蟹仙海鮮蒸碢大公館

營業中

休息中

邀約友人共膳，事前已經在OPENRICE做足功課才挑選這間蟹仙晚飯，而且友人以前去過九龍城的分店，感覺很不錯，所以大家都完全沒有預料到銅鑼灣分店的食物質素如此令人失望！！首先，第一道上來的所謂“深海星斑”十居其九是冰枱貨！！！上菜的時候已經看到肉不是透明的，蒸的過程也是非常奇怪：薄薄兩片魚肉要伺應來回三次開蓋檢查，並持續加時，才完全蒸熟！！魚的腥味很重，吃慣魚的人吃一口就知道是什麽貨色，肯定是冰枱貨無誤，實在令人失望。這裏鄭重建議餐廳在餐牌上寫清楚魚的狀況，是游水新鮮還是冰枱貨必須寫清楚，以免食客誤會！其後的貝類也很一般，元貝有三個，其中兩個的尺寸只有５毫的大小，有圖有真相。蠔也是不值一提的，全部貝類只有鮑魚是正常的。最後的蟹是OK的。還好我們加了龍蝦，雖然只是西澳，但是肉質新鮮，分量正常，是全餐唯一值得吃的海鮮。粥是沒有鮮味的，加了菜圃后才可以勉强吃一碗。一行三人共付$2000幾，性價比為０。餐廳的服務算是不錯的，員工態度有禮貌，不過食物質素實在不敢恭維。

銅鑼灣都開了蟹仙，餐廳主打野生海鮮，而且經常番貨流量夠大，所以keep到品質！由於夠新鮮鮮味，所以基本上用上豉油調味既機會係零呀！食番原汁原味，最好不過。有指引清楚列明每款蒸海鮮既時間，包無出錯！東星班，肉質夠嫩滑溜，充滿魚香不帶腥！台灣九孔鮑，新鮮彈牙有質感，蒸到剛剛熟，一 d都唔乾身，好掂！刀貝，蒸完後殼打開，盛住肉汁，非常鮮味帶咸鮮，肉質夠飽滿，一啖一隻熱辣辣，好好食好滿足！海虎蝦 size不大不小，但肉質夠爽彈新鮮，蝦頭帶膏，好正，蝦既香味好濃沃！蟹肉亦有大量膏，龍蝦夠大隻，肉質夠緊緻挺身，好新鮮，之後將龍蝦殼放在鍋底煲粥，更添鮮香。最後粥底當然沒有失望！無味精，雞粉，只加上青葱，就食得，亦食得出剛才蒸海鮮既海鮮精華，好美味。

今日同朋友係cwb 食蒸海鮮餐，yummy最好吃的清蒸鮑魚，因爲清蒸鮑魚做出來的味道才會更加鮮美一些，而且不會流失他們本來的味道新鮮的鮑魚不需要過多地烹飪，只需清蒸就能品嘗到海鮮特有的鮮甜味道大虎蝦，肉質緊實Ｑ彈口感新鮮甜美🦐野生海蝦，肉質肥厚很有嚼勁，正扇貝的肉質鮮嫩，蒸著吃能夠保留它的鮮嫩口感，並且保留海鮮的原汁原味海星斑，魚身富光澤、發亮、鮮明，肉質異常鮮美，魚肉入口，勁道彈牙還略有甜最後就係食清蒸龍蝦，肥美橙紅色蝦身，鮮活時蝦肉精瑩通透，肉質鮮嫩香甜，口感超爽脆， 蝦殼 再用黎做粥底，粥底吸引晒所以海鮮精華，極鮮甜

我今次叫咗嗰尊貴海鮮套餐，每位$439💁🏻‍♀️ 星期五六日及公眾假期要加$28/位，同埋粥底都要加$15/位，所以如果你公眾假期過嚟食加埋一要$530左右，星期一至四就$500左右☺️用食物嘅鮮甜度嚟講真係值得嘅🥰 因為就算你唔懶，係外面都好難買到呢嗰質素嘅貝殼類同蟹😋 今次包括咗：罕有大黃奄蟹🦀 - 好多膏，好好食👍🏻 - 經理仲教咗我，原來蟹膏有黑色😯 黑色代表隻蟹食齋，佢啲蟹膏會係苦嘅，但係啲蟹肉會好好食🤔 希望有機會試到😂澳洲龍蝦🦞- 教大家係尾開始整出嚟，就可以成舊肉食😳鮑魚 & 大虎蝦 - 肉質好好，食得出新鮮😋生青口 & 刀貝蚌 & 馬刀貝- 食落有海水味🌊 員工仲解釋我聽因為佢哋係深海😳 所以有機會入面有蟹仔(我真係見到🥰)韓國慶南珍珠蠔 - 超級鮮甜‼有機蔬菜籃🧺🥬另外，張枱側面會有嗰拉到出嚟嘅櫃桶仔，係俾你放垃圾架，咁多貝殼類食物呢個設計真係好方便😄 同埋呢度啲服務質素好好，佢會幫你逐樣逐樣整，咁就一定唔會蒸過咗🥰 會繼續嚟食😆

這家店有幾家分店，銅鑼灣店是我第一次光顧。餐廳裝潢簡單，晚上七時，已經有好幾台客人，生意不錯！翻開餐牌，有不同的海鮮套餐，任君選擇。我們選擇了尊貴海鮮套餐。在蒸鍋下面已經先放了生米、芋頭、肉等材料熬煮，待最後吸收了海鮮的鮮甜就可以享用。首先店員先蒸越南大虎蝦和紐西蘭青口。兩款海鮮都鮮味十足，尤其紐西蘭青口，改變了我對青口的印象，原來口感如此鮮和爽口。之後蒸台灣九孔鮑魚，鮑魚尺寸中等，很彈牙。紐西蘭刀具有兩隻，入口肉厚爽甜。之後是韓國慶南珍珠蠔，入口海水味很突出。然後是蒸澳洲青年龍蝦，龍蝦蝦肉紮實爽彈，令人滿意。還有我最期待的罕有大黃奄蟹，蟹膏濃稠。入口香醇美味，蟹肉和蟹膏不算多，勝在清香可口。最後是有機蔬菜籃，有粟米等，吃完之後就吃芋頭排骨粥底，米粥吸滿了海鮮的甜味，入口很香甜，店員再送上菜脯，更添口感。

好久沒吃蒸海鮮，於是和家人訂檯吃蒸海鮮。餐廳光猛企理，面積很大，座位好寬闊。有不同價錢的套餐選擇，我們選擇了尊貴海鮮套餐$439/位。自己選擇醬料，有蒜蓉、蔥花、炸蒜、辣椒、豉油等，不過店員建議吃海鮮不用沾醬料。⭐️罕有大黃奄蟹蒸熟後，蟹膏飽滿鮮甜，啖啖蟹肉自帶清甜滋味，也是整個套餐裡最美味的一款海鮮，很棒。⭐️大平洋饅頭蟹 饅頭蟹形狀像饅頭，蟹肉和蟹膏不算多，勝在鮮甜。⭐️澳洲青年龍蝦龍蝦蒸熟後蝦肉十分飽滿，一挑起整條蝦肉塞進嘴裡實在滿足。⭐️台灣九孔鮑魚鮑魚飽滿軟腍，入口鮮味十足。⭐️越南大虎蝦先蒸蝦，蝦肉爽口彈牙。⭐️大西洋野生青口入口鹹鮮，口感爽彈，愈嚼愈想甜。⭐️紐西蘭刀具蚌有兩隻蚌，肉質飽滿爽脆。⭐️韓國慶南珍珠蠔蒸完小小一隻，有濃郁的海水味，肉質鹹甜。⭐️有機蔬菜籃有粟米和幾款蔬菜，入口味道清爽清甜。最後將吸收了海鮮精華的米粥再猛火煮一煮，加上蔥花和菜脯，很飽足。

今日收工同朋友去到銅鑼灣嘅呢間蟹仙食海鮮蒸氣鍋，難得一見嘅仲要係食生日飯，一於就食盡佢。 叫左個$438嘅尊貴海鮮套餐，有9款海鮮，有龍蝦又有2款蟹，仲有好多海鮮，越南嘅虎蝦、台灣九孔鮑魚、韓國蠔、月亮貝、紐西蘭青口等，真係非常豐富。平日晚上都有唔少客人，不過地方都幾大，坐得都舒服，唔會逼。而且店員仲主動幫我哋蒸餐具消毒，感覺乾淨衛生。拼盤一上檯已經好興奮，賣相好吸引！店員仲幫我地蒸海鮮，而且每款海鮮都有介紹，仲幫我地計時蒸。比較鐘意月亮貝同青口，海水味好濃，鮮甜爽口，同平時食既好唔同。越南嘅虎蝦都好鮮甜，大大隻啖啖肉，好多蝦膏。鮑魚口感彈牙，韓國蠔好肥美。是日重點當然係饅頭蟹同爆膏嘅奄仔蟹，饅頭蟹主要係食鮮味，肉唔多但就清甜，不過賣相好可愛。奄仔蟹爆曬膏，食落非常甘香，肉質結實啖啖肉，好滿足！食埋蔬菜同用海鮮蒸完嘅水煮成嘅粥底，粥底好有鮮甜海鮮味，真係食得好飽。最後椰汁燉官燕，官燕好足料，女士食好養顏。價錢人均4百幾，但就食到啲咁靚新鮮嘅海鮮，非常開心。

好鍾意食海鮮嘅朋友約我食飯，話想去銅鑼灣嘅蟹仙食海鮮蒸氣火鍋。呢到嘅老闆係海鮮入口商批發，做左好多年，所以有唔少靚海鮮都會拎嚟自家餐廳賣，所以呢到可以食到好多特別而新鮮嘅海鮮。我哋選擇叫$438嘅尊貴海鮮套餐，套餐都好多款唔同嘅海鮮，饅頭蟹、龍蝦、奄仔蟹、虎蝦、月亮貝、鮑魚、青口等店員幫手處理蒸煮海鮮，按唔同嘅時間一次蒸一款海鮮，可以食到岩岩好嘅口感，唔使自己動手整到過晒火。鮑魚同虎蝦都大大隻，爽口彈牙，食落鮮甜嫩滑。青口都好爽口，海水濃味到一個點，同平時西餐嘅藍青口好唔同，感覺好特別。月亮貝同龍蝦就好有鮮味，月亮貝啲肉好滑好甜，龍蝦多膏得嚟好Creamy，肉質彈牙結實。不過我最鐘意嘅都係奄仔蟹，因為夠曬多膏，啲膏好似食緊雪糕咁滑，蟹肉肉質結實有鮮味，饅頭蟹都好特別，細細隻好鮮甜。最後食埋吸收曬海鮮精華嘅海鮮豬骨粥同椰汁燕窩，今餐真係超級滿足。

非常好吃和乾淨的海鮮，樣樣精品，最好食係龍蝦和蟹，非常鮮味，一定要試，品質和價錢不成正比，感覺不是為了賺錢而開的海鮮店，喜歡吃海鮮的人一定要來試試，一定會有驚喜

同朋友仔做冬，諗住食好啲。擔心出街食，間間餐廳都會爆棚。同時又好鬼怕啲餐廳好迫好多人（疫情仲驚）。之前果晚OpenRice search 到蒸海鮮，21號下午試吓打去訂位，竟然有位。正！第一次嚟，坐位都幾濶落，唔會人迫人果種。😎依度有5個價錢既海鮮套餐（全海鮮），又另有二人餐$1099（有肉及海鮮），豐儉由人。我哋3個人選咗$439餐。有9款海鮮，OpenRice 有優惠再送蝦刺身。首先當然係啤啤佢先。Yeah~🥳🍻蒸海鮮由蝦開始，魚，貝殼類（鮑魚，蠔，大元貝，蜆，青口）跟住龍蝦及蟹。食完海鮮，除左隻蜆有啲靭，其他都好滋味😋。我哋見海鮮都幾滿意，所以加左碟（大）安格斯牛肉，嚟到見到都好大碟，肉味都幾濃又唔鞋口。之後蒸蔬菜（生菜、粟米、好似紹菜）。粟米好甜好味。最後食埋個粥底，飽飽了。支付現金/FPS，有椰汁燕窩糖水送。結論：所有海鮮都好新鮮，成餐都好滿意。待應哥哥，同大廚哥哥都用心，周圍同客人開蓋及介紹海鮮品種。講真平時去鵝頸橋買海鮮都唔平。今日做冬，咩都貴。$1500都唔知買啲咩海鮮。魚？龍蝦？定蟹？返去仲要洗餐死😅落嚟依度，今餐每人$655。有齊啤酒，9種海鮮，又靚牛，又燕窩。感覺

俗語都有話唔熟唔食，無熟朋友幫襯過嘅餐廳，都係要小心啲🤔 呢日我哋一行5人去咗 #香港海洋公園，主要都係去探吓熊貓🐼 睇吓風景😎 不過盪吓盪吓已經係六點幾😚撞正放工時候，迫得出去市區已經差唔多七點，難得齊人梗係坐埋食埋飯先散啦。本來諗住去食buffet嘅我哋，因為安排得太遲，唯有近近地喺銅鑼灣搵食。網上誤打誤撞搵到 #蟹仙海鮮蒸碢大公館，一於清清地食個 #蒸海鮮。我哋被安排坐喺餐廳嘅房間裡面，起初人流唔多都仲可以嘅，點知愈坐就愈焗，同服務員反映咗幾次… 大概一個鐘頭之後先開始有啲冷氣，焗到暈🥵 我明白腦細梗係想做多啲錢生意，但係都要啱我哋食先得🥴 半推半就之下，我哋要咗「包羅萬有二人餐」，再加3份「尊貴海鮮套餐」。睇相確係幾多嘢食嘅，不過唔係樣樣都咁新鮮囉。羔蟹、龍蝦仔都算係鮮味嘅，不過啲蠔蒸完之後縮到一蚊銀咁，而其中一啲肉丸似乎唔多新鮮，咬落去有一陣酸酸地嘅怪味🥴 雖然係主動換過啲比我哋，不過始終有啲陰影😅埋單嘅時候，服務員話如果我哋比現金嘅話，就會送 #燕窩糖水 比我哋。本來我哋都OK嘅。但係問咗幾次叫佢比單我哋check咗先，佢都好似借咗聾耳陳隻耳一樣🤔 見佢咁hea，嬲嬲地寧願

係openrice search 到呢間餐廳， 估唔到超高質好食！ 店員非常熱情， 而且對海鮮非常熟悉， 會仔細解析每一種海鮮有咩特別同埋點樣食最好！ 我地今日揀左每人$759既餐， 因為有兩隻龍蝦可以一隻刺身一隻蒸， 仲有超多蟹膏既肉蟹！ 好滿足！ 非常推薦海鮮全部都食得出非常新鮮， 樣樣食落口都係甜既， 貝殼類加埋原本既海水味， 已經好好味唔駛點任何醬料。 龍蝦都好新鮮， 刺身同蒸都好好味， 不過琵琶蝦相對再鮮甜d！ 但係不能不提真係個隻蟹， d 爆曬出黎既蟹膏係正過大閘蟹同黃油蟹加埋， 好香好軟！ 正到爆炸！

第一次嚟蟹仙食蒸海鮮，本來以為同其他蒸海鮮差不多，但係食完好有驚喜。 首先係環境，呢度地方好闊落，係可以慢慢坐嗰種。唔係好趕蒸哂啲嘢嚟食。蒸爐用藤蓋蓋住，別有風味。 食物方面有好多款海鮮，每樣有啲食落好飽呀。特別介紹饅頭蟹，係第一次食，好鮮甜但其實無乜肉。經理之前已經介紹咗係咁，完全部新體驗，未食過值得食吓。其他貝類都好鮮甜。自己最鍾意就係龍蝦同肉蟹。 充滿海鮮精華嘅豬骨粥，仲有啲芋頭，加埋菜圃。呢度嘅粥啲米係一粒粒，比較有咬口，食咗2碗。 一定會再來。

蟹仙，位於銅鑼灣謝斐道，已經是餐廳第四間分店，以蒸海鮮為主打，老闆從事海鮮入口商批發多年，海鮮絕對新鮮，品質有保證。尊貴海鮮套餐，一個套餐有九款海鮮，餐廳店員會按時間一款一款海鮮處理，蒸煮過程全由店員處理，店員亦會用心介紹每款海鮮獨特之處，是否需要另加調味等等，舒舒服服享受晚餐。越南大虎蝦超級新鮮，大隻蝦肉結實彈牙。澳洲龍蝦更加出色，蝦膏鮮甜，肉質肥美彈牙。鮑魚刀貝青口珍珠蠔，每一種海鮮都鮮味無比。最特別的可算是饅頭蟹，店員用心介紹饅頭蟹以鮮甜取勝，值得一試。蒸海鮮最後品嘗，集所有海鮮精華的海鮮豬骨粥，超級滿足。

一大班人嘅聚餐諗住搵間火鍋店食，見呢間係蒸氣火鍋好似都唔錯。十個人嗌咗兩個千幾蚊嘅set，點知每樣海鮮每人只係分到一件，份量超少。店員又係咁sell我哋轉其他餐同加其他食物。海鮮都算新鮮，最後嘅粥底都好鮮甜，但係以呢個價格嚟講真係超唔抵。