走肉‧朋友 (已結業)

繼無肉食之後，菜菜子去吃另一間素食自助餐走肉·朋友 。因為我經常去奧海城的關係，這家打從開幕之初我就知道了，還以爲這就是無肉食，後來才發現搞亂了。然後門口好靚我想在這個位拍打卡照很久。裝修非常別緻的文青系素自助餐，入面的傢具、桌椅是後學校拆下來upcycle的，收銀臺下面是圖書館書櫃，還留著圖書分類的牌子很可愛。餐廳最近做南洋主題，主打菜式包括素海南雞、素肉骨茶、印尼炒飯配素蝦片、馬來媽媽咖哩和南洋薄餅等，全部都幾好食，我最鍾意有椰奶味的薄餅，素肉骨茶甜甜的好多紅棗，我覺得像某種補湯。走肉朋友的大廚是新加坡人，所以煮南洋美食應該靠得住。上圖包括素海南雞、素肉骨茶和印尼炒飯。素海南雞是將素雞用海南雞的煮法處理，吃起來還真的有點沙薑味，配搭有三種經典醬汁。肉骨茶入面有粟米、菇、可以連「骨」吃的素肉和紅棗，那骨其實用蒟蒻做成，喝起來甜味為主再帶點藥材味。印尼炒飯也很有風味，素蝦片我倒沒特別fancy，平時都沒有喜歡吃，而且平常的蝦片基本上都不會有真蝦吧 XDD每個角落都很有心思，寫著Better Me這面牆其實也是飯券牆，有興趣幫助社區弱勢社群可以購買飯券，餐廳會定期跟大角咀區慈善團體合作派

午餐$68，素食自助餐最近都幾鍾意去食素😂可能食得太多肉，想清下腸胃🙈之前見到介紹有素雞同煎釀三寶，有興趣嚟試試😎大致上味道還不錯，菜相對較油，個例湯就偏淡。不過我最欣賞係有Doritos食😂

可能係世界上最難食既自助餐之一求其講幾樣：蛋- 淡而無味 豆腐- 似嘔吐物 菜- 似茶餐廳飯盒送果幾舊菜食物款式亦唔多 放得入口嘅更寥寥無幾 大部分食物都凍冰冰走肉唔代表無味 無色 無香！完全侮辱左齋菜，好想知班員工自己有無試過食先拎出黎賣！另外餐具亦唔乾淨 廚房亦極有堅持 個盤未清空 佢係絕對唔會換 成兜野得番幾舊餸頭餸尾都可以放足成個鐘！最後 未食過自助餐個雪糕係要另外加錢！成間野都不知所謂！推介比想練EQ既朋友！一定要試！

3男2女，..1行5人去慶祝生日..環境氣氛係高質既..但座位就比預期迫..食物水準都我最愛係“咕嚕肉” 同炸物..味道1流..款式好多.. 令你意想不到呢d係素食..例如 星洲炒米 馬拉盞通菜 沙嗲串燒 ......不過有1round 食物唔熱..唔知係咪因為有客人忘記關上爐具..店員要多加留意..

終於試左 走肉．朋友，我去個日系星期二，平日收費118蚊，冇加一。book左6:00，打電話訂位時店員既態度都好好。問左D好白痴既問題但都好好心機答，值得一讚。去到大約五點五十幾分，我影左一陣相就俾錢，啱啱好可以開餐！沙律菜有少少吾新鮮既西生菜同mix左其他沙律菜既超級吾新鮮羽衣甘藍，另外有正常小番茄，好似擺左好耐既青瓜同埋紅蘿蔔絲，罐頭菠蘿，幾好食嘅罐頭蜜桃，過甜嘅椰果，冇試到既粟米粒，墨西哥脆片，杏甫乾，花生碎。另外有少少辣既青木瓜沙律，幾好食。油到爆既涼拌木耳，油到爆嘅涼拌薯粉同埋油到爆既手拍青瓜豆味唔夠濃嘅皮蛋豆腐，但還可以。幾好食嘅薯仔沙律味道特別嘅加多加多沙律邪惡嘅煉奶炸饅頭，冇試到嘅炸咖喱角，炸洋蔥圈同埋酥炸魷魚，另外有超級薄脆pizza，味道唔錯。夠晒香口嘅素海南雞，味道中下嘅菠菜脆脆卷，皮又厚又淋又油。冇試過嘅飽肚壽司油到嗌救命嘅菜同炒青椒味道唔太適合我嘅沙茶腐竹蘿蔔同埋馬來西亞咖喱，難聽D講好似有屎味油到唔夠膽食嘅老少平安，酸甜咕嚕 味道唔錯嘅肉骨茶，冇試過既星洲炒米同埋油炸鬼，粟米粥味道正常嘅腸粉，冇試過的紅豆包同埋馬拉盞，煎釀三寶。激邪惡肉醬意粉同埋味道唔錯芝士

呢兩日睇左幾間素食餐廳，最後選左呢間好耐都想試下的《走肉·朋友》既素食buffet。因為驚食飯時間多人，所以11點多12點前就同媽媽去到，地點不錯！奧運站出>穿過hsbc總行>下電梯>斜對面就係，地點相當方便。一到門口已有個職員在門外招呼入內，入內第一時間就要付款，平日午餐只需$68一位，不用加一，付款後就安排入坐，未來過的人職員會講解程序> 限時一個鐘，每人一隻碟用全程，餐具可出面取（盡量用一套), 食物不要浪費，食完自行收拾到後面指定位置及分類，很好的概念，讚！👍 食物分門別類，有頭盤，拍青瓜，菜，薯仔沙津，小蕃茄，菠蘿，葡萄乾，紫蕃薯蓉，木瓜沙律...等等熟食有炸物，有壽司，有口水雞，重有多款菜，瓜，生炒骨，飯，麵，旁邊還有粥，湯，腸粉，豆腐花，飲品有檸檬水，夏枯草，普洱，熱水...任君選擇！唯一見唔到想來試的pizza!以這個價錢咁多款菜式，味道也不錯，不會太油及太濃味，但我個人唔食得辣，都有幾多款是比較辣的，但尚可，入口也不至於食唔到。至於之前見到好多人話食物無曬唔係好fill食物，我個人今日又唔係好覺得有空盆子，可能還未到最繁忙的放飯時間吧，

最近都小食素了，今日朋友介紹，至此一嘗，自助餐平常都有食，素食自助餐都是頭一次，感覺唔陌生，只係全素好新鮮。素食，近年都比較流行，一來可以健康，其二可以環保，都是素食流行主要因素。貴 店是先付款，後取食物（無限次數），環境都好優雅，今日黎既人數唔多，所以不太嘈雜。貴 店，所供應的食物是不間斷，差不多沒有就會補充，食物款式都多，豆腐花、口水雞、玉米、沙拉都應有盡有，只係覺得甜品得朱古力蛋糕比較小，另外，都有茶，水等供應。整體都不錯，下次都會帶媽媽親戚一嘗。

我通常睇評語會睇負評先，可以知道係咩問題為主而決定值唔值得一試。呢間其實唔算多嘅，而負評都尚算接受到。（夜晚時段）食物翻得快，而且食材新鮮夠熱。款式夠多。值得一讚係湯類，是晚係青紅蘿蔔粟米湯（可以落少幾粒蜜棗？有點過甜）同滋補素肉骨茶（藥材味出得嚟唔會過火）侍應、收銀及帶位都有禮，尤其帶位者。唯一美足不足地方有限，枱與枱之間帶點逼，大家要互相遷就。全素店不多，肯改善不足嘅餐廳更加不多。所以應多多支持！

星期四晚上預訂了7點半任食素食1。5小時跟朋友一共3人由朗豪坊行去大角咀。。。。跟著google map指示， 大約10分鐘左右就了大角咀的走肉朋友我地7點05分就到了。。。。門口女侍應(似似地老闆娘) 態度超串。。。問我地約左幾點。。。。我地話7點半。。。佢即刻話。。。依家7點1咋喎。。。。。🙄🙄🙄跟住又話。。 7點半到左都要等架。。。(但當時門口得1個人等緊。。。)咁我地唯有去奧運站行下吹下冷氣喇。。。7點30分我地準時返去，一返去就有位。。。食野前先付款。。星期四晚上 118 位吾洗加一。。。仲可以分開一個一個用8達通比錢 (呢點要讚一讚)。。我地被分配係一張6人台，本身坐左3個人。。。。咁我地3個就岩岩好坐滿張台，地方都算迫迫地。。。但百幾蚊任食，可以接受因為地方太迫所以影既相就吾多。。。。講完地方，就講下食物先。。。一去到見到對面台有新鮮哈密瓜食緊。。。但我由7點半到9點半都冇見到有再出。。。失望沙嗲素肉串燒我地一行3人都覺得超好味。。。都見到出過好多次冷盤既薯粉都好好咪夠麻夠辣仲有冬陰功pizza, 都幾特別同夠薄沙拉正正常常，星洲炒米幾香幾好味，肉醬意粉都ok另外素食一

身邊有幾個本身係食肉獸既朋友食完呢間新派素菜之後都強烈推薦😲鍾意東南亞食物既我今次為左佢既南洋風情主題而黎，款式真係令我大開眼界，味道亦比想像中來得有驚喜😋閒日夜晚黎到全場幾乎爆滿，所以幾時都話要醒目訂左檯先😎😂👁‍🗨 自助晚餐💲價錢根據日子時段有所變動第一場 18:00-19:30第二場 20:00-21:30星期一至四 大$118 小$88星期五至日及公眾假期 大$148 小$118食物牌有清楚標明成份，例如含蛋奶、微辣既字眼，方便唔同素食人士既需要🤓沙律沙律吧有一貫既沙律菜、🌟薯仔沙律、特色主題之一既印尼加多加多沙律🥗唔太食得辣既我仲忍唔住試左條🌟四川風味辣薯粉，麻得黎好過癮，薯粉有彈性😇湯水飲落🌟素肉骨茶有幾重既藥材味，入口苦澀但帶點甘香，值得一試🍲另外有煲老黃瓜湯，有助清熱下火🙃主菜以下呢幾樣睇個名都知係為主題而設，個人頗為鍾意薄身兼夾脆身既🌟南洋批薩🍕同埋🌟馬來媽媽咖喱煮雜菜，呢兩樣都有陣陣香濃椰奶味😍而🌟海南素雞就帶有豆味，聞落勁似真既海南雞，仲有沙茶腐竹蘿蔔、星洲炒米、印尼炒飯等等😳其他恆常菜式包括香口既炸物，炸饅頭、口感極似🦑味道以🍄為重既🌟椒鹽素魷魚鬚，賣相似🐟味道

最近岀街見到好多餐廳已經開始咗呢個無肉理念，而作為食肉獸既我都十分支持！上網見到好多間。但係大角咀呢間新開既走肉朋友仲係用自助餐形式，價錢都合理，決定同朋友食呢間！餐廳裝潢俾人一種好温馨既感覺。暗暗既燈光同石屎牆營造咗一種好自然簡樸既風格。食物放係最中心，款式都好多，今期既係南洋主題，當中會有肉骨茶，咖哩，沙嗲串燒等食物。而2樣都幾特別既食物呢就有素海南雞，味道同海南雞有幾分相似，而口感就結實一點，食落唔錯。另一樣係pizza, 呢個我估係十分受歡迎的，每次一岀爐就唔洗幾分鐘俾人夾哂😂 味道係千島醬加芝士，面頭有啲配料，口感好脆。我都行咗2round夾野食，第一round 食咗冷盤先，木瓜絲同麻辣拌麵係超級好食😍👍🏻第二round 就食熟食，有麵有飯，有串燒，食完已經飽到行唔郁了。但甜品都唔可以少！食埋個豆腐花就好滿足了🤣

近幾年素食主義盛行 ,唔少素食餐廳都出現咗,尤其是好多素食自助餐!不過,素食自助餐嘅質素係比較參差,而呢一間可以算係我食咁多間素食自助餐入面,最高質素嘅一間張單用個公仔㗎放住,十分可愛又唔同飲品畀大家選擇檸檬水,夏枯草 ,等等...我幫襯嘅當晚都依然係以東南亞風味做主打 ,但係其實真正東南亞風味嘅菜式數量並唔係太多,可能想食泰式嘢多啲嘅朋友仔就會有少少失望我眼見嘅有青木瓜沙律, 多加多加, 同海南素雞, 係比較貼題 ,青木瓜沙律調味不足, 唔太似真正泰國風味, 可能唔用得魚露味道始終差少少 當普通沙律食就 還可以!多加多加入面嘅豆卜同豆角都入味,而且豆角冇渣,值得一讚 但係走肉朋友如果有辣嘅菜式都係相對偏辣,如果唔食辣嘅朋友就要小心啲!但我個人就覺得難得好過癮,係要多杯水喺側邊啫海南素雞個外貌同珍真雞冇乜分別,亦都比坊間嘅素雞好食好多 至少真係可以撕出一絲絲嘅肉絲,再配埋薑蓉同甜醬,幾可亂真介紹完東南亞風味就可以講日常都有供應嘅菜式啦 !記得之前食過一次,串燒非常出色,但係今次呢就攞唔切啦,好失望!同埋食到最後甜品都畀人攞曬,食唔到個蛋糕,下次一定要返嚟再試!煎釀三寶外型睇落都靚嘅,但

呢間自助形式既素食buffet餐廳唔同一般既齋舖, 佢地主推一系列既新派素菜, 食物選擇都算多, 就算唔係素食者都會岩食, 我覺得食落有住家菜既味道~佢地今期既主題係 <南洋風情>, 主打印尼炒飯、青木瓜沙律、海南素雞、素pizza、素肉骨茶。呢度連夏枯草都有得飲! 夏枯草像是自家製的，味道不會太甜。沙律吧有紫薯蓉雪糕筒 (推薦👍, 紫薯蓉上面灑上芝麻粒, 味道香甜, 紫薯蓉仲含豐富既維他命A~)、藜麥、車厘茄、生菜沙律等。

有一天，與同事傾計興高采烈地分享食素經驗，介紹我去「食走肉朋友」素食自助餐。於是我上網查詢，打電話book 位同朋友仔去試吓啦！小店地區大角嘴鄰近奧運站都方便找到，店內環境文青路線，舒服😊PS. 推動環保，盡量循環使用同一隻碟取食物特別菜式，海南雞，外表好像真材料麵筋製造，咬著結實質感，味道比較鹹D

與素食者吃飯總要找些素材，幸好現在素食店舖很多，種類也走向大眾口味，連不是素食者都喜歡。不過個半小時太短，會食得趕一點。如果多半小時就更好。個人推介冷盤，素雞做得好像白切雞，全店只有一款cake，但味道不錯，素肉骨茶都好味，還有pizza, 素什菜卷，沙爹……每款試小小，都已經飽到攬住個肚，記得臨走前將用過的餐具放在適當的清潔盤內，免除侍應執枱的工作。小動作，大幫忙。