走肉‧朋友 (已結業)

平日約1：15去到，不用等位。我們4人，侍應給了張角落位6人枱，怎知道之後加了2人搭枱，每次出入都要唔該唔該再唔該，好彩這間店客少，好快就將那2人調去其他枱。食物種類少，而且到大約1：30-40就不再添加新食品，未夠2點食物盤已經空了一半，難道午市只做到2點？就算真係到2點，1：30就開始唔加食品，會不會太離譜？？？甜品豆腐花每次一出現就被搶奪一空，結果我主動問店員會不會再加，佢話睇下有冇先！？好彩有，不過都係很快就冇晒。另外， 食物全部沒有餐牌，味道也十分普通。無冷氣，4月廿幾度，食到汗流浹背，滿頭大汗，只想盡快走人。其實負評係負於不添食品，如果佢繼續添我會比個ok 佢。