更多
2018-04-23
627 瀏覽
我從來未寫過食評,但今次真係不吐不快!openrice既打手實在太多,影既相都實在太靚,一去到打開個兜:「嘩!圖文不符既!」首先,食物既種類寥寥可數,蔬菜亦欠新鮮,白菜仔節瓜全部煮到黃哂。上菜速度極慢,每個食客都係「打開個蓋,望一秒,閂埋個蓋,番埋位個陣隻碟係吉既」,因為每次打開個蓋都仲係個個兜,唔講唔知以為黎練手臂操。你無睇錯,我亦無影錯。呢啲兜既狀態由一開始食到下一轉係一模一樣,仲要有個吉位係到係咩玩法?另外,最重要係佢令我見識到食自助餐,粥粉麵飯都可以咁受歡迎,因為「食成個鐘,食黎食去都係個幾樣,轉都無轉過。」唔靠食澱粉質真係唔識飽。起初收銀同我講用餐時間一小時,我仲諗咁小點夠,但我而家完全明白,因為多一分鐘都唔知再食乜好!$68真係完全唔值,$38都嫌多。四個字概括:「離哂大譜」,如果想繼續做落去,唔該改善下,否則遲早say goodbye。😓
openrice既打手實在太多,影既相都實在太靚,一去到打開個兜:「嘩!圖文不符既!」
首先,食物既種類寥寥可數,蔬菜亦欠新鮮,白菜仔節瓜全部煮到黃哂。上菜速度極慢,每個食客都係「打開個蓋,望一秒,閂埋個蓋,番埋位個陣隻碟係吉既」,因為每次打開個蓋都仲係個個兜,唔講唔知以為黎練手臂操。
你無睇錯,我亦無影錯。呢啲兜既狀態由一開始食到下一轉係一模一樣,仲要有個吉位係到係咩玩法?
另外,最重要係佢令我見識到食自助餐,粥粉麵飯都可以咁受歡迎,因為「食成個鐘,食黎食去都係個幾樣,轉都無轉過。」唔靠食澱粉質真係唔識飽。
起初收銀同我講用餐時間一小時,我仲諗咁小點夠,但我而家完全明白,因為多一分鐘都唔知再食乜好!
$68真係完全唔值,$38都嫌多。四個字概括:「離哂大譜」,如果想繼續做落去,唔該改善下,否則遲早say goodbye。😓
張貼