101手工涮涮鍋 (已結業)

星期二晚同朋友去食，事前睇過食評同相覺得都唔錯決定試下la。$288一個人未計加一，呢個價比出面其他任食都貴，質素都應該有返咁上下掛。一行兩人上到去坐左張圓枱，前菜放左係枱麻辣雞絲同雲耳，味道都唔錯之後再叫多兩碟。叫左個三杯卜卜蜆，d蜆好細隻同埋份量唔多。主菜牛頸脊賣相唔錯，但淥幾秒就好，多左一陣都"un" 到咬唔到唔係特別好食一般吧。手工丸又黑松露又芝士咁，其實款款都差唔多味，係個形態唔同，個餃食落都特別出面好少見，不過個皮 “痴”住左，擺得太埋，一分開就好易爛🙈🙈🙈魚皮正常唔多講，個響鈴就大穫，真好大，但太大食落好唔方便，放落個碗好似成碗飯咁，食左一啖就冇食，好油😑飲品任飲試左三杯，第一杯可樂巨蜂提子沙冰唔錯，冰融得快要快飲唔係就好淡味。第二杯青蘋果冰茶冇相，唔好飲好淡好似飲凍水咁第三杯朱古力曲奇珍珠冰，飲落都ok 正常凍朱味。最後個甜品朱古力木糠牛乳布甸，嘩！呢個係成晚最好食，朱古力味好濃，好快食晒成杯。總括$288係唔值既仲要加一🙄🙄，都係食第二間好過！

晚上同朋友去了尖沙咀一帶，發覺有好多美食店又想火鍋，於是去了"101手工涮涮鍋",食任食火鍋。在這里鍋底加蜆，大大隻肥美的蜆在湯上 ‚且全部是新鮮放進沸水中，烚熟至開口。 我忍不住口, 立即撈起熱騰騰的蜆肉立即放進口里。 當中手切肥牛，這個牛肉滾至九成熟或剛熟撈起吃是非常好吃 , 入口就如店里至牛推介一樣軟滑甘香。海蝦的肉質好鮮嫩，要食多些先可。生蠔好大隻，在熟時撈起即食非常新鮮，D肉汁多到不得了。還有很多款式如海鮮類, 蔬菜類, 丸類, 菇類, 手打類, 豬類, 火鍋配料, 飲品, 可供選擇，這一餐我已吃得滿足了。

見到呢間餐廳既食評好好，於是滿心歡喜相約友人2個人一齊試菜。我地點左冬瓜卜卜蜆煲，蜆相對比較瘦小，湯底唔算特別。前菜無限refill，響玲同埋魚皮大過手板，好有新意，都幾脆。但係手工丸處理得麻麻，有腥味任叫既邊爐料最好食既係娃娃菜，正正常常。叫半份黑椒腸佢俾左4片我地，條腸係切片咁上，我打左咁多間邊爐都未見過蜂巢豆腐既口感麻麻蟹棒係急凍咁上，除左長，同街市買既無分別最後既奶茶布丁個口感朋友加左一份30蚊既海鮮，2個人最後690蚊埋單，如果以同樣價錢，同區既聚手工同老鍋質素出色好多，再唔係隔兩個鋪位既水上人蒸鍋都一流結論：101可以唔洗黎

朋友之前介紹過尖沙咀有間台式火鍋好正今晚去開個頭一於就去試下先湯底方面有好多選擇有三杯雞、牛肉鍋、海鮮鍋等等我地揀左小辣既三杯雞鍋湯底甜甜地辣辣地 雞都好爽口另外我地揀左個手工拼盤魚皮同響玲都非常香口!值得推薦佢地既黑松露餃子!充滿松露香味 肉質彈牙可以無限追加既食材都有好多選擇有台灣腸、魚皮餃、方形魚腐等全部都係比較高品質既貨而飲品方面來都好有心機!有可樂冰、珍珠奶茶、水果茶等亦都可以加錢叫酒精飲品！杯杯都有番咁上下大杯剩飲都值回票價下次叫埋成班朋友一齊黎試埋其他野先

有個好耐冇見既朋友想約塔塔子食飯第一時間就諗起最近身邊好多人講既101手工涮涮窩有人甚至話正過係台灣食果D, 講到咁好食, 身為專業食家既塔塔子當然要試下啦我地一早BOOK左位, 但聽到今晚好似好FULL咁, 當然會早D去啦, 結果係第一台到環境都幾好, 我地兩個人都可以坐卡位, 食得舒服前菜: 手撕雞+黑木耳都係有D麻辣味係入面, 唔算好辣, 友人不吃到好辣都話好食接受到, D個幾開胃三杯卜卜蜆涮涮鍋甜甜地, 少少辣(友人唔食得辣, 所以叫少辣), 多多蜆, 個湯底唔錯海鮮拼盤加$30有蠔, 大海蝦, 馬刀貝, 蜆任食仲想點, 抵呀! 而且海鮮好新鮮下, 蠔淥完唔會縮到好細隻, 冇腥味, 不錯黑毛豬肉D個黑毛豬肉係全晚之最, 肉質鮮嫩, 有肉味, 淥30秒到就要食, 咁就食到最嫩口既豬肉即炸響鈴+魚皮通常出去食響鈴同魚皮都係現成既, 但D個我都幾肯定佢係即炸冇呃我, 因為一上台既時候我係聞到即炸既香味既, 呢D即炸野淥5秒真係要食, 如果唔係散梗, 食落同現成既真係唔同, 脆口好多手工火鍋拼盤D個係包羅萬有, D丸幾彈牙, D餃放左黑松露落去, 吊起成個餃既鮮味, 唔錯既配搭, 墨汁

近期人氣極高的手工火鍋，今晚我就決定同好姊妹嚟試一試啦！ 一早在openrice訂座，六點半準時來到，餐廳裝修讓人感到溫馨，座位也舒適。一坐下，待應就送來無限添加的前菜～麻辣木耳和手撕雞，木耳我一向喜歡，加上小小嘅麻辣讓人胃口大增！ 飲品也是無限追加，我們先點了兩杯盆栽系列--- 朱古力珍珠和香芋珍珠奶茶。嘩嘩嘩!很大杯的， 很合適和好友一邊飲嘢，一邊傾計呢！ 朱古力珍珠朱古力味很濃，加上大大的cream ,又香又滑啊！ 好姊妹對香芋珍珠奶茶讚不絕口呢！湯底我們選了冬瓜卜卜蜆鍋。 原來不是湯底咁簡單，內裏真材實料，有很多香甜的蚬及一大片冬瓜，湯底非常鮮甜。兩款主菜拼盤中，我們選了特色的台式夜市火鍋拼盤。拼盤裡有六款滷水食物，還有九份芋圓及紫薯水晶包，極具特色。鹵水食物煮熟後也不會減退鹵水味， 芋圓煙煙靭靭，使整個火鍋也變得不平凡。肉類方面我們就西班牙伊比亞黑毛豬肉片，肥瘦相間，瘦肉甘香而不硬！此外還有很多火鍋配料無限追加，真的是吃到飽一飽啦！最後送上木糠香芋奶茶布甸甜品，為這頓晚餐劃上完美的句号！

難得同蝦子餅二人外出晚飯，蝦子餅又喜歡shabu shabu,早前友人推介厚福街的台式吃到飽涮涮鍋，那麼就決定來個shabu shabu 之夜吧！一早訂好位，餐廳安排了我們二人坐四人卡位，一坐下待應就細心地為我們介紹菜單。經待應的詳細解釋後，我們就選了$288的「101特選手工火煱拼盤」。冬瓜卜卜蜆海鮮鍋很足料，又鮮味！101手工拼盤全是手工制作，十分精緻。三款手打丸都很彈牙，很好美。當中最喜愛的是安格斯霜降手打牛丸。餃子和雲吞也加入了少量的黑松露，口味創新，令食物添加了陣陣幽香。墨魚汁烏結糖外貌真的和烏結糖一樣，其實這是墨魚汁丸，味道也不錯。黑松露蟹子海鮮軍艦和太極冬菇也很獨特，也很好味呢！每兩位可選一款，我們選了手切安格斯Prime Grade牛頸脊牛肉片，肉質細緻結實，而且肥瘦適中呢！海鮮拼盤加$30就可以加追了，蠔很肥美，海蝦也鮮甜。手工即炸響玲和手工即炸炸魚皮真的從未吃過如此新鮮的炸魚皮，兩者也是大大片的，食到停不了口！還有很多款可無限追加的火煱配料，因為已經飽飽，所以只點了白鱔片和脆肉鯇。兩款都很鮮味嫩滑。無限加追的飲品喝兩杯也值回票價吧！香芋奶茶布甸因為太飽，實在吃不下呢

好友即將離開香港到英國讀書, 相約同佢餞行。 由於大家都好鍾意打邊爐，之前又見到好多朋友都有post話呢間火鍋唔錯好抵食， 於是就選擇咗book呢一間《101手工涮涮鍋》。佢有分唔同時段， 我哋揀咗9點個時段，因為諗住咁樣冇咁易畀人趕，可以吹耐啲水。哈哈~好耐冇去過厚福街食嘢，d鋪頭都唔同曬, 呢一間火鍋店門口雖然細細，但係都好易睇到。 一去到，waiter哥哥就畀張兩碟前菜我哋，涼拌手絲雞，同涼拌雲耳 ，辣辣哋幾惹味。由於大家都唔想熱氣，我哋冇揀到特別辣嘅鍋底, 我地揀咗個卜卜蜆冬瓜湯，個湯底好多蜆好甜，好鮮味。主菜主要有兩款揀，因為我哋四個人,所以我哋每款選左兩個, 一款係傳統啲嘅台灣小食,有滷豬大腸鹵水豆腐嗰啲, 另一款就係以丸同餃子為主嘅特色手工拼盤。滷水拼盤好入味，滷味香濃，而手工拼盤嘅丸同餃都好特別，材料用咗唔同配搭，芝士，黑松露，甚具特色。另外我哋加咗個海鮮拼盤,有鮑魚,鮮蝦，鮑魚，貝類。我自己就覺得海鮮拼盤係絕對值得嘅，因為啲海鮮都好新鮮好甜。佢另外有一啲特定嘅食物畀我哋, 分別揀咗黑毛豬同牛肉，兩者厚薄適中，好快就熟，又唔會好似連鎖店嗰啲咁冇口感，ＯＶＥＲＡＬＬ我自己

朋友提議試試這間火鍋，看食評也不差，馬上訂位一試。因訂了位的關係，但其中一位朋友未能出席，所以臨時減了人數，餐廳也安排了卡位給我們3位，座位尚算寬敞，而卡位需與另一檯食客share，當晚booking爆滿，時間到就需要埋單離座，對於我們3個於限時內確實不夠時間食。餐紙大大張夠晒特別，朋友有來過為我們簡單講解如何揀選食物，我們亦挑了海鮮，樣樣試下。欣賞制作用心，看似每樣東西份量不多，但其實每樣一口，未點其他食物肚皮已經很有滿足感，最愛有不同餃子，響鈴及炸魚皮夠香口脆卜卜，牛肉亦很新鮮。我自己點了兩款飲品，有巨峰及芒果，兩款也很合心意。

7:15 黎到，食兩個鐘，9點3要交枱都正路。8:15 已通知我地last order，有咩要叫就叫埋。8:30 甜品都上埋攤到熱曬8:35 已經叫你埋單8:37 想叫多杯野都話cut左單，懶好人咁話俾我地叫埋9:15 準時落到地下，一個人影等緊都無，咁究竟侍應所講今日比較多人等既人係邊？見到其他食評話交枱前10分鐘已經連爐都要收埋⋯今日只係平日星期一，應該唔使咁趕掛。介意趕頭趕命俾人催住曬個d, 黎之前考慮下。

尖沙咀厚福街出名多嘢食就係人都知， 上個Happy Friday， 就同一班好姊妹出嚟尖沙咀聚會， 大家都想搵一間坐得舒服， 又有得任飲任食嘅餐廳， 畀我哋盡情發洩一下。 有朋友就介紹咗呢間《101手工涮涮鍋》， 話除咗打邊爐外， 仲有台式飲品無限添飲， 就算傾到口水多過浪花都唔使怕啦。由於我哋夜晚九點入座， 所以就有任飲沖繩Orion生啤， 冰涼暢快嘅感覺， 簡直令炎炎夏日悶氣全消。 放咗工仲有happy hour，真爽~呢度嘅火鍋套餐係半任飲任食形式， 前菜就有麻醬麻辣手撕雞同埋麻辣木耳， 兩者都麻香十足， 非常醒胃。至於主菜就揀咗冬瓜卜卜蜆海鮮鍋， 呢個卜卜蜆海鮮鍋有好多白沙蜆， 每隻都脹卜卜， 夠曬鮮甜又冇沙。 白沙蜆嘅鮮甜味融入曬喺湯入面， 鍋底裏面嘅冬瓜同娃娃菜亦吸收曬湯入面嘅精華所在， 非常入味可口。海鮮類別：另加30蚊就會有呢個時令海鮮拼盤， 呢晚嘅時令海鮮有鮑魚， 馬刀貝， 游水海蝦， 同埋卜卜大蜆。 鮑魚上枱嘅時候仲係扭動緊， 真係夠曬新鮮， 不過鮑魚千祈唔可以煮得太耐， 如果唔係就好易變擦膠㗎啦~ 大概滾兩分鐘左右， 肉質就最嫩滑彈牙。 海蝦亦非常新鮮， 蝦肉彈牙

今天是白露，晚間開始有點秋風送爽。所謂美食慰衷腸，秋意解情懷。已經急不可待來到厚福街這間101手工涮涮鍋打邊爐了！食店是樓上舖，裝修雅致，一排飾櫃將樓梯分隔，坐下來就舒服得多了！餐牌一目了然，二百幾元的極上吃到飽套餐包括九個項目，每項都有不同的選擇，有特別收費的都寫得清清楚楚，絕對均真！前菜有麻辣麻醬手撕雞，少少辣，另外還有麻辣木耳，爽脆可口。店主真細心，讓客人在等待火鍋期間，都有點東西落肚！主菜有九款湯鍋，有辣有不辣，我們當然選擇了不辣的冬瓜卜卜蜆海鮮鍋，基本上是一個湯，湯料充足，未放生料之前，我們已經吃了不少蜆肉、蔬菜和菇菌了，再加上湯底清鮮，和一向打邊爐的風味完全不同，今次的湯是可以飲的！肉類已有三款選擇，我們選了安格斯prime grade 牛頸脊肥牛片，肉質肥瘦適中，肉質嫩滑，肉味香濃，極具嚼勁，不錯👍跟著揀了101特選手工火鍋拼盤，內裏包括了不同的手工肉丸和餃子。最值得推介是這個墨魚汁鳥結糖，望落只估到是加了墨魚汁的墨魚膠，原來它是混入了雞軟骨和冬菇，吃落淋滑之餘又爽脆，好有趣，店員還提醒我們只要淥20秒即可品嚐！。另外太極冬菇，黑松露蟹子海鮮軍艦，名字和賣相令食物生色不少

點解呢間野可以呃人，打去 book 位既時候想 book 8:30pm，店員同我地講叫我地 book 8:45pm，因為 8:45pm 後有生啤任飲，點知我地 8:30pm 早左到，去到同佢講 book 左 8:45pm，佢話可以食到 10 點半，到落 order 問佢係唔係生啤任飲，佢話我地唔係 8:55pm 後入座，同佢講 book 位果時唔係咁講，佢就話唔得，要入機先做到，咁樣呃客人法仲點幫襯落去 ?

朋友發現到呢間抵食既打邊爐，lunch 時間唔算多人，今次都係第二次去，都唔洗等位。入到去係有張menu, 比我地剔底想要咩湯底，麵底，3款配料同飲品。都算幾多配料揀，野食大概等10分鐘左右。都幾大鍋，同埋湯料好夠，我呢個係沙茶湯底，配左雞脾肉，芝士腸同油麥菜，煮大概10分鐘都好夠熱。雞脾肉幾好食，唔會太林身。湯底都唔錯，幾特別。佢仲有一杯，大大杯既野飲，我就嗌左柑桔檸檬特飲，佢唔會太多冰。都好夠飲啦。lunch 打邊爐，有野飲，$48 同免加一，真係幾抵。都推介下大家去試試。

之前聽朋友講尖沙咀有間任食嘅火鍋幾出色今日終於同左男朋友去試試呢個任食火鍋比較特別 首先會有兩款套餐俾你揀之後會再有一張Menu係俾你無限追加嘅而我就揀咗101特選火鍋嘅～另外再加左份海鮮拼盤 佢哋嘅食材 我都覺得好新鮮其實拼盤上嘅我都冇咩唔鍾意食 哈哈佢嗰啲餃子同D丸都好特別好似個墨魚丸咁 竟然係有芝士喺裏面嘅牛肉丸嘅芝士餡我都食過。。。但係墨魚丸真係第一次呀佢哋嘅響鈴係新鮮炸架 真係超巨型！！！同埋新鮮炸嘅同我哋喺出邊買現成嘅真係好唔同海鮮都好新鮮呀 好細心嘅係鮑魚已經整走晒啲腸我哋就咁夾舊肉落去就已經可以啦～佢地啲嘢飲都真係超級大杯！！而且大多都係特飲款式 又有得任飲 又好味我見到人哋啲盆栽珍珠都好正 下次要試吓人哋個杯先～呢度地方環境都唔算太逼夾 同埋啲侍應都好好禮貌 下次都會再嚟幫襯