155
40
19
港鐵奧運站 B 出口, 步行約3分鐘 繼續閱讀
電話號碼
23886280
開飯介紹
餐廳主打素食自助餐,以腐竹等素食材製作,約一星期會轉換一次餐單。裝修走田園風格 繼續閱讀
附加資料
午餐walk in 便可 晚餐接受訂位 消費滿$350或以上接受信用卡付款
營業時間
今日營業
11:30 - 15:00
18:00 - 21:30
星期一至五
11:30 - 15:00
18:00 - 21:30
星期六至日
11:30 - 16:00
18:00 - 21:30
公眾假期
11:30 - 16:00
18:00 - 21:30
付款方式
Visa Master AlipayHK 支付寶 現金 八達通 Apple Pay Google Pay
其他資料
Wi-Fi
酒精飲品
自帶酒水
電話訂座
加一服務費
當面支付
素食
食評 (280)
從來無食過蛇羹的人,見到有素食版覺得好新奇,所以襯天氣轉涼去食下,又幾有趣喎!我由屋企行去走肉朋友只要15分鐘,都幾方便,哈哈哈,得閒/懶得煮就會過去食下。今日大概11:45就到達,所以影到幾張沒人空景,過一陣12:00就開始陸續坐滿人架啦。有一陣子無來,原來有各種零食賣。因為限聚令的關係,現在暫停自助餐,改為自選五個菜式,由店員幫你夾。午市 HK$55 都幾抵食架。有各種蔬菜,也有必食的口水雞和經典素菜芋頭魚之類。除了堂食也很多人來買外賣,不妨自己拎個盒來減少浪費。除了自選五菜飯,最近特別推出左無肉蛇羹配糯米飯,我今天特別來吃這個。我以為得兩樣野,原來係咁樣一碟又幾有心思。走肉蛇羹糯米飯孖寶 (一人前) HK$75 / 自由添加白飯 湯 糖水 / 11:30-17:45 堂食生炒糯米飯旁邊仲有兩條菜、炸豆腐和配蛇羹的脆脆,都幾豐富喎。素蛇羹入面有薑絲、荀絲、木耳絲和豆皮之類好多料,但因為我無食過蛇羹的關係唔知同真的有何分別,大概就係一碗中式湯羹的感覺。至於生炒糯米飯,中間原來有素臘腸,有少少煙燻味都幾得意。估唔到吃素之後有機會食到之前無食過的菜式,我覺得人生真的很有趣 XD,如果你都無食過蛇羹又想體驗下,或者平時食得太寡好悶,不如就去走肉朋友嘗嘗新鮮事物。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
4691 瀏覽
-🦄走肉·朋友 @my_meat_run_buddy-素食晚市自助餐 Hkd125Rating🌕🌕🌕🌗🌑-⚠️是次自助餐主題為京川滬名菜🍱⚠️大家可以先WHATSAPP訂坐會方便啲🥳-今次已經係第四次去走肉朋友食自助餐喇😳雖然係第四次🙈但係晚市都係第一次食😆平日星期一嘅晚上比我想像中少人好多🤭唔知係大家遲放工放學定點😂總之個場好空🥺不過咁都好🤤可以坐得舒服啲😬唔會太逼-今次食嘅主題都係以京川滬為主要菜式🤩好似同之前食過嘅大同小異 不過都唔緊要啦當係重新好好回味之前嘅味道🤤因為上次來都好耐之前喇 已經一年有多😭-🔸沙律區🥗依舊都係最推介個款地中海沙律🥗好似係咁叫🤣有青瓜🥒同番茄🍅作為主要材料 蔬菜好新鮮我最鍾意呢款沙律嘅原因係因為佢個醬汁😛好清新又好開胃 一啲都唔會油膩 冇乜罪惡感😜另外都好鍾意齋食佢個紫薯蓉 加左奶會好幼滑🤔呢個係我次次去都必食 就咁食而唔係加落雪糕筒入面其他沙律菜都好新鮮 又有多種醬料可以配搭-🔹涼拌小菜區個人比較推薦食佢嘅涼拌青瓜同埋皮蛋豆腐其實差唔多每間素食自助餐餐廳都有呢兩款小菜味道上都係差唔多但又會有少少分別🙈走肉朋友嘅皮蛋豆腐就會比較凍 皮蛋份量都多而且醬汁調得岩岩好 涼拌青瓜可以再辣一點😆咁樣會惹味啲 不過好在佢唔會太油膩👍🏻👍🏻-🔸熟食熱葷區我就唔係每一款都有食到 不過咁岩我食嘅都好好味其中最推薦係素蒸茄子🍆個醬加埋茄子食好正超惹味因為佢係辣辣地嘅 但茄子又唔會好油因為我真係好怕食到啲油淋淋嘅茄子🍆最後我都差唔多食左10條茄子🍆超級誇張🤣其次紅燒獅子頭同埋回鍋肉都好好味😋我係好鍾意食獅子頭隔離啲冬菇🤣炆得好入味回鍋肉又有驚喜喎😳雖然就辣左啲但完全食唔停口椰菜再加埋啲肉一齊食唔知點解好夾🤭如果再配埋白飯都真係幾正 但已經好飽食唔落飯🤣另外仲有啲菜式其實都幾新奇同吸引😈例如係東坡肉 個樣完全唔似素菜同埋炸大腸 超似呀!唔知佢哋係搵咩整成架呢😆下次要試吓喇👻-🔹其他另外都仲有啲炸物 不過我就冇食到🤣🤣同埋有番薯🍠粟米🌽饅頭 呢啲簡單又好味嘅粗糧當然唔少得有粉麵同炒飯啦!係菜飯同埋上海粗炒呀😆👍🏻😆👍🏻當然仲有糖水同埋我飲咗兩碗嘅中湯🥣個日嘅湯係青紅蘿蔔南北杏雪耳湯好清甜而且又足料同埋都飲得出係無味精重點係佢熱辣辣 真係岩曬而家呢啲天時飲用👏🏻-🔸甜品水果區係呢度要隆重介紹同埋推薦佢哋嘅BROWNIE因為真係好好味😋雖然我好怕肥但我最後都食左4件 朱古力味好濃郁😫😫中間又夾雜左啲堅果🌰同埋又唔會太甜👍🏻都係朱古力味比較重🥳所以真係超好食水果係差唔多最後先拎出嚟🙈有哈蜜瓜同西瓜🍉作為呢個自助餐嘅一個完美句號 食到我超飽-💗整體而言 就算咁耐無食 但質素都冇變到依然都係咁好食😋食物種類選擇都多👍🏻雖然晚市係貴過午市 但好在唔洗加一🤤所以125$我覺得都可以接受 不過都係午市抵食啲因為午市同晚市供應嘅食物都係差唔多🤣- 繼續閱讀
(以上食評乃用戶個人意見 , 並不代表OpenRice之觀點。)
等級3 2021-03-19
450 瀏覽
依家健康主義流行,人人興講素食🥦,市場上愈來愈多素食自助餐。「走肉‧朋友」希望將走肉同找素生活文化帶入社區,齊齊食得健康啲💪🏻。餐廳中間擺放一大張Buffet table,食物包括沙律、前菜、炸物、冷盤、熱葷、湯水、甜品、飲品等,選擇豐富😻。綠意盎然嘅植物加上白色瓷磚同木系椅桌,好似係田園享受素食!不過食完成餐飯,感覺「走肉‧朋友」嘅素食大部份用煎炸炒等方式烹調🤔,味道自然比傳統素食好,的確可以令多啲食開肉嘅朋友試吓走肉。但相對上都油膩同重口味,自助餐形式仲會唔小心食多咗添~所以未必所有菜式都適合食開素食/想追求健康輕盈嘅朋友仔📌~今次咁啱坐係Buffet檯側邊,好近其他排隊夾食物嘅食客。雖然大家拎嘢食有戴返口罩,但坐係旁邊除罩食飯都有啲擔心😥~同埋要留意每人要重複使用同一隻碟,唔同菜嘅汁都會撈埋一齊。👇🏻👇🏻因為款式多,以下集中介紹好味同會回頭食嘅菜式~————————————————👅走肉晚餐 (平日$125/90分鐘)👍🏻皮蛋豆腐︰豆腐豆味香濃,又滑嘟嘟,加埋絕配皮蛋粒同醬汁,凍盤最Like~👍🏻壽司︰一口一件壽司卷,加左沙律醬同海苔碎,味道唔會太單調👍🏻口水素雞︰口水雞汁麻而不辣,用一層層腐皮做成嘅素雞肉,有食緊雞胸一絲絲錯覺👍🏻菠菜脆脆卷︰菠菜墨西哥餅皮卷住椰菜、紫椰菜同紅蘿蔔絲,口感爽脆,品嚐蔬菜原味👍🏻菠蘿咕嚕肉︰用炸到硬身嘅油炸鬼扮咕嚕肉,酸甜咕嚕汁應該人人都愛👍🏻Pizza︰薄身Pizza上面鋪滿芝士,香口兼邪惡👍🏻木桶豆腐花︰口感嫩滑,想食幾多潷幾多,自己加薑糖漿/黃糖調味👍🏻Brownie︰朱古力味幾濃厚,甜而不膩,切到細細件唔會太Heavy*以我所見Top1-3好搶手,不過都有店員定期refill嘅~————————————————🚩總結:體驗素食嘅入門級自助餐———————————————— 🌟注意:入座前先付款,用餐後記得自行將餐具放入回收箱啊————————————————📍走肉‧朋友地址︰大角咀博文街28-30號地舖. 繼續閱讀
(以上食評乃用戶個人意見 , 並不代表OpenRice之觀點。)
等級3 2021-03-10
701 瀏覽
💛 五餸飯 $55 佢地本身係做緊素食自助餐但係因為前排疫情嚴重左就轉左形式🍴黎到就可以先去counter比錢買飛再去出面任揀5個餸然後佢就會夾比你😚·雖然好似暫時少左好多選擇但係野飲、飯、湯、糖水都係任裝😚而揀左嘅呢5款餸全部都好好食🤣咖喱齋椰汁味重😚奶油津白夠甜😆口水素雞、麻辣紅薯粉夠辣夠惹味🤪沙拉骨(即係好脆嘅油炸鬼加醬😆)都好好食 絕對要試下🤣🤣完全唔會覺得自己係食緊素菜因為都好多元化好豐富同埋係會食到好飽咁出去嫁🥳cp值又高😆遲啲有機會一定要試埋佢嘅自助餐🤤✨ 繼續閱讀
(以上食評乃用戶個人意見 , 並不代表OpenRice之觀點。)
呢一間都算素食界出名嘅黃店餐廳,間唔中都有唔同嘅products比大家買,大家都可以留意下佢啲小食包🤩佢地係以自助餐形式黎運作,疫情之下,可能都好多人比較擔心衛生問題🤧所以每一次離開位拎野食嘅時候都需要帶口罩,安全起見,每一次拎完野食,小編都會消毒雙手先食野,感覺都乾淨啲😷明白環保問題所以每人一隻碟無得換,但疫情關係,咁樣都幾唔衞生,因為你唔知出面共用嘅餐具有無掂到人地隻碟🤢因為佢係自助餐形式,$150/90分鐘,所以小編都食左唔同野,未能夠一一盡錄,但會特別講幾樣好吸引到小編嘅野食🥴以一間細舖黎講,食物同飲品類別都適量🤗佢地每一款食物都有一個名牌去介紹番,唔同類別嘅素食者都可以留意番,咁大家都食得放心又安心,仲好過安心出行!🤔==============================🍽 走肉‧朋友📍 大角咀博文街28-30號地舖⏰星期一至日 12:00 - 16:00, 18:00 - 21:30==============================1️⃣【蝦片炸子雞】雞個方面,佢地以麵團作代替,食落都好有口感,外皮唔係太脆☺️就咁睇顏色方面,都幾吸引,唔會overcook👍🏻(🔥怒食指數:8/10).2️⃣【千島海鮮pizza】真係好高質,唔可以食太多碳水嘅小編都忍唔住食左3塊🍕呢款係薄身嘅,佢個皮都邊係偏薄千島醬嘅味好出,topping有蕃茄、紅椒等等,唔會太多topping令到太重或太濕🤪千島醬隻味唔會太濃,食左咁多塊都唔會好膩或好乾好口渴,真係好正!😂(🔥怒食指數:9.5/10).3️⃣【羅漢齋翅】小編好鍾意食碗仔翅,佢呢一款都做到隻味都好相似😯冬菇絲、木耳絲、粉絲,仲有一條爽身嘅蔬菜絲,材料方面都幾豐富,唔會輸比平時嘅碗仔翅🤤口感方面,條蔬菜絲小編唔知佢係咩蔬菜,但口感幾正,比較爽口,加埋啲冬菇絲、木耳絲,會比較有層次🤯(🔥怒食指數:9/10).4️⃣【木瓜雪耳糖水】小編平時好少食中式糖水,最多都係食腐竹糖水🤨整體覺得甜左少少,但木瓜同雪耳都煮得好淋😏(🔥怒食指數:8/10)==============================🔥評分:環境:9/10 味道:8.6/10性價比:8/10服務:9/10總分:8.7/10 繼續閱讀
(以上食評乃用戶個人意見 , 並不代表OpenRice之觀點。)