影片
更多
2017-09-10
4399 瀏覽
尖沙咀厚福街出名多嘢食就係人都知， 上個Happy Friday， 就同一班好姊妹出嚟尖沙咀聚會， 大家都想搵一間坐得舒服， 又有得任飲任食嘅餐廳， 畀我哋盡情發洩一下。 有朋友就介紹咗呢間《101手工涮涮鍋》， 話除咗打邊爐外， 仲有台式飲品無限添飲， 就算傾到口水多過浪花都唔使怕啦。由於我哋夜晚九點入座， 所以就有任飲沖繩Orion生啤， 冰涼暢快嘅感覺， 簡直令炎炎夏日悶氣全消。 放咗工仲有happy hour，真爽~呢度嘅火鍋套餐係半任飲任食形式， 前菜就有麻醬麻辣手撕雞同埋麻辣木耳， 兩者都麻香十足， 非常醒胃。至於主菜就揀咗冬瓜卜卜蜆海鮮鍋， 呢個卜卜蜆海鮮鍋有好多白沙蜆， 每隻都脹卜卜， 夠曬鮮甜又冇沙。 白沙蜆嘅鮮甜味融入曬喺湯入面， 鍋底裏面嘅冬瓜同娃娃菜亦吸收曬湯入面嘅精華所在， 非常入味可口。海鮮類別：另加30蚊就會有呢個時令海鮮拼盤， 呢晚嘅時令海鮮有鮑魚， 馬刀貝， 游水海蝦， 同埋卜卜大蜆。 鮑魚上枱嘅時候仲係扭動緊， 真係夠曬新鮮， 不過鮑魚千祈唔可以煮得太耐， 如果唔係就好易變擦膠㗎啦~ 大概滾兩分鐘左右， 肉質就最嫩滑彈牙。 海蝦亦非常新鮮， 蝦肉彈牙
由於我哋夜晚九點入座， 所以就有任飲沖繩Orion生啤， 冰涼暢快嘅感覺， 簡直令炎炎夏日悶氣全消。 放咗工仲有happy hour，真爽~
呢度嘅火鍋套餐係半任飲任食形式， 前菜就有麻醬麻辣手撕雞同埋麻辣木耳， 兩者都麻香十足， 非常醒胃。
至於主菜就揀咗冬瓜卜卜蜆海鮮鍋， 呢個卜卜蜆海鮮鍋有好多白沙蜆， 每隻都脹卜卜， 夠曬鮮甜又冇沙。 白沙蜆嘅鮮甜味融入曬喺湯入面， 鍋底裏面嘅冬瓜同娃娃菜亦吸收曬湯入面嘅精華所在， 非常入味可口。
海鮮類別：另加30蚊就會有呢個時令海鮮拼盤， 呢晚嘅時令海鮮有鮑魚， 馬刀貝， 游水海蝦， 同埋卜卜大蜆。 鮑魚上枱嘅時候仲係扭動緊， 真係夠曬新鮮， 不過鮑魚千祈唔可以煮得太耐， 如果唔係就好易變擦膠㗎啦~ 大概滾兩分鐘左右， 肉質就最嫩滑彈牙。 海蝦亦非常新鮮， 蝦肉彈牙爽口， 蝦頭又有蝦膏， 夠曬鮮味。
肉類方面：有西班牙伊比利亞黑毛豬肉片， 安格斯prime牛頸脊肥牛片， 伊比利亞黑毛豬最出名就係肥瘦平均， 肉質 嫩滑，味道香濃， 而且仲冇豬嘅騷味， 入口夠曬juicy。 至於安格斯牛頸脊， 就用咗較高級嘅prime grade牛， 牛味當然香濃， 而且亦唔會砌得太薄， 牛味沖天。
另外仲有101特選手工火鍋拼盤， 呢個拼盤有齊各樣丸類同手工餃， 其中最鍾意嘅就係三重芝士鮮製蝦丸， 蝦丸煮熟後一咬下就爆曬芝， 仲有拉絲添~ 另外亦推介黑松露芝士豚肉餃， 係豚肉入面混入咗黑松露醬， 一咬下， 黑松露嘅香氣攻入鼻腔， 而且豚肉仲混入芝士，味道夠曬香濃。 仲有墨魚汁了結糖， 原來係彈牙嘅墨魚滑， 賣相夠曬得意。
叫得台式手工涮涮鍋就一定要試下呢個台灣夜市拼盤， 呢個拼盤有好多款鹵水小食， 當中嘅滷水大腸同鹵水牛肚就最為出色， 鹵水汁味道濃郁， 充滿各種香料嘅香氣， 而且各款嘅火鍋配料亦滷得非常入味， 就算用嚟打邊爐亦同樣品嚐到滷水嘅香氣。 滷大腸相當肥美， 唔怕肥嘅朋友不妨食多幾舊。
另外仲有平時打邊爐食唔到嘅芋圓小丸子，黎自台灣九份嘅芋圓小丸子分別有地瓜同紫薯味， 口感非常q彈， 煙煙靭靭， 令人一顆一顆吃下， 簡直係食唔停口。
另外仲有呢款紫薯水晶包， 水晶包嘅皮非常煙韌， 裏面嘅紫薯甜甜地， 而且紫味香濃， 非常特別。
最最最最最後， 就有即炸響鈴卷同埋即炸魚皮， 由於夠新鮮， 所以份外香脆， 食物夠曬脆卜卜。
如果唔鍾意飲啤酒， 鍾意清清哋嘅台式飲品嘅話， 就介紹呢杯蜂蜜水果冰茶， 呢杯冰茶蜂蜜味十足， 夠曬滋潤， 而且甜味亦較為淡， 最啱就係食到飽飽濟濟之後， 解解渴。
埋單每人只係三百幾蚊， 大家都捧住個肚返屋企， 真係相當抵食~
張貼
