更多
2017-09-13
5579 瀏覽
好友即將離開香港到英國讀書, 相約同佢餞行。 由於大家都好鍾意打邊爐，之前又見到好多朋友都有post話呢間火鍋唔錯好抵食， 於是就選擇咗book呢一間《101手工涮涮鍋》。佢有分唔同時段， 我哋揀咗9點個時段，因為諗住咁樣冇咁易畀人趕，可以吹耐啲水。哈哈~好耐冇去過厚福街食嘢，d鋪頭都唔同曬, 呢一間火鍋店門口雖然細細，但係都好易睇到。 一去到，waiter哥哥就畀張兩碟前菜我哋，涼拌手絲雞，同涼拌雲耳 ，辣辣哋幾惹味。由於大家都唔想熱氣，我哋冇揀到特別辣嘅鍋底, 我地揀咗個卜卜蜆冬瓜湯，個湯底好多蜆好甜，好鮮味。主菜主要有兩款揀，因為我哋四個人,所以我哋每款選左兩個, 一款係傳統啲嘅台灣小食,有滷豬大腸鹵水豆腐嗰啲, 另一款就係以丸同餃子為主嘅特色手工拼盤。滷水拼盤好入味，滷味香濃，而手工拼盤嘅丸同餃都好特別，材料用咗唔同配搭，芝士，黑松露，甚具特色。另外我哋加咗個海鮮拼盤,有鮑魚,鮮蝦，鮑魚，貝類。我自己就覺得海鮮拼盤係絕對值得嘅，因為啲海鮮都好新鮮好甜。佢另外有一啲特定嘅食物畀我哋, 分別揀咗黑毛豬同牛肉，兩者厚薄適中，好快就熟，又唔會好似連鎖店嗰啲咁冇口感，ＯＶＥＲＡＬＬ我自己
好耐冇去過厚福街食嘢，d鋪頭都唔同曬, 呢一間火鍋店門口雖然細細，但係都好易睇到。 一去到，waiter哥哥就畀張兩碟前菜我哋，涼拌手絲雞，同涼拌雲耳 ，辣辣哋幾惹味。
由於大家都唔想熱氣，我哋冇揀到特別辣嘅鍋底, 我地揀咗個卜卜蜆冬瓜湯，個湯底好多蜆好甜，好鮮味。
主菜主要有兩款揀，因為我哋四個人,所以我哋每款選左兩個, 一款係傳統啲嘅台灣小食,有滷豬大腸鹵水豆腐嗰啲, 另一款就係以丸同餃子為主嘅特色手工拼盤。滷水拼盤好入味，滷味香濃，而手工拼盤嘅丸同餃都好特別，材料用咗唔同配搭，芝士，黑松露，甚具特色。
另外我哋加咗個海鮮拼盤,有鮑魚,鮮蝦，鮑魚，貝類。我自己就覺得海鮮拼盤係絕對值得嘅，因為啲海鮮都好新鮮好甜。
佢另外有一啲特定嘅食物畀我哋, 分別揀咗黑毛豬同牛肉，兩者厚薄適中，好快就熟，又唔會好似連鎖店嗰啲咁冇口感，ＯＶＥＲＡＬＬ我自己就比較喜歡黑毛豬。
另外有一D唔使選，係set入面有嘅嘢，就係超鍾意嘅炸魚皮同炸響鈴，食咁多次邊爐，都未見過咁大塊響玲。我諗未必係攞返嚟，可能係師傅自己做嘅，非常脆口，好好味。
另外，好正嘅係嘢飲任飲囉， 啤酒都有得任飲(9點後)，不過因為已經未食飯前happy hour過，所以我就冇揀啤酒，我揀咗蜂蜜生果冰茶，超級勁好飲， 夠凍夠大杯又唔會過甜，我足足飲咗四杯，朋友都話我好誇張， 但真係想推介囉~
食到非常非常非常之飽先後。。發現原來仲要有甜品，係奶茶布丁同芋頭布丁，味道不過不失，唔會太甜，但如果冇咁彈口應該會好啲。
最後，真係要讚一讚嘅係呢到既侍應, 而家出嚟食嘢唔使睇侍應面色已經覺得好似賺咗咁㗎啦,呢間Ｄ侍應，非常之好人,絕對唔會怕麻煩， 非常樂意幫助客人, 下次一定會再食過～
張貼
