影片
更多
2018-09-16
279 瀏覽
招牌口水雞 ($88)食中菜硬係好鍾意叫小食😂呢個口水雞好正，麻辣得啱啱好，對我黎講唔會太辣之餘，食落口先feel到陣麻味出緊黎😋😋而且雞肉嫩滑，唔錯👍蒜泥白肉 ($68)譚仔既蒜泥白肉就食得多，果然一分錢一分貨。呢碟蒜泥白肉既蒜蓉打得好細滑，蒜味足夠外，仲有青瓜片作配菜，令口感清新少少，冇咁膩😉青城山杏汁白肺湯 ($48)豬肺湯唔係度度都煮得好飲，因為洗得唔乾淨就點煲都會有陣味。同埋，杏汁都唔係個個朋友都鐘意個種味，好彩哩碗杏汁白肺湯又唔算好重杏汁味，好易入口。當然仲有其他湯料喇，仲有大白菜同埋雞腳，好足料。酸菜桂魚片 ($198)桂花魚片好勁多塊，又滑無骨，食到最後都仲有好多塊淨低，好足料。另外仲有秀珍菇做配菜。當然主菜就係酸菜喇，仲有埋酸菜頭切片添！金銀蒜粉絲蒸勝瓜 ($78)見到隔離枱叫左賣相好好，我地又叫黎試下，點知有少少失望。勝瓜蒸完之後完全唔軟身，d皮仲好硬咁好似未蒸熟，蝦米乾都未蒸到出味。好失望😞不過好彩仲有蒜蓉粉絲，係救番哩碟菜不致於0分既功神。算係幾入味，可以撈飯食！五代同堂炒飯 ($138)原本唔知咩叫五代同堂😂一上碟先知原來係用左五隻蝦黎炒飯，分別有蝦籽，蝦仁，
食中菜硬係好鍾意叫小食😂呢個口水雞好正，麻辣得啱啱好，對我黎講唔會太辣之餘，食落口先feel到陣麻味出緊黎😋😋而且雞肉嫩滑，唔錯👍
蒜泥白肉 ($68)
譚仔既蒜泥白肉就食得多，果然一分錢一分貨。呢碟蒜泥白肉既蒜蓉打得好細滑，蒜味足夠外，仲有青瓜片作配菜，令口感清新少少，冇咁膩😉
青城山杏汁白肺湯 ($48)
豬肺湯唔係度度都煮得好飲，因為洗得唔乾淨就點煲都會有陣味。同埋，杏汁都唔係個個朋友都鐘意個種味，好彩哩碗杏汁白肺湯又唔算好重杏汁味，好易入口。當然仲有其他湯料喇，仲有大白菜同埋雞腳，好足料。
酸菜桂魚片 ($198)
桂花魚片好勁多塊，又滑無骨，食到最後都仲有好多塊淨低，好足料。另外仲有秀珍菇做配菜。當然主菜就係酸菜喇，仲有埋酸菜頭切片添！
金銀蒜粉絲蒸勝瓜 ($78)
見到隔離枱叫左賣相好好，我地又叫黎試下，點知有少少失望。勝瓜蒸完之後完全唔軟身，d皮仲好硬咁好似未蒸熟，蝦米乾都未蒸到出味。好失望😞
不過好彩仲有蒜蓉粉絲，係救番哩碟菜不致於0分既功神。算係幾入味，可以撈飯食！
五代同堂炒飯 ($138)
原本唔知咩叫五代同堂😂一上碟先知原來係用左五隻蝦黎炒飯，分別有蝦籽，蝦仁，蝦肉（其實數唔到有邊五款蝦🤪）。
炒飯炒得粒粒分明，而且幾香。
擂沙湯丸 ($33)
一碟有三粒湯丸，除番開雖然$11一粒，但係真係好好味😋可能我本身鍾意食湯丸，佢呢隻黑芝麻湯丸皮薄得黎又煙韌，黑芝麻蓉流出黎😋面頭仲沾滿粉。唔係太飽既話會叫第二碟encore🤣
張貼
