222
73
32
港鐵西營盤站 A2 出口, 步行約4分鐘 繼續閱讀
電話號碼
21569328
開飯介紹
蓮香居仍然保留舊式點心車,早午茶市人流不絕。晚市廣東小菜亦甚有傳統風味,招牌菜為霸王蓮香鴨。 繼續閱讀
獎項殊榮
最優秀開飯廣東菜館 (2013-15)
特色
適合大夥人
營業時間
今日營業
06:00 - 22:00
星期一至日
06:00 - 22:00
付款方式
Visa Master AlipayHK 支付寶 現金 八達通
其他資料
加一服務費
當面支付
食評 (364)
蓮香居啲老牌酒樓點心當然有保證,除咗點心之外如果想叫啲飯食,乳豬飯係首選,不過都好睇運氣因為唔係成日都有!乳豬飯嘅乳豬10分足料,係多過正常燒臘檔嘅例牌、1/4隻。乳豬肉同出邊嘅餐廳一樣會被切食一件件, 乳豬都算多肉,鍾意啖啖肉嘅朋友就好開心乳豬皮入口超級無敵脆卜卜, 脆到咬開時有啪一聲, 乳豬肉肉質嫩滑仲會流出肉汁期間我們還點了叉燒酥,叉燒酥表面焗到金黃,裏面超級多叉燒,甜度適中,充滿幸福感,是道不錯的小吃。炸魷魚鬚反而麻麻哋,呢個手推車冇要專登去出邊櫃面嗌,反而油膩感太多 繼續閱讀
(以上食評乃用戶個人意見 , 並不代表OpenRice之觀點。)
等級2 2021-02-16
0 瀏覽
之前呢間關咗門,最近重開就諗住試吓。呢度有幾層,所以搵位唔難,唔似中環嗰間,要企晌食客枱邊等成粒鐘都未必有得食,而且呢度點心款式多,推車點心姐姐個個好有禮貌,真心食得開心。今次只係隨便叫咗幾款點心試吓,呢度點心份量都幾大碟,雖然唔講得超級好食,但主要食佢個懷舊情懷。沙翁 : 未見過酒樓有得食,只係晌澳門食過,雖然凍咗少少,但蛋香味幾出。蝦餃 : 細細粒,好易食,唔差。排骨 : 呢個就麻麻地,勝在大碟,但無咩肉味。馬拉糕 : 熱辣辣並帶微微黑糖味道,好食。义燒酥: 又係唔夠熱,普通。雞扎 : 正正常常 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-23
1632 瀏覽
抱着要試試懷舊老飯店嘅心態,遠遠來到上環嘅蓮香居晚飯,這裡充滿著七十年代的酒家風格,侍應們相信也是跟飯店一起長大的,每位也是叔叔伯伯了。我們一行六人,幸好朋友一早已經預訂了著名的杏汁白肺湯,湯材料份量十足,除了豬肺外,還有份量的雞腳和豬展,加上杏香,所以鮮甜無比,每人也忍不住先飲了兩大碗湯。先上的第一道菜,脆皮炸子雞,雞皮燒得脆脆的,雞肉嫰滑,配上自家製的豉油,不消數分鐘,便被我們六人掃光了。接着上埸的第二道菜,是飯店推介的窩貼大明蝦,就好像是中式蝦多士,上面鑲了蝦膠,下面是脆脆的多士,上碟時熱騰騰,一口咬落去,十分鬆化,那蝦肉混合了一塊小小的煙肉,香溢無比,。跟著,就是功夫無比的鑲鯪魚,這餸菜雖則其貌不揚,咬上口第一個感覺,肉質爽滑彈牙,據說這魚甚考功夫,先將魚肉取出加工,混合蝦米、果皮攪成魚膠,再重新讓進鯪魚內,再把它煎炸成外脆內軟,步驟要一步一步慢慢來,不溫不火,實在是個考功夫的老餸菜。接下來的是蝦子柚皮,軟軟滑滑嘅柚子皮,配上惹味的蝦子汁,相得益彰。喜歡吃肉的朋友,忘不了要點一個炆豬手呢!吃了幾道肉,係時候來一個青炒豆苗,作為一道清泉。吃飽了,還不忘要記得食它的西米焗布甸,剛剛焗出嚟,熱騰騰又香又滑,金黃色蕉脆的表層下,小心內裏藏了一層蓮容,超滑口好味,除了這飯店,都很少有地方做這個懷舊甜品了。馬拉糕又香又滑又鬆軟,但這時大家都已經吃飽飽,而且它給布甸搶了風頭呢!最後,飯店還送上紅豆沙呢,真係要捧住個肚走! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-03
1434 瀏覽
今日同媽媽去老店飲茶而家香港已經無乜仲有車仔叫賣嘅茶樓喇見到啲人仲會推車賣點心感覺好興奮甚至都忘記左以為係點樣去拎點心添點心都係點心但風味確係唔同感覺特別新鮮熱辣!我地揀左幾款點心全部都唔錯!見到人地食叉燒飯我地又試一個落單嘅時候,店員仲特別提醒呢排叉燒偏瘦可以幫我地特別落單寫肥叉燒,希望可以拎個平衡黎到一睇叉燒非常靚肥瘦均勻蜜味濃,好味!但我更欣賞嘅係呢度嘅人情味會記得熟客口味,會自動奉上對味清茶而且唔會只係冷板板嘅落單上菜侍者了解自己嘅出品,同顧客有交流似乎先係喺潮流下仲可以適者生存之道 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-01
1157 瀏覽
黎蓮香居飲茶,就可以見到傳統推車仔點心,有啲阿姐好殷勤,會係咁話俾你知車上有咩嘢食,有啲就冇乜聲氣,所以都要留心下睇吓有咩食。超級推薦沙翁👍🏼👍🏼唔會太大,兩三啖搞掂。砂糖份量啱啱好,咬落去脆脆地,又暖暖地,好食👍🏼另外柴魚花生粥都好好味,夠晒大碗!而且上面啲脆脆都好正👍🏼花生同埋柴魚嘅份量都幾多佢哋嘅腸粉就差啲,係琳琳的睇吓個人口味啦,我自己都接受到既~至於蝦餃都OK嘅每一隻都飽滿,充滿蝦😁😁呢度大部份時間都要搭枱,如果介意嘅話就自己考慮啦 繼續閱讀
(以上食評乃用戶個人意見 , 並不代表OpenRice之觀點。)