走肉‧朋友 (已結業)

第一次寫食評，但真係不肚不快！星期日晚buffet時段$148, 覺得一個晚餐價錢絕對接受，話晒講明係buffet 點知一入到餐廳，店員要收錢先既，都不是問題，我明明打電話book 枱，當然會預咗一早已經留抬比我，點知個店員行咗一個圈先再問另一店員先帶我去一張枱，坐底後，枱面完全沒有任何餐具，原來係要自己出去拎，佢仲要話循環再用污糟咗既就用紙巾抹左佢，然後自己將啲食剩嘅嘢或汁倒落一個裝滿着廚餘嘅桶度真的行惡劣從來無諗過一間餐廳會係咁？而且店員態度亦無禮貌食物質素亦很普通下次一定不會再來

食物味道很普通滿心期待去試一下，原來星期六分兩輪，八點為第二輪，去前已詢問是否第二輪食八點會加食物的。員工回答是一定會有野食，可安心。事實卻是食到8.50pm, 便十個盤中，大部份都是空的。連甜品都沒有加，員工不停巡，但巡的目的十分奇怪，明明看到很多東西也沒有，也不去加，只拿一兩盤出来，好像充數一樣。但滿室都坐滿客人。食物味道真心普通，沙拉十分不新鮮，最誇張是回家肚痛要去廁所，之前有食友有此評論也不相信，現在明白。食到9點，看到大部份食物也沒有，員工開始拿buffet的食物用膳，詢問她，為何沒有食物也不加，回答是已加左一次，態度還十分不耐煩。難道滿室的客人食八點第二輪只加一次buffet就可以。什少寫食評，但今次實在很想把真相讓大家知道，不用浪費錢食所謂第二輪。

是晚為了預祝母親節而一家人去吃晚飯以自助餐來說這裡的食物種類選擇不多但卻是很特別的素食自助餐餐廳裝潢就像一間咖啡店氣氛輕鬆熱鬧還有很多年輕人和外藉人士差點以為在中環用餐不知道是環境的影響還是氣氛的關係爸媽都能接受吃素我們也一起同渡了一個愉悅的無肉的晚上

(午市新派素食自助餐)備註：午餐限時1小時，先付款後用餐 ，用餐後餐具碗碟食客自行放回回收區 香港近年素食成為風，除宗教原因外還有健康及環保概念。最先以自助餐及新派素食形式打破傳統五色齌及炒清菜的食肆可算是「無肉食Ahimsa Buffet」了。今天介紹這家「走肉．朋友」開業一年，餐廳主打素食自助餐，裝修走田園風格，提供多款新派特式素菜，前菜甜品等都有！雖然以自助餐作主題，但鼓勵食客自行選擇免浪費，食完後以自助形式放回餐具碗碟回收區。午市、晚市都是自助形式，平日午市每人收費只需HK$68，而星期六至日及公眾假期為HK$78; 晚餐 星期一至四HK$118/ 星期五六日HK$138。 餐廳外牆半邊留作窗位，整個小店的感覺都很舒服，但座位比較擠迫而且會強制性安排未坐滿客的餐桌併枱。入店後先付款，由服務生安排座位後跟著可以自由選擇食物，有沙律、涼拌、熱盤、炒飯炒麵、老火湯及甜品，賣相吸引，非常豐富，而且清楚寫明含蛋、奶、蔥蒜等，方便食蛋奶素或戒五辛朋友，所謂五辛是蔥、蒜、洋蔥、蕎頭及韭菜。自助形式醬料和飲品，店家鼓勵食客只用一套餐具，整體可減少用水清潔食具，能為環保盡一份力，用餐後餐廳

平日約1：15去到，不用等位。我們4人，侍應給了張角落位6人枱，怎知道之後加了2人搭枱，每次出入都要唔該唔該再唔該，好彩這間店客少，好快就將那2人調去其他枱。食物種類少，而且到大約1：30-40就不再添加新食品，未夠2點食物盤已經空了一半，難道午市只做到2點？就算真係到2點，1：30就開始唔加食品，會不會太離譜？？？甜品豆腐花每次一出現就被搶奪一空，結果我主動問店員會不會再加，佢話睇下有冇先！？好彩有，不過都係很快就冇晒。另外， 食物全部沒有餐牌，味道也十分普通。無冷氣，4月廿幾度，食到汗流浹背，滿頭大汗，只想盡快走人。其實負評係負於不添食品，如果佢繼續添我會比個ok 佢。

今日選擇了素食午餐選擇不多，味道一般。先由好味既開始寫寫...湯 - 赤小豆粉葛。足料，應該系落左蜜棗，甜甜地幾好飲涼菜青瓜，番茄，紅腰豆，鷹嘴豆拌醋汁 - 清新開胃素雞 - 食落真系好似真雞，包括味道同質感 推介皮蛋豆腐 - 好食羽衣甘藍 - 感覺唔系太新鮮薯仔salad - 有沙律醬都無乜味熱盤姜黃炒飯 - 好亁身，好味素肉 - 比較鹹，岩撈飯麺醬南瓜 - 唔錯，南瓜好淋，幾入味番茄炒蛋 - 幾好炒米粉 - okay梅菜豆腐 - 梅菜唔好食煎攘三寶 - 望落去麻麻，朋友食左話難食炒年藕 - 個“獻”好難食，一pat pat仲有其他菜同豆卜，個樣麻麻，無試甜品brownie - 極力推介紅豆沙 - 一般，好在唔太甜仲有豆腐花 不過無試，quota 用左黎食 brownie講真，質數麻麻，只可以話價錢平。。未必會再去

我從來未寫過食評，但今次真係不吐不快！openrice既打手實在太多，影既相都實在太靚，一去到打開個兜：「嘩！圖文不符既！」首先，食物既種類寥寥可數，蔬菜亦欠新鮮，白菜仔節瓜全部煮到黃哂。上菜速度極慢，每個食客都係「打開個蓋，望一秒，閂埋個蓋，番埋位個陣隻碟係吉既」，因為每次打開個蓋都仲係個個兜，唔講唔知以為黎練手臂操。你無睇錯，我亦無影錯。呢啲兜既狀態由一開始食到下一轉係一模一樣，仲要有個吉位係到係咩玩法？另外，最重要係佢令我見識到食自助餐，粥粉麵飯都可以咁受歡迎，因為「食成個鐘，食黎食去都係個幾樣，轉都無轉過。」唔靠食澱粉質真係唔識飽。起初收銀同我講用餐時間一小時，我仲諗咁小點夠，但我而家完全明白，因為多一分鐘都唔知再食乜好！$68真係完全唔值，$38都嫌多。四個字概括：「離哂大譜」，如果想繼續做落去，唔該改善下，否則遲早say goodbye。😓

有時清清地食餐素都唔錯～平時多肉少菜都想食下齋清下腸胃唔係黎黎去去麵筋...芽菜咁，都有好多款式而且環境簡潔又坐得舒服🦖望住外面都幾寫意～入到去買左飛先，之後就可以隨便攞野食！🥗沙津吧兩邊是熱葷，最尾是素湯，紅豆沙 同 豆腐花口水雞 同 菠菜脆脆卷 賣相吸引兜左一圈執左呢碟野有 梅菜蒸豆腐 釀節瓜甫 菠菜脆脆卷口水雞 咕嚕肉 蒸水蛋 茄子... 等🥗不過全部都係素食丫！🥗 🌱菠菜脆脆卷 薄薄餅皮包著爽脆蔬菜絲，清新可口，加沙律醬食更醒胃 有驚喜🌱口水雞 質地好似食緊肉咁 辣辣地 好味！略嫌個茄子太重口味同油膩🦖🦖🦖🦖🦖🦖🦖🦖🦖🦖🦖🦖🦖🦖🦖Round two 有 羽衣甘藍 蘋果沙律幾粒炒鴛鴦米 同 煎釀三色椒🌱鴛鴦米煙un有咬口🌱蘋果沙律 蘋果爽甜多汁🦖🦖🦖🦖🦖🦖🦖🦖🦖🦖🦖🦖🦖🦖🦖素肉燥飯香料味怪怪地...唔係我杯茶🙈🦖🦖🦖🦖🦖🦖🦖🦖🦖🦖🦖🦖🦖🦖🦖甜品有 紅豆沙 同 豆腐花分開既，兩溝要自己黎啦😆豆腐花實淨左啲...🌼最後飲杯五花茶 少甜好味🌼🌼🌼🌼🌼🌼🌼🌼🌼🌼🌼🌼🌼🌼🌼

近排見好多食評介紹都見到呢間個名好特別的走肉朋友, 咁啱今日又係初一齋期咁我地就去試一試睇下有咩特別. 由於我既懶床能力好深厚所以我地到店既時間已經係2:30. 店員好好咁同我地講你地睇睇有冇野啱食先因為我地3:00就完嫁啦, 食物都唔會再加因為食物食唔晒我地係會唔要我地店舖唔想浪費. 聽完佢咁講我個心有被打動我望一望都仲有唔小既食物, 雖然係冇平時多呢一點我知, 所以我地都決定食. 雖然都已經2:30 食物已經唔多不過種類都仲有. 我地攞左唔小既野食番黎share, 味道真係好好味! 老實講＄６８一位仲要冇加一既有咁多食物還可以要求什麼？食物的味道真係比出面好多齋舖好味得多, 重點係佢地有特別野. 例如有台式滷肉飯, 口水雞... 味道同口感同真的真係冇咩分別. 老公都有一刻懷疑自己係唔係食緊真肉... 呢度係要自己收拾餐具的, 見到好多公公婆婆都唔需要人幫忙自己可以食完執番野呢間店的文化真係好好! like like like~

近年素食變成一種新trend 無論你係真點素食者定為健康想間唔中食少餐肉 定只係為左呃like。。呢間走肉朋友係十分推介 第二次到訪上次食左午餐buffet 一人$68任食任飲60分鐘而今次就係為左呢個新的限定一個月的台式主題而來晚餐係$118任食75分鐘 價錢依然好抵食好彩趕得切係15/4完之前黎食到！多款台式經典 例如魯肉飯 魯肉Pizza 滷水拼盤 三杯豆腐 素鹽酥雞 皮蛋豆腐等雖然係全素食 但完全滿足到我的台灣胃🤑個人最欣賞係Encore左兩次的素魯肉飯提供紅米飯 食得更健康 魯肉就熱辣辣任你裝平時係出面食魯肉飯總係多飯少肉係呢度梗係要自己整返碗多肉少飯的版本啦🍚用左素肉豆腐同香菇粒 調味濃郁 同真的完全分唔出🤯另外個素黃花魚 外表已經炸到好靚仔好脆的外表 入面包住的竟然係芋頭點埋茄汁食好香口 完全唔會覺得油膩啊最後食返碗陳皮紅豆沙溫下胃真係好正🤟🏻期待佢下一輪的特式主題👅

食得多肉都要食下菜，覺得食素太寡太悶，呢度夠多款仲做緊台式主題岩哂你，總之入到去就會見到好清新同野食都好多色彩好吸引。外圍用左藍色做主色，再加上開左上半邊做窗位，成個小店既感覺都好舒服，仲有大大個蔬字既標誌係外牆度。入面主要都係用左白色同灰色做主色，成個感覺係好簡潔，另外仲有好多學校既木椅，好似番左小學一樣，仲有一啲標語同埋小裝飾都好有意思。呢度都係用上左自助既形式，餐具同埋醬料都係自取，鼓勵客人用一套餐具，食完之後要自己將碗碟杯筷放番係回收箱入面，同要自己清理剩餘食物，希望大家學識珍惜食物。係餐廳入面既長長既自助餐枱同收銀櫃，都係係殺校既學校圖書櫃度拎番黎重新裝修，就咁睇真係好新好靚，環保得黎有意義又美觀。最特別既係呢個《台式魯素肉燥》，一望真係勁似肉燥飯，其實係用菇等等既素食整成，食落撈飯都幾惹味，仲可以灑上葱花更加香。另外係呢個《口水雞》，用左素去整出黎成個樣真係好似平時食既口水雞，食落辣味都幾夠，岩哂食得辣既人。中間既《菠菜脆脆卷》外面既綠色皮食落有陣香味又煙韌，入面包左好多蔬菜夠脆口，《蔬菜壽司》就好似食平時日式卷一樣既口味。另一味台式主題既野食係《台式魯水豆腐蛋》，整到超似

今晚(Tue)朋友好想嚟呢度食，我已經好努力説佢『生日食好啲啦！』但既然佢咁堅持，我⋯⋯捨命是也！由於係平日，價錢都算合理！☺️但以平日嚟講。。。多人！以人海嚟睇，應該中伏極都有限⋯⋯好！今晚食乜齋？沙律呢啲大路嘢，來貨無得輸。但自家製的就尚要改善。薯仔沙律：味道好好，可惜薯仔切得太大件，食幾件。。。飽咗！蘋果沙律：本身就係清新嘅沙律，可惜！可惜！件件都係1/8個蘋果咁大，見到都唔敢攞。另一個澱粉級代表，鑼絲粉沙律：因為全場太多澱粉朋友，所以。。。無試🙇🏻‍♀️冷盤類有岀名的口水雞：𠱸錯，但真心。。太辣，我都係一個食到辣嘅人，但真係要有水在旁先好食。。。太辣嘛😣右下角的蔬菜卷：可以不試！唔係汁或菜嘅問題，係個皮，漿咀的，無咗個皮嘅膨脹感。其他的，好味嘅。澱粉類炒米粉：好味！荷葉飯：太濕！老火湯：最正！白飯旁嘅素肉燥：正！白粥：食唔落啦！熱葷類一句：無驚喜！但其中一個『煎釀三寶』實在唔得，酸的！大概係變味，本身無汁嘅，又何來酸？！蒸類無得輸，要輸都係買手入唔到靚貨🤣🤣🤣登登登！！！我最欣賞菜式😙😙😙創意調味區千萬個菜，總有唔啱口味嘅時候，呢個區幫到你。

今日同朋友一齊上嚟食呢間素食自助餐，每位都係$88, 限食一個小時十五分鐘，食物種類都多，有沙律，小食，飯，湯同甜品，雖然一定無出面自助餐咁多，但係素食嚟講，唔似中式咁比較偏油，比較少假肉，主要同係食食物的原味。店員都唔錯，service 都好好。不過地方細，坐位唔多，如果假日有機會要等，不過佢限時食，所以通常等一陣都有位，如果嫌等，就可以叫外賣，佢會俾個盒你，隨便 pack 自助餐的食物，仲包你一碗湯。

朋友圈中有位素食朋友，為著她可以放任的吃，我們選了這間全素食的餐廳自助餐，讓她不用看著菜單苦惱之餘，也讓我發現素菜其實也可以很豐富！當然，素食不一定清淡，煎炸或多醬汁的菜式也有，所以不要奢望狂吃之外還能瘦身喇🙈餐廳面積不大，食物放在正中央，桌子之間距離不多，出入拿食物其實不太方便，很容易會碰到其他食客。食物選擇方面，從沙津到熱菜，從飯麵到糖水都有。中式料理佔大部分，有蒸蛋、冬瓜環、荷葉飯和紅豆沙；日式的有全素壽司卷和腐皮壽司，台式的有鹽酥菇，西式的有pizza和沙津吧等。必提的有口水雞，外表跟真·口水雞很相似，朋友試過說「肉質」也不錯，只是頗辣的，我就沒有吃了。必需一讚是餐廳換菜換得很快，外面的盤子清空後很快就會上新，我們吃了1個半小時，起碼吃到2回新鮮出爐的菜，很好呢！↑食物拿了幾次，第一回有很地道的煎釀三寶！正適合我這不愛吃鯪魚肉的人😛餐廳的一角有清晰的指示建議大家自助收拾碗筷，另外這裡晚市是先付款後入座，所以吃飽放好碗筷後就可以隨時離開了～

近年素食成新潮流，除宗教原因外還有健康及環保概念。走肉．朋友老闆之一是素食者，眼見坊間素食選擇不多，跟朋友創立自助素食，提供多款特式素菜，打破素食只有五色齌及清炒菜的觀念。裝修走清新田園風，而當中你會發現一些舊物如書櫃及部分座椅是來自學校，重新給廢物第二機會，令其生命得以延續可見店子對環保支持，雖然以自助餐作主題，但鼓勵食客自行選擇免浪費，食完後以自助形式放回餐具碗碟回收區。 午市、晚市也是自助形式，入店門口時先付款，跟著可以自由選擇食物了，有沙律、涼拌、熱葷、炒飯炒麵、老火湯及甜品，賣相吸引，非常豐富，而且清楚寫明含蛋、奶、蔥蒜等，方便食蛋奶素或戒五辛朋友，所謂五辛是蔥、蒜、洋蔥、蕎頭及韭菜。 口水雞造型極似，加入醬汁非常惹味，加多加多將印尼味道也帶來了，脆脆墨西哥蔬菜卷色彩繽紛，清新爽口。 黃薑飯炒得乾身，充滿椰香，沙嗲串口感像真十足，糯米雞荷香軟糯，五花肉精緻有層次。 甜品除了中式糖水外，還有布朗尼蛋糕、不凍的紫薯雪糕、用壹品豆漿自製的豆腐花等，各款味道也恰到好處。 烹調不馬虎，用食材有心思，對為健康的食素者或初嚐食素者來說不用犧牲口腹之慾，