影片
更多
2018-09-20
179 瀏覽
唔知係咪臨近中秋？今日嘅康怡好似特別多人食飯，呢間金公館都爆場，甚至仲要等位。我地黎到被安排到近門口位嘅枱，都幾清靜，唔會好嘈，亦都不至於同門口太近。仲可以見到師傅片鴨~皆因呢度都主打片皮鴨嘅。裡面位置都幾多，其實裝修都唔錯，難怪電話響過不停，應該係訂過節嘅晚飯吧。雖然店員都幾忙，不過加水、收拾都樣樣做足我地平日食，就平D，性價比幾高，其實佢有幾款套餐，真心抵食，星期一至五晚有得食，你諗下二人餐都係398，包埋北京填鴨半隻。不過屋企人話想散叫自由D。我地點左幾款餸，食到超飽。上菜速度適中，唔會一次過上哂，啱哂我地慢慢傾下。蒜片牛仔粒：牛仔粒份量不少，加上炸蒜片，好香口。牛粒唔會煮到好老，外皮香脆，裡面仲幾軟腍，因為佢呢隻牛粒唔會太瘦，有少少脂肪，正，送飯、送酒都一流椒鹽鮮魷：相對大排檔果種，就梗係冇咁好鍋氣，好在炸粉都唔厚身，加少少蒜粒，熱辣整起，都唔差。最重要係鮮魷爽彈，唔係粉，真材實料，只係外皮唔夠酥脆。酸菜魚：點酸菜魚要留意，呢度嘅比較上海式，唔係川式果種，首先湯底好多，酸度足，唔辣嘅。用嘅係鹹酸菜葉咁，唔係國內食果種。魚片份量大概兩至三人，魚片鮮味，而無細骨，食得安心。砂鍋雲吞
我地平日食，就平D，性價比幾高，其實佢有幾款套餐，真心抵食，星期一至五晚有得食，你諗下二人餐都係398，包埋北京填鴨半隻。不過屋企人話想散叫自由D。我地點左幾款餸，食到超飽。上菜速度適中，唔會一次過上哂，啱哂我地慢慢傾下。
蒜片牛仔粒：牛仔粒份量不少，加上炸蒜片，好香口。牛粒唔會煮到好老，外皮香脆，裡面仲幾軟腍，因為佢呢隻牛粒唔會太瘦，有少少脂肪，正，送飯、送酒都一流
椒鹽鮮魷：相對大排檔果種，就梗係冇咁好鍋氣，好在炸粉都唔厚身，加少少蒜粒，熱辣整起，都唔差。最重要係鮮魷爽彈，唔係粉，真材實料，只係外皮唔夠酥脆。
酸菜魚：點酸菜魚要留意，呢度嘅比較上海式，唔係川式果種，首先湯底好多，酸度足，唔辣嘅。用嘅係鹹酸菜葉咁，唔係國內食果種。魚片份量大概兩至三人，魚片鮮味，而無細骨，食得安心。
砂鍋雲吞雞：見人多就點半隻雲吞雞，味道唔錯，湯底熱辣，唔會好多油份，雞味濃郁。比較可惜係雞件較瘦，而且係胸位為主，就冇咁滑溜嘅。入面有大大粒雲吞，我地都食到lamlam脷
蝦球玉子豆腐：有小朋友就推薦呢款玉子豆腐，味道清淡D，又好下飯。豆腐墊底，有個茨汁，唔係豉油，所以唔會好鹹，或者蓋過蝦鮮味。最讚係蝦球，認真爽彈，仲要好有蝦味，粒粒都勁大粒
張貼
