101手工涮涮鍋 (已結業)

當晚好難得約得成五對情侶，我地最後決定打邊爐。餐廳安排左廂房，等我地可以傾得盡興！極上吃到飽套餐包括前菜、主菜、肉類、火鍋拼盤、無限追加精選火鍋配料、飲品和甜品。先吃手工即炸響玲拼炸魚皮，係我食過最巨型嘅響鈴！！炸得非常酥脆，乾身唔油膩，有驚喜。火鍋湯底揀左台灣香辣三杯雞涮涮鍋，辣度分大中小，我地揀左小辣。三杯雞鍋內有豆卜、鴨血、雞件、丸類等等，愈煮愈辣，十分惹味，不過鍋底偏鹹。另外揀左冬瓜卜卜蜆海鮮鍋，加左大量卜卜蜆，湯底略淡。台灣夜市火鍋拼盤有各式滷水、芋圓、紫薯水晶包，滷水做得挺不錯，夠入味。101特選手工火鍋拼盤非常豐富，包括墨魚汁鳥結糖、三重芝士鮮製蝦丸、黑松露蟹肉餃等。最特別是墨魚汁鳥結糖，將墨汁墨魚丸弄成鳥結糖模樣，口感帶嚼勁。火鍋當然唔少得牛肉，手切安格斯牛頸脊肥牛片肉質軟腍，肉味濃郁，如果能切厚一點就好了。飲品選擇眾多，我地一致認同盆栽奶茶系列最好飲！盤栽香芋珍珠大大杯，珍珠奶茶表面撒上Oreo碎。飲落有少少似香芋雪米糍嘅味，珍珠煙煙韌韌，好啱我口味。

天氣漸冷，當然想打邊燦暖暖身，原來尖沙咀厚福街有一間台式火鍋店，午市推出一人火鍋，價錢四十八元，包一杯飲品。這個超值的價錢，不好吃都要試一試。一人火鍋有幾款湯底，如三杯雞、麻辣、蕃茄等，今次點了麻辣，配料則有二十多款，點了木耳、牛肉、雞脾肉。麻辣湯底麻味較重，辣味一般 ，適合不太吃得辣人士，至於牛肉淋滑；雞脾肉煮得耐亦能保持嫩滑；木耳爽口，吸盡湯底味度。飲品方面亦不馬虎，珍珠奶茶加上忌廉和oreo 碎，令奶奶味道增加層次。以四十八元價錢，食物不偷工減料，性價比超高，十分推薦。

一輪無嚟厚福街，又發現新大陸，有手切牛+蜆+手工丸+火鍋+任飲特飲... 有齊我至愛... 朋友仲未睇完Menu，已經比我拉咗入去... 「兩位丫唔該～」🤗酸菜蜆煲，好多蜆，好足料，湯底鮮甜～手切安格斯牛頸脊，肥瘦均勻，香濃牛肉味～😍用墨汁墨魚滑🦑做成嘅鳥結糖形墨魚丸，爽口彈牙...好特別～牛丸、墨丸、餃子、釀冬菇、釀豆卜... 全部真材實料，勁彈牙，爽滑～松露味香噴噴～大大條響鈴上檯，差啲放唔落枱面，好彩侍應識得玩齊積木，先至安放妥當... 響鈴同炸魚皮都吹卜卜，即食或放湯，同樣美味～重要嘅配角出場... 特濃朱古力珍珠盆栽、愛文芒可樂沙冰... 超好味... 無限任飲特飲，淨飲唔食都返本～飲飽食醉... 侍應仲拎多兩杯布丁嚟，感覺實在吃不消...🤨 睇見已經食唔落... 🤢好彩朋友二話不說，食咗第一啖... 「淡淡嘅台式奶茶味，唔太甜，好好味～」... 憑着朋友呢個評價，再飽都要食埋佢... 一啖食落去，嘩... 😍太好味，就係朋友所形容嘅咁... 唔使3秒俾我清左... 仲想再食添...😋 唔好逼我增肥～🤭

小編是名不節不扣的火鍋控，但台式火鍋就未嚐過。今晚和朋友火鍋癮起，就到厚福街這間101，體驗下台式風味。三杯雞湯底湯底內有蜆仔和豬紅，很驚喜，呢兩款食材都是我喜歡食的，聞到陣湯香蒜感覺，少少辣，期待有酒味，可惜沒有。響鈴我是響鈴鐵粉，這套餐已包響鈴和魚皮。魚皮就簡單普通，沒有特別拍照。但響鈴就嚴重建議大家細味品嚐，原因就是因為響鈴是手工做法，餐廳自製，夠新鮮。而且size長過手臂，視覺效果一流；因腐皮厚身，浸多兩秒都不失爽感。手工拼盤太極冬菇將黑白兩色墨魚膠釀入鮮冬菇中，墨魚膠夠爽口，在鍋中滾動咗好耐都沒有解體。黑松露豆腐卜松露味濃，釀入豆卜口感一流。鳥結糖最喜歡這款，其實是用墨魚製成，長條外型，似足鳥結糖。滾咗好耐都保持彈牙，有咬口，而味道很鮮甜，同糖一樣咁sweet。（追加）皇帝菜菜很乾淨鮮甜預設食物已經狂風掃落葉咁ko晒後，我們再追加其他食物。台灣菜代表非皇帝菜莫屬，二人份量略細，喜歡吃菜類的不仿再點多份。（追加）蟹柳，蔬菜龍蝦丸，水晶包今次追加，其實我們都飽了9成，但是出於好奇，很想試這3款都是此店獨有的食材。長長蟹柳蔬菜龍蝦丸水晶包香芋珍珠奶茶味道偏甜，影相一流。咖啡布甸其貌

位於尖沙咀的101手工涮涮鍋，是一間台式火鍋專門店。曾經吃過一次，覺得三杯雞煲好好吃呢。今天相約四位好朋友和她們的男朋友來吃晩餐，一行十人，好熱鬧好開心阿。辛苦晒咁多位男朋友俾面出現哦。仼食手工涮涮鍋$288/位極上吃到飽套餐，包括: 前菜，主菜，肉類，火鍋拼盤，響鈴，魚皮，配料，飲品等等。全晩重點之一，是巨大的響鈴和炸魚皮，響鈴大得驚人，甚乎有鍋的闊度那裡大呢。魚皮同樣非常香脆，乾身不油，脆卜卜，安哥又安哥阿先選擇火鍋湯底，當然是要選台灣香辣三杯雞涮涮鍋。涮涮鍋可選大中小辣，我選擇小辣，辣度又頗高，嗆喉辣喉出汗啦。雞煲越煮煮辣，內有雞件，豆卜，豬血，墨魚丸，洋蔥等等，惹味爆登，超推介阿。肉類方面: 手切安格斯Prime Grade 牛頸脊肥牛 和西班牙比利阿黑毛豬。稱得上為Prime級素，肉質和味道果然不錯呢。肥牛質感腍軟，牛味濃郁充足，新鮮美味，打邊爐當然要吃肥牛啦。101特選手工火鍋拼盤拼盤包括: 墨魚汁鳥結糖，太極冬菇，牛丸，芝士鲜蝦丸，蟹肉餃，芝士豚肉餃，芝士墨魚丸等等。吃火鍋吃丸類是常識吧，鳥結糖賣相可愛，質感結實，很特別呢。太極冬菇有墨魚和墨魚汁兩種口味，造型有趣，冬菇濃

我最鍾意任食任飲，一個價錢食幾多都得，唔使下下就住就住，計住食左幾多，朋友推介呢間手工涮涮鍋，話價錢唔貴又有水準，於是即管試試!佢分2個時段，6:00PM同8:45PM，我同班FRIEND就揀左8:45，每位$288另加一，有3個鍋揀，我地揀左個麻辣卜卜蜆，蜆都幾多同新鮮，每2人一份牛同手工拼盤，牛係高檔既牛頸脊，夠晒牛味，拼盤食物種類多，有太極菇、黑松露蟹肉餃，芝士三色丸等有成七、八款，呢兩款雖然無得追加，但分量都唔少，食晒已經飽左8成，至於可以無限追加既食物，有蔬菜同一D食火鍋必有食物外，仲有好多特式野，例如紫薯芋圓同水晶包，真係好少見。另外真係要讚下飲品方面，咪以為得汽水飲咁單調，佢有可樂沙冰，又有不同既台式奶茶同水果冰茶，而且全部任飲，絕對係誠意之作!

話說天氣開始寒冷,便好想去打邊爐~之後來到係尖沙咀厚福街一間台式101手工涮涮鍋,點套餐時突然見有全新限定湯底推介加$68有<冬陰公加拿大雪場蟹腳鍋>!!!本來諗住得四五隻蟹腳,點知撈左成一大碟蟹腳,勁開心~!同朋友吃蟹腳已經感到好滋味,蟹肉好鮮甜~店員有提示撈完蟹腳可先飲一碗冬陰公湯,果然個湯真的超鮮甜,冬陰公不會有太強勁香葉味,又唔太辣,好岩女仔口味~!湯底另外有D豬紅,洋蔥,草菇,香茅配料,不得不讚片豬紅真係好滑好正~!!點套餐時點了101特選手工火鍋拼盤,其實另一款係台灣夜市火鍋拼盤都好吸引~不過先試了呢度主打既手工拼盤,有:墨魚汁鳥結糖,太極冬菇,安格斯霜降牛丸,三重芝士鮮製蝦丸,黑松露蟹子海鮮軍艦,黑松露蟹肉餃,三重芝士鮮製墨魚丸,全部都好創新~最喜歡粒芝士鮮製墨魚丸,咬入口真係會溶埋d 芝士入口~而肉類就選了西班牙伊比利亞黑毛豬肉片, 肉質口感真的特別嫩口~!!但最令人一試難忘的係手工即炸響鈴同手工即炸魚皮,超級新鮮香口,吃完好想再加追利吃~果然手工造係充滿誠意~!!飲品叫了可樂砂冰系列既巨峰提子味同青蘋果味~送上時見到好有驚喜因為外觀好吸睛,影相一流~!

等了又等，終於得到秋天的來臨了！涼浸浸最適合吃火鍋，在芸芸火鍋店中，選了網上口碑較好的101手工涮涮鍋。 店子的招牌不大，所以行過也未有留意XD 小妹很怕排隊，但能吸引人龍的食店卻令人放心XD 這店6時多樓下也有兩人等位，但等了幾分鐘就有位了! $288 就可享用寫滿一頁Menu的食物及飲品！桌上已擺著前菜，手撕雞及麻辣木耳都好惹味，忍不住encore~ 正當我們為選擇湯底而苦惱，一位笑容滿面的waitress 推介我們選「冬蔭公雪場蟹腳鍋」，可能是她本身有一種親和力，在她誠懇推介，加上我們也喜歡冬蔭公湯，所以決定加$68試試~ 一打開蓋，雪場蟹腳的份量多得令人驚喜！waitress殷勤地提我們先飲一口冬蔭公湯，然後趁雪場蟹未變老前撈起。冬蔭公湯不太辣，完全嚐到蟹鮮味！ 黑毛豬的脂肪分佈平均，沒有冰鮮味。 炸響鈴及炸魚皮做得非常出色，有質素的手工響鈴不會一浸即淋，這份響鈴浸入湯內仍然保持堅挺，吸收了冬蔭公湯，咬下不油膩而且夠鬆化。炸魚皮鬆脆香口。 手工火鍋拼盤賣相已相當吸引，整體質感結實，吃得出是手工製～較有特色的是墨魚汁鳥結糖，外形十足鳥結糖，口感彈牙，能吃到粒粒墨魚添！ 不同於一般

朋友介紹呢度有雪場蟹腳海鮮鍋，放工近近地就黎試下先只需加$68，就可以揀「冬瓜加拿大野生雪埸蟹腳海鮮鍋，一鍋就有7隻雪場蟹腳，蟲草花、紅棗、洋蔥、冬瓜、蕃茄，抵湯滾，即刻動手，員工細心提醒湯滾黎先食蟹腳，朋友果然無介紹錯，抵食我們兩人點了101特選手工火鍋拼盤，因為見到有墨魚汁了結糖，另外有3款黑松露食品，夠特別；墨魚汁了結糖彈牙及咬到煙煙unun既雞軟骨，又幾似鳥了糖既感覺喎.，太極冬菇係釀有蝦膠及墨魚膠既冬菇值得讚係手打丸，蝦丸內藏芝士，墨丸，牛丸同樣爽口彈牙，確係唔錯炸魚皮及手工響鈴都係XL碼😆，不過響鈴不油而魚皮夠脆手切安格斯牛肩脊肥牛片，油脂分佈平均，不錯至於飲品，絕對唔hea,有多款台式飲品及特飲，我點了蜂蜜水果茶、柑桔水果茶、愛文芒果沙冰可樂，三款都好飲，甚至比出面的台灣飲品更好，都係無限添飲❤️除咗套餐內的食物，另外更可以無限追加其他食品，但係食哂套餐內的食物，已經很飽了。甜品有木糠香芋奶茶布甸，滿滿的芋頭香，布甸很滑，脆脆的木糠碎，這個甜品非常好味一路食，已經相約另外一班朋友下次一齊嚟食

唔經唔覺離開舊公司已經4個月，但同舊同事都keep住聯絡。之前做埋同一個部門，就算大家成日話一齊去旅行都得得個講字，但終於可大大聲講：「今！次！成！團！喇！」去旅行時當然要有個茶會先似旅行團架嘛，所以我地就揀左位於尖沙咀嘅101手工涮涮鍋今個飯，借傾行程為名，聚舊為實。其實呢間嘢都有幾多唔同嘅配搭，首先揀個鍋底先，我地揀左麻辣卜卜蜆。不愧為台涮涮鍋，個湯底來到竟然有鴨血！勁正！個個都爭住食！食完後可以打邊爐，每兩人一份牛肉，唔係普通肥牛！係手切安格斯 Prime Grade 牛頸脊肥牛片！仲有手工火鍋拼盤，有太極冬菇、墨魚汁鳥結糖、黑松露蟹子海鮮軍艦、蝦兵蟹將雪條、黑松露蟹肉餃、黑松露芝士豚肉餃、三重芝士安格斯霜降牛丸、三重芝士鮮製蝦丸同埋三重芝士鮮製墨丸！最得意係個墨魚汁鳥結糖，方形墨魚丸咁勁爽口彈牙！但講到最中意，反而係手工即炸響鈴拼炸魚皮！響鈴勁大個又鬆化，炸魚片少粉又脆口，我偷偷地食埋人哋添！其實食完呢到已經勁飽，不過都有追加少少火鍋料，真係食到捧住個肚走！

今日約左個好耐無見的朋友食晚飯，為左方便佢所以相約起尖沙咀食，行經厚福街見到開左唔少新食肆，見呢間套餐放題幾吸引就入去試試。我地六點鐘左右入座，揀左個特選手工火鍋拼盤 （$288）。 主菜就揀左冬瓜卜卜蜆海鮮鍋 。等待上菜時店員就比配料我地整定醬油先，有辣椒、蒜蓉、芫荽、麻醬等等。我整完個醬已經比個friend 食哂d前菜 有個麻醬手撕雞同麻辣木耳，食完好開胃，好彩有得無限refill 話甘快就上個卜卜蜆鍋，有好多蔬菜配料，果片冬瓜煲淋左好入味，d蜆要盡快食，如果唔係會煮到越來越細粒😂安格斯肥牛片同牛肉粒，煮一陣就食得，肥瘦適中。手工餃每款都有一粒，我最鐘意個黑松露餃子，係超勁黑松露味，仲有個芝士蝦丸同墨魚丸都幾特別即炸響鈴卷有手掌甘長，好誇張，但其實最有驚喜係個即炸魚皮，好鬆脆，可惜encore要加錢，如果唔係一定係甘點食完唔夠飽可以無限追加火鍋配料，最後半小時會提你last order。另一個回本位係台式飲品任飲，平時餐廳飲杯水果茶都要幾十蚊，就算街邊外賣珍珠奶茶要要十幾廿蚊。推介愛文芒果水果冰茶，開頭飲有d甜，但d冰溶左後就剛剛好，另外個珍珠奶茶都好飲，唔太甜。

踏入11月，天氣開始轉涼，約朋友去滾是常識吧🤣🤣🤣 之前已吃過這間餐廳銅鑼灣店的午市涮涮鍋套餐，抵食又好味，今次一於試下它的「極上吃到飽」晚餐吧！我們選了冬瓜卜卜蜆海鮮鍋，超多蜆，鍋內墊了塊厚冬瓜，還有豆卜和娃娃菜，個湯底好有內涵😻😻😻手切安格斯Prime Grade 牛頸脊肥牛片：牛肉新鮮有肉味👍🏻時令海鮮拼盤：包括珍寶美國桶𧐢、游水大海蝦、馬刀貝及卜卜大蜆，全部都很鮮甜美味😻😻😻101特選手工火鍋拼盤（由左下至上順時針）：墨魚汁烏結糖、太極冬菇、黑松露蟹子海鮮軍艦、黑松露蟹肉餃、芝士豚肉餃、三重芝士鮮製墨魚丸、三重芝士鮮整蝦丸及安格斯霜降牛丸，很有特色，材料新鮮，味道很好👍🏻👍🏻👍🏻手工即炸響鈴卷拼魚皮：從未吃過這樣厚身又大卷的響鈴，非常好吃！魚皮超爽脆😻😻😻除此之外，還有好多食物無限任添加😸😸😸盤栽特濃朱古力及珍珠奶茶：又大杯又好飲😻

今個月是本人生日月，一班好友與我慶祝，食飯傾傾計，談談心！朋友選了尖沙咀101手工涮涮鍋，環境很好，每張枱都能做到自成一角的效果，私隱度很高，同朋友傾密計也很方便，不會怕尷尬。我們點了極上吃到飽套餐，每位只需要$288，職員推介有限定湯底，細看雖然力$68，但可以選雪場蟹腳鍋，所以我們選了台灣香辣三杯雞汁雪場蟹腳鍋店員將調味品送上枱，多款調味品任君選擇，排列整齊，看見多種顏色的調味料放在一起，已經很開胃。我們隨即選了一些飲品，選擇也很多。飲品質素很高，台式飲品無論從賣上到味道都很不錯，我們選了幾款飲品，有砂冰系列，有盤栽奶茶系列，還有冰茶，賣相和味道都很吸引，最大的賣點是這些飲品都可以無限添飲，所以適合好友相聚，可以慢慢傾，慢慢飲，格調和味道都一流。不久雪場蟹湯底已經送到，長腳蟹份量不少，其實$68能有這麼多雪場蟹，真的很化算。餐廳都很細心，送上食蟹工具讓我們食用長腳蟹。我們加了兩位海鮮，每位海鮮另加$30，幾款海鮮都很新鮮，最喜歡是筒蠔，很大隻也很鮮味。我們選了安格斯牛頸肥牛片，牛肉很鮮味，賣相亦很吸引。除此之外，我們也選了西班牙黑豬頸肉，賣相更吸引，店員將豬肉排成玫瑰花形狀，送到上

同舊同學聚舊，同學揀左呢一間，話有朋友推薦。地點又方便，尖沙咀大家地容易去。我地就揀左極上吃到飽套餐，套餐入面有分前菜，主菜（姐係個火鍋），海鮮拼盤，肉類，火鍋拼盤，響鈴魚皮，火鍋配料同飲品甜品。前菜同火鍋配料都係任食既，可以食到你飽。火鍋方面我地揀左冬瓜海鮮鍋，佢入有有大半舊冬瓜係中間，圈住d蜆。湯底好鮮甜，冬瓜味同蜆味好夾，再加少少胡椒味。蜆肉夠新鮮，冬瓜非常入味，不過好鬼熱食要小心d。肉類我地叫左牛頸脊，依家打邊爐興食呢個位，脂肪唔會太多之餘肉又嫩，淥一淥就食得，牛味濃郁。101手工火鍋拼盤，當中最過癮係個墨魚汁鳥結糖，有d似墨魚滑但係更彈牙。響鈴同魚皮都係即炸，好脆夠新鮮。火鍋配料方面，雪場蟹腳同台灣香腸都好正，啖啖肉。

年尾時年假已用盡，想去個短TRIP都無假，阿Q的做法唯有打返個台式火鍋當自己去左轉台灣啦。湯底加$68升級了做台灣香辣三杯雞汁雪場蟹腳鍋，用上了三杯雞汁，所以都蠻辣的，再加入雪場蟹腳，多了點海鮮的甜味。雪場蟹腳的份量一定足夠二人食用，店員溫馨提示鍋底滾起後便要先食蟹腳，免得蟹肉過熟變鞋。鍋底內還發現了台式的鴨血，質感較挺身，咬下時無豬紅那麼黏牙。另外每人加$30可有時令海鮮拼盤，拼盤中最吸睛的一定是超巨型珍寶美國桶蠔，每人一隻拳頭般大小的蠔，一口咬下時爆出蠔汁，好味。肉類點了手切安格斯牛頸脊肥牛片，牛頸脊是一頭牛當中，牛味最為濃郁的部分，而且脂肪分佈平均，嫩滑得來又不會食到成口油。手工火鍋拼盤最特別的就是墨魚鳥結糖，之前一直以為真的是糖，到店員奉上拼盤時就解釋原來是墨魚打成的魚膠，咬下時有仍有粒粒墨魚肉碎。安格斯霜降牛丸超重牛肉味，彈牙得來仍帶有點點免治牛肉的口感。三重芝士鮮製蝦丸，是爆芝丸，內裡超多芝士。最後餐牌內其實還有一張任食材料的可以選擇，但我們未食到這裏已經超飽，想食但能力未能容許，或者留待下次再光顧時才食吧。