212
69
31
港鐵西營盤站 A2 出口, 步行約4分鐘 繼續閱讀
電話號碼
21569328
開飯介紹
蓮香居仍然保留舊式點心車,早午茶市人流不絕。晚市廣東小菜亦甚有傳統風味,招牌菜為霸王蓮香鴨。 繼續閱讀
獎項殊榮
最優秀開飯廣東菜館 (2013-15)
特色
適合大夥人
付款方式
Visa Master AlipayHK 支付寶 現金 八達通
其他資料
加一服務費
當面支付
食評 (345)
等級1 2020-01-14
0 瀏覽
今日放假联同家人趁就快農暦新年來到上環辨年貨。之後我們去呢間位於上環懷舊蓮香居茶楼嘆茶,呢道有三層,一楼滿晒坐,我就上左二楼揾位,好彩比我揾到位。 呢道茗茶為主,茶好滑,水夠滾,待應不停幫客加水,真系直得一讚坐下嘆左杯靚茶,不久有姐姐推著点心車,車內放滿多款熱騰騰点心,叫了豬肚燒賣,豬肚新鲜,猪肉手切有口感,鲜蝦粉果,粉皮頗厚,南乳豬手醬料濃香,好好味,再來一碗皮蛋瘦肉粥,粥底好棉,皮蛋香,跟住叫左鸭腳扎都好好味,最後叫左陳皮鸭腿湯飯,現在好少酒楼有得食,鴨腿完隻上,湯有陳皮香味。今日食得好滿足下次真系要约多幾個朋友試更多款特色懷舊点心 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-13
0 瀏覽
星期六同朋友嚟到上環買野,順路見到蓮香居,已經聽過佢大名好多次,今次終於可以試到。店內裝修保留左舊香港特色,無論係茶具定係枱都好有古舊風味,佢哋仲係用緊推車仔咁樣賣點心,依家真係買少見少。侍應大部份都係上咗年紀嘅人,全部都好有禮貌,同好多客人都好熟。今次試唔到佢出名嘅西米布甸,叫咗嘅食物方面大部份都中規中矩,唔係話特別出色,我諗呢度嘅人都係食佢嘅風味,而且佢嘅價錢偏貴,唯一值得讚嘅係壺茶衝得好好飲。不過如果係想體驗下香港特色嘅都可以一試。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-12
67 瀏覽
今天星期日,一早做完跑步活動義務工作人員,超級肚餓!即刻揸車去上環「蓮香居」飲早茶。一早,酒樓已經全院滿座,呢度行傳統方式「搭枱」,幸運地可以不用等剛剛有位,老人家待應非常幽默叫我地坐定定等執位上茶。點心非常高質素有特色,新鮮熱辣又好味道,我哋先後叫咗新鮮出爐嘅菠蘿叉燒餐包、香煎蘿蔔糕、仲特登叫姐姐幫我地煎香啲蘿蔔糕、又叫咗蝦餃、燒賣、鳳爪排骨飯,呢度啲水準唔係一般外賣點心店可以做到,所以得到大家熱烈捧場。尤其是「糯米包」,不是其他地方能夠食到,新鮮熱辣、糯米軟熟、調味剛剛好,質地柔軟又唔會太淋,真係非常出色。要留意一個地方,就係熟客同散客嘅招呼真係有分別的,隔離枱係熟客,侍應伯伯會幫佢哋洗埋茶盅焗埋茶的,我哋係生客,當然食自己啦!但係服務、環境和食物係傳統嘅親切及高質,鍾意飲中茶真係唔可以錯過。 繼續閱讀
(以上食評乃用戶個人意見 , 並不代表OpenRice之觀點。)
呢道係行舊式香港風既光管同光管中間掛左幾個紅燈籠門窗都係古典風 紅紙 字畫周圍都係五點幾就到左 嗰刻就只有小貓三四隻到後來全場坐滿就覺得早到真好好啦坐埋張枱 可能因為係訂枱或者大枱零零舍舍我地張枱係有鋪枱布 但碗同杯都係同其他枱一樣既感覺上都係殘殘舊舊偶爾都有啲污積 不過換過就可以啦 問題唔大 一般茶樓都會出現首先係金錢雞燒味拼盤雖然我地多人 但小朋友普遍唔食就冇嗌大一個size未必個個知就講下啦就係肝放面 豬油中間 叉燒放底好多人話好正 同行人大讚 係以前既味道可能我比較年輕 未食到個精髓其他燒味上枱已經唔夠熱 切口位整齊 擺碟都有諗過貌相都ok既所以之後係蒸沙巴 好大條魚。。。其實想嗌細條啲但只有兩個size 聽員工講細既係for 4-5人所以就叫左條大既 約一斤多少魚身尚算蒸得滑 都ok好食既 所以即使佢真係好大條都比我地分哂黎食叫左兩個飯 怕小朋友唔食糯米飯或者唔飽所以特意叫左個瑤柱蛋白炒飯正正常常 炒得都乾身 大路野 小朋友多數都啱食糯米飯 落左小小蛋啊蔥花啊花生喺面 入面就有啲臘腸啊嗰啲 係幾足料各樣野都係夾既個味都係好食既每一啖都熱既瑤柱金菇豆苗一向都會叫碟菜 保障飲食均衡個芡係就咁淋上面不過因為個量多所以夾起嗰陣 每一柱菜都會有瑤柱同金菇量都好多 個味都係好食既有時酒樓既豆苗會有陣腥味但佢冇 上枱嗰陣有菜香 係意外既高質四季豆 雖然見到有辣椒 但其實一啲都唔辣呢味餸偏鹹 就咁食就食唔到多用黎撈飯啱啱好羹叫左兩個因為要就返小朋友未必食蛇係粟米羹我就覺得麻麻地 個羹略為過稠但味道又略淡 所以加水解決唔到粟米羹黎計 粟米睇落又好似偏少。。整體黎講係唔推薦既蛇羹就好足料 感覺上好補 但又唔知點解唔燥有荀有薑有木耳食落有少少薑既辣味小朋友未必啱食 但同行者都覺得ok叫左個咕嚕蝦球蝦球唔係用炸粉炸過嗰種似就咁煎香 不過幾好食食落啖啖肉 啲蝦都算大隻配菜 即係菠蘿啊洋蔥啊稍為少唔知係蝦多定點但個味都調得唔錯之後係中式牛柳 侍應都熱心既驚我地唔夠食勸我地由 例 改嗌 中咁我地確實係人多 但小朋友都接近半席所以牛柳係食唔哂牛柳都算軟熟 輕易都咬得開既不過汁多得濟 感覺有啲漏雖然全個碟底都有洋蔥但救唔返個膩度最後係甜品 但因為限左十二張相就放唔到係燉蛋西米蓮蓉布甸估唔到係用真係同碟飯咁大既碟去焗個貌相係唔太討好 就係一堆野撈埋 唔好睇不過好好食!蛋好滑 就算有蓮蓉都甜得黎唔漏最緊要係大人細路都啱食嘛! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-11-25
923 瀏覽
其實唔小行業因為香港租金昂貴,所以營商困難。 今日去呢間位於上環既古老式茶樓亦已買小見小,令人感嘆。呢道有3層,1樓和2樓散客細枱為主,3樓有獨立房間,需要預約。由於無知客安排位置,揾位全靠自己,屬於難揾位個隻。記住來得呢道係茗茶為主,點心其次。杯茶好滑, 水夠滾,侍應好勤力,不停幫客人加水,無當體你唔到,值得一讚。點心 ……只叫了蝦餃皇、 豉汁排骨、 叉燒腸。蝦餃皇,一籠四粒、皮薄而且隻隻裏面都有大大粒鲜蝦加竹筍,好味道。排骨,夠惹味,最勁係有夠已入哂味既豆卜向底,勁得。至於腸粉,雖然多义燒,但無特別。粉麵……另外,再加了碟菜遠班塊河,魚塊, 脆口、炸粉小魚肉多。 可惜太多油,很肥膩。衛生程度……不似街外一般酒樓,沒有地氈同枱,所以整潔度就差少少。 但由於呢類型嘅酒樓已買少見少,所以值得嘗試。 繼續閱讀
(以上食評乃用戶個人意見 , 並不代表OpenRice之觀點。)