屯門區講到泰國菜，定必會諗起小曼谷，但如果講到泰式小店麵食，一定要試呢間由泰國人主力嘅玲舍好味！ 每次試泰國菜，一定會叫冬陰功試下功架！發覺唔同餐廳煮既冬陰功有時會太酸或太辣，味道不一，所以既然老闆娘係泰國人，咁當然對其煮既冬陰功會有返一定信心！殊不知看到呢碗「豬頸肉冬陰功金邊粉」，單看賣相已經勝過我向九龍城食過既金邊粉！！！ 單看色澤會覺得十分辣，但其實辣度只屬小辣，酸辣到剛好一半半，湯底非常濃郁足料！一嚐定會愛上！唯獨蝦不夠新鮮，但豬頸肉、其餘配料都令到你有飲哂成碗湯既衝動！！個人覺得絕對係附近街坊午餐晚餐的快食首選！

第一次買到質素比預期差的團購！

既然取得金鐘香港公園地段這個位置，餐廳裝修亦不賴，何解吸引不到泰菜愛好者青睞？答案是食物質素有待改善！

記得當晚見到餐廳帶點昏暗挺浪漫的，但前半段的餐廳都空的，店員反而帶位到後半部分，見到都有幾檯食客，但奇怪明明前半部分是餐廳當眼位置，為何不先坐滿前部分營造更好的氣氛呢？

Anyways，買了團購2人餐就是心想要試一試餐廳的食物質素，結果...

頭盤的咖喱角、蝦餅、豬頸肉：份量細小，上碟時完全沒有賣相似去咗Food Court

黃咖喱肉片：curry不夠濃、頗稀...沒有衝動撈飯食 薑汁芥蘭更加離譜，菜好少影低，但這碟苦過dee dee的芥蘭真係要控訴最後這碟黃金蝦膏炒飯叫做味道尚可但無咩蝦膏味，同埋幾油...總括來說，如果認為團購只適合這樣敷衍的質素，是吸引不了食客回頭或介紹親朋好友的........

三思

早已聽聞這裡的點心十分有水準，今天終於一試，2017算是個好開始！

每次食點心都總會想叫叉燒/燒腩仔，雖然一般酒店或高級酒家都索價兩百蚊以上，但如果好食，都是值回票價！呢碟「蜜棧叉燒皇」看賣相已經被其濕潤Juicy既外表所吸引，每一件雖則厚度不一，但口感絕對係非一般腍身，邊位亦燒到脆身，比其他酒店所賣的黑毛豬叉燒等有過之無不及！絕對要試！雪山叉燒包 - 只要Menu有就一定會選佢多過傳統蒸叉燒包！皮薄餡料多，又係比食！流心鵪鶉蛋燒賣 — 的確比傳統鵪鶉蛋燒賣餃滑身，裡面的蛋黃當然亦做到半熟流心效果！不過下次亦會試試傳統燒賣！鮮蝦腸粉 — 腸粉皮晶瑩通透，但如果再薄身少少會更滿意，不用多說蝦肉彈牙新鮮！相信其他蒸腸粉亦不會失望！揚州炒飯賣相的 — 國金軒炒飯，絕對是絕無更有，好耐無食過咁好食既炒飯，仲要混了鵝肝及叉燒，每一粒飯都分明，賣相色澤都好得，絕對係升級版揚州炒飯！相信下次都要Encore！甜品重點推介一定係 — 榴蓮煎堆！！！3件上的！咬開一半可以看到澎拜榴蓮蓉，毫不吝惜！！！坐隔離的友人就算不吃榴蓮都逃不過要細聞它的香氣！

咁高質素既點心、炒飯同甜品，好難唔返轉頭

元朗眾多粥品店裡，發記似乎最到好評！本來抱著十拿九穩的來到食午餐，食物的水準竟然差天共地！

先說這裡的炸物如油條、牛利酥，上桌時不但凍，而且咬下去似一舊厚粉，沒有丁點味道，就算沾了粥後仍然是入不了口！而眼前的艇仔粥，亦是我食過最淡味，不管我落了多少鹽、胡椒粉和醬油，它依然是淡而無味。不過友人叫的牛肉粥及雞粥卻較為正常濃味！所以...還是找不到回頭的理由！

之前見炸兩賣相不錯佈滿蔥花，但可惜原來腸粉偏厚、油條軟身無o趙頭，味道遠遠不及賣相

Afternoon Tea Set 的確試過好多間，但要數等候食物時間最長的應該只有這間！相信這反映餐廳有心去製作每份食物，賣相緊要之外，味道當然重要！

星期日的下午未有很熱鬧，但都有4-5張檯的客人，我和朋友便選擇了Bar檯，本來以為可以欣賞店主在你面前獻技，結果沒有，😂有點失望。

食物端上時會預先放好幾塊雲石版，之後逐一擺放食物。每款小食賣相都頗吸睛，我們當然先試試鹹的再到甜。鹹的其實只有幾款：右邊的Charcoal Toast，salmon biscuit，cheese frittata with truffle, 味道的確不錯。這3款如果可以大少少相信會更滿足。中間：後層的一支Peanut butter parfait 過甜因為裡面佈滿花生醬，Strawberry Macaroon好食，口感與平時食到的無異。至於Scone的確太硬唔夠熱。

最左邊的杯裝Earl Grey Panna Cotta是我最欣賞的，D泡非常Earl Grey，成杯好好食。個波內裡係Raspberry Jam酸酸味味不錯，最前方的Spaghetti其實係Mango Jelly，好打耳，好想要多"主"麵 😋！

還有這款鹹點Fried Asparagus 可能炸要時間，所以最後才上。

這間位於大角嘴的餐廳，開業3年，見這區選擇不多，途經見內裡裝修頗企理光猛，主打廣東小菜, 便膽粗粗決定一試！

前菜點了「撈喜手撕雞」，似是店內招牌之一，半隻雞份量夾雜了不少越南扎肉，但缺乏了平時最佳配搭的海蜇，味道稍微少了層次感沒有爽口感覺，只食到好多「肉」，麻油味重，食得多口都變「Wher」。之後的椒鹽牛仔骨，更加是非常失色，完全沒有椒鹽，伴碟的反而是炸米通，質地濕潤，沒有想一件食一件的衝動！同樣味精頗多食完有點口渴。最後點了另一店內招牌金蒜蝦蒸焗飯，這個飯等了20分鐘，味道均衡，蒜味重，蝦新鮮，飯沒有過軟，這個算是最滿意。這間小菜適合附近街坊一試，但未至於要刻意來這裡，味道有待改進。希望所有餸可以少點味精便好。

Located at the Ground floor of Pier 7, where you can find the best fish n chips in town!

That day before we went for the Ferris wheel , my friend and I decided to grab some snack nearby! And we happened to spot a bunch of people lining up for this fish n chips! We ordered the Ling cod fish with mozzarella gravy fries to try and the fish batter came out golden brown with a light and crunchy texture ... the fries however were way too soft and undercooked! Totally wasted the delectable gravyhope they could do better next time....

YET... the crispy fried fish is truly something you shouldn't miss!!

位於永樂街的泰式小店，中午往往見到不少上班族來買外賣！港式3餸送1湯試得多，但泰式的就甚為少見！

這裡的餸菜Menu每日不同，每日6款選2送例湯！剛巧今日是星期4，所以選了香葉肉碎+泰式咖喱魚柳！ 而附送的是蘿蔔湯！非常好喝無味精！至於兩款餸菜是地道正宗泰國口味，咖喱非常好味猶如當地食到一樣！香葉肉碎亦都非常惹味，俾我揀我寧願食泰式餸菜多過平時港式3餸1湯！鍾意更濃味嗜辣的，記得要求店員幫你向飯面再倒上香濃咖喱汁！你會試到別有一番風味！PS，店內只得3個位！所以外賣最穩陣！

荔枝角食小菜可能你只會想到大中華，但原來向某條街的後巷位置會發現這家不起眼既小菜館！據聞禤師傅係來自國內酒店大廚，今晚決定一試其小炒功架！

這裡的海鮮要預訂，可惜事前唔知道，幸好今晚有蝦可試！黃金蝦好大隻，鑊氣好夠，食到好濃味好香既蛋黃，但口感唔會好黏，夠乾身，蝦亦夠鮮！半隻川味雞煲同樣係必食！唔算好辣，雞亦非常嫩夠入味！正！椒鹽九肚魚椒鹽鮮魷

兩款椒鹽都炒得好到位夠乾身唔油膩，椒鹽愛好者一定唔可以錯過！！

上環食叻沙可能你只會諗起加東，但原來這家家庭式小店所出品既叻沙竟然會係有過之而無不及！

小店絕非只供應叻沙，還有西式意粉選擇！通常又中又西都會有點兒擔心質素會否很50/50，不夠正宗！但原來這次我錯了！

午餐連熱飲$60，選了「魚蛋、蝦、豆卜叻沙」，光是湯底顏色已很貼近平時食開既叻沙！至於味道方面，椰汁均勻，辣度剛好，料好足，魚蛋夠彈魚片唔腥，蝦有點像急凍蝦，但已比原隻蝦連殼上的好，因試過好多次向別處食Laksa都食到唔太新鮮既蝦。整體非常滿意！下次會試下意粉，因為見隔離檯D意粉都好大碟多汁！