影片
開飯介紹
裝潢獨特且融合日式元素，其日式鐵板燒採用新鮮高質食材，廚師發辦設有不同價位，豐儉由人，是約會及與好友聚餐慶祝之選。
繼續閱讀
營業時間
今日營業
12:30 - 02:00
星期一至日
12:30 - 02:00
以上資料只供參考, 請與餐廳確認詳情
有關餐廳
有關獎賞計劃
相關文章
日式鐵板燒，廚師發辦，kkday仲做緊買一送一，勁抵，今次主題係海膽。餐廳氣氛輕鬆。廚師現場烹調，視覺享受加上美味。時令有機雜菜沙律🥗 呢個沙律新鮮，配料好豐富，特別係有三文魚同魚子，口感清脆，醬汁唔會過重，開胃又健康，食落令人感覺清新。墨西哥海膽玉子豆腐🍮 海膽味道濃郁，搭配滑嫩的豆腐，令整體味道更加層次分明。豆腐的細膩口感配上海膽，真係一個好搭配，食落去有一種滿足感。塔斯曼尼亞海膽配法國生蠔🦪 依道菜好夢幻，海膽同生蠔再配上蝶豆花泡泡，將啲檸檬汁加上去蝶豆花泡泡嗰度佢就會變成夢幻嘅紫粉紅色😍生蠔保持原汁原味，海膽的鮮味提升了整道菜。白松露海膽蘭王溫泉蛋🍳 松露香味濃，溫泉蛋滑得嚟又香，配上海膽真係好正，口感滑順。海膽帶子+鮑魚+龍蝦🦞 海鮮新鮮，帶子彈牙，鮑魚滑，龍蝦肉質鮮甜，三種海鮮一齊食，口感層次分明，好過癮。澳洲海膽炒極品松本 A5和牛🍖 和牛整到岩岩好，油脂分佈平均，海膽味濃，兩者搭配得好好， 加上配菜酸酸甜甜可以平衡返和牛嘅油膩感。菊花豆腐白面豉湯🍲 湯底清淡，豆腐滑，搭配菊花，味道清新。加拿大海膽和牛脂炒飯🍚 炒飯香口，加上海膽，蝦，魚子同和牛，飯粒分明，味道層次多，食落去非常滿足。柚子海膽雪葩🍧 清爽的雪葩，柚子味淡淡，夏天食剛好，幫助消暑，完美結尾。📍龍亭 寧波街27-31號地下A-D號舖 ______________________________ 唔好走住，記得follow同like依個post ______________________________ #eilidh #foodie #龍亭 #尖沙咀 #日式鐵板燒 #海膽 #美食 #食評 #香港美食 #晚餐 #海鮮 #和牛 #豆腐 #沙律 #雪葩
繼續閱讀
網上睇到介紹，見到佢都幾抵，所以決定一試。喺佐敦舊街嘅入邊隱藏住呢一間鐵板燒店，門口比較隱蔽，入到入面，座位比較少，不過充斥住一陣好香嘅鐵板燒味。吧枱已經full晒，所以我哋坐咗喺附近嘅二人枱。首先叫咗一支梅酒飲。因為我同朋友今日都唔算肚餓，所以就冇叫set散叫咗半打燒蠔，燒牛肉，同埋一個海膽炒飯。全部菜式嘅賣相都好精緻，同埋超級好味。只係上菜時間比較耐，可能師傅比較少，同埋佢哋認真烹調料理，但係呢個等待值得嘅。我大推嘅係海膽炒飯♥️係我人生食過最好食嘅海膽炒飯，估唔到佢會加咗滿滿嘅魚子，海膽嘅份量都好多，炒飯入面都好有味，唔好睇佢細細碗，食物嘅份量其實都足夠，食到好飽。下次一定會再帶朋友嚟食呢間，試埋佢哋其他嘢食。
繼續閱讀
喺一個平台見到有人介紹呢間，而且做緊優惠，好似幾吸引，決定試吓～龍亭（佐敦店）淨係揾個入口都用左我三十秒，喺條罅度捐入去！坐低環顧四周環境，有好親切嘅感覺，兒時回憶返晒嚟，咩感覺？就係座喺街邊大排檔，仲要喺張木長凳上面再加張凳仔座嘅感覺，原來應該有嘅日系feel,或者中高檔嘅feel~sorry欠奉, 廟街feel 有！食鐵板燒，除咗食物質毒，師傅嘅廚藝，環境都一樣重要。食材食物新鮮度同質素，中規中矩，過很去收貨。擺碟都算有心思，「沿途都有講解」係乜嘢嚟，點樣食。整體二位～$1360.呢個價錢可以接受，但當埋單時竟然加一係按人頭計：$272,真係第一次見，又學到野。唔係無錢食，你一係講明加20%，真係無所謂，因為加拿大住過，貼士係15%起，習慣晒。但你咁做就太取巧！回頭度：3/10第一係按人頭計加一，太唔合理，第二，咁嘅收費，我接受唔到個環境。
繼續閱讀
黑心商家，為左做生意可以幾咁不擇手段，大佬，你鐵板燒嚟㗎，壞咗部冷氣仲接生意有冇搞錯，收過千蚊人頭一個，廁所都冇個，要人哋去對面公廁仲要行上樓梯三層，我生日飯俾你攪禍晒，永久blacklist，一路食一路潑扇，啲位又細，坐到條腰骨痛到阿媽都唔認得，個環境又暗，完全睇唔到啲嘢，食影相出嚟啲效果全部都唔好睇，夾硬影人樣油頭滿面（因為出晒汗）食到中段已經要全部打包即刻走，條街都仲凍過你，冇冷氣又冇窗係咩玩法？
繼續閱讀
❀ 龍亭 #佐敦 ❀❗$449食晒海鮮和牛鵝肝 蝕底價用心鐵板燒❗——————————————————發掘到間超親民日式鐵板燒！而家做緊買一送一優惠14道菜低至$449⁉️非常瘋狂🤯雖然價錢便宜，但係師傅用心製作及介紹，當中唔少菜式都花盡心思，例如有辨識泡沫生蠔真係充滿驚喜😳套餐，亦包括即燒海鮮、和牛等高質美食。.沙律煙三文魚沙律加上魚子醬！另外仲有三碟小盤，三文魚他他配牛油果、葫蘆漬及三文魚鼻軟骨幾特別。前菜居然係用蘭王蛋製成溫泉蛋，伴松露，松露味道突出好香👅.然後有視覺效果滿分嘅法國生蠔🦪生蠔上加上蝶豆花泡泡，檸檬汁後會由紫藍色轉變為淺粉色，十分夢幻！另外仲有左口魚及鯛魚刺身。.嚟到鐵板環節✨先有海鮮兩品，我哋兩人試晒四款海鮮！當日有南非鮑魚、虎蝦、白鱔及帶子🦐聽聞白鱔係餐廳招牌菜，的確係特別肥美香口。虎蝦仲可以點蝦膏醬~雖然坦白講海鮮嘅質素未必係最高，始終價錢便宜，但係烹調手法的確唔錯，四款海鮮都燒至香口惹味👍🏻.跟住有我最喜愛嘅薄燒和牛🐮入口即溶嘅和牛加上香蔥真係冇得輸！仲要有埋我最愛嘅厚切鵝肝，配上自家製酸酸甜甜嘅菠蘿醬忌廉，好滿足😌.炒飯都加入咗黑松露、三文魚子與鮮蝦，算係食過咁多間當中層次較為豐富嘅炒飯🍚另外湯品非常有驚喜，居然係花膠燉湯，滿滿嘅骨膠原！.甜品運用咗分子料理元素，用紅豆製成爆珠，配上清爽嘅雪葩，作為完美的結尾🍨.今次去咗佐敦嘅分店，環境較細坐得有少少迫，而且空調唔係太大，較為「地道」，不過呢個價錢真係幾抵食！如果想環境舒適啲可以揀佢哋中環嘅分店~.✷𝑀𝑒𝓃𝓊✷☞ 鵝肝龍蝦1++韓牛（十四品） 買一送一優惠 人均$449♥ 醬油漬三文魚頭軟骨海草昆布♥ 熟成挪威三文魚牛油果他他♥ 葫蘆漬♥ 煙燥挪威三文魚有機沙律菜卷♥ 鯛魚及左口魚♥ 白松露魚子醬蘭王溫泉蛋 ♥ 法國生蠔♥ 海鮮兩款♥ 鵝肝多士♥ 花膠燉湯♥ 最高級韓國1++韓牛薄燒♥ 鐵板黑松露海鮮炒飯♥ 甜品——————————————————✨整體味道: 4/5 ✨環境裝修: 3.5/5✨服務態度: 4.1/5✨性價比: 4.2/5✨再訪興趣: 4/5 💞整體來講喺佐敦臥虎藏龍嘅鐵板燒餐廳！$449可以食晒咁多款高質食材真係好抵食
繼續閱讀