龍亭

今日嚟開佐敦，咁岩要同朋友慶祝生日，上網見呢間岩岩開業，就決定book 位試下😆季節廚師發板套餐$788沙律🥗-北海道煙三文魚沙律咸香嘅煙雪文魚，配上特別嘅龍珠果同新鮮沙律菜相當開胃前菜-魚子醬溫泉蛋食之前先攪勻，偏咸嘅魚子醬增加左溫泉蛋嘅味道同口感鐵板海鮮兩品-鮑魚/東星班四種海鮮中選擇兩種，今次就揀左鮑魚同東星班魚柳，鮑魚用蒜蓉調味相當惹味，而魚柳即半煎半蒸焗，魚肉滑溜仲有可以塔埋藍色啲碟豆花海鹽泡泡增加咸味鐵板肉類一品-澳洲牛柳粒肉類就揀左牛柳粒，首先將完整一件牛柳煎煮到五成熟左右再切粒上碟，可以配塔脆蒜片、竹炭海鹽同埋手磨芥末，令軟嫩牛柳增加不少風味湯-昆布豆腐麵豉湯展示出廚師嘅刀工，將豆腐切成花，湯身味道都唔錯炒飯-牡丹蝦炒飯牡丹蝦鮮甜味十足，炒飯粒粒分明，仲有炒炒焦香脆口是日甜品-豆腐雪糕🍦日本豆腐雪糕，滑身唔會太甜，豆腐味濃郁呢餐真係好有驚喜😎

今日同朋友嚟左依間係佐敦新開嘅鐵板燒餐廳，門口隱藏得好神秘，搵左一陣先見到🤣，不過就好易搵因為門口上面掛住 龍亭 兩個大字嘅招牌入門廚師發板套餐$588沙律🥗-季節限定沙律第一次嘗試龍珠果，感覺幾特別，味道微酸，配搭埋新鮮沙律菜同幾甜嘅菠蘿🍍鐵板海鮮兩品-鮑魚/帶子四種海鮮之中我揀左鮑魚同帶子，鮑魚彈牙之餘仲加上經調味嘅蒜茸真係好惹味👅而帶子一樣彈牙，而且鮮甜好味，加上魚子醬同意大利黃瓜提升咗味道嘅層次同增加咗口感主廚仲特別係伴碟上加入碟豆花海鹽泡泡，可以同海鮮一齊食增加風味鐵板肉類一品-秋田豬扒肉類就可以三選一，而我選擇秋田豬扒，肉質鮮嫩軟腍，主廚特意提供兩種醬汁，鮮甜清爽嘅菠蘿菜汁同特濃蒜茸牛油🧈炒飯-牡丹蝦炒飯廚師跟據我地進食嘅進度先開始炒，飯粒粒粒分明，仲帶少少焦香脆口，而蝦肉鮮甜爽口彈牙是日甜品🍮-紅酒雪梨🍐🍷深紅嘅雪梨吸滿紅酒，味道香甜，配埋檸檬忌廉口感清新絲滑

龍亭位於寧波街同白加士街既轉角位，我完全被餐廳既大logo吸引左，龍亭主要食鐵板燒，價錢可以接受。餐廳裝潢以深綠色為主調，一入門口就見到大型水晶吊燈，座位唔算多，樓底高，空間感十足。我同女友分別試$588入門廚師發板套餐同$788季節廚師發板套餐。兩個套餐既沙律都係差唔多，材料同樣有菠蘿、沙律菜、黑醋同龍珠果，不過$788套餐會多一件煙三文魚。$788既套餐亦多左呢個黑松露溫泉蛋，食落好似豆腐花咁，口感特別。鐵板海鮮兩品方面，海鮮四選二，包括南非鮑魚、帆立貝、帶子同東星班，我地叫左兩個套餐所以可以試曬四款。鮑魚內質彈牙，蒜蓉醬惹味之餘又唔會蓋過鮑魚既鮮味。帶子放係意大利黃瓜上面，再加左魚子醬，賣相精緻到我以為食過西餐😍帆立貝配上牛油黑松露醬，味道香氣都提升左一個層次。東星班就啖啖肉無咩骨，肉質結實。海鮮兩品旁邊有碟豆花泡泡，能夠提升海鮮既鹹味同鮮味。鐵板肉類方面，餐廳提供三款肉類，包括澳洲牛柳、日本豬扒同雞扒。澳州牛柳肉味香濃，師傅會幫客人切開一件件，竹炭鹽同手磨wasabi都可以令味道昇華🤩至於豬扒肉質軟稔，調味適中，蒜香牛油汁更是一絕！鐵板燒當然唔少得炒飯，炒飯用珍珠米。加左水令飯

最近見到佐敦有新開鐵板燒，餐廳外觀幾特別 忍唔住去試下～～味道都ok既2個人分別叫左：廚師發辦套餐（$588）季節廚師發辦套餐（$788）前菜：黑醋汁龍珠果沙律＋三文魚黑松露溫泉蛋 鐵板海鮮有：黑松露牛油扇貝 蒜蓉醬鮑魚 香煎東星班 帆立貝鐵板肉類有：秋田雞扒（配辣菜忌廉汁）個雞唔錯澳洲牛柳（配竹炭鹽 蒜片）湯品：昆布豆腐面鼓湯甜品：雪糕紅酒燉雪梨

龍亭 - 日式鐵板燒今日介紹一間位於佐敦新開業嘅鐵板燒，主打日式鐵板燒，餐廳裝修有格調、環境舒適，採用最新鮮、最時令嘅食材，烹調出頂級嘅鐵板燒體驗。廚師發辦 $588/$788沙律、前菜三文魚刺身加上爽脆開胃的新鮮沙律菜。前菜就係黑松露溫泉蛋，濃郁黑松露配上流心蛋漿。鐵板海鮮二品叫了兩個套餐，所以可以試哂四款海鮮，有黑醋汁東星斑、蒜蓉鮑魚、蝦頭汁虎蝦和黑松露牛油帶子。最鐘意鮑魚，爽口彈牙，配試蒜茸牛油汁超惹味！鐵板燒肉一品牛柳、雞扒、豬扒選一。牛柳軟腍多汁，肉味濃。簡單鹽粒調味經已很足夠。雞扒是秋田，煎得皮脆肉嫩，配上醬汁啖啖肉。麵豉豆腐湯熱熱的昆布湯，配上刀工一流的豆腐雕花大蝦炒飯鐵板炒夠哂鑊氣，飯粒乾身，大蝦鮮甜彈牙。

佐敦間佳佳甜品隔離新開左間日式鐵板燒，裝修得好神秘，不銹鋼門面，上面掛住霸氣『龍亭』二字，入門級價錢晚餐都係$588~$788，於是同家姐一齊去試下。入門廚師發板套餐 $588沙律：鮮菠蘿沙律鐵板海鮮兩品：四選二鐵板肉類一品：三選一炒飯時日甜品：二選一季節廚師發板套餐 $788沙律：煙三文魚沙律前菜：魚子醬溫泉蛋鐵板海鮮兩品：四選二鐵板肉類一品：三選一湯炒飯時日甜品：二選一沙律：新鮮菠蘿配搭煙三文魚、有沙律菜有羽衣甘藍、龍珠果，乾淨新鮮。前菜：魚子醬伴溫泉蛋，半熟溫泉蛋，攪均撈埋魚子醬，如果有塊烤多士就perfect😂。海鮮：有買種選擇，有魚、帶子、扇貝同鮑魚，我地四樣都有揀，魚係香煎東星斑，煎得外皮脆脆，冇骨，唔腥，帶子係刺身級XL，有魚生醬同菊花做裝飾，配搭意大利黃青瓜，一啖入口爆汁呀！鮑魚就中等大小，蒜蓉味好得出，扇貝煮法很特別，用左牛油浸黑松露醬調味。最最最特別係伴碟嘅蝶豆花海鹽泡泡，廚師話唔夠咸可以用來調味。肉類：可揀牛、豬同雞，我地揀左豬，秋田豬肉質軟嫩，配搭的菠蘿汁令我印象非常深刻，酸甜開胃，另外仲有特濃蒜蓉牛油，一塊豬扒兩個口味。家姐揀左牛，餐廳用左澳洲牛柳，七成熟，肉

最近生日朋友帶左我去佐敦食呢間新開嘅鐵板燒。師傅服務態度好好，野食都好有水準，所以拿拿臨趁仲有記憶同大家分享左先🥹。今次叫左Primer Omakasa ($588)同Seasonal Omakasa ($788)。兩set主要分別係後者多左個煙三文魚沙律、魚子醬溫泉蛋同埋昆布豆腐麵豉湯。🥗：雜菜沙律特別之處有埋羽衣甘藍同龍珠果，龍珠果食落甜甜地。燒菠蘿好香甜，可惜得一塊！$788嘅沙律就多左煙三文魚，醬汁一樣都係黑醋同埋檸檬汁。🥣：魚子醬溫泉蛋，師博建議將魚子醬同溫泉蛋攪勻再食用。溫泉蛋嘅香滑撞上魚子醬嘅鹹香，餘味無窮。🍤：海鮮四選二，有鮑魚、扇貝、東星班同埋帶子。第一份係蒜蓉汁鮑魚同埋牛油黑松露汁扇貝。南非孔雀鮑魚新鮮軟腍。牛油黑松露汁超邪惡，配咩都好食。另一份係柚子黑醋東星班同牛油帶子。東星班外皮燒得好脆身。帶子底下配上意大利黃瓜，爽脆口感同帶子嘅軟嫩形成對比。而碟上面嘅泡泡係蝶豆花海鹽泡泡，帶點海水嘅味道，可以為食材提鮮。🥩：肉類三選一，有宮崎雞、澳洲牛柳粒同埋秋田豬扒。今次揀左牛柳粒同豬。牛柳粒充滿肉感，熟度準確。伴碟有炸蒜、手磨wasabi、竹炭鹽、洋蔥粒、同埋櫻桃蘿蔔，全

-龍亭 🐉隨住天氣愈黎愈凍 除左想食火鍋之外仲有就係想食鐵板燒 見到佐敦有新開既就去試下嗌左入門廚師發辦套餐（$588）+季節廚師發辦套餐（$788）基本包括沙律 + 鐵板海鮮x2 + 鐵板肉類x1 + 蝦炒飯 + 甜品2個套食既野食其實係大同小異 就係🥗黑醋汁龍珠果沙律會多片三文魚🐣前菜 - 黑松露溫泉蛋 同埋🧉湯品 - 昆布豆腐面鼓湯抵唔抵食就見人見智啦------------------ Rest of Menu ---------------鐵板海鮮 （配蝶豆花海鹽泡泡）🦪黑松露牛油扇貝🦪蒜蓉醬鮑魚🐟香煎東星班🦪帆立貝鐵板肉類 🥩秋田雞扒 （配辣菜忌廉汁）🥩澳洲牛柳 （配竹炭鹽 蒜片）甜品🍮🍦雪糕🍐紅酒燉雪梨

難得最近可以同👦🏻一齊放假 就出去搵下好野食 見到呢間位於佐敦永安附近新開既鐵板燒好吸引 門口亦都好神秘 即刻預約咗假期去試吓😍🪑佢哋嘅座位唔多 最多十幾個位置 有單點鐵板燒、omakase 類既鐵板燒 價錢性價比都好高👍🏻值得一提 佢哋嘅擺盤好精緻 全部都花足心機✨🧾我地叫左兩款omakase 一款系平啲既入門廚師發辦套餐$588同另一款高級廚師發板$788 兩者嘅分別不大 多左前菜、湯類同刺身✨🥗salad 精緻嘅沙律分別由番茄仔、菠蘿、沙律菜及龍珠果製成 菠蘿同番茄仔之間有小量嘅柚子醬同黑醋汁 甜甜嘅柚子味中和左菠蘿嘅酸味 兩者味道好夾 清新開胃 順帶一提 貴啲個個套餐系煙三文魚😍🥚前菜呢款係溫泉蛋混合魚子醬一齊食 一齊放入口 魚子卜卜爆開 鮮味十足 為溫泉蛋加上調味😂幾特別！🍤Teppanyaki seafood (2 type)兩個套餐都可以各揀兩款 所以我哋叫咗四款唔同可以share試吓 分別係鮑魚、帶子、東星班同赤蝦 ，鮑魚配搭蒜蓉一齊食 蒜味唔會好勁同搶 反而啖啖蒜香更吊出鮑魚嘅鮮味😍 鮑魚肉質超易咬又有嚼勁 好出色😍帶子就配牛油黑松露 食嘅時候要連埋啲黑松露汁一齊食

▫️又發現一間新開既餐廳🕵🏻 主打鐵板燒🔥 位置係佐敦其中一個轉角位，門面又設計得幾神秘👀 望左陣先見到度門🤣 👨🏻‍🍳 季節廚師發板套餐 $788🥗 沙律▫️新鮮三文魚沙律配上黑醋汁幾開胃😋 碟邊仲有菠蘿🍍、龍珠果同蕃茄仔🍅 感覺好清新🍃🍳 前菜▫️溫泉蛋加上魚子醬好鮮味🥰 咁食法又幾得意，好似食緊豆腐花咁滑嘟嘟🤣🐚 鐵板海鮮兩品▫️有4款海鮮可以揀2款，我地叫2個set咁就可以試晒4款啦😆 先有帶子配牛油黑松露汁🧈 帶子爽滑，個汁超香直頭想飲埋佢🤣 俾師傅提一提飲左要跑返好多個圈先得就放低左了🫢▫️香煎東星斑煎得外脆內滑，可以配碟邊既檸檬黑醋一齊食🍋 碟上面仲有啲泡泡🫧 原來係蝶豆花海鹽製成，鐘意濃味啲可以加埋泡泡一齊食好得意🤣▫️另一款香煎帶子配上黃翠肉瓜，同樣加上魚子醬，精緻又鮮味😋 鮑魚彈牙，加上滿瀉蒜蓉好惹味🧄🥩 鐵板肉類一品▫️豬、雞、牛中揀左5成熟既澳洲牛扒🐮 牛味香濃，食落幾juicy💦 師傅介紹碟邊wasabi係自己手磨，配牛扒竟然出奇地夾🤩 配上香脆蒜片，夾埋一齊食口感豐富🧄 另外仲有竹炭鹽🧂 同切到成粒蘑菇咁既櫻桃蘿蔔🍄 用黎清清味蕾再繼續食下一道菜💁🏻‍♀️🥣 湯 ▫️麵豉湯味

晚市鐵板燒有四個套餐588、788、1088、1388。我哋今日揀咗588同788兩個套餐，788套餐多一個前菜同湯品，如果想簡單試吓588都係個唔錯嘅選擇。入門廚師發板套餐$588🌟沙律🌟鐵板海鮮兩品🌟鐵板肉類一品🌟炒飯🌟時日甜品 季節廚師發板套餐 $788🌟沙律煙三文魚雜菜沙律，用咗黑醋調味，仲有菠蘿同龍珠果，酸酸地幾開胃🌟前菜沙律之外係魚子醬溫泉蛋，將魚子醬同溫泉蛋撈勻黎食，魚子醬帶少少鹹香味。🌟鐵板海鮮兩品呢度有四款海鮮可以選擇，我哋兩個餐就叫晒四款試吓，東星斑配黑醋汁扇貝配牛油黑松露汁帶子配魚子醬鮑魚配蒜蓉醬東星斑表面煎到金黃色，魚皮微脆，魚肉都幾滑。扇貝加埋邪惡嘅牛油黑松露汁，味道濃郁。但如果只可以揀兩款嘅話會比較推介帶子同鮑魚，帶子大粒鮮甜，加咗魚子醬係上面，就咁食唔使再點味。鮑魚好爽，配既蒜蓉醬都好食。每款海鮮都會跟埋蝶豆花泡泡，如果覺得海鮮唔夠味可以點，會帶少少海水鹹味。🌟鐵板肉類一品有三款肉類可以揀，澳洲牛柳、日本豬扒及雞扒。我哋兩份都要咗澳洲牛柳，可以自己揀熟度，我哋要咗五成熟，食落口感較軟嫩，唔會鞋， 配咗竹炭鹽、櫻桃蘿蔔、手磨Wasabi及蒜片，可以按自己口味

前排行街見佐敦新開一間鐵板燒，咁啱今日又經過就決定試下。我朋友麻麻刺身，所以就叫咗個primer omakasa, 我地叫咗兩個set，都有兩品海鮮同一品肉類，同埋仲叫咗支梅酒前菜海鮮我地叫咗鮑魚、扇貝、帶子、東星班。如果想食重味少少可配埋呢個蝶豆花鹽， 我個人覺得原本嘅鮮味已經好好食，我尤其鍾意帶子，外脆內軟。肉類我地一個叫咗牛，一個叫咗雞。我覺得牛比較出色，配埋特製嘅山葵同埋鹽，非常好食， 仲可以配蒜片。炒飯非常香，蝦好彈牙環境方面，座位數量唔太多，有興趣嘅可能訂定位會好啲。

好耐無食過鐵板燒，細妹話見到網上食評喺佐敦新開左間性價比幾高嘅，於是一齊去試下。叫左兩個套餐$588/$788，兩個餐基本上差唔多，不過$788嘅沙律upgrade左，多一個前菜同埋湯。整體而言，雖然鋪位唔大，但裝修型格。食材配搭、擺碟同餐具都幾有心思，同埋主理嘅師傅也非常親切。🐱沙律：$588係雜菜沙律，$788係三文魚沙律。黑醋配菠蘿、雜菜、龍珠果、三文魚很清新，擺碟好靚。🐱前菜係魚子溫泉蛋，溫泉蛋偏生。暖暖嘅入口滑嘟嘟，配魚子嘅鹹香味挺特別。🐱海鮮每個餐可以揀兩款：扇貝配黑松露牛油，很香。帶子大大粒，煎得外脆內軟，很有口感，加左少少魚子醬，很鮮味！仲有個意大利翠肉瓜很香脆。東星斑煎得香口，配黑醋很開胃。鮑魚配搭多多嘅蒜蓉很惹味。伴碟仲有個蝶豆花海鹽泡泡，好看之餘，伴著吃有海水味。🐱肉類各餐可選一款：澳洲牛柳煎得外面金黃，入面仲係粉嫩粉嫩嘅。配搭蒜片、手磨wasabi、黑炭鹽吃，每一口都可吃到不同嘅風味。秋田豬肉口感也很軟嫩，配酸酸甜甜菠蘿汁很清新。🐱炒飯熱辣辣，粒粒分明，很香蒜味！蝦很大隻很彈牙。🐱湯品是豆腐昆布味噌湯。豆腐滑滑的，湯嘅味道很濃。🐱甜品有2款：自家製紅酒雪梨配檸檬

🤍龍亭🖤佐敦寧波街27-31號地下A-D舖📍以前食開既omakase都係刺身居多，今次第一次食熟食鐵板為主既omakase! 我地今次叫左一份高級廚師發板套餐($788)同一份入門廚師發板套餐($588)，咩味都可以試下嘛！ 呢個價錢好少見，抵試！🥙沙律及前菜高級套餐既沙律會有多塊煙三文魚另前菜係魚子溫泉蛋，首先打混溫泉蛋，形成蛋花狀，然後再混合一粒粒嘅帶鹹味魚子放入口中，層次豐富味道剛剛好。🦪鐵板海鮮四品因為我哋叫咗兩個套餐，可以試晒四樣海鮮，包括帶子、鮑魚、扇貝、東星班。最好味既係蒜香鮑魚！鹹鹹甜甜嘅蒜香配上厚實鮮甜嘅鮑魚，鐵板煎香味道非常好👍🏻其次東星班配上黑醋汁，魚鮮味沒有被遮蓋，配上微煎香嘅魚皮；扇貝配上黑松露，食得出唔係普通貨色，帶子亦都鐵板煎香，配上翠玉瓜唔會膩👍🏻特別係每碟都配上蝶豆花泡沫，如果覺鹹味唔夠，沾上少少帶鹹味泡沫就fit哂！🥩鐵板料理（牛&豬）呢個有驚喜！每一件都配有唔同嘅醬料。師傅教落食鐵板牛時要每啖配上蒜片，自家打磨既芥辣、黑岩鹽而黑毛豬就有獨特嘅菠蘿汁同埋蒜香牛油汁，兩種食法都好特別，出邊食唔到嘅味道！層次豐富但啱啱好唔膩，唔錯！🍲湯品及炒飯 湯品就係

佐敦開左間新既鐵板燒，都近地鐵站！門面都好有特色，睇上去好高質！上檔次！鋪面唔大，可以容納十幾人，有鐵板附近既坐位，亦有下面既雅座😋我地揀左兩個鐵板套餐，以下菜包括左兩個套餐😋前菜沙律🥗擺盤好靚，有唔同既沙律菜配上黑醋汁，仲有我第一次食既龍珠果！簡簡單單開個胃先☺️小食—黑松露溫泉蛋黎得食鐵板燒一定係精緻食！溫泉蛋配上黑松露都好食😋鐵板海鮮🦞廚師🧑‍🍳哥哥就係前面幫我地燒，燒完就上菜，可以見到新鮮既海鮮慢慢煮熟，香味飄飄！所有既送都係即刻整完就上！擺盤係海鮮+海鹽泡泡蝶豆花，如果你覺得味道唔夠重，可以點下呢個海鹽泡泡🫧增加鮮味☺️🍃東星斑：鮮嫩魚肉，挑選左最嫩既腩肉位置🍃扇貝配黑松露牛油汁：新鮮即食既扇貝配上黑松露牛油汁，好新甜🍃 南非孔雀鮑配蒜蓉醬：新鮮彈牙，蒜蓉講鹹味剛好，好正🍃澳洲牛柳：配上竹炭鹽+手磨wasabi +蘿蔔+蒜片，擺盤好高級，係燒之前，廚師哥哥會問你想要幾成熟，我地要左7成！真係好足牛味☺️油脂味加起身都唔怕膩！🍃秋田豬扒：配秘制菠蘿汁或蒜蓉牛油🧈，成日以為豬肉會好柴，但其實一啲都唔怕！好嫩滑炒飯有好大一隻蝦🦐係碗炒飯面！睇住廚師🧑‍🍳哥哥炒飯之後品嚐，填飽肚最後既空虛