鮮入圍煮 (已搬遷) 新店位置

係北京返嚟，都係要食番個港式火鍋，先將最口味！點先為之“港式火鍋”？ 根據我的小經驗，香港火鍋着重湯底，海鮮配料，當然唔少得手切肥牛啦！而今日我哋嚟餐廳，可以話三樣都做到最好帶比食客！首先港式火鍋湯底一向選擇好多，會有自家出品嘅靚湯，有招牌海鮮入圍煮湯，原隻豬肚胡椒雞湯，川芎白芷魚頭湯等，而店長就推介濃厚原隻雞煲花膠湯！另外店家賣弄嘅仲有環境！佢哋將街市、海鮮檔、九龍皇帝嘅大字帶到旺角樓上店，都係幾點到嘅香港特色，見有唔少外國遊客嚟幫襯，大家選擇海鮮嘅時候都要行出嚟海鮮檔口，睇住各種生猛海鮮親自落單！濃厚原隻雞煲花膠湯 $238雞湯有分大細兩款，大的適合四位以上享用，而我哋的就點個細嘅2-4位就岩哂啦！送上嘅時候見到雞湯顏色好都比較黃，原來係用好多份量嘅雞，煎出雞油後再滾湯，都要煮好耐架，店員仲話呢個湯，濃到好似雞汁咁 哈哈，之後再另加入一隻蒸熟嘅雞，放入湯嘅時候仲係好嫩滑，好輕易就將佢骨肉分離啦，令平時好少食湯底材料嘅我倆，都一下子食清光，另外仲有起碼有四隻花膠都好厚身，令到湯水飲落口嘅時候令嘴唇有仲唸住嘅感覺，整體相當滋潤呢〜 好捨得一試！魚蛋皮上籠包 $28/4隻小籠包用蒸籠送上

(二)我們當初的相遇就是在朋友的生日聚會上，就是在位於旺角的鮮入圍煮。餐廳設計成好像菜市場一樣，大家可以出去自選海鮮，甚有舊香港的感覺，我很喜歡這裝潢。花膠雞湯底不用想就直接點了這個，花膠雞湯真的是太吸引了吧。我們點了一個細size，店員說六人或以下點小的就足夠了。果然一大鍋份量充足的花膠雞湯送到我們面前。店員提議我們先喝湯，再把雞剪開方便我們進食。雞肉算尚嫩滑，畢竟都煲了這麼久，已經是不錯了。雖然花膠不算厚身，但勝在數量多，每人最少吃到三片，加上濃郁的雞湯，這個價錢真的是超值了。之後店員為我們加湯就正式開始打邊爐了。手切安格斯牛肉只是$148就有如此大盤，還要用冰底上，真的超值。牛肉切得厚薄適中，脂肪比例不高，入口嫩滑，牛肉味濃郁，比平日打邊爐所吃到的肥牛更美味。魚旦皮小籠包沒想到真的用籠盛載著，小小的魚旦皮小籠包正好一口一個。魚蛋皮帶點爽口，因為比一般小籠包厚身所以不怕穿，內裏仍然充滿小籠包汁，有新意又美味。蟶子如果跟我吃過飯的朋友都應該知道我是非常喜歡吃蟶子，幾乎每次打邊爐都會點。蟶子的體型不算很大但勝在肉質鮮美，口感爽彈，鮮味十足。鮑魚預先拆了殼的鮑魚爽口彈牙，口感帶點煙煙韌韌

打邊爐係香港人飯聚既不二之選能夠同三五知已十下十下吹吹水 好滿足今日黎到 鮮入圍煮開餐 之前聽到朋友介紹所以黎試一試說一說格局:一入門口 一張二張摺枱摺登 甚有大排檔風味 再行進裡面 係一檔選擇海鮮既地方 好似街市魚檔甘 好有風味……係時候講下食物 :本身黎到想試本店出名的 花膠鮮雞湯底 可惜已經訂晒 唯有試其他的各位記得訂左先……於是店员介紹左個胡椒豬肚雞鍋 亦相當不俗湯底黎到 店員拿起煲蓋 陣陣胡椒香味撲鼻望見裡面 係用豬肚包住隻雞一齊煲出湯底 打邊爐 除左用料要新鮮外 湯底非常重要 呢度亦唔例外 先飲湯 後打邊爐 再次一讚 湯底充滿誠意另外要介紹既係另一主角:安格斯手切牛肉肉質鮮嫩 有咬口 绝對不二之選其他配料亦相當新鮮:如海鮮 價錢亦合理值得一提:店員服務態度很好 另外加湯真係加湯底的

這晚夜突然抽起條筋，便相約三五知已在旺角打邊邊。這間餐廳環境幾特別，佈置成街市一樣，所有打邊爐材料即叫即劏，所以材料新鮮。湯底選擇了花膠雞湯，試一口湯底很清甜沒有味精，材料很入味，這湯底是我第一次用來打邊爐，感覺特別。火煱配料叫了手切牛肉，顏色通紅，薄薄的，看得出師傅的刀工。弄熟後不用點鼓油已經很鮮甜了。今晚吃後很滿足，下次待天氣涼一點再來，因想試試其他的湯底。

同女朋友去左食打邊爐佢又食得唔多野咁去啲就咁逐樣叫但質素好啲既餐廳啦呢度環境好特別，用舊街市做主題有個魚檔俾人選海鮮配料！算係一個影相位湯底叫左花膠雞湯好足料，雞好滑，花膠有好多 好淋好入味食得出係老火靚湯仲叫左牛脷片 薄切，唔洗烚好耐就食得好新鮮好爽口！打邊爐我最鍾意食珊瑚蚌因為又爽口又鮮甜 又快食得呢度既珊瑚蚌真係唔錯！原粒帶子水餃睇名覺得好特別 於是就叫一份黎試下個樣其實唔係好似水餃 個皮似雲吞皮多啲食落真係有粒小柱 另外的餡係豬肉餡都幾好食 幾特別！原粒帶子水餃

打邊爐大家打得多，不過响餐廳裡面有埋街市，有得睇住揀黎點菜真係第一次見。大家唔新鮮唔揀，完全切合《鮮入圍煮》嘅主題。餐廳裝修充滿老香港情懷，牆上面寫有仿九龍皇帝曾灶財嘅字體，甚有香港歷史色彩。而且餐廳裏面嘅街市佈置亦相當認真。肉檔，魚檔仿真度相當高。上至吊燈，下至帆布都一絲不苟。打邊爐又點少得湯底，今次揀咗濃厚原隻雞花膠煲(細)，$238,價錢雖然唔係平，但物超所值。湯頭十分濃郁，色澤金黃。店員介紹先品嚐雞湯，飲完湯先加入上湯打邊爐。果然不出所料，雞湯十分鮮甜，濃郁，咸味亦適中。而且湯料亦相當豐富，有半隻雞以及好多好多花膠。個人食法係一路飲湯，一路品嚐雞肉，皆因雞肉十分嫩滑，如果煲耐咗變得粗糙，就浪費咗隻雞。一煲湯大概可以分到十碗湯，足夠俾四個人分享。推薦花膠墨魚丸，$88半打，好大粒，而且爽口彈牙。裏面有花膠碎，非常滋潤養顏。第二樣推介係魚旦皮小籠包，$28/4粒，就如名一樣，魚旦包住小籠包中嘅豬肉餡，用黎打邊爐，都幾特別。 再黎白鱔片，每份$98，鱔片都幾大份，食落無骨，唔及脆鯇爽脆，但都幾彈牙。仲有唔少得嘅肥牛，美國肥牛$68,手切本牛肉$268。兩者各有優點，前者價格相而，肥

醬料組合，位位十元。選了濃厚原隻雞煲花膠湯（細$238），一口喝下果然不之得了，湯頭極為濃厚，滲出淡淡雞味，花膠多得離譜，少說也有二三十片，難得是雞肉仍然保持嫩滑，就算是雞胸部分依然滑不溜口，一煲細的也分到十多二十碗，質量俱佳，力推。魚蛋皮小籠包（$28四只）是做成小籠包賣相的包心丸，有趣有趣。豆苗（$35）極度新鮮爽甜。芝士流心牛丸（$38半打）那個流心的芝士帶有一點酥味，喜歡酥味的我大愛。花膠墨魚丸（$88半打）一口咬下還以為未熟，猛然醒起那些柔軟部分是花膠，這個口感很特別，軟硬軟硬軟軟軟軟出現在一口之內。手切安格斯牛肉（$158）賣相精緻，底下那團碎冰除了墊底外還是有用的，平常打邊爐吃到最尾的幾塊牛大多呈現缺血狀態，甚至有時放得近爐那邊會呈現啡色，如此一來，冰面上的肉吃到最尾顏色都能保持鮮紅，讚。離開時見到大條人龍，預先訂座方為上策。

秋風颯颯，夜間最好的活動莫過於圍在爐邊「烚吓烚吓」。吹雞call人，朋友加班的加班、拍拖的拍拖，好在還有東邪這隻鐵腳相伴。兩個人？打邊爐？照去也！！今晚光顧的店子與別不同，尤其在裝修方面落足工夫。牆壁繪有九龍皇帝風格的字迹，又貼上六、七十年代海報，近門口處更放了個舊式郵筒，充滿老香港風情。環顧四周，擺滿摺枱圓櫈，還鋪上白色膠枱布，一副大排檔的模樣。全場最搞鬼吸睛之處，必定是那個小型街市，一排排紅罩吊燈，帶來不少回憶。海鮮還在魚缸游水，保證生猛。最重要乃衞生乾淨，不會濕漉漉、臭崩崩，客人看中甚麽可即場挑選，師傅處理妥當後，便有店員送抵面前。咦！海鮮檔後有塊砧板，用餐期間不時見到師傅在切牛肉，手起刀落動作純熟，這個「開放式廚房」確是有趣，無遮無掩、透明度高。點菜紙早已放在枱面，並按照食物分門別類，十分清晰。等候湯底期間，不妨調製自己的醬料($10/位)，除必備的豉油外，還有生蒜、熟蒜、辣椒及蔥花，選擇似乎較少。這兒的湯底有成13款，當中不乏特色之作，包括：濃厚原隻雞煲花膠湯(大$328/細$238)、原隻豬肚胡椒雞湯($288)、招牌海鮮入圍煮湯($268)，我們則選了花雕醉雞湯鍋(細$1

之前睇電視見到介紹這間鮮入為煮, 見到煲鮮雞燉花膠湯就已經想試, 所以預先book 定位 (仲要pre-order 埋這煲正野, 如果唔咪無徥食~~真的好期待呢~)入到去已經爆場, 裝修以舊式街市為主題 (而我地真係可以好似去街市度見到有咩海鮮想食就去叫師傅預備俾我地)一來就是主打 ~ 原隻鮮雞燉花膠湯 (細) (HKD238), 一來已經聞到好香好濃的雞湯味, 而且一啖飲落肚, 簡直不得了, 鮮雞精華完完全全融入口中, 又香又濃 ,骨膠原又重, 這味道不是某品牌雞精可以做出來的味道, 真的成隻雞, 加上大量花膠煲上好幾小時才可以煲出來咁正的一煲湯!!! 加上花膠好似唔駛本咁, 食極都仲有, 真的是真材實料!!!打邊爐唔叫肥牛就不是打邊爐, 這個本地手切肥牛 (HKD268), 肥牛厚切之餘有質感, 又唔會靭, 新鮮!我地係剛才的‘魚檔’ 點了花竹蝦 (當日市價HKD175/ 5 両, 有3 隻), 好大隻之餘D 蝦膏多到呢~~~~另外見到好少見到的西班牙黑毛豬午餐肉 (HKD78), 西班牙黑毛豬此終是西班牙黑毛豬, 做出來的什餐肉都特別好味道!除了花竹蝦, 我地仲點了原貝3 隻 (

除了不得不食嘅花膠濃湯雞煲之外！呢個時令主打霸王卸甲火熖雞煲蟹粉鍋淨係聽到個名都知堅過石堅！鍋中間足料蟹粉啖啖食！再加上外圍嘅雞湯鍋！有花甲同花蟹再點火！蟹精必試！手切本地牛丶牛肋肉都好有牛味！本地手切再淋些！大魚魚鰾都有花膠嘅膠質效果！超甜嘅蝴蝶蚌同即開大馬貝同海邊撈上嚟無分別呀！

傳統清湯沙嗲湯底幾乎任何一間火鍋店都有，但講到特別既湯底又要係豪華版，的確唔係到到有！鮮入為煮既主打花膠雞煲好評如潮，但原來另一推介既《玫瑰花雕雞蟹黃煲》仲更加不可不試！上檯時已見到煲內好足料！好多蜆、蟹同雞！店員會向你面前加花雕酒表演吸睛既火焰煲！真係非一般火鍋視覺享受！當煲滾熟後，揭開中間，會發現好多蟹黃，幾個人食都食到好溜.... 蟹黃非常鮮甜，方便你沾上各樣配料包括牛肉、丸之類，平時沾開既豉油根本都用不上！唯一覺得煲內既酒味可以更濃，而蜆非常鮮甜，雞有部分就較為鞋口。之前見好多人都點安格斯牛便決定一試，但覺得應該係本地手切肥牛會較嫩。其他丸類應該係外購，唯一自家包既餃子係非常值得推介！其他菜類菇類都好大碟，好抵食！火鍋愛好者真係唔可以錯過！！

鮮入圍煮~聽個名咁得意等我去試下先一入門口就見到好似大排檔咁既佈置, 仲有個魚檔o係度, 可以即刻o係魚檔order, 好得意呢~番茄薯仔湯底, 正, 好足料! 湯底好甜!  一開波就飲番幾啖先手切安格斯牛肉, 好味抵食，以圓盤冰底上，牛味重，又唔會太un, 推介! 白膳片, 好新鮮, 份量都唔算小, 滾一陣就熟啦, 肉質彈牙爽口 芝士流心牛丸, 好特別, 要小心d食, 一咬d芝士就跑哂出黎, 鐘意芝士既千奇唔好錯過  再order左嚮鈴, 冬瓜, 油mak菜, 脆肉鯇 (一般) 等等真心要讚下d侍應, 態度好, 又願意幫忙, 俾人好舒服既感覺~ps: 掛住吹水冇影到相xd

有一次同朋友行旺角，唔知食乜嘢好嘅時候，突然上咗嚟呢一間餐廳試下，問店員有乜嘢好推介，就介紹咗一個花膠燉雞湯鍋試吓，點知一試難忘😍，金黃色的湯底真係非常鮮甜好味😋，而且雞肉彈牙，有機會大家不妨試吓！

一行4人星期四到鮮入圍煮打邊爐地點好易搵,家樂坊對面坐底無幾耐,店員就上了花膠雞湯,飲左湯先,之後再用番呢個湯底打邊爐花膠雞湯本身自己好鐘意飲湯呢個湯一入口就覺得好補呀湯味唔算太濃, 仲要好好味! 我地每人都飲左至少3碗!!花膠很入味 很淋, 而且很足料原隻雞很滑 一d 都唔"un"! 打邊爐打足2個鐘,仍然好滑飲完湯後,會再加湯for 打邊爐呢個花膠湯底打邊爐都好正食物唔洗沾豉油已經很入味!!打邊爐當然要食牛啦!非常新鮮 很有口感及很有牛味!! 叫左2盤很足料!!!另一推介: 芝士牛丸!必叫之選, 牛丸周圍都有,有咩咁特別?咬開一半,有芝左流出! 牛丸味道好好,好夾係一至認為好好食的牛丸仲有叫左黑毛豬午餐肉!響玲,放入湯3秒都唔洗, 輕輕一下就食得!另外,仲叫左海鮮! 亦非常新鮮!!環境好特別,會有店員即叫即處理所以所有食物都很新鮮!而且waiter 好nice !!

秋風起最適合打邊爐季節，朋友們說近期開了一間懷舊情懷的火鍋店就去試一下。入到去超特別，開放式街市可以親眼目睹海產新鮮程度。所牛肉會有專人切肉，比較少有。只是星期四坐無虛席，可見此店有它的吸引力。鮮入圍煮，真的鮮味十足。湯底極度名貴，滋補養顏-花膠雞。花膠超多，湯底不油。雞非常嫩滑及腍還有湯底頗入味。每一啖湯都令人想飲多一碗似的。食物種類繁多，有黑柏業.安格斯牛肉.還有西班牙黑毛豬午餐肉。安格斯牛肉不太老，半生熟口感一流。午餐肉肉質不太肥，瘦肉為主比較健康。很喜歡芝士流心丸，濃濃芝士味令人食指大動～打邊爐點少得響鈴.只需浸在湯底5秒已經超入味。很喜歡此店的蔬菜類，極度新鮮。另外店員收碟或上菜的速度都非常快，值得一讚。提提大家，如果要吃此店最好預先book位呀=］