Amelia Hong Kong

營業中

休息中

好耐無去尖沙咀海港城行街啦，發現海港城一入門口那間餐廳轉了做這間西班牙餐廳，所以決定同友人一齊試新野!餐廳燈光柔和，座位都有很多，有室內和室外位置，可以看到維港景色！而廚房算是開放式廚房，能夠看到廚師們製作食物。餐牌上的選擇不算很多，但麵包、湯、前菜、小食、主菜、甜品等都也有選擇。而餐廳也有提供多款不同類型酒精飲品及非酒精類飲品。因為我同友人下午都吃得比較飽，看看餐牌後，決定只點一些小食試試。和牛舌三文治，份量是一份三文治左右，但是是厚切麵包。麵包鬆軟，內裡夾有多塊薄切的牛舌，雖然是薄切，但是牛肉味都幾濃，三文治也有搽上青草醬，令這份三文治有一種清新的感覺!伊比行亞風乾後腿火腿(50g)，這款火腿不會很咸，火腿是薄切的，而且唔會太油膩，食完不會有一種好滯的感覺，如果配上白酒或是蜜瓜一起食會更好更美味!牛肉生蠔他他伴醃芥末籽配醇母麵包，估唔到生蠔和生牛肉的味道可以咁夾，兩者已經拌在一起，食落有生蠔的淡淡的味道也有牛肉的味道，加上拌上了芥末籽，有少少搶鼻的感覺，但味道惹味!再把他他跟麵包一齊食，更能特出他他的鮮味，令人回味!雖然只是淺嚐了這三款小食，但味道也不錯，有機會會再來試試主菜和甜品

拍拖就是要久不久有點新意思，保鮮可是多麼重要的一環學問喔～這次便帶男朋友到尖沙咀海旁旁邊的一間高級西班牙餐廳，這家其實是位於聖塞巴斯提安的米芝蓮一星餐廳，香港便是它於亞洲第一間分台，真是大有來頭。一進去就會有位非常熱情有禮的receptionist招待我們，跟我們問好十分友善。餐廳裝潢高貴大方，更設戶外露天茶座，可以與香港最迷人的維港海景共享晚餐。可惜我們到達時，露天座位已滿，未能享用那動人的夜景～我們點了一個cod fish和risotto和甜點，最讓我們驚喜的是cod fish，它端上來時被娃娃菜包裹著，裡面便是很滑很juicy的主角，果然是禾稈冚珍珠！總括然而，這裡的食物與服務與裝潢都是高品質的代表，下次，下次我一定要預約學外國人一樣坐露天，欣賞美景與享受陣陣微風～

這天朋友相約一同前往尖沙咀吃飯，朋友安排了共進午餐，餐廳位於大型商場之內，距離地鐵站路程約需十分鐘左右，地理上還算方便，加上商場冷氣充足，十分舒適。餐廳位置方面，位於大型商場的旁邊，十分容易找到。自家製麵包， 外皮香脆可口，內裏軟熟，加上帶點鹹香，還算不錯。湯品， 絕對是季節限定，店員介紹每個季節也有不同的時令湯品。野生鱈魚配椰菜及燻魚子伴鯷魚溫熱醬， 意想不到的驚喜， 味道香濃，醬汁有如牛奶般香滑。食物帶給我的除了快樂還是快樂。

本來上星期五(1月16日)高高興興去訂位，訂1月20日食個提早團年午餐。竟然去到個reception 話星期五system壞左，無晒record. 然後又無位可以安排。其實，係咪應該要預返啲位俾訂左位既客人？無backup乜都無。🙄🙄🙄其實咁樣不如唔好接受訂位啦。唔係諗住訂左位既客會唔來嘛。🙄🙄🙄

是日請咗半日假休息下，去咗一入海港城地下就見到嘅呢間米芝蓮一星餐廳食嘢hea下呢度設有露天茶座欣賞海景，而Kiwi我一支公侍應就好貼心咁安排兩旁都有屏風嘅室內座位，唔會尷尬呀嘛正門放置餐牌有得睇午餐同下午茶餐叫咗個set lunch $228自家製麵包好大個下，外脆內軟，加埋啲牛油味道更香前菜: 小蟶子伴西班牙香腸醋醬小蟶子夠彈牙爽滑，香腸好咸香連埋醋醬酸酸地好開胃主食: 澳洲和牛牛肋肉伴黑蒜茴香醬及胡蘿蔔泥牛肋肉超！級！腍！唔洗用刀切都得，食落一啲都唔覺肥膩，真心推薦而原以為胡蘿蔔全部都係煮得剛熟，點知食食下發覺有條係做成胡蘿蔔泥，連埋牛肋肉一齊食更添口感甜品: 西瓜味雪芭冰涼香甜嘅西瓜味，加上下面嘅粒粒脆糖甜到入心

自從去完西班牙做交流生之後，對有西班牙三個字的東西都有特別興趣。之前睇到新聞話海港城地下開咗一間由西班牙廚師主理嘅餐廳，最近終於抽到時間去試試。海港城地點當然方便，而餐廳更可以直望維港夜景睇到幻彩詠香江。餐廳格調帶點年輕，食飯環境輕鬆。食物選擇方面並唔係走傳統西班牙路線，而係大家比較容易接受嘅歐洲菜系（雖然我係好鍾意食西班牙菜）。自家製麵包配牛骨髓（ $138 ）麵包外皮薄，脆得來唔會硬，麵包肉識落鬆軟而且香味充足，就咁配牛油食已經好好味。再上一層樓，就可以用麵包蘸牛骨髓食，牛骨髓燒得香而且味道濃厚，配上麵包剛剛好，很開胃。小蟶子伴西班牙香腸醋醬（ $188 ）蟶子十分新鮮，爽口彈牙，而西班牙香腸食落有啲似臘腸嘅味道，加埋香醋去膩又好味大蜆及海膽西班牙圓米燉飯（ $218 ）海鮮飯賣相有趣，有橙黃嘅海膽加上綠色嘅醬汁（好像是有點薄荷味的醬汁），對比強烈。燉飯的質感一流，是正宗的al dente，每一口都食到有蜆肉，充滿海水的味道。海膽質素其高，入口濃郁。野鴿配時令蔬菜伴味噌西柚醬（ $268 ）鴿肉烹調時間剛剛好，味道鮮美，而且據說營養價值高，更有益於皮膚。配上味噌西柚，香得黎有點苦澀

今日想去尖沙嘴行街，於是search 下海港城有無新餐廳可試下。見到呢間Amelia 係食西班牙野，有米芝蓮一星，價錢仲要幾合理，於是就決定食呢間！門口裝潢好靚，玫瑰金係本小姐至愛💞入到去好開揚，可以選擇坐室內/室外。今日比較大風所以最尾我地選擇坐室內。由於係星期日關係只可單點，無set lunch 可揀，但價錢都叫合理。我地叫左牛舌三文治作為starter，主菜叫左鱈魚同埋大蜆海膽燉飯😍😍美中不足的是餐廳無附送餐包，想食要自己order（麵包+牛油都要$78，交starter 仲抵）。首先講下牛舌三文治麵包脆得來好鬆軟，對面包好有要求的DC先生都大讚！牛舌唔係好厚，但牛味都重！再加少少pesto 醬食落都幾refreshing👏🏻👏🏻之後兩個main course 一齊上鱈魚面層有塊娃娃菜遮住好盞鬼😂 望落平平無奇的poached cod，配左d sauce 實在非常好味！個sauce rich 得來唔會好漏，令塊魚生色不少！值得推介！最後介紹埋大蜆海膽燉飯蜆肉已經mix 左係飯入面，雖然未至於啖啖蜆肉，但都感覺好足料。應該落左少量檸檬汁，所以食落亦唔好覺得好膩。因為想去其他地方食甜

西班牙米芝蓮一星餐廳Amelia，首家海外分店落戶香港，重點是菜式價錢尚算親民。我這個熱愛美食的平民，當然要來湊湊熱鬧。餐牌上的菜式不少都是別出心裁的，由最表面的食材用料和配搭，便可感覺到餐廳對菜式品質的執著和用心，榮獲米芝蓮一星的榮譽可不是浪得虛名的。野生鱈魚配椰菜及燻魚籽伴鯷魚溫熱醬野生鱈魚嫩滑得很，質感近乎入口即溶，估計是經過慢煮低溫處理。忌廉色的鯷魚溫熱醬，質感很綿密，奶油味道香濃突出。大蜆及海膽西班牙圓米燉飯海膽味道新鮮甜美，大蜆同樣又鮮又嫩，讓人難忘。燉飯的醬汁帶有奶油的香，同時又帶有蒜的香氣，再加上白酒香穿梭其中，配料或許簡單，但調校出來的味道卻很獨特，一吃便知道是出自高手主理。

男朋友話要畀個驚喜我，帶我去食好嘢 ，平時去親尖沙咀好多時都係食日本嘢，今次佢話帶我去試下米芝蓮一星級嘅餐廳，位置就係海港城嘅地下， 都相當方便。一入到去已經見到好靚嘅維港海景，咁啱我哋去到嘅時候係八點鐘左右，睇到幻彩詠香江，望住呢個咁靚嘅景色食飯，真係令人特別開心。先嗌咗一客生蠔配香醋啫喱，生蠔好鮮美，充滿海水味。每隻生蠔都非常肥美，蠔肉都脹卜卜咁。海水味加上香醋啫喱，味道食落好balance， 而且香草啫喱減低咗咸味， 帶出蠔肉嘅鮮味。至於呢一個紐西蘭天然放養雞配菊芋及蘋果， 食落好有驚喜，雞肉香口，肉質嫩滑， 而且雞皮煎得好脆。清新嘅蘋果醬減低肉類嘅油膩感，加上脆卜卜嘅菊芋，味道好特別。甜品方面我就叫咗自家製時令 gelato， 都幾多口味可以選擇，有西瓜、芒果、青蘋果等， 我就揀咗青蘋果。青蘋果口味酸酸甜甜，配上嘅焦糖脆脆碎粒， 令味蕾好清新。整體嚟講呢度嘅食物同環境一樣咁高質， 好適合男女朋友拍拖食飯， 不過當日氣溫少少凍， 餐廳又咁近海邊 ，冬天來真係要著多件衫。

今日放工鬆一鬆，去尖沙咀shopping ，海港城附近真係都幾多嘢食，朋友上網做咗research，見到呢一間米芝蓮星級西班牙菜嚟咗香港開店，即刻忍唔住拉埋我一齊去食，淨係裝修同環境已經相當舒服，可以望到維港景色。食物嘅選擇都好多款， 先嗌咗兩款前菜分別係烤八爪魚配甜椒馬鈴薯醬同埋伊比利亞風乾火腿。烤八爪魚香口而且好鮮味， 爽口得嚟好易切開。加埋清新嘅甜椒馬鈴薯醬，味道非常之夾，而且個馬鈴薯醬好creamy好滑。伊比利亞風乾後腿火腿非常之香，油份又充足，但唔會太鹹，味道香濃，好適合配酒。至於我就叫左野生雪魚做主菜， 魚味香濃，魚肉好滑，加埋白菜好清甜，而且醬汁仲混合咗少少嘅魚籽，好惹味。最後仲叫多咗個羊奶芝士布甸作為結尾嘅甜品，奶味香濃，食落好滑， 羊奶芝士味好出。朋友果然冇介紹錯， 食物質素相當高，加埋個環境又舒服， 今餐食得好滿意。

Went to try for lunch on weekday and no booking is needed as there are still a lot of tables available at 12.The price for lunch set is very reasonable from the range of $168 to $228 which includes salad /soup. main course and coffee/tea.Though the portion is not big and may not be good enough for guys, the presentation is pretty decent.Overall, the service is good and attentive. Definitely will go back and dine again.One last thing which impresses me the most is the environment of the toilet. N

位於海港城每年聖誕燈飾嘅打卡位最近開咗一間新嘅西餐廳，原來係著名嘅西班牙米芝蓮食府Amelia首次進軍亞洲市場，喺2019年12月先啱啱落戶香港海港城，為饗客製作綴以亞洲風味嘅創意新派歐式料理。Amelia Hong Kong 仲係由分別位於英國、西班牙同瑞士多間米芝蓮餐廳嘅星級主廚Paulo Airaudo 嚟擔任行政總廚，夠哂份量。Amelia Hong Kong 坐擁世界級嘅維多利亞港醉人景色，你既可以選揀坐喺 outdoor 位無間斷咁欣賞維港景緻，亦可以選揀室內高雅舒適嘅環境之下用膳。Chicken liver pate with Rosemary Flatbread，迷迭香麵包配雞肝醬，雞肝醬幼滑香濃，入口有直逼鵝肝嘅誘人味道，廚師以多種香料作調味，令整個食味更加豐富，Flatbread 略鹹，但帶迷迭香嘅香氣為分數挽回不少。Beef and Oyster Tartare with Pickled Mustard Seeds and Toast，牛肉生蠔他他伴醃芥末籽配酵母麵包，生牛肉他他份量都唔少， 上面有好多我好鍾意食嘅mustard seed，經醃製後更添風味，既可以

激嬲女朋友😜，所以要搵間好啲嘅餐廳氹下佢😅上Openrice search 下，見喺尖沙咀新開左間餐廳'Amelia '，食物和View都幾靚咁~希望女朋友會喜歡啦😉餐廳裝修得簡潔清雅，我們真好彩👍被安排到窗邊座位，香港夜色真美🤩女朋友胃口比較小，叫左兩個 appetizer,一個main course 就夠喇~烤八爪魚配甜椒馬鈴薯醬，八爪魚烤得剛剛好，一啲都吾韌，但又有口感😋特別要讚下馬鈴薯醬，好香好creamy, 食到舐舐脷😜再來一個伊比利亞拼盤:有沙樂美腸、風乾後腿火腿、風乾西冷， 我特別喜歡風乾後腿火腿😍伊比利亞的火腿味道特別濃郁，中間油花亦比其他細密，有驚喜😋😋😋雖然好多人會以蜜瓜的清甜中和 Iberian ham 的鹹，但 我卻喜歡單獨品嚐😜原來Iberian ham含有大量的油酸，這種單元不飽和脂肪有助於降低低密度壞膽固醇，並提高高密度好膽固醇，能減低患上冠心病之風險。又幾好噃，食多啲都吾怕😆😆😆大蜆海膽西班牙圓米燉飯，賣相一流，上面嘅海膽簡直像畫龍點睛一樣，令整碟飯都生色不少👍米粒吸滿湯汁後仍粒粒堅實飽滿，不易軟爛附有口感😋😋😋美味極致混合海鮮滋味, Q彈美味😍上盛嘅材

終於有假放啦，等了成個星期，放假就要放縱下食餐好的，今晚與朋友選擇來到米芝蓮一星"Amelia "的西班牙餐廳食飯，順便來海港城逛街買東西，來到餐廳門口，那位女帶位職員都好有禮貌，詢問我地有冇留座，安頓座位後又好細心問我地需不需要飲酒，會介紹一些cocktail 給我們，雖然我地晤飲酒，但她會主動奉上mocktails menu ,服務都好熱誠。天氣都較冷所以點了胎菊茶及伯爵茶，兩款花茶都是各$40，用了茶壺奉上，可以慢慢嘆茶先頭盤點了iberico Jamon風乾後腿火腿48個月，我選擇了50g ($168),48個月西班牙風乾後腿火腿當中的鹹味適中帶甘香，肉質軟腍帶有肥膏，食落有嚼頭且有橡果的甜味，令人載三回味無窮。再有醋醃新鮮沙甸魚伴橄欖油多士($158)作前菜，我個人最欣賞這款頭盤，醋醃過帶出令人舒適的微醋，食落開胃，意外地魚肉都有咬口，加上rosemary 的自家製麵包脆多士，兩者夾而回味，散出散散迷迭草香，不禁讓我豎指一讚。接下來主食有野生鱈魚配椰菜及燻魚籽伴鯷魚溫熱醬($188)及紐西蘭天然放養雞配菊芋及蘋果($228)，兩者食物水準真是不錯，我較喜歡這碟天然放養雞，雞肉

是日比較空閒，所以去了吃我的BRUNCH。AMELIA 的環境很舒適，坐得很舒服；亦有戶外的地方可以坐。LUNCH SET的價錢很合理*餐包第一次見到那麼大件的餐包；餐包烘得香脆，牛油上灑了海鹽；抹上牛油超可口的。*和牛舌三文治（$108）和牛舌是以COLD CUT的形式夾上稍為烘過的厚切三文治；不過麵包不太夠熱，如果和牛舌是熱的話就更加好了！和牛舌給我的感覺沒有太深刻。*午市套餐-小蟶子伴西班牙香腸醋醬小蟶子吸了酸酸的醋醬，肉質爽滑彈牙；西班牙香腸帶點咸香。-野生鱈魚配椰菜及燻魚子伴鯷魚溫熱醬（$168）野生鱈魚煮得剛剛好，魚肉彈牙之餘，亦非常滑溜；醬汁超級CREAMY，味道帶少少酸，很開胃。*自家製時令意式雪糕-西瓜味第一次食西瓜味的雪糕；感覺比較肉雪芭多一點，可能是西瓜的水份比較重；淡淡的西瓜味雪芭，沾上少量的餅碎，很好吃！