走肉‧朋友 (已結業)

喂. 正呀! 今日同舊同事聚舊, 朋友介紹黎呢度!大角咀對我黎講有D 陌生~ 但原來都幾多小店WOR~今日黎呢間.. 主打素食BUFFET, 事前講明我唔LIKE COSPLAY 齋 既~~朋友拍心口話唔係個回事~好啦.咁就黎試下啦.入到黎真係中間一張BUFFET 台, 放哂D 野任羅. 鋪面唔太大.我地坐低等齊人先開動~ 原來要去櫃面畀錢先既~ 哈~MON -FRI $118 , FRI-SUN $148.都好抵食其實~呢堆炸野區, 好吸引! 炸饅頭, 素壽司, 菠菜波波, PIZZA, 各式SALAD, 中, 西, 韓, 日都有, 甜, 酸, 辣樣樣齊~皮蛋豆腐(呢個次次羅出黎都極速畀人清哂.. 最受歡迎!!同埋都FILL得好快～）菜都有好多款.素肉骨茶, 我冇試~ 唔知正唔正呢.呢個甜品區好正~ 有豆花同涼粉.然後可以去SALAD 區加D椰果落去.重有調味料任點~睇下我食左D乜?! XDDD皮蛋豆腐, 涼伴青瓜, 韓式薯粉, 沙嗲串, 薯仔沙律~ROUND 2 意粉, (勁好味), 壽司, 咖哩薯仔, 再黎薯仔沙律..(我真係好中意食薯仔.XDDD)ROUND 3 薯粉AGAIN

過農曆年，吃一下素菜，是很多朋友的習俗。 久聞大角咀「走肉朋友」的名字，餐廳主打素食自助餐放題，平平哋可以任食各項素菜式，也不錯。 餐廳以落地窗花設計，部分傢俬是從學校回收循環再用，環保意念很強： 入到餐廳，午餐＄68 一位，不用加一，中午有約 30-40 款食物。每人會得到一隻碟去取食物，鼓勵食得晒先好夾，減少浪費。 冷盤 其中有大型沙律 bar，用的蔬菜是由本地農場種植： 各款冷盤當中，最受歡迎有「口水雞」，麻辣並重： 我也喜愛花椒味濃的「手拍青瓜」： 豆味香的「台式皮蛋豆腐」，用上來自用加拿大非基因改造大豆的豆腐，很嫩： 堅多蔬菜的「西式蔬菜卷」，可以點酸汁同吃的： 熱盤 其實一般炒菜、炒粉麵飯都齊備，實夠飽。吃了幾款，是家常小菜 style，味道不寡的。我覺得蛋料理最好吃，「番茄炒蛋」、「蒸滑水蛋」不是貴之物，卻很對胃口： 用腐皮製成素魚肉的「煎釀三寶」，呢味掂！有釀茄子、三色椒、魚蛋，先前後焗，減少用油，非常好下飯，記得要夾： 其他食物隨影： 是日湯水 今天輪到「西洋菜煲粟米南北杏」，無味精、無添加： 我也有去勺下煲湯材料，相當足

齋一向有食，齋buffet都有食，但呢間就第一次幫襯。始終大角咀位置又唔近鐵。佢價平日夜晚$118，都算合理，不過得個半鐘用餐就好似少左D,如果2個鐘最理想。不過同類都係個半鐘，唔係可能圍唔到本，又唔夠時間做2轉掛。好貼心，有筷子托比你攞黎用。我選左扒地熊。款式不太多，食4，5碟都飽飽地。食齋嘅好處係實夠飽肚。pizza醬係泰國最常見醬汁，個底夠脆，整體味好正，所以encore左一件。個tiramisu一夾易散，會分開2斷，但勝在個味好，所以好快無晒。沙爹串就最尾升先有。都幾好味。佢嘅食物款式，唔夠多，同埋比同類齋鋪hea左少少 唔夠心思制作食物，有一半以上都係好普通易做同“求其D”嘅款式，特式菜係真係無乜，不過呢個價，間中食下都可以。不過我私人prefer迫少少嘅另一間齋buffet囉。

近排好流行食素，特別係素食自助餐，依間聽就聽得多，今日特登放工黎大角咀試下。交通都幾方便，係奧運站一出再行5分鐘就到啦! 之前朋友知佢依間好旺場，特登打黎訂位, 訂左夜晚6:30食8:00要還枱。啱啱入仲未係好多人。環境幾有文青Feel, 地方唔大，見到有我好鍾意既前菜,有羽衣金蘭沙律、係椒麻粉絲，涼伴木耳 前菜款式都幾吸引。當然要試下佢主打素海南雞，加埋個醬, 好鬼似真 ; 蕉葉包雞、炸茶樹菇,香脆可口。仲有一個係素肉骨茶, 入面用好多材料煲，好足味，齋湯都飲到有甜味; 其實食齋都好多花款。而主食就普通左，但勝在味道加分。而甜品都有好幾款,我就試左個Tiramisu, 偏甜; 再食多款綠豆沙加豆腐花 , 綠豆沙一流好綿，豆腐花尚可。下次會再試其他主題菜式

看過不少雜誌，也有介紹「走肉朋友」，印象不錯，曾嘗試兩次打電話去訂位，可惜都説滿座，今晚終於有位，帶著驚喜心情出發。由於訂咗位，7:30 排隊等入座，先付賬，後侍應帶我們入座，是高架bar 枱位，説非高架座位留給年紀大的顧客，我們要求換坐，最後擾攘一會，終於分給我們一張正常高度的四人座位。（要搭枱）由於沒有地方放背囊，只好掛在背後，一起立，椅子立刻翻倒在地上，間中也聽見有人的椅子倒下的聲音，由於地方狹窄，偶爾也有拿著食物的人擦身而過，冷氣方面，略嫌不足，四週裝修不俗，在微黃燈光下，彌漫著一種令人眼瞓的氣氛。食物方面，只能夠用「平凡」來形容。最好的一味菜算是印尼串燒肉串可惜吃過一遍已經沒有補給。食過咖喱米粉，蘿蔔，通菜，一般菜式，比較特別是仿雞肉，真係有雞味，其次是幾種炸物，包括魷魚酥，炸紫薯及炸洋蔥圈，還有pizza, 不過比較薄及有薑辣味，最差是豆腐花，味道不甜，但豆腐不滑，未食夠半碗，已經成碗倒咗。最後為了飽肚，吃了炒飯作結，總結，菜色平凡，價錢合理，但應該不會再有下次光顧。

除左自己健康啲 為左世界變得更美好為左Slow Down #Globalwarming食素 其實有咩唔好？食唔慣全素得閒帶屋企人黎 #走肉朋友 蔬食自助餐店都不錯已經第三次黎 欣賞佢將素食玩得出神入化顏色夠鮮豔 用料豐富 邊個話素食=食沙律？餐廳定期會轉主題 之前做過台式日式呢期轉做南洋風情喎 做到八月中咋其中個海南素雞 印尼沙嗲串 素肉骨茶等都做得幾出色🤤仲有蒸包 腸粉等晚餐$118任食75分鐘 價錢依然好抵食最後食返碗香滑豆腐花暖下胃真係好正🤟🏻期待佢下一輪的特式主題👅

六人食第二輪，星期五滿座。地方不大，但食客很多。付款後可以開餐，擺放的地方在餐廳中間，由於地方細，每碟不大，放得密麻麻。款式也不多，總算是樣樣有，壽司、飯、沙律，齋等，味道卻不錯，雖然無肉食，但都吃得飽飽。添菜也快，總結是滿意的，小小舖頭，幾十人在餐廳裡取食物，但不覺擠迫，又食得飽，$140的價錢合理。可惜地方偏遠，只合愛找美食的人士去食，不是一般食客喜歡到的地方。

呢度已成為我成日心思思想食嘅一間餐廳。每次食完都身心大滿足,大飽口福之餘，仲淨化身體。每隔一排會轉主題亦係令我經常想再光顧嘅原因。呢排應該係星馬主題，除咗有冬蔭功味pizza外，仲有令我再三回味嘅素肉骨茶，點解素都可以咁好味？另外有我好喜歡嘅涼瓜炒蛋，試過自己喺屋企整，同喺佢度食真係差好遠，佢整得好味好多好多。佢每一味都好用心煮，每一個餸嘅味道都有自己特色，唔似傳統齋店咁味道比較模糊。最勁係食完唔口渴，仲要收咁平，真係好感謝有呢間店我可以經常去食! p.s.甜品有tiramisu,中式甜品又有木瓜雪耳糖水同豆花，完全超額完成！

原來其他食評都講過了, 係我自己無事留意餐廳入座較慢的問題。我想讚下餐廳的食物的確有別於傳統素食店, 沙律有兩款黎麥供客人自由添加, 證明餐單設計係俾足心機。 我和朋友都認為大部食物的味道係唔錯, 但係餐桌距離和通道設計實在很差, 客人出入攞食物, 坐旁邊餐枱的一定要起身讓路。不妨再分享下, 有預約的一定要夠耐性, 星期六晚上,我們試過等25分鐘先可以入座, 有沙化位的並不是先到先得, 其間會由唔同店員同你對booking, 我對左5次!***食物還好, 空間好迫好吵, 入座前要先吃一肚子怒火, 未飽的話, 有胃口的話, 請入座!給劣評, 請見諒！

朋友早在半個月前己訂檯，之前已經看過顧客留言 大部分餸都冇refill 希望星期五晚 (星期五及假日公眾假期$148）光顧 情況會有所不同本身店舖面積已經細 光顧的人客遠超可容納的人數 行出去攞野食基本上係千辛萬苦 更不要說佢食物本身種類已經不多 還時常碟碟清空 成世日未試過為左食皮蛋豆腐需要千辛萬苦虎視眈眈留意着有冇refill 最後為求飽肚唯有食薯仔沙拉值得一提係雖然佢係自助餐形式 由於我是第一次光顧 考慮衛生問題 以為每次出去攞食物都需要用新的碟 誰知一個帶眼鏡的男性店員（他同時也是門口接待員）當他見我重新拿新碟去攞野食 佢用好黑的面 好無奈的神情望住我 好似我做錯了嚴重的事情 我問佢做咩事 佢話最好唔好次次開新碟 主意佢冇鬧我或高聲說話 只是用好認真沈重的態度去告誡我下次不要犯 我即時覺得自己好似做錯了什麼 便答佢明白 其實我只係第一次開新碟 後來回到座位諗深一層 覺得佢地係以環保為由 其實係想慳成本 不需要處理大量碗碟事實上本人一值光顧位於港大的一念素食 該店提供任食白飯例湯 但注明不要重用已用的碗去翻裝食物 基於衛生理由） 其他的店員（全女班 得佢一個係男） 都好親切有禮

難得一間餐廳常常為客人轉主題，且作為一個環保的素食者，我十分覺得用一隻碟吃一顿飯又有什麼大問題，人家又不是酒店，睇落員工有限，又無收加一我覺得無問題。今次吃走肉和風，有冷面吃，有蕃茄脆脆，有壽司，卷物，及油揚付，炸蓮藕，餃子。還有pizza，真的很曰式。我想説，我也是8:00pm入座，不到三十分鐘我巳飽到上頸，到了8:50pm確實吉了不少，但不致没有東西吃，店家也視乎需要fill up東西。我舉腳支持，免得浪费，大家吃到九点只是倾计，根本已吃不下。店家體貼，夏天有🍋薄荷冰水又有雪糕点。從未见过一家餐厅入座説歡迎，走時道別，老人家就叫人慢慢走的一個地方。好的素食餐厅实在太少了，而且做素食减碳亦不殺生，實在公德一件，我實在看不過眼那些叫人吾好帮襯的人。自己来最真實，不要輕信别人。因打手也實在太多。

已去過好幾次了，由打電話去查詢，已感覺到他們很有禮貌，很有朝氣，讓客人感到他們的歡迎及誠意。每次去食物都很有水準，每一道都做得很用心，老實說我並沒有期望$88任吃的午餐會有這樣高的水準 （更不要說地點在奧運站匯豐大廈旁！那租金有多貴）我有到過類似的另一間餐廳用膳，那邊也不錯吃，但會成日心思思想食的會係走肉朋友。支持你地，因為真係好味！ 用料係靚貨，皮蛋零壓味，麻醬真材實料睇到粒粒打碎咗嘅芝麻，款式也多，會隔一排轉款，款式亦有各地口味，口水素雞真係好夠香辣，魯肉飯食唔出無肉好好味，清淡嘅菜式亦食到瓜菜清甜，食素都可以食到咕嚕肉，梅菜肉餅等，味道亦好好食，真係好開心😃環境同食物都好乾淨企理，裝修文青年輕亦令氣氛更舒適relax

Joey妹就嚟生日 ，細妹建議嚟呢度慶祝，呢間係我去過嘅第四間素食自助餐廳，同之前三間完全唔同！《寶蓮素食》係傳統齋舖，唔能夠比較！感覺比《無肉食》少款式、少份量同少啲人；比Red Mango價錢實惠啲！我食咗兩轉，倒咗好多茄汁；飲咗兩杯微甜嘅熱夏枯草，好舒服；最鍾情係佢個紅豆沙，我自撈咗pat豆腐花，前後encore兩次，好味！飽哂！煎炸嘢我完全唔啱，太油嘅亦冇興趣掂，最欣賞係佢個口水雞、素肉餅同皮蛋豆腐！咕嚕肉唔好食！菜心口感正常，通菜好黑冇夾到！Brownie朱古力味道濃郁，感覺好甜好rich！好似細個食過嘅莎莉雪芳蛋糕！其他款式唔多，全部普普通通！公眾假期每位$88，我哋一行四人早上11：30開門就去到，少人啲、寧靜啲、夾嘢食方便啲，不過我食嘅份量就少啲，應該回唔到本！枱與枱之間出奇地窄，出入要十萬個小心！整體感覺係，去吓無妨，但食量小嘅最好平日$68先去！Anyway, 多謝細妹！

地點唔係話好方便但黎嘅人都唔少好嘅係食物選擇唔算少而且味道都唔錯 個口水雞同個卷物幾好食 然後紫薯又無得輸😂不過唔好係地方真係幾迫下 同食物都偏油！係都幾油果種！沙律極多醬。個紅豆沙....er 其實好似無煲咁係碗紅豆水所以無食，個炒飯啲色一達達所以都無食😂😂😂 總言，我淨係食沙律，基本菜式，同甜品，唔錯唔錯😂🙈

-🦄走肉·朋友-平日 lunch buffet🥗🌯🍽HKD 68 //不設+1//-呢排大角咀呢邊有間餐廳主打素食自助餐🤤岩曬我呢啲食素既朋友💜雖然係素 但佢既款式都多🤤亦都有素肉既熱盤🍖我食既時候已經係12:15🤔出面都有6-8個人排隊但好在我一個人完全唔洗排就可以入😗😗限時一小時 兜左幾次共食左4碟飲左3碗湯 飽到😢😵但幾乎次次食既都一樣😂😂😂超推介圖中個藜麥沙律 🥗佢好開胃有chickpea紅腰豆番茄青瓜😇其次係個紫薯偽雪糕 🍦混合左蘋果牛奶等做成既 好creamy同埋個湯都好推介架👍🏻👍🏻今日飲無花果菜乾粟米蘿蔔湯💕好清好甜好好飲呀 😘-其實仲有紅米飯//湯//豆腐花//各款沙律//咖哩魚蛋//腸粉//蒸粟米蕃薯//蘿蔔豆卜//甜品//炸物//煎釀三寶etc-大家可以參考下會唔會去食下🤭其實都幾抵既🙈但一個鐘好快過🤣-📍 走肉‧朋友 (大角咀)大角咀博文街28-30號地舖 奧運站Exit B