯海膽配聖子扁意粉上枱非常吸睛，黃澄澄的海膽份量極多，趁意粉熱倒上拌勻，非常惹味,特別一讚是意粉夠煙韌，烹煮得非常出色砵酒燴羊膝我對肉類不太有興趣，食肉怪獸朋友全清了碟甜品法國心太軟真心好味，熱朱古力流心不太甜，但滑，配上雲呢拿雪糕，冰凍口感可中和甜膩感，味蕾感覺冰與火的交替~絕配喝著白酒，吃著美味的食物，欣賞夜幕下的維景燈光，將所有煩悶拋諸腦後值得一提是，看見侍應哥哥很殷勤地消毒著客人推

Chef Stage原來有個中文名字叫"廚社"，地方都頗隱世，而且還有意想不到的維港海景相伴。五道菜套餐選擇都頗多，朋友見到牛就兩眼發光，而我就故意找平常少吃的羊。乳酪鮮蝦芒果沙律，份量不大，用乳酪來做dressing感覺比較清爽。黑松露蘑菇湯，超濃厚的黑松露味道，湯裡的蘑菇並沒有打得很碎，粒粒口感分明，而且蘑菇的量超多，需要認真咀嚼。是日餐湯 - 南瓜洋蔥忌廉湯，同樣地，南瓜湯很濃稠，能明顯感受到洋蔥粒粒的存在。估計這應該是這裡的湯的特色了，每一口都料很足的感覺。清酒蟹肉日本年糕，煙韌的年糕，清清淡淡的滋味，為接下來的主菜作鋪墊。燒澳洲羊鞍，羊騷味是有的，但不重，肉質嫩滑不乾柴，特別的是配菜為番薯蓉，甜甜的味道能很好地沖淡並中和了羊肉的騷味。同場見到不少客人也都點了這個菜。美國牛肉眼，份量超~大~，最適合食肉獸了。是日甜品 - 綠茶慕斯&芝士餅，小小一口，非常精緻。特飲 - 陳皮檸檬蘇打。五道菜並沒有包括餐飲，如果沒有想要喝酒的話，特飲正在做買一送一的優惠。這裡最值得欣賞的一點就是 -- 員工超積極！只要一個眼神對視就會前來詢問客人是否有什麼需要，就算有時只是無意中的對視，也會順帶詢

今日約咗好耐冇見嘅朋友，相識左十年啦。諗住食好啲慶祝吓，於是揀咗尖沙咀一間可以望到好靚海景的餐廳 fine dining。餐廳入邊張張枱都係窗口位，個景靚到隔離枱好多人慶祝生日同週年紀念日。/海鮮拼盤🌟個海鮮拼盤好豐富，愛爾蘭生蠔好新鮮鮮甜，日本帶子連埋白麵豉醬食，除咗帶子的鮮甜，仲有少少蜜糖嘅甜味。仲有鮑魚、青口同鮮蝦都好新鮮，點青醬就酸酸地更突出鮮味，而冬陰功醬少少辣得黎好開胃。/油酥餅配紅咖喱蟹肉醬🌟油酥餅比起naan，更加似台灣酥餅好鬆化。咖喱裏面的蟹肉同配料好多，比起醬汁更加似餸，唔算好辣好好食，忍唔住夾左好多落酥餅到，最後差唔多清晒啲醬。/黑松露蘑菇湯🌟入面有好多蘑菇粒，好香蘑菇味而且一啲都唔鹹。/忌廉鮑魚冬陰海鮮湯🌟睇落似就咁忌廉湯，但飲落有少少冬陰味，辣辣地幾開胃，入面仲有鮑魚、帶子、蝦，好足料。/西班牙黑毛豬肋條肉🌟一份有好多條肋條肉，係ribs的無骨版，啱晒我呢啲懶人。食完肉再食一粒菠蘿同香葉，即刻中和左黑毛豬的油香味，唔會話淨係食肉好油膩，有別一般西餐，佢用芋頭蓉取代薯蓉，有芋頭粒更香更有口感。/麻辣蘑菇雞肉扁意粉🌟一放低已經離遠聞到香辣味，但食落去冇乜辣味。有好

與友人有一年沒見，一見，無盡話題。有見及此，預約了一間西餐廳，有夜景，有美食，邊聊天邊享受，一樂也。今晚生蠔只一品種，有手掌大隻，爽口，鮮嫰，入口滿足。伴汁採用了蒜，椒....素材，微辣之中帶酸，更能提升蠔的味道。乳酪芒果三文魚沙律開胃十足之沙律。乳酪醬好夾！忌廉鮑魚冬蔭公海鮮湯不只鮑魚咁簡單，還有帶子，蝦，材料十足。忌廉冬蔭公湯底濃稠，那種酸辣味道漸漸從口腔中徘徊，惹味味美。慢煮牛扒 300g份量，要求的半熟控制得宜。慢煮方法保持了肉汁，軟腍無比，帶有脂香，伴菜蕃薯茸味道濃厚，滋味！西班牙黑毛豬肋條肉推介之選！豬肋條肉軟熟，肉味濃厚。伴菠蘿粒，中和膩感，配搭一流。紅莓tiramisu 非常特別的組合，質感綿滑。有酸酸的味道不甜膩。

分別叫左兩個五道菜套餐，有好多唔同既Main選擇，價錢個個唔同。🔸乳酪鮮蝦芒果沙律 沙律都幾豐富，有芒果有沙律菜有大蝦有粟米，有芒果既酸酸甜甜，又有大蝦既爽甜，唔錯既配搭。🔹清酒蟹肉日本年糕 個汁好creamy，年糕都好煙韌，不過食落就唔覺有蟹味同清酒味。🔸黑松露磨菇湯 / 是日餐湯 (冬陰公湯)我地兩款湯都叫左一碗。磨菇湯啖啖都有好多磨菇碎，口感好好，飲落而且好重磨菇味，唔錯唔錯。冬陰公湯甜甜辣辣咁幾開胃，但係食西餐飲冬陰公湯感覺有小小奇怪。🔹焗比目魚配蟹肉汁 $498 啲汁辣辣地，有啲似冬陰公/喇沙果啲味道，但係就唔係好食到有蟹肉。啲醬汁感覺好唔西餐，好似食緊fusion菜咁。不過條魚同帶子食落都好新鮮，無咩腥味。🔸橡果級黑毛豬肉 $498 舊肉好juicy，味道ok既。不過好多肥肉，食到好漏好滯。仲有舊白蘿蔔，同埋有啲菠蘿，唔知係唔係用黎消滯，不過都無補於是。🔹海鮮盤 $288 (生蠔2隻、鮑魚2隻、日本帶子2隻、鮮蝦4隻、鮮蜆2隻)有五款海鮮，無咩腥味，都幾新鮮。帶子浸左係啲醬汁度，隻汁好好味，同帶子好夾。而生蠔都有一隻醬汁，辣辣地都幾開胃，同埋僻左啲腥味。最好食就鮑魚，因為原

遲咗book 無窗口位晏晝都好多人食一行五人分咗兩張枱叫咗一個二人餐 同埋兩個lunch set店員好好 幫我哋分開上碟又不停攞碟仔收碟仔沙律蒜蓉包冇乜特別 正常味道海鮮都好新鮮餐湯 食到南瓜蓉 呢個田螺 係連殼咁食 好特別最令我意外係呢個羊 好淋 一啲都唔騷平時我都唔太喜歡羊 今次呢個食落好似牛咁其餘都係牛有牛味豬有豬味佢的伴碟 我以為是薯仔 原來係番薯 幾特別是次是生日慶祝 所以特登要求寫字價錢來講 唔算貴 抵食

一年一度嘅紀念日又到啦，又係時候有藉口出去食餐好嘅。由於太耐冇出街食飯，所以做咗好多資料搜集去搵好嘢食，無意中有記得之前黎過位於尖沙咀亞士厘道17-19號19樓既Chef Stage de Eddy chu， 交通方便，食物同服務都唔錯，決定再次光顧。Chef Stage de Eddy Chu ，顧名思義，就梗係由老闆兼總廚既Eddy Chu坐鎮主理架啦。係Openrice度睇到，佢係酒店業界被喻為「西餐浪子」，入行超過三十年，仲曾任職多間星級酒店及高級會所添。除左set dinner 之外，仲可以揀a la carte。由於唔想限制自己嘅選擇，所以揀咗a la carte 。乳酪鮮蝦芒果雜菜沙律 :沙律菜非常新鮮，鮮蝦肉質彈牙，加埋芒果後真係相當有口感。有別於一般嘅沙律，呢度冇用到沙律醬，反而用咗乳酪，仲要係分開上，鍾意落幾多就幾多。用乳酪去代替沙律醬，咁嘅做法味道會差唔多，但係脂肪含量肯定低啲。忌廉鮑魚冬蔭海鮮湯 :估唔到係西餐廳都會試到冬蔭公海鮮湯，呢個湯雖然係泰式，但係加入咗cream之後都有少少西式風味。最大驚喜係配料方面有鮑魚、帶子同埋蝦，鮑魚唔單止大隻，而且仲好爽口添。

太耐無同友人A飯聚，想食得特別少少，訂位食呢間上黎食飯，某程度上都係為左呢個海鮮拼盤，包括生蠔，鮑魚，青口，帶子及鮮蝦，伴以兩款(香草酸汁及冬蔭公)醬汁生蠔配香草酸汁代替檸檬，雖然肉比較薄身一點但蠔味適中; 冬蔭公汁就配青口鮑魚已經汁煮，無任何醬汁配食，入口彈牙夠口感最後係甜味噌醬配帶子，軟滑香甜無得輸肉骨茶就飲得多，加埋海鮮嘅真係第一次試，呢客海鮮肉骨茶，加左鮑魚，魚，蝦及帶子，成個感覺不期然高貴咗可能要照顧到海鮮呢部分，肉骨茶味道"輕手"咗，食海鮮時仲可以食到本身鮮味，尤其隻巨型帶子，正呀!又湯又蠔杯係咩玩法呀?!  試下呢客鮮蟹肉濃湯配生蠔杯就知道!侍應教路先搞均底部嘅蟹肉，先飲半客湯，香濃蟹肉味衝入口中，然後再食生蠔杯，簡直係蟹同生蠔嘅鮮味大對決，再飲埋半客湯...............搞掂!前菜為油酥餅配紅咖哩蟹肉醬辣度為BB級，加入蟹肉醬及蟹籽，淋上去熱辣辣油酥餅，D咖喱汁慢慢滲入鬆軟油酥餅，先食到濃香蟹肉醬味道，然後又有蟹籽嘅脆感，食一件好似唔係幾夠數...............哈哈...!主菜出場 : 呠酒燴紐西蘭羊膝配鮮蝦，擺盤乾淨俐落，配菜有白蘿蔔 (呢個好味，

呢間chef stage by Eddy Chu 係一間性價比高嘅Fine dining餐廳，餐廳擁有半個維多利亞海景，以呢個價位可以食到fine dining 之餘仲有海景睇真係超抵。頭盤係乳酪煙三文魚芒果沙律，沙律菜爽脆，乳酪汁酸酸甜甜好開胃，而煙三文魚份量都幾多。小食係松露煮日本年糕，黑松露味道好濃，日本年糕煙韌得黎連埋黑松露汁一齊食好滋味。主菜西班牙橡果黑毛豬，肉質比一般豬肉軟稔，脂肪含量適中，而且豬味特別濃郁。餐湯忌廉鮑魚冬陰海鮮湯，湯入面有大大隻鮑魚同埋帶子，配埋冬陰湯底，令海鮮味更加出眾。法國燒春雞雞肉嫩滑，配埋醬汁一齊食味道幾夾，不過缺點就係食嘅時候只係用刀叉，有D難搞，如果可以用方法處理好呢個問題就好啦。最後係甜品朱古力心太軟配雪糕。

早聞店長是名廚，到達店門外看見一些他的獎狀。食店在高層的優勢可飽覽維港景色。午市餐單從頭盤到茶飲一共五道菜，我和太座食足個半小時。田園沙律配意大利油醋汁，菜蔬脆口而油醋汁不酸不膩。店經理殷勤招待及推薦，加試了海鮮拼盤，最欣賞是小杯内放的蜜桃帶子。我太太最喜爱湯上桌時熱氣騰騰。主菜選了鮮帶子海鮮大會配蟹肉咖哩，咖哩味有一種香而辣的味道，及西班牙黑毛豬肉爽配以烤汁味更鮮。甜品是意大利tiramisu，口味清新。再來一杯茶飲，極滿意地享受了這午膳。

等了又等，因疫情關係，終於等到可以晚上堂食。我地第一時間同buddy食餐好先。 上openrice睇睇，我地選了位於地點方便的尖沙咀亞士厘道這餐廳。 待應安排了坐位，這裏遠望海景，景色怡人很久也沒有這般享受過晚餐。 Menu見到有5道菜晚餐，很多選擇，我個人比較貪心，想食好多款不同食物，又想飲酒，最後選了扒雜海鮮配白酒😋 白酒甜美，容易入口，適合我呢d唔太飲得酒既女士。😅 頭盆乳酪鮮蝦芒果沙律，有鮮蝦、芒果、藍莓醬，配搭清新👍 湯有2款選擇， 我選了黑松露蘑菇湯，蘑菇打碎，啖啖都有蘑菇，口感豐富，加上忌廉及黑松露， 令人回味無窮。 朋友點了粟米蟹肉南瓜湯，我嘗了一口，有啖啖蟹肉，香濃南瓜蓉，配上打碎的栗米，材料真豐富💯 清酒蟹肉日本年糕, 年糕煙煙靭靭有咬口，配上新鮮蟹肉，加上淡淡的清酒，感覺新鮮。 主菜來了，有鮮魚柳，煎得香濃，肉質嫩滑。 日式帶子，帶子鮮味，可用刀叉享用 。大蝦份量夠，鮑魚及青口鮮甜。 朋友點了雜扒，有牛扒、黑毛豬、雞扒 、大蝦，對於朋友是食肉獸嚟講，份量認真足夠 👍我食了一口牛扒，牛味十足， 特別一提是芋頭蓉伴菜，甜甜的十分特別! 最後上甜品，有芒果蛋糕及紅草莓啤