金公館 (康怡廣場北座)

營業中

休息中

一陣子沒逛過康怡AEON, 發現有不少新開的餐廳, 以前的酒樓已分成3,4 間餐廳, 經過金公館被北京填鴨吸引住, 不其然就走入去坐低青城山杏汁白肺湯好香好足料胡麻鮮淮山，幾清甜, 十分健康紅油炒手食得多, 今日唔太想食辣，所以叫左雞湯龍炒手，清清地都幾好。鮮蝦腸粉，份量十足, 啲蝦幾大隻又彈牙！主角烤北京填鴨終於登場, 半隻都好夠食。皮薄肉質頗嫩，滿有鴨油香跟摩摩皮, 配菜及醬料除了有青瓜條, 京蔥絲, 仲有西芹絲同甜甜的蜜瓜條！呢種配搭又幾清新！醬料亦有4種, 有一般的甜麵醬,仲有冰梅醬,胡麻醬, 以及桂花糖醬, 非常特別！

同媽媽去食飯，老人家飲食要乾淨，環境要舒適，去咗位於康怡廣場嘅金公館，吃中菜，我地之前就訂咗位。媽媽喜歡食片皮鴨，我喜歡川菜，金公館有齊哂，有川菜有北京菜有酸菜魚等等，今次我哋就點咗賽螃蟹。賽螃蟹好滑，加在醋好似吃緊蟹肉咁，一流。仲要左炸饅頭。我哋冇叫主食，選擇咗叫佢哋餐廳自己做既饅頭，我懷念炸饅頭加練奶嘅味道。食到最後，佢上埋半隻片皮鴨，第一次見到片皮鴨有咁多配料同埋醬汁可以配搭，所有食物都好熱辣辣，媽媽食得好開心。

慶祝朋友生日, 今日午餐決定食豪啲, 以原隻鮑魚撻代替生日蛋糕！原隻鮑魚撻 $52/2件名副其實, 點心上放上原隻鮑魚, 鮑魚入口彈牙有嚼勁, 加上秘製醬汁及曲奇撻皮, 口感豐富。雞湯小籠包$32/4件小籠包湯汁不多, 皮不算薄但尚算柔軟, 新鮮出爐熱到很夠。皮蛋芫茜魚片湯泡飯 $88 (必點！)呢個泡飯係本餐之最！魚片肉質鮮嫩細緻, 而且有好多塊, 食極都仲有。新鮮魚片加上皮蛋、 芫荽等簡單配料湯頭已經鮮甜得很, 不需多餘調味。鳳梨咕嚕肉$88咕嚕醬汁甜酸調味得宜, 豬肉炸得香脆, 不會太肥。招牌口水雞 $98雞肉嫩滑有緻, 配上麻辣醬汁風味倍增。

呢間餐廳有別於一般中式既酒樓，店內裝修雅緻舒適。一次過能嚐盡粵京川名菜。以木桶盛載既鳳爪排骨飯十分有特色，同時亦能有效保溫保溫，非常好呀！👍🏻👍🏻👍🏻 煎蘿蔔糕煎得金黃香口，厚度亦夠，咬落非常有口感。值得欣賞既係餐廳奉上蘿蔔糕嘅同時也會遞上辣椒油，真係perfect match呀！識食既一定係咁食！金黃色的炸饅頭脹卜卜，包身外脆內軟，醮上煉奶真係好食到停唔到！蒸紅棗千層糕工序煩多，唔係間間酒樓都食到！超開心可以係金公館品嚐到！紅棗糕口感軟彈，紅棗味非常濃郁，這款中式甜品絕對是女性養顏欣物呀.飲茶當然絕對唔少得燒賣蝦餃喇....呢度既蝦餃晶瑩剔透，蝦餃皮唔會太厚！蝦餃入面真係有大大隻蝦，非常鮮味足料。望落宮保雞丁一片紅海，非常多辣椒好似會好辣。但係食落才知其實唔辣勁很小。雞肉入口先食到小小甜，繼而是麻香及辣味，味道非常豐富。

提早同母親大人慶祝生日。 研究過個menu, 款款都想食, 加上餐廳內要收$100切餅費, 所以個蛋糕都係正日先出動,今日努力食大餐先。位於康怡廣場既3樓, 要係2樓行樓梯上去, 以前係個酒樓, 宜家變左3-4間餐廳。餐廳光線足又乾淨辣水煮滑牛肉$148平時食水煮幾貴, 今日叫左一份正常辣度, 我覺得唔好辣, 係食到有花椒味好正。 入面材料豐富, 有好多滑牛肉, 豬紅, 薯粉, 筍片, 芽菜。 竹笙鼎湖上素$108好多好多秀珍菇, 冬菇, 木耳, 都有竹笙同菜心。 打芡出色。 青城山杏汁白肺湯$55好濃郁, 好強既杏仁味,仲有白菜。紹菜肉絲抄年糕$98十分惹味同正宗。 媽咪好滿意。 相信好多長輩都鍾意係呢度食飯。 食得是福。 Happy birthday to mummy.

週末放假又係family day 啦同屋企人出左去康怡行完一輪就去嘆返個下午茶，實行要食件點心嘆啖茶除左點心之外，呢度亦有小炒涼菜，選擇不少！我地就先要左碟“夫妻肺片”HKd$42+10%打頭陣麻麻辣辣咁，令人愈食愈想食呀而蝦餃同燒賣都係must order既item兩款既質素都幾好，無混入好多肥豬肉，所以唔會食落油淋淋一籠有四粒，同樣都係HKd$28+10%呢度仲有“雞湯小籠包”HKd$28+10%，味道都唔差啵個“鮮蝦腸粉”HKd$28+10%即叫即拉，入面既鮮蝦爽彈，我地都好滿意女皇仲叫左佢至愛既“蜜汁叉燒酥”HKd$22+10%，又造得幾鬆化啵食完咸點又點少得甜點呢，我當然剔返籠“流沙奶皇包”HKd$20+10%啦雖然唔係個d瀑布咁既流沙質感，但奶皇餡香軟而富有咸蛋黃既味道，正個“桂花蛋散”HKd$28+10%炸得鬆化香甜，亦唔會油淋淋最後仲黎多個香滑足料既“蛋白杏仁茶”HKd$32+10%，呢餐下午茶真係好滿足呀

近排成日同媽媽出街食好野，回家同爸爸分享😏言語之間，心水清的女兒聽得出阿爸呻醋喔🤭 今個星期六，我地冇賣甩爸爸😂，一家三口去左太古依間中菜餐廳食飯。 餐廳質素確實有水準，值得推介🏅-香蔥滷豆乾粒 $48滷豆腐帶咸香，隱隱帶著香料的味道配上爆香過的的蔥粒蒜及白芝麻，別有一番滋味-蒜片牛柳粒 $88雖然牛柳粒是主角，但每次上桌後蒜片總是最先被吃光的😆蒜片色澤金黃、甘香酥脆又乾身，不會過焦過苦。牛柳是牛肉中最細嫩的部分，簡單煎香已能帶出肉味，肉質軟嫩👍🏻-百合腰果炒桂花蚌帶子 $198食材新鮮，色彩鮮豔。大大碟的材料豐富有：嫩綠的荷蘭豆、桂花蚌大大條，口感爽彈、雪白帶子鮮甜、腰果又脆又香 👍🏻-烤北京填鴨 （半隻）$238除了每片都切得均等外，亦擺放得十分美觀配菜除了有自家製摩摩皮餅皮，還有青瓜條、京蔥絲、蜜瓜條、西芹絲，還提供好幾款特色醬料:甜麵醬、冰梅醬、胡麻醬、桂花糖醬。片皮脆，肉嫰滑，油脂香 👍🏻我最喜歡是加青瓜條及京絲，爽口之餘可減輕油膩感；桂花醬清甜也不錯P.S餅皮分量比想像中多，而且有蒸氣暖著，邊食邊傾計，吃到最後的餅皮還是暖笠笠很軟熟。-除了食物外，餐廳環境寬敞，裝潢設計有濃

阿媽見我星期六冇人約，佢話唔想我咁宅🤭，所以要同我出街行下🙇🏻‍♀️。我地去左太古城睇戲同食晚飯。 知佢鍾意食中菜，好醒目既我一早訂左依間中菜餐廳同媽食飯。 -好多野都好想食呀，我地叫左好幾款雞絲粉皮 $62每次同媽食中菜，首選一定係最愛既雞絲粉皮。粉皮色澤光潔，半透明，質感有彈性韌性口感爽滑彈牙再加上份量適中既惹味麻醬，伴上雞絲及青瓜清新好味，最適合作頭盤。-青城山杏汁白肺湯 $55秋天天氣乾燥，最適合叫一些滋補養顏湯水杏汁白肺湯係媽媽既最愛，由於烹煮一碗白肺湯工序多而繁複，並非間間餐廳有得供應。所以今晚見到餐牌有，有點驚喜呢。一碗熱騰騰呈奶白色湯水端上來，陣陣杏香撲鼻而來，呷一口暖入心扉。一喝感覺很滑溜，杏仁味剛剛好，香氣突出但亦沒有蓋過其他材料的味道。-竹笙海皇蒸蛋白 $108賣相吸引，材料豐富有鮮蝦、竹笙、萵筍粒、帶子粒味道鮮甜；而且蛋白蒸得滑嘟嘟不會過熟-杏仁蛋白茶 $42 秋燥微涼的天氣，飯後想吃碗熱烘烘的滋潤甜品。來一碗滋陰潤肺及養顏蛋白杏仁茶😋杏仁的抗氧化及抗衰老功能非常好呢😆杏仁茶白滑細緻；杏香味濃

咁岩今日嘅工作係經過太古城，經過朋友介紹有一間食北京填鴨係唔錯嘅，收工就同友人去試一試。呢一間餐廳係位於康怡廣場嘅金公館。店舖內裝修俾人嘅感覺好舒適位置好寬闊，店員嘅熱情招待簡直令我感覺到好溫暖。一去到我就叫了一份青城山杏汁白肺湯暖一暖個胃先，夠曬火喉，唔同出面餐廳既味噌湯，依到真係真材實料。而且佢有一碗同一大份嘅份量，啱晒嗰啲自己一個去食飯嘅人唔需要叫一大份一碗就足夠。蒜泥白肉，擺設10分精美，利用青瓜夾住白肉，清新而可口既食法，再把蒜泥及一些醬汁夾住一起食用簡直係完美。而且青瓜10分新鮮，大小剛好，唔會覆蓋左白肉，令到有配菜大過主菜既感覺。芙蓉賽螃蟹，一上枱已經聞到濃烈嘅蛋白香，馬上忍唔住叫店員拎碗白飯過來撈飯吃。再配上飛魚子，旁邊配上少量西蘭花。一碟完美嘅賽螃蟹就出世了。我發覺一間餐廳嘅煮法都係比較清淡適合大部份人嘅口味唔會話太過濃烈。酸菜桂魚片，一般出邊餐廳多數都係配菜多過魚，出奇地而家間餐廳係魚多過配菜，魚嘅新鮮程度及口感簡直係令人讚賞，而且啖啖肉全部都冇骨，啱晒啲鍾意食魚又唔鍾意有骨嘅魚嘅人。酸酸嘅湯底配上新鮮嘅魚完美配搭。最後重頭戲北京填鴨，大部份食鴨嘅店舖都只係會有少量

叫咗一個6-8人份量餐。整體情況一般。上菜的安排不夠妥當。餐枱不夠大但係上菜的碟數較多。侍應的反應不足。主題片皮鴨。味道較淡。湯的表現尚算ok,夠熱及味道適中。性價比方面就不算太好了。

臨到中秋就當然要同家人做節，剛在太古買了應節食品，大家都讓著肚餓要食好d, 就等我帶一家人到金公館，位置十分方便而且坐得舒適。未到七點客人已經坐得滿滿，看看餐牌很快就決定了四人套餐胡麻鮮淮山新鮮淮山配胡麻醬，味道清新靈芝茹炒萵筍絲蒿筍很爽口，味道清淡，父母也大讚蒜片牛仔粒口感香軟，牛味濃郁，十分推薦青城山杏汁白肺湯味道濃郁，十分足料，滋補潤肺烤北京填鴨(全隻)好大盤醬料跟配菜，而還有卡片介紹各配料跟醬汁，個人認為桂花糖醬這新口味很合襯，而一隻鴨份量切片後可分二大碟，每位家庭成員食得十分滋味。野菌炒鴨絲另外加配，可一鴨二食，野菌配上啖啖鴨的味道，很不錯酸菜桂魚片魚片滑口，酸菜味道順滑，配飯一流芙蓉賽螃蟹好像有段時間沒品嚐過，這裡的賽螃蟹用料十足，有粒粒元貝肉，令味蕾鮮味滿分。欖菜菜甫菜粒炒飯炒飯十分夠火喉，入口乾身，忍不住多吃一碗荔枝桂花糕簡簡單單清甜的荔枝桂花糕就完美完結了豐富的晚餐

之前家庭聚會去過金公館銅鑼灣店食過幾次, 片皮鴨非常出色, 今日同老婆逛太古時見到原來康怡廣場都開左分店, 所以即刻攞飛排隊試下佢d點心。😁金公館太古店裝修以金色, 木色同白色為主, 有格調之餘仲有有少少時代感, 可能係周末嘅關係, 雖然已經過左午市繁忙時間都仲係好多人。午市除左可揀選主餐牌菜式之外, 另外仲有點心同多款午市精選選擇, 我地點左一客點心拼盤, 小籠包, 鮮淮山, 一碟菜同老婆最愛嘅擔擔麵, 兩個人share應該好夠食。😙胡麻鮮准山 $48鮮准山非常健康, 呢款鮮准山口感好爽脆, 本身已調味, 加上味道醒胃嘅胡麻醬, 非常惹味。👍金公館點心拼盤 $188點心拼盤賣相好吸引, 分別有兩層, 包括有蝦餃, 燒賣, 粉果, 叉燒酥, 鮑魚撻同擂沙湯丸, 點心味道同口感都唔錯, 不過我最鍾意係鮑魚撻, 鮑魚軟腍又富有彈性, 下面仲加上肉粒, 超正。😍雞湯小籠包 $52小籠包嘅皮唔算特別薄, 不過餡料軟滑, 肉汁相當飽滿, 一人兩件, 非常滿足。😙上湯浸時蔬 $78同老婆開餐一定要點清菜, 呢個上湯浸時蔬加上蒜子, 菜心軟腍又夠甜, 老婆大讚。👍四川擔擔麵 $42擔擔麵唔大碗, 兩

因中秋時節, 我預早一星期多相約家人到外食晚飯做節, 就來到太古金公館食。 餐廳門置半開放式烤有廚房可以見到師傅,把脹卜卜的鴨,片皮上碟,感到十分衛生。** 店以中式現代裝修,地方寬闊有多張圓台及卡位座選擇。**點了四人套餐 $888 , 有八款食物 ** 【胡麻鮮淮山】這是涼菜,新鮮淮山入口清爽脆口感,淋上麻醬及芝麻粒,充滿芝麻香,十分開胃。**【蒜片牛仔粒】牛仔粒一粒粒易入口,想不到口感軟滑不韌,具牛肉香,可與炸蒜香同食更滋味呢!**【青城山杏汁白肺湯】 這的豬肺湯具滋潤功效,並加入了杏汁,入口更清甜滑溜美味,一定要趁熱飲呢!**【靈芝菇炒萵荀絲】 萵荀絲炒得不油膩,其入口爽又鮮, 配上靈芝菇更多鮮味。** 【烤北京填鴨】 (全隻) 這鴨皮帶鬆化帶點油份不會過肥,皮又帶點脆,真的十分甘香,附有少少鴨肉,可配京蔥,是配以青瓜和哈蜜瓜(好特別)帶點爽脆,還點特製多款醬,把薄餅捲起來,忍不住一口接一口吃。**【酸菜桂魚片】 以大大盆盛載, 這桂花魚片好嫩滑, 完全沒刺可放心大口食,  放入秘制咸酸菜, 而湯地十分鮮美,酸酸地特別好開胃 。 **【欖菜菜甫菜粒炒飯】 這炒飯飯粒粒分

話說娘親生日，想食好啲哄下老人家開心，於是又上OpenRice 搵食，最後搞到呢間中餐廳食下川菜之類，有片皮鴨，又水煮魚，包羅萬有。泥到呢到，環境超好，裝修靚一個圓形梳化位就坐哂我地幾個。舒適得泥又坐得親密！海哲爽口有少少麻辣，開口到不行了！片皮鴨呢個招牌菜點可能不點，皮切得超薄，脆卜卜，配料就有好幾種，而醬料加埋有9種之多，梅子醬，甜酸醬，甜醬等等，適合哂不同愛好既人士。但我就都係鐘意食返甜酸多啲。水煮魚大大一盤，魚既份量好多，個底仲有紅薯粉吸哂味，麻辣適中，魚夠多肉鮮味滑dodo👍🏻乾扁四季豆輕輕走個油，嫩綠惹味椒鹽鮮尤脆粉夠薄又夠鬆化。尤魚不un。呢個飯係勁好食勁香勁香勁香，由幾種蝦干蝦米蝦肉蝦子炒成。炒得干身又夠香，粒粒米都分明！一煲可以到6.7碗。最後上甜點，雷沙湯圓，熱辣辣，軟棉棉，甜得泥又唔溜！我不喜甜點都好喜歡！總結泥講，非常值得又滿意既一餐，一家人都食得好開心，而家又滿足！地方環境又好，食物質素賣相亦十分吸引！又多一間收入再回頭的店