299
24
8
港鐵尖沙咀/尖東站 B2 出口, 步行約4分鐘 繼續閱讀
所有分店 (3)
電話號碼
53995188
營業時間
今日營業
12:00 - 16:00
17:00 - 00:30
星期一至日
12:00 - 16:00
17:00 - 00:30
付款方式
Visa Master AlipayHK 支付寶 現金 AE 銀聯
座位數目
138
其他資料
網上訂座
酒精飲品
自帶酒水
VIP房
電話訂座
賞訂座積分
外賣服務
加一服務費
當面支付
有關獎賞計劃
食評 (364)
等級2 2019-10-11
0 瀏覽
兩個人點左兩個餐 一個係麻辣三杯雞鍋配米線 另一個係紅燒牛肉飯 紅燒牛肉飯個樣唔係幾靚... 不過唔計賣相 個味道幾好 牛肉有少少辣 好濃味 朋友話味道有少少似牛肉乾呢個餐包三件鹽酥雞 都炸得好新鮮 唔錯另外麻辣三杯雞超大份 有雞髀 豆卜 玉子豆腐 金菇同菜 個湯底好似譚仔麻辣味 小小辣好好味加埋米線 兩個人完全食唔哂... 如果想食少少再掃街 兩個人點一個鍋都係唔錯嘅選擇飲品方面點左珍珠奶茶 要左少甜小冰 但係太唔甜.... 可能點返全糖會好啲最後埋單兩個人$150 食到勁飽!抵食之選 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-23
540 瀏覽
一大班人去慶祝,就緊係烚下烚下啦🍲 101邊爐套餐係半自助餐形式,基本火鍋配料係任飲任食既,但係肉類,海鮮就要另加錢喇💰- 湯底方面,由於我地係7個人所以可以揀2款湯底,揀左一個辣,一個唔辣。分別係冬瓜卜卜蜆海鮮鍋同台灣麻辣雞鍋(🌶🌶)。先試左個卜卜蜆鍋,蜆既份量都算多,湯底鮮甜,入面仲會有少量既菇菌類同菜,襯未打邊爐前真係要飲多兩啖😆 -另外個辣雞鍋就好岩打邊爐用喇,鍋內既豆卜吸哂d辣油,一咬落口,d麻辣味就會即刻係你個口到滲出黎,之後蔓延到喉嚨,好惹味🤤 雞件斬到大大舊,冇乜碎骨,係真係有肉食既🐣-我地冇加海鮮🦞,就直接去到肉類喇。揀左肥牛同黑毛豬,牛肉🥩油脂分佈分均,就算用辣辣鍋,都食到牛肉味濃郁,而且冇筋,食落軟滑又夠肉汁,值得加錢encore👍🏻 相比之下黑毛豬就失息左,唔係唔好食,但係牛好食d🤣 -至於併盤方面,我地係一致揀哂101特選手工火鍋拼盤。鐘意食黑松露同芝士🧀既朋友係必揀❗️最特別既就係墨魚汁鳥結糖,好似食緊雞軟骨咁。整個拼盤質素都好好,丸類爽口彈牙,而且款式特別😋-主角當然係最後先出場 - 手工即炸響鈴同鹹蛋黃魚皮❗️❗️❗️真係超級超級超級好食!第1次見咁大條既既響鈴,一上枱,店員就同我地講快d食,因為係即炸,凍左就冇咁好食架喇。響鈴好脆口,dim湯食係一流,不過小心辣嘴。魚片勁厚切,但係唔會影響酥脆既口味,鹹蛋黃包左哂成塊黃片,真係會愈食愈上癮😆😆😆-其實食完個套餐已經飽左7,8成😂 火鍋配料都唔係幾食到,自問大食既朋友可以挑戰下😏除左酒之外,其他甜品都係任飲,果茶系列唔錯,想飲d特別既可以揀盆栽系列。雖然食到好飽,但係都要試埋個甜品。仙草芋圓偏甜,感覺上落左好多糖水,芋圓冇乜味,有d失望。不過鹹食全部都好滿意,如果要食,大家記得bk定位喇😊 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-22
342 瀏覽
之前食過lunch , 幾抵食今次都係 食番一人火鍋叫咗 古法牛肉小辣火鍋入面呢就有一粒丸、玉子豆腐、菜等,咁你就可以配個麵、米線啦或者手工麵(+$3)啱啱食嗰陣就覺得冇辣味嘅,但食食下都有少少辣味出嚟 😆個湯底都幾好飲但冇麻味,湯底有d 似牛腩粉嘅湯底味。另1 個, 壽喜燒牛肉味火鍋壽喜燒嘅味好濃, 愈打愈入味加左3蚊 台灣手打麵,但其實冇乜特別可以唔使加錢試total :$67 蚊位唔夠可以加配本身想試 鴨血,但冇貨😜p. s :勁熱,好似冇開冷氣 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-21
535 瀏覽
為左一位長期OT既友人,特登揀左佢公司附近開餐🤓早幾日book左,7點半可準時入席,一坐低已經有幾個前菜包括口水雞、酸辣木耳俾我地醫醫肚先,味道出奇地好食:)$308半任食火鍋(需加一),湯底我地叫左三杯卜卜蜆煲,都有幾多蜆,無沙但唔算大隻,叫左小辣都幾辣,唔食得辣既朋友建議嗌唔辣,其中一位友人食左一陣個咀就腫了🤓每人可以嗌一份火鍋/滷水拼盤,為免得自己孤獨中伏,我地三個都叫了火鍋拼盤,每人大概有10樣野到,每一款都幾好味,特別係d丸同餃🤤而每兩位就可以免費叫一碟牛或豬,叫左豬覺得麻麻,同埋我地3個人感覺有d蝕🤔每限追加都幾多野揀,而且可以叫半份都幾好:)響鈴出色,隔離個魚皮都幾好食(雖然張相睇唔到)蜂巢豆腐長鱈場蟹棒無咩特別,但應該真係有八寸~仲食左萈菜、魚皮餃、芝士竹輪、午餐肉等⋯但友人太心急,通常我未影相已經落左鍋⋯免費野飲既選擇都出奇地多同特別,例如有唔同口味既沙冰配可樂、無糖既茉莉花茶、珍珠奶茶⋯而手工啤酒都係$28蚊杯臨走仲有清涼既雪耳芋圓龍眼肉糖水,感覺好似即時清一清,罪惡感都無咁大加錢追加就可留意番以上既餐單,但個人認為免費既已經好足夠 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-11
1286 瀏覽
$300零蚊既價錢可以食到質素唔錯既手工打邊爐。湯底有好多選擇,我當日就選擇左酸菜白肉鍋,絕對有料唔係hea野,仲有佢既手工配料全部都好好味,我就幾鍾意佢既"牛肉餃?、墨魚條"、另外肉有三款,豬頸肉、豚肉、牛肉,每兩個人一碟,都食唔曬😂最正係無限時任坐,仲有超多特色飲品選擇,沙冰、珍珠奶茶...等等。 佢既手入啤酒都好唔錯😋好易入口。卡位可以坐到6個人,有時間可以坐耐d,吹水 frd聚都係一個好選擇。 繼續閱讀
(以上食評乃用戶個人意見 , 並不代表OpenRice之觀點。)