CHEF STAGE de Eddy Chu (已結業)

同朋友慶祝生日因為鐘意食西餐揀左尖沙咀都幾多人好評既Chef stage de Eddy Chu攪到我都好期待去到睇Menu揀精選五道菜套餐其實都好多選擇我地就揀左燒橡果級黑毛豬肉同慢燒美國牛肉眼開心share先上乳酪芒果鮮蝦沙律D沙律菜好新鮮上面有魚子醬個乳酪溝埋芒果同沙律好fresh好夾好好味之後湯我同朋友揀左唔同黑松露蘑菇湯同埋是日精選餐湯當日係周打海鮮湯首先我想講所有熱盤上菜時個碟係好熱好有誠意所以你食既時候一定係新鮮熱辣講返個湯先個黑松露蘑菇湯超濃郁黑松露唔單止聞落好香一飲就知真材實料勁有磨菇味周打海鮮湯一樣其實飲得出落足料煲好濃好好味超正之後係清酒蟹肉年糕其實開頭睇名覺得禁攪笑西餐竟然有年糕但係一食落去個sauce同年糕超夾煙煙韌韌呢度菜好驚喜之後就上主菜首先係個黑毛豬侍應教咗我哋食咗個菠蘿先好甜好Fresh黑毛豬煮得岩岩好嫩滑多汁好Juicy個汁又係好夾肉眼一上時見到粉紅色有少少驚但食落係岩岩好切開唔會有血水仲有配菜都係好新鮮個薯蓉好好食真係值得推薦其實份量都好大食完晒都好飽點知仲有最後個甜品好彩份量適中如果唔係實食唔晒甜品係兩款蛋糕Tiramisu 同 Mango mo

朋友升職請食飯，一早訂咗呢間由Chef Eddy主理的西餐。門口放了很多國際廚藝比賽的獎項，相信食物質素一定唔錯。餐廳起19樓，仲有大玻璃個view靚到呢！我哋揀咗5 Course Set Dinner乳酪鮮蝦芒果沙律大蝦夠新鮮好彈牙！清酒蟹肉日本年糕清酒忌廉白汁煮得剛剛好，醬汁口感幼滑，微甜，配埋葱花年糕，好食！黑松露磨菇湯黑松露香濃，啖啖磨茹，鍾意磨菇大小剛好，有口感！美國牛肉眼出色，肉眼油花豐富，口感軟腍。揀了7成熟，燒得剛好，全塊熟成程度掌握得非常之好。亦要讚下啲配菜，總覺得出色嘅西餐配菜都會比較用心，有別於普通嘅薯蓉，今次竟然食到芋頭蓉，層次更加豐富。鮮鱸魚柳配日本帶子擺盆好靚，竟有羽衣甘藍配菜！鱸魚一d都唔腥，味道清甜，質感軟滑，煎得剛好！日本帶子都煮得出色，不會過度受熱和太焦，入面多汁軟嫩，正！欣賞餐廳上菜的碟係經過高溫處理，更能控制上菜溫度，亦感覺更衛生！呢間餐廳價錢雖然唔平，但以咁高質咁有heart既菜式嚟講，五道菜人均消費五百多，我又覺得幾值！下次一定會再嚟試下其他菜式。

今日慶功去了Chef Stage 獎勵一下自己哩間餐廳主廚Eddy Chu 曾於世界廚師大賽獲第3名 及在多間酒店做過總廚真係要慕名而來, 如果在港島區既酒店品嚐應該會好貴好彩佢開了studio, 在尖沙咀區, 落地玻璃仲見到夜景可以3位數就食到一個dinner set, 件事有D 夢幻  Open Oyster –南非生蠔先來一盤南非生蠔, 中間的香草檸檬汁是主廚自家研製蠔身味道比較清新, 海水味較淡, 而肉質肥大飽滿, 含大量礦物質! 餘韻甘甜, 配白酒很相襯 橡果級黑毛豬肉 - $498 grilled Iberico Bellota Pork 這道菜我很impressed. 要先講講伴菜! 那菠蘿本來已經超甜, 加了巴西葉一起吃, 可以提味, 想菠蘿的食法有點似 cocktail 的mojito On side 的紫薯同樣出色, 十分甜, 打成蓉吃, 忍不住一口一口的吃下去而不覺得油, 而其他的伴菜都採用烤焗, 保留了水份同營養, 很是健康而主角 - 橡果級黑毛豬肉 真的大讚, 是西班牙高級黑毛豬! 因為用橡果餵飼，肉質較結實, 切下去油脂分佈均勻, 肉味香濃使其油脂豐潤卻不膩

放假約了男朋友男朋友帶我來了這一間 — CHEF STAGE de Eddy Chu點了兩份五道菜套餐乳酪鮮蝦芒果沙律蝦和沙律均新鮮 配上乳酪汁 不錯不錯清酒蟹肉日本年糕湯汁帶洋菜粒 味道香濃 配上彈牙的年糕 好特別的一款前菜 正黑松露蘑菇湯喝下去帶粒粒蘑菇 濃香的蘑菇味混和黑松露的香味味道香濃 好喜歡扒雜海鮮有鮮魚柳、日本帶子、大蝦、鮑魚和青口每一款都份量十足 用料新鮮簡簡單單不用點醬汁也已經很不錯更能吃得出食材本身的鮮甜配上芋頭蓉 羽衣甘藍 蕃茄和紅蘿蔔 營養均衡特別一提個人很喜歡這裡的芋頭蓉味道香口感亦不錯 也是很少見的配搭燒原隻西班牙春雞配了同樣的蔬菜 都給我們吃光 好味道西班牙春雞一隻大大隻 份量十足是日甜品有花心思在襯托上 為這一餐作結

今日去到位於尖沙咀亞士厘道嘅Chef Stage用餐，由於差唔多8點先到，可以望海景嘅座位都比人坐滿咗😫想坐window side睇海景朋友記得要預早訂位。油酥餅配紅咖喱蟹肉醬油酥餅夠咬口酥脆，烤到有少少焦香、惹味， 配埋咁多蟹肉同蟹籽嘅咖哩汁，好夾！忌廉鮑魚冬蔭海鮮蝦湯雖然個名叫做湯，但入面嘅用料絕對要用不容忽視去形容😍有原隻大鮑魚、蝦、帶子等等，而湯本身既有忌廉嘅香滑，亦有冬蔭功湯嘅酸辣香濃，夠哂開胃。蟹肉濃湯配生蠔，店員細心咁介紹食法，首先飲一半湯，然後一啖過啪咗隻生蠔，最後先飲埋另一半蟹肉湯；而啖啖都係蟹肉，性價比滿分。燒牛脷配紫薯蓉牛脷非常厚切，而且真係好厚身，口感實在。 咬落去，啲肉汁標哂出嚟，牛味又夠濃郁。小知識，紫薯含有豐富的花青素、維他命、礦物質、胡蘿蔔素、維他命B雜、鉀質等，同時亦係高纖食物，營養價值超高，所以多食都唔怕。燒原隻西班牙春雞春雞上枱時色澤金黃，而且外皮薄脆，雞肉切開肉質嫩滑，食落亦相當入味，表裡如一色香味俱全。食完主菜就梗係要叫埋甜品啦，焦糖朱古力脆脆三重奏、朱古力心太軟配雪糕，輕輕將心太軟切開，朱古力漿從蛋糕入面澎湃地流出嚟，而蛋糕本身朱古力幾香濃

未試過5道菜晚餐，約了閨密一起chill chill🥰食物質素跟餐廳服務都很好，服務員會作簡單介紹，又會主動加水，收碟上菜都完全跟貼你用餐既步伐，很讚👍🥭芒果蝦沙律：蔬菜新鮮，大蝦爽脆，加埋自家製酸味味的乳酪，做starter最岩🦀蟹肉年糕：要襯熱食，凍左d年糕會變硬😅蟹肉碎奶油清酒cream 好好食，4條份量剛好，非常煙韌🍸特飲$38/2 杯：檸檬蜂蜜，有d似lemonade 加soda water，酸酸的很解渴🍲蕃茄魚茸湯：好多鮮茄蓉，帶點酸，好開胃，仲有大蝦🍤一隻🥩Rib Eye：medium，廚師技術很好，肉質鮮嫩又唔會有根，成舊都好淋，而且一d血水都無，好好食😋🐟比目魚：煎得好香口，仲有少少脆邊，蟹肉汁帶有好好好輕微辣，最愛佢用紫薯伴菜，顏色靚之餘仲要好甜🤤🍰Tiramisu，Lemon cheesecake：的的骰骰好精緻，但超高水準，兩款甜點既層次都好鮮明，貴精不貴多👍👍

是咁的 家母成日話我自私食 唔帶埋佢出黎襯day off就帶家母出去食野尖咀亞士厘道果邊一向都多野食 今次唔食印度野 揀左呢個以西餐大排擋為理念的餐廳CHEF STAGE WEEKLY LUNCH MENU平時食西餐lunch set多數係3-4款選擇呢度main course選擇有成9款 食物選擇都幾多 同埋有d都比較少會係lunch menu度見到好似原條香燒鮮魚 西班牙黑毛豬咁..家母同我就分別order左羊鞍同肉眼lunch set包salad.湯.main course.甜品同餐飲(1) 沙律田園沙律配意大利油醋汁吞拿魚伴沙律菜.蕃茄仔感覺好fresh如果可以多少少油醋汁會更正(2) 餐湯及麵包是日餐湯為蕃茄雞肉湯.而麵包係蒜蓉包湯食到有蕃茄蓉 而雞肉就算煲完湯都仲係好嫩呢個手打蕃茄湯 酸酸甜甜 仲有basil吊下味 作為食主菜前的starter 認真夠哂開胃(3) 主菜主菜配菜為紫薯蓉 粟米 烤蕃茄  仲有羽衣甘藍有別於平時飯/意粉/薯菜高汁得黎又夠哂健康(A) 紐西蘭羊鞍 $188家母話要全熟 -_-雖然全熟無左果種juicy感覺 但羊架食落肉質一d都唔老 又唔鞋平時食開

疫情緩和咗 太耐又冇見過朋友 所以決定同朋友食一餐好嘅 朋友今次揀咗呢間環境非常好嘅餐廳 究竟食咪又係如何呢？我哋首先叫咗煙三文魚芒果沙律做頭盤佢嘅煙三文魚好新鮮而且份量好多 每人大概都分到兩至三塊 再加埋芒果令到成個沙律都好fresh😋 配上佢哋自製嘅乳酪沙律醬 成個沙律非常夾😍之後我哋叫咗焗連殼食法國田螺每人食咗三隻 我哋都係第一次連埋田螺殼一齊食 佢嘅口感幾得意 脆脆地 唔會話太硬 好似食緊薯片咁趣卜卜 底下再配上薯蓉再加埋蒜蓉 好正當然我哋都在叫咗湯飲我朋友就飲黑松露蘑菇湯 入邊嘅蘑菇好多而且係細細粒直接飲落肚就得 而我就叫咗海鮮肉骨茶我都係第一次飲肉骨茶配上海鮮 入邊包括有大大粒帶子鮑魚蝦同埋魚 肉骨茶嘅味同平時唔一樣 佢係比較甜嘅 我平時嗰啲咁苦 佢嘅海鮮就非常新鮮非常足料 呢個性價比好高最後我哋叫咗主菜我朋友叫咗慢煮美國牛肉眼扒我哋今次叫咗五成熟 因為佢慢煮嘅關係 所以肉質非常嫩滑而且都唔會話血淋淋 肥瘦嘅比例係大概八比二 我哋都係第一次食慢煮牛扒 因為準備功夫非常高 所以佢呢個價錢都算係合理而我就叫咗西班牙黑毛豬肋肉大概都有10條左右 而且肉質都好嫩 我朋友食過之後大讚

餐廳位於尖沙咀亞士厘道，來到餐廳後侍應好客地地招呼我們坐下。首先叫咗海鮮盤，有兩隻生蠔兩隻鮑魚兩隻日本帶子兩隻鮮蜆和四隻鮮蝦。有多種醬汁配海鮮，個人最喜歡香草檸汁和冬陰功汁。香草檸檬汁極為新鮮配上少少得辣， 帶出海鮮的鮮味。而冬陰功汁有濃厚的冬蔭功味。另外仲有蜜糖麵鼓汁配帶子。海鮮肉骨茶沒有濃烈的藥材味，但有肉骨茶味。配上鮑魚，蝦，帶子，魚，令到肉骨茶有另一番風味。鮮蟹肉濃湯配生蠔杯蟹肉湯十分濃郁，而生蠔杯則放在香草檸檬汁里，更顯鮮甜。蒜香辣味蝦肉扁意粉到主菜了，意粉上碟，見到很多配菜有車厘茄，蘑菇，蝦，意粉很香，麵條口感煮到啱啱好。米酒煮鱸魚柳材料很豐富，有鱸魚🐟，車厘茄，洋葱，菇，羽衣甘藍，而佢嘅湯汁有好濃嘅薑味，很適合女士飲。而鱸魚十分新鮮，而且份量很足夠。紅桑子提拉米蘇很驚喜，紅桑子酸得來又有足夠的甜味。原隻蜜桃雪葩賣相很可愛， 一整隻蜜桃上碟，內里配上雪葩，非常fresh.

餐廳門口有塊半透明的玻璃，可以看到幻彩朦朧的餐廳名，來這間餐廳最好預先訂位，餐廳內幾乎滿座，很多都是外國人。另外有些位置是高層靚景，可惜我們這次並不是坐那邊。從餐牌可以看出餐廳菜式融合了多國風味，首先我們點了油酥餅紅咖喱和焗連殼法國田螺，微辣的咖哩配上香口的油酥餅，作為頭盤先開開胃另外點了兩碗湯，分別是“忌廉鮑魚冬蔭海鮮湯”和“蟹肉濃湯配鮮蠔杯”，冬蔭海鮮湯用料非常多，除了鮑魚外，還有蟹子、鮮蝦、蘑菇等， 口感豐富，各種海鮮混合成非常特別的鮮味。而鮮蠔杯食法比較特別，侍應叮囑我要先喝一半蟹肉湯，然後吃鮮蠔，最後才喝剩下的湯，蟹肉味濃郁，蠔的鮮味夾雜在蟹肉的味道之中，味道新奇得難而言喻。這間餐廳對湯的用料和配搭都令我很意外，可以看出他們悉心考慮過，非常推薦。主菜方面，我們點了海膽配聖子扁意粉，意粉汁比較淡味，意想不到的是海膽竟是一整版上，份量甚至比意粉還要多，海膽略甜不帶苦澀，拌在意粉上滑膩爽口。另外的主菜是黃油雞扒配松露鮑魚，松露汁滲透下層的嫩滑雞肉，再配以香甜芋泥和蔬菜，令口感和味道都很豐富。最後上的紅桑子提拉米蘇和法國心太軟，不會太甜，而廚師很有心為甜品裝飾，為這個晚餐劃上完美句號

聽講呢間餐廳係好勁既廚師開既，就約左屋企人一齊去試下😍😍😍  😍海鮮拼盤😍 呢個拼盤好正，有鮑魚，帶子，青口同蝦，全部都好新鮮生蠔有清新海水味😍😍😍另外仲有d醬汁比你點黎食🥰  😋忌廉鮑魚冬陰海鮮湯😋 呢個好好飲，中意忌廉湯一定要試下，佢仲要係勁多料，有隻鮑魚，帶子同蝦，勁高級丫🥳🥳🥳  🤗海鮮肉骨茶🤗 呢個就好中式同養生，佢既配料同上面一樣，再加多件魚，個魚都整得好好食，好驚喜💓💓💓  🤩黑毛豬梅頭肉🤩 呢個真係全晚最驚喜，本身睇個名就唔係特別吸引，但食左先知原來豬肉都可以咁好食佢係肥瘦勻淨，好滋味好juicy,調味剛剛好，配埋菠蘿食會帶出豬肉既鮮味😋😋😋  😉海膽配聖子扁意粉😉 海膽就有些少唔新鮮既感覺,係全晚唯有美中不足既一點 但好在意粉份量都幾多，佢既醬汁係做得偏水狀，唔會乾都唔會膩，面頭加左魚子增加口感，都幾好食🤗  😚焦糖朱古力脆脆😚 呢個賣相勁令丫，因為用左焦糖，會偏甜少少，但佢有三層朱古力中和翻，所以整體食落都幾有層次唔會過甜過膩🤗🤗  🥰法國心太軟🥰 甜品必叫呢個丫，佢比起上面個個冇咁甜外層係好暖好脆身，包住入面既軟身朱古力真係好正丫😍😍😍  埋單人均$570，如果係

明處嘅餸菜好多時都係幾千蚊幾千蚊咁上落今日竟然比我搵到呢一間性價比非常之高都係有名廚主理嘅餐廳位置於尖沙咀不過租金實在太貴雪地選擇咗樓上鋪可能就係慳咗一筆錢唔使交俾業主佢哋嘅套餐都唔係太貴五六百蚊已經可以食得非常之咁豐盛所以就同女朋友同今日去食一食試一試名廚嘅手勢一上到黎開頭以為佢哋揀樓上鋪咁梗係為咗慳返啲租金但係估唔到佢哋揀樓上報去到19樓咁高原來係為咗呢個景觀坐落喺尖沙咀嘅19樓遠望呢個維港景色非常之咁靚香港嘅繁華唔知仲可唔可以維持到呢講返嘢食我哋今晚就叫咗個五點套餐包括有前菜沙律小食主菜湯同埋個甜品另外呢度仲有特價嘅優惠+2百零蚊就可以食到個海鮮拼盤所以我同女朋友再加埋試一試呢度嘅凍海鮮質素首先嚟到嘅就係沙律菜新鮮做嘅沙律菜都係冇得比覺都係係咁鮮甜之後就試咗佢哋嘅周打海鮮湯海鮮嘅份量非常之咁多我每一啖都食到蟹肉嘅味道仲有鮮蝦主城濃郁非常嘅海鮮湯飲完之後欒川令人一再回味之後就上咗呢個二百幾蚊家嘅海鮮拼盤包括有鮑魚帶子海蝦仲有生蠔青口而且佢哋嘅醬汁非常之咁特別包括有香草醬麵豉醬仲有呢一款最特別嘅冬陰功醬汁每一款海鮮點唔同嘅醬汁唔會搶到海鮮嘅鮮味之餘仲帶出海鮮應有嘅味道而且酸酸甜甜更加

今日同女朋友去咗公司附近嘅呢間高檔扒房，見女朋友等我收工，我即刻叫咗兩份大餐，分別係精選雜扒配紅酒(牛肉眼、黑毛豬、大蝦同黃油雞扒) 同埋 燒澳洲羊鞍。頭盤係鮮蝦芒果沙律，蝦嘅鮮味同新鮮嘅芒果互相襯托著，芒果嘅香甜從舌尖慢慢流入喉嚨，作為頭盤算非常醒胃。跟住嚟咗個黑松露蘑菇湯，先講蘑菇嘅數量，平時出面可能得一兩粒，餐廳用料均真，多不勝數嘅蘑菇粒不停咁隨住匙羹嘅攪動呈現係我地面前。黑松露嘅味道濃郁，實屬驚喜。主菜都係精選雜扒肉眼，五成熟嘅牛肉眼火喉控制得恰到好處，食得出師傅以猛火煎熟外層鎖緊肉汁，然後慢煮至5成，剛放入口，肉汁伴隨醬汁係口腔內遊走，加上肉質嘅煙韌，互相襯托下形成豐富嘅口感，好值得情侶去試。

朋友升職，特意來到這間餐廳慶祝一番。這間餐廳嘅主㕑攞過很多獎😍，岀品有保證👍🏼餐廳位於大廈十九樓，可望到少少海。我們每人點了一份五道菜套餐。乳酪鮮蝦芒果沙律白色的是乳酪蜜糖汁，酸酸地，味道清新又開胃。沙律菜翠綠爽甜，仲有甜芒果粒，感覺更清新。加$288就有一個海鮮拼盤，有蝦，青口，磯煮鮑魚，愛爾蘭生蠔，帶子配八麵豉蜜糖汁，醬汁有兩款，有香草汁加檸檬汁和冬陰功汁，都是自家調製的。最欣賞的是香草汁，酸酸的，用來蘸生蠔真係好正😋生蠔肥美，肉質爽脆，蝦🦐肉新鮮，青口配冬陰公汁真係好鬼正，磯煮鮑魚煮得入味軟彈，不配仼何醬汁都已經好好食，讚!黑松露蘑菇湯，蘑菇被磨成超細粒，每一呷湯都充滿著蘑菇粒，口感很棒，亦加了點黑松露，香味十足。是日精選餐湯係南瓜粟米蝦湯南瓜湯味道濃郁，滿滿的南瓜蓉，淡淡滿足。清酒蟹肉年糕年糕質感煙煙銀銀，清酒蟹肉忌廉汁非常好味，口感香滑，配上蟹肉和洋蔥粒，增加了醬汁的鮮甜味，就連醬汁也吃到一滴不留😆精選雜扒有牛扒，黃油雞，黑毛豬，虎蝦大大份，啱晒食肉獸，食完真係會超飽。牛扒點了五成熟，剛剛好，切開略帶粉嫩，落牛味濃郁，肉質鮮嫩不嚡口。黑毛豬肉汁豐富，肉味濃郁不帶韌，岀色之作👍

之前在Openrice板塊看過這餐廳的推薦，但未有機會來試。碰巧近日有朋友介紹此餐廳，說景色及食物質素不錯，性價比頗高，趁端午節下午，大家都有空檔便來試試。餐廳屬於樓上Cafe，人流不算多，公眾假期的下午，也不是全院滿座。朋友早一天預訂了餐廳，被安排到餐廳較中間的位置，猶幸依然看到街外景色。點餐時，女仕應說話感覺有點不耐煩，服務態度有待改善。我和朋友均點了牛扒套餐，再點了一個海鮮拼盤。海鮮拼盤有一隻生蠔、一隻鮑魚、兩隻青口，2隻海蝦及1隻帶子。生蠔味道不錯，但因為一個拼盤只有一隻生蠔，所以跟我一樣比較喜歡吃生蠔的朋友，只能夠吃鮑魚。 建議餐廳海鮮拼盤最好每樣食材雙數上，或可讓食客將其中單一食材，改作另一種拼盤內食材，例如：可把1隻鮑魚改作另一隻生蠔。 這樣，2人食客點叫海鮮拼盤，便可以更高度自主地選擇自己愛吃的食物。我跟朋友分別點了五成及七成熟的牛扒，上枱後，分別在自己的牛扒上各切一刀：眼見肉質紅度有所不同，看得出五成及七成熟的分別。牛扒軟硬適中，軟得來有一定咬口。配菜是芋頭蓉，聽朋友說之前是紫薯蓉，可以想象配搭紫薯蓉味道應更佳。餐湯及甜品味道一般，甜品雖然賣相精緻，但卻吃得出是放了很