金公館 (康怡廣場北座)

營業中

休息中

唔知係咪臨近中秋？今日嘅康怡好似特別多人食飯，呢間金公館都爆場，甚至仲要等位。我地黎到被安排到近門口位嘅枱，都幾清靜，唔會好嘈，亦都不至於同門口太近。仲可以見到師傅片鴨~皆因呢度都主打片皮鴨嘅。裡面位置都幾多，其實裝修都唔錯，難怪電話響過不停，應該係訂過節嘅晚飯吧。雖然店員都幾忙，不過加水、收拾都樣樣做足我地平日食，就平D，性價比幾高，其實佢有幾款套餐，真心抵食，星期一至五晚有得食，你諗下二人餐都係398，包埋北京填鴨半隻。不過屋企人話想散叫自由D。我地點左幾款餸，食到超飽。上菜速度適中，唔會一次過上哂，啱哂我地慢慢傾下。蒜片牛仔粒：牛仔粒份量不少，加上炸蒜片，好香口。牛粒唔會煮到好老，外皮香脆，裡面仲幾軟腍，因為佢呢隻牛粒唔會太瘦，有少少脂肪，正，送飯、送酒都一流椒鹽鮮魷：相對大排檔果種，就梗係冇咁好鍋氣，好在炸粉都唔厚身，加少少蒜粒，熱辣整起，都唔差。最重要係鮮魷爽彈，唔係粉，真材實料，只係外皮唔夠酥脆。酸菜魚：點酸菜魚要留意，呢度嘅比較上海式，唔係川式果種，首先湯底好多，酸度足，唔辣嘅。用嘅係鹹酸菜葉咁，唔係國內食果種。魚片份量大概兩至三人，魚片鮮味，而無細骨，食得安心。砂鍋雲吞

我本身鍾意食北京烤鴨，今次同屋企人係附近睇下某間幼稚園，睇完過來食午飯， 我地趁早少少過來好在仲有位，到午市時間就好爆滿要等位。叫左北京烤鴨，話梅石榴，菜乾豬骨粥，京滷鴨舌，雞湯小籠包。京滷鴨舌同話梅石榴最先黎，前者滷汁好香唔會過咸，鴨舌炆到好林好味。後者話梅汁帶起石榴既香甜味，石榴爽脆無澀味雞湯小籠包汁唔多，味道ok菜乾豬骨粥足料，排骨同菜乾都幾多，粥底都好香菜乾味。北京烤鴨連摩摩皮，有好多唔同既醬同配料，有桂花醬，甜麵醬，冰梅醬，胡麻醬，青瓜，京蔥，蜜瓜條，西芹，烤鴨皮脆唔會有層肥膏，我覺得桂花醬，甜麵醬最好味。有樣好貼心既係摩摩皮底有兜熱水暖住d皮，唔會食到最後變硬值得一讚。裝修都幾有格調，好多圓形裝飾。侍應態度都唔錯。

今晚同老公試新野，叫了個2人套餐，其實三個人食也可，因為有二碗白飯，二碟餸送飯一流，全部都好好味，杏汁豬肺湯好香，我最喜歡個片皮鴨，好多肉食，又唔肥，佢個盆也好鬼馬，下次會帶家人來食全隻

剛剛打完風，又唔使返工，所以黎到太古行下。知道開左新既金公館。金記冰室食得多，旗下呢一間都係第一次試。真係唔錯架就連碟前菜都好食啲🤣 小小辣唔多鹹👍🏻叫左個酸菜桂花魚，湯頭酸辣適中，好岩鐘意辣又食得太辣既我🤣❤️ 辣菜有小小辣魚肉起得都唔錯，無骨可以啖啖肉👍🏻出面已經好少見到既窩筍絲，竟然比我系度見到有。二話不說叫左先 果然無令我失望萵筍夠爽口，火候剛剛好，加上靈芝孤。更加鮮味十足秘製口水雞，足本香料 辣度岩曬我呢啲食辣廢材柴，雞肉都實淨，唔會淋吱吱最後不能不提既係距哋既北京填鴨👍🏻 係成晚最期待既有四隻醬，除左青瓜，京蔥仲有西芹絲同蜜瓜條。Mix埋一齊，一個字 味道更加多層次。必定要試喔 杏汁白肺湯，清甜滋潤。就黎入秋，補定先 最後食完仲有位，忍唔住叫埋個甜品，桂花糕就麻麻， 不過有驚喜係個芒果布丁，超滑。擺落口，完全唔使咬，直落喉嚨 食完飽到上心口，爽啊

以前在筲箕灣住，經常在康怡花園逛街，最近知道金公館新開了分店在這𥚃，自然専程來了。青椒清香鱸魚，鱸魚已經起肉切片，鮮甜可口。青椒的香味已經滲入魚湯內，香而不太辣，而湯內還有稻庭烏冬，吸收了湯底的鮮味，煙煙靱靱，非常好味。靑城山杏汁白肺湯，豬肺沖洗乾淨，加入杏汁煲成了一個絕不能錯過的好湯。北京填鴨半只，廚師👨‍🍳用上佳的刀法，將半只填鴨片皮去肉，填鴨皮香脆，再配上八款配料，包括大蔥、青瓜、哈蜜瓜、西芹絲、桂花甜醬、甜醬、胡麻醬、酸梅醬，其中哈蜜瓜、桂花甜醬最創新，而又最好味的。酸菜桂花魚，桂花魚的魚肉沒有骨，啖啖都是肉，好滿足了。如果配上老壇酸菜會更加好味。宮保蝦仁，用宮保雞丁的做法，來烹煮大蝦，蝦肉爽口彈牙，仲有八隻，是愛蝦之人必選的菜色。

一家人出外食飯通常到酒樓，近排太古加入很多新餐店，選擇多了禁不住要去吃過究竟，金公館是吃川菜中菜的，完全合適和家人吃飯，環境都坐得幾舒服麻辣水煮桂魚片，可選例牌或大size，我們點的是例牌，窩上有很多辣椒，用足材料去烹煮，主角桂花魚片好滑，沒有魚骨，再看看窩內還有，豬紅/ 青瓜條/ 芽菜及薯粉少少辣，值得試熱情果籠仔蝦球，一盅一件的蝦球，先炸後淋上熱情果醬汁，醬汁味道甜甜酸酸，蝦球肉厚彈牙兼夾爽，要分開數啖才能把它吃下青城山杏汁白肺湯(位上)，還可以選一窩，雪白色的杏汁湯帶點奶香，杏汁香可以再加強就最好不過，湯內有豬肺，雞腳等一齊煮，足料人多先食得開心既烤北京填鴨，可選半隻$218或一隻$398，另外加$98為兩食五選一，抵上檯時陣容強大，8款醬料或配料供選擇，當中特別的有蜜瓜條，桂花糖醬片皮鴨皮與肉分開，鴨皮非常脆口，平時吃的會比較油膩，該店的沒有太多皮下脂肪，食多幾塊都冇問題鴨肉味道都幾重下它們的摩摩皮，夠薄亦不會太重麵粉味，個人喜歡夾著蜜瓜條一起吃，整體感覺很清新及juicy竹笙鼎湖上素，大量香菇味道清清地唔錯，食完片皮鴨再點這款蔬菜剛剛好最後怎能錯過蛋白杏仁茶，熱燙燙的，甜度合

招牌口水雞 ($88)食中菜硬係好鍾意叫小食😂呢個口水雞好正，麻辣得啱啱好，對我黎講唔會太辣之餘，食落口先feel到陣麻味出緊黎😋😋而且雞肉嫩滑，唔錯👍蒜泥白肉 ($68)譚仔既蒜泥白肉就食得多，果然一分錢一分貨。呢碟蒜泥白肉既蒜蓉打得好細滑，蒜味足夠外，仲有青瓜片作配菜，令口感清新少少，冇咁膩😉青城山杏汁白肺湯 ($48)豬肺湯唔係度度都煮得好飲，因為洗得唔乾淨就點煲都會有陣味。同埋，杏汁都唔係個個朋友都鐘意個種味，好彩哩碗杏汁白肺湯又唔算好重杏汁味，好易入口。當然仲有其他湯料喇，仲有大白菜同埋雞腳，好足料。酸菜桂魚片 ($198)桂花魚片好勁多塊，又滑無骨，食到最後都仲有好多塊淨低，好足料。另外仲有秀珍菇做配菜。當然主菜就係酸菜喇，仲有埋酸菜頭切片添！金銀蒜粉絲蒸勝瓜 ($78)見到隔離枱叫左賣相好好，我地又叫黎試下，點知有少少失望。勝瓜蒸完之後完全唔軟身，d皮仲好硬咁好似未蒸熟，蝦米乾都未蒸到出味。好失望😞不過好彩仲有蒜蓉粉絲，係救番哩碟菜不致於0分既功神。算係幾入味，可以撈飯食！五代同堂炒飯 ($138)原本唔知咩叫五代同堂😂一上碟先知原來係用左五隻蝦黎炒飯，分別有蝦籽，蝦仁，

與朋友聚會，中菜是一個好選擇 亦沒規定用餐時間，感覺良好 餐廳裝潢簡潔杏汁白肺湯湯頭是純正的奶白色杏汁味亦夠濃香，豬肺更是軟綿綿 蒜泥白肉青瓜包住肉質軟嫩適中的白肉表面蒜泥亦多，惹味吃起來清爽不油膩麻辣水煮桂魚片份量很多，桂魚片夠嫩滑，麻香味很夠既增強惹味度，又不會搶去魚鮮。愈食，麻度會慢慢轉強當中的薯粉、芽菜等盡吸辣汁烤北京填鴨（半隻）鴨皮烤得香脆，吃來亦很甘香可選半隻或一隻份量 可惜的是底下鴨肉略乾身 醬料包括甜麵醬、冰梅醬、胡麻醬、梅花糖醬配料有青瓜條、京蔥絲、哈蜜瓜絲、西芹絲可按自己喜好作配搭為味蕾帶來不同感覺四川擔擔麵麻辣的香味，吃起來麻而不辣裡面有碎肉跟芝麻均勻攪拌之後整個香氣更是散發出來 太古康山道1-2號康怡廣場3樓T4號舖

去年太古康怡廣場大裝修，我公司都有參與其中，當時都很經常到康怡廣場，令我對康怡廣場有一份特別的親切感，今日心思思又決定與先生再去康怡行嚇。見到有間新開不久的金公館餐廳，店內裝修雅緻，卡位設計，整齊舒適，整間餐廳滿帶著京川的文化氣息。烤北京填鴨半隻$218。醤料及配菜，配摩摩皮，青瓜條，京蔥絲，蜜瓜條，西芹絲，甜麵醬，冰梅醬，胡麻醬，桂花糖醬。烤北京填鴨皮顔色朱古力的啡深紅，用摩摩皮包裹配自己喜歡的配菜及醤料，再加上片皮鴨及肉，多重味道及口感滿帶片皮鴨的油香脆。正。青椒清香鱸魚$198。青椒清香鱸魚，有芫茜蔥，青紅尖椒，鮮竹筍，鱸魚。鮮竹筍非常嫩。鱸魚切得厚薄適中，嫩滑非常，最正的還是鱸魚與湯一齊食，鱸魚嫩滑之餘帶芫茜蔥的香。原來湯底下還有扁烏冬，煙煙韌韌的扁烏冬吸收了鱸魚鮮甜的湯底精華味道，非常好味。成都竹笙菜膽湯$48/位。嫩滑的菜膽煲到非常腍滑，竹笙帶爽口，湯底清甜，還有一個又腍又滑的雞腳。$48元可以飲到這麼清甜的老火湯，非常抵食。可口可樂$17。北京川菜飲可口可樂，冰冰涼涼十分配合，非常正呀。還有十分多我喜歡食的菜式，下次有機會再食，想食正宗的川菜及京菜，這一間金公館就真是值得

媽咪要去太古城逛街，逛完之後去康怡廣場食晚飯，媽想吃中餐，見到金公館，原來是金記冰室同集團，便入去試試！我見到有晚市二人套餐，有我最愛的北京填鴨，想也不想就點了！香蔥滷豆乾粒有點像台式小食，滷得挺入味！青城山杏汁白肺湯奶白色的燉湯，非常清甜，杏汁好滑，豬肺爽口！滋補養生！烤北京填鴨半隻我最愛的片皮鴨，大圓盤有各種配料和醬汁！大葱、青瓜條、西芹條等！除了烤鴨醬，還有桂花糖、芝麻醬等，幾有特式！鴨皮鬆脆，油香豐富，又不覺很肥膩。餅皮質地好，夠熱！薄薄的！絕對沒有失望！味菜豉椒炒豬青肉豬青肉好爽身，味菜豉椒好惹味！送飯一流！干煸四季豆夠鑊氣！熱情果籠仔蝦球這個是另外點的，賣相實在太精緻！有六個小籠，盛載著大大隻的蝦球，炸過的蝦球外層有熱情果醬，酸酸甜甜，蝦肉十分彈牙！美味！荔枝桂花糕最後還有甜點，好滿足！

金公館在太古又開了一間分店就特意和TerrGor前去喝個茶金公館外觀大氣光鮮入口玻璃可看到師傅片鴨之技藝來個港式下午茶之旅茶位一人$12超愛香片茉莉香港式飲茶怎麼可能少了點心必點一定就是 蟹子燒賣炸春捲金公館鮮蝦餃王 鮮蝦非常新鮮爽脆川式館裡也少不了要試一下川式小菜啦芹菜牛肉超香超爽的辣度一口接一口根本停不下來夫妻肺片 $68夫妻肺片乃四川出名川菜必試之選肉嫩麻香第一次試真的很難忘招牌口水雞$88滑雞又不會有多餘的肥膏非常入味嫩同時又十分幽香蠔油生腸不像外面的生腸染了色冰冰涼涼的淋上蠔油超正點

難得出遠門，一行幾個人喺太古搵食，見到依間有烤鴨就入咗去😹除咗烤鴨，另一樣吸引我哋係依道酸菜魚，唔算大盤，魚片夠嫩滑😌酸味夠，唔辣，清清淡淡又幾舒服，湯都飲咗多幾啖✨孜然羊肉片，羊肉炒得都嫩口，有羶味，辣辣哋幾開胃☺️除咗芹菜多得濟😝炸饅頭相當好味，炸皮又薄又脆，加上煉奶係絕配😋摩摩皮有兩籠，醬都有四款，烤鴨相當大份，皮脆香口，就係肉有少少過老😞擂沙湯丸好出色，我哋安可咗兩次，芝麻饀唔算甜，糯米香軟煙韌😍桂花糕偏甜😌楊枝甘露偏奶味，份量都足😗

實力派金記集團，我一直都好鐘意，金公館系佢旗下其中一間分店，前兩天約左朋友第一次食，發覺佢水平極高，京川粵味道十分出色，一定要開心分享一下。店內整潔清爽，坐得舒服，主打京川粵菜，鋪內京劇面譜彩繪十分有氣勢。中午可以飲茶點小菜又可以叫點心，選擇繁多。平時飲茶都會點蝦餃，燒麥，今天都想試下呢度的蝦餃，熱騰騰上枱，蝦餃大大粒，蝦仁好爽口，餃皮不痴牙，滿滿一口，十分滿足，質素頗高。欖菜菜粒菜甫炒飯，炒飯最緊要系夠乾爽，呢道主食就十分夠水平，火候恰到好處，粒粒米都爽粒粒，痴住炒蛋，加上欖菜同菜甫，零舍好味，香噴噴，忍不住裝了一碗又一碗，而且炒飯的份量十分滿足，一家大小都岩來食。京川粵特色，點會少左食口水雞，呢道口水雞麻麻辣辣，送飯一流，十分開胃。比想像中麻辣，沾上紅紅的辣油，系極好的川菜體驗，雖然辣度應該按照香港人的口味稍做調整，但已經令我味蕾充滿滿足，即可以一嘗川菜的麻辣精髓，又不至於難接受，實在太好味了，非常值得推薦！青椒清香鱸魚，不得了，非常大的一個窩，原來個底系上海面條，鱸魚大大塊清清地卻鮮甜又十分入味，依然有辣椒，胡椒，川菜的特色，令人垂涎欲滴，色香味俱全的一道菜。蛋散，是粵菜常見小吃

之前幫襯過他們位於銅鑼灣的總店，相當出色。知道今年年中於太古開設分店，價錢比銅鑼灣總店平。今日有機會，點都要 “會一會” 。青城山杏汁白肺湯白肺湯工序繁複，從清洗豬肺到熬製湯底，每個過程都花盡工夫，供應這菜式的餐廳不多。湯呈奶白色，一陣杏香撲鼻而來，而且還隱約感受到菜膽燉出的清香甜味。一喝感覺很滑溜，杏仁味剛剛好。據說這個湯水有清熱潤肺、滋潤美顏功效。蒜泥白玉薄切五花肉，肥而不膩，配合薄切青瓜、醬油、辣椒油和大蒜組合的香味直撲鼻端，使人食欲大振。紹菜肉絲炒年糕 常見的一道家常美食。年糕口感Q彈，完全吸收了肉絲和醬汁的味道，加上紹菜本身的微微清甜，簡單、好食。泡椒石鍋桂花蚌 肥大的桂花蚌以泡椒、萵筍一起炒，味道酸酸辣辣，桂花蚌彈牙入味，屬一道開胃的菜式。干鍋黃鱔片 川椒 + 豆豉 + 洋蔥 + 薑蔥 + 大蒜 = 香辣惹味荔枝桂花糕 杞子、乾桂花、桂花糖、冰糖、荔枝肉等材料帶出陣陣幽香，是食完濃味食物後的最佳甜品。

康怡廣場3樓，其中一間食肆就係金公館，京、川、粵菜，任君選擇。餐廳入面多數都係梳化位，坐得幾舒適。青城山杏汁白肺湯用料十足，仲有花膠，杏汁味好香。片皮鴨半隻睇落個鴨皮好似好少咁，其實係個蒸摩摩皮大份啫。鴨皮下面有好多鴨肉架，好香鴨油味，隻鴨都幾肥美。食片皮鴨竟然有說明書，四款醬料加四款配料。四款醬料幾特色吓，而配料我最鍾意係哈蜜瓜條，夠甜夠清新！食鴨可以揀兩食，加$98就有雪菜鴨絲炆年糕。好大碟，炆得幾入味，但鴨肉就得好少。青椒清香鱸魚鱸魚肉質雪白嫩滑，已經起晒骨，大人細路都啱食。底下仲有麵條，筍件就好爽口，切得幾靚。用青花椒、紅椒、青椒、芫茜烹煮，味道清新，油而不膩，味道層次豐富。乾鍋黃鱔片一大鍋上枱，好多唔同嘅椒，以為會好辣啦。但又唔係喎，少辣微麻，幾過癮。黃鱔片預先走過油，帶少少脆皮口感。香芒滑布甸普通嘅一道甜品，有少少芒果肉。杏仁蛋白茶開蓋已經遠遠聞到好香杏仁味，加埋蛋白夠香滑，好正！