走肉‧朋友 (已結業)

清明節，興興鬆鬆早點出發，11:30便到，不用等候即可入座。自助素食愈來愈流行，喜愛這間，因有羽衣甘藍及藜麥供應。沙律加上羽衣甘藍、藜麥及紫薯蓉，完全感受到將健康送進肚裡。坐在bar 枱，細細品嘗，絕對有減壓作用。另一款必食項目滷肉飯，加上少許莞茜，立時入味。Pizza一出，立即被搶盡一空。熱葷方面，選擇較對手為多，而且不會重覆。美中不足，欠缺甜品及水果，只有紅豆沙及椰絲蛋糕。午餐與晚餐亦食過，款式也差不多，建議在午餐幫襯，人流較少及價格更平。

去咗食放題, 仲要係素菜放題, 認真夠特別一走肉朋友是也, ㄧ聽個名就知道佢想提醒 d 人唔好食肉, 所以叫走肉。餐廳裝修以簡約為主, 食物分類清晰。食物款式數之不盡, 南北美食樣樣齊。有沙律, 各種蔬菜, 蕃茄煮蛋, 節瓜圃, 牛丸, 魚蛋, 生炒菠蘿骨, 口水素雞, 放心, 話明係素食, 當然全部都係素菜嚟嘅, d 魚蛋牛丸夠逼真, 口感單牙, 不得不讚ㄧ讚師傅嘅手藝出色。整體食物嘅味道係 ok 嘅, 亦唔會太鹹及太油膩, 確保食素係較健康嘅。仲有甜品, 認真抵食。

自從上次同阿媽食完走肉朋友後，佢念念不忘，今日放假，決定同細妹帶阿媽再食過。點知……伏左……阿媽話難食左好多，既然阿媽都彈，我就更加唔會唔會再黎食啦，別了*朋友！收銀位置頭頂有寫清楚收費，但有店員郤在門外拉客，聲稱68蚊位午市自助餐已經開始。但我一踏入門口，該店員即改口今日公眾假期，收費88蚊位，感覺有騙人成份。坐位安排亦非常欠俸。要搭枱是可以理解，但仍有四人枱為何仍要被安排坐12人枱，而且是排排坐形式，真好笑，難道真的排排坐食粉果咩！！！店員同意可調四人枱，但卻在我們執東西時被其他客人坐了。玩咩！！！其實如果不是怕媽咪進食時會騷擾他人（因為佢吞噬問題影響進食，會經常咳），我們坐那兒都沒所謂，但和阿媽一齊，可以選擇，當然希望可以自成一角坐啦。阿媽中途去了洗手間，她坐位後面有新客人坐，但由於土地問題，店員把媽子的椅子向前推我立刻表示座位還有人坐的，但店員不埋會，還嚷著＃沒有人坐的＃，我已經不想再和她理論，所以把我們這邊的枱子移向自己，好讓媽子坐位鬆動些。至於食物方面，隨了以下圖中兩款食物外，其他都不值一提。台式素魯肉燥，看似很油膩，但送飯一流微辣，很像真有魯肉味。全餐最欣賞的食物。紅豆沙

家姐帶老媽來過，我沒去。老媽不下數次跟我説這裏好食過另一間同類的素自助餐。今天同家姐和她再來。可惜的是滿心歡喜山長水遠走來，卻滿肚子失望而回。還可能弄得老媽肚子痛，回家的路痾了三次。而我家姐更因為這裏的服務態度超生氣。可以説這裏名副其實金玉其外敗絮其中。未入門囗出面的店員就説午市$68一位，到入去俾錢她立即轉口說$88。家姐問她又話$68？她才說忘記了是公眾假期。這已經令人生氣了。首先你站在出面拉客應該不是一兩分鐘的事，難道全程都忘了嗎？另外，相信全港打工仔都知道今天是公眾假期。就算要返工的都只會想為何我要返工！除非你很熱愛你的工作，熱愛到連公眾假期也忘了。好吧，就當你是。到座位安排又有問題。其實我們開店沒多久就到，應該就是11:40幾分左右。當時店內又是小貓幾隻。店員卻安排我們搭大枱。但卻安排後來的同是三個人坐單獨枱。搭枱老媽出入不方便。所以我們才要求換位。不過氣的是，她是不是看我們老弱殘兵又細粒好欺負一些呢？到食到尾老媽去厠所了。（我當時不知道原來她開始肚痛了）。陪了她去廁所期間又發生了事。當時開始比較多人。有新客入，那個$68店員安排了他們坐我們對面的枱子。那位置很迫，根本不能背

今日和朋友來食大角咀一間叫「走肉朋友」的素食自助餐。地段算方便，奧運站B出口一落去博文街就見到。環境闊落舒適，素食種類算多，而且有不少特別和有創意的菜式，例如口水素雞（口感同個麻辣味都好似，好正），台式肉燥飯（味道好似但偏甜），紫薯蓉甜筒（幾得意打卡呃like一流), 菠菜脆脆卷等等，特別一提係佢嘅口水素雞和炒米粉係令我想一食再食啊！其他素菜都正常，以豆類製品居多，糖水方面有紅豆沙同埋豆腐花，一樣推薦。整體來講都唔錯值得一試！如果平時星期一至五lunch就＄68一位, 星期六日或假期就＄88一位，免加一，可以食75分鐘，都算幾抵食，我都食咗成四，五轉吖🤣🤤值得一試環境：8/10服務：8/10價錢：8/10 食物質素： 8/10整體：8/10

復活節去了試一下這間走肉的午市自助餐1點45左右到達，等了10分鐘左右就有位了最好食的是有少少辣的彷雞蕃茄炒蛋，紫薯蓉都偏甜，茄子偏油粉絲一般般那薯蓉沙律，pizza ，蛋糕還不錯lunch 正值人多時間的話一些熱門菜試如煎釀三寶pizza 一出爐好快會比人清空。但refill 速度還算快，但兩點半左右過後的refill 已經是極少。建議去食lunch buffe 最好不要遲過兩點入座我和朋友餐後都十分口渴，調味應該也下了不少。以假日lunch 來說$88有更好的選擇

知道佢有台灣主題，所以第二次食呢間餐廳囉，上次食午餐，今次貴多少少148晚餐，因為book咗位，唔洗等就可以入坐。6點到達，已經有好多人開始食緊喇，我今次主打食台灣野食，有茶葉蛋，魯蛋，肉燥飯，串燒，芋頭魚，豆腐，沙律，炒粉，粥，油炸鬼，糖水，中式湯，最搶手係pizza,一出爐即刻個個爭住要，我試咗覺得一般，冇特別，反而覺得肉燥飯同朱古力蛋糕可以encore,而茶葉蛋就唔掂，冇味....

第一次吃素食自助餐， 想咗好耐終於今日去試到啦 男人都係唔啱食素㗎嘞，所以今次拉埋奶奶一齊吃。我們2個人，多數要搭桌。 佢仲有吧枱選擇， 不過我建議盡量都係普通臺， 食得舒服啲。一坐低就開餐慢慢食， 75分鐘係剛剛好的。#沙律， 勁多選擇， 有蘋果 /地中海 /薯仔 及配菜。新鮮好味。#薄餅，不好味，沒encore.#豆腐花唔夠滑， 但有薑汁可以自由加。# 素咕嚕肉， 好好味。# 飲品有，赤小豆粉葛湯， 紅豆沙 , 五菊茶。# 天婦羅太厚粉漿， 油 。overall, 咁嘅價錢都係好抵食.食完記得要自己執番啲餐具，放入回收盤.

之前一直想試下呢間，食過感覺果然唔錯雖然係素食，但唔一定無啖好食首先價錢唔貴，款式都算多，又夠特別好多款我都係食左先知係咩重點係味道唔差，而且refill速度都算快有幾款特別推薦大家素肉串燒、芝士魯肉pizza紫薯蓉雪糕筒芝士焗葡汁蔬菜赤小豆粉葛湯芝士控注意第一轉要先拎芝士焗葡汁蔬菜面頭焗到金黃色嘅芝士第一轉先有之後就得返啲西蘭花嫁喇紫薯蓉入面加左蘋果果粒同芝麻，味道幾得意個迷你雪糕筒夠出色，好香脆而且細細舊食多幾個都唔怕魯肉Pizza好多芝士！配料又夠惹味雖然有啲油膩，但真係幾正飽到上心口都忍唔住食左三件約埋平時食好多肉肉嘅朋友一齊去清清腸胃就啱矖ps.鹵水拼盤同pizza晚市先有供應喔餐廳免收加一的 大家食完自己將餐具分類放好喔

週六午餐75min任食素菜，不錯，款式以中式為主, 而且都比較油，我最愛的西式款不多，沙律菜不夠爽口，薯仔沙律，紫蕃薯天婦羅，薯條，炸豆腐超正，口水雞勁野味彈牙。若多一點西式款，如雜菌長通粉，松露醬餅乾，葡汁焗四蔬，croissant, 果醬多士，更多款式的沙律吧等，肯定會經常光顧。周邊好多公公婆婆，佛門弟子，感覺與餐廳的格調(西式現代風)有點格格不入，anyway, 唔理人集中食係冇問題。整體黎講，勝價比不錯。

第一次使自助素食， 一入到去就需要先付款，然後至入坐，好多餐具用品都需要自己出去拎，全自助式。 每人用餐90分鐘， 平日都只不過係$118，好抵。一開始就先食啲開胃菜， 有唔同嘅沙律菜。有啲前菜都幾辣，食得辣嘅朋友一定要試 。 壽司、pizza、炸物，都幾好食，仲有湯，今晚係赤小豆粉葛湯，個湯好清甜。 之後仲有好多其他選擇，例如芋頭魚、咕嚕肉、 沙爹串燒…全部都係素食，感覺好得意，似肉但係又係肉嘅食物。食咗兩轉已經覺得好飽，但係記得要試埋啲甜品啦。 紅豆沙、豆腐花，仲有個紫薯蓉配雪糕筒都係推介，記得留肚食喔

相約兩個姊妹午餐，不過因為之前過年食得太多，所以揀左大角咀食素，見走肉朋友個名咁得意所以試下。lunch每人$68 可以食一個鈡，不過我地去到已經一點半，好多食物已經冇哂。食物雖然冇乜，但都仲有好多選擇，而且原來一個钟都可以好飽。

星期五晚特別多人，朋友提議一試，因真的全自助，包括完餐的善後，要自己擺放餐具到收集處，所以每位$148免加一。雖然得一個長圓檯食物區，尚算種類繁多，味道好才是重要，菜餡的壽司同軍艦感覺清新，春卷、涼拌黑木耳、南瓜沙律、炒麵、涼拌素肉絲皮蛋豆腐、熱辣辣的煎堆仔有豆沙餡，充滿芝麻香又不算太甜，生炒骨～味覺與真實的無兩樣，口水雞嗜辣的我覺得頂瓜瓜，啖啖肉唔怕杉骨，辣得好剌激，跟平時食開的口水雞汁味同樣惹味。咖哩魚蛋感覺新奇，第一次吃此素食，極具真實魚蛋的口感，幾可亂真，還有朱古力布朗尼，濃厚朱古力又不太甜。不好的是座位同地方較窄，幸好檯兩側有小鈎掛袋。已打算帶兩老一試，真的價廉物美又感健康。

每次同朋友行完太平山就會搭過海巴士去食素食自助餐。種類很全面，從飲品 主菜到甜品都一應俱全，可以滿足大人小孩的需要。驚喜之選1. 口水雞：味道調得很好，雖然很辣但是卻無法拒絕，是要無限encore的一道菜2. 炒麵：平時並沒有很喜歡吃炒麵，不過哩個炒麵很不錯，不會太乾，不會太油，不會太鹹，有驚喜3. 椰絲蛋糕：第一眼很普通，吃下去很有驚喜，很喜歡。有一種很地道香港的味道，濃濃的奶味和很豐富的椰絲，就像吃了整個雞尾包一樣

環境不錯，雖然地方不大，但簡單裝修但是好舒服感覺。食物素材也是不錯，沒有味精，掌櫃很好人，不知道是不是老闆，很有禮貌和誠意招呼。希望可以時常轉換/加添一些菜式。