胡爐 (已結業)

一早聽朋友講呢間邊爐唔錯 呢幾日天氣又咁岩轉涼凍冰冰去打邊爐就fit晒啦而我又怕假日會多人一早叫男朋友book定位咁就萬無一失啦！去到可能太早啦仲未係好多人侍應就即刻安排座位俾我哋呢度嘅座位編排都唔錯非常高私隱度每張枱都會有個屏風格住 唔會怕比啲陌生人見到我狼吞虎嚥既樣一坐低侍應就俾咗啲調味料我哋呢個都係一般打邊爐都會有齊嘅調味料我哋兩個整完之後都係發現其實我哋都從來無點過啲豉油同調味料因為其實個湯都已經好夠味所以純粹叫做係俾個選擇俾你 點唔點 任君選擇喺芸芸好多嘅湯底裡面我哋掙扎左好耐終於揀咗鮮椰青雞湯侍應一拎個鍋黎就會即刻炒湯底裏面嘅半隻雞同椰子炒嘅時候已經聞到椰子嘅香味係佢炒嘅同時我哋係咁講「好香」侍應就話一陣間加埋椰青之後會仲香炒完之後侍應會倒少少酒 然後再點火但啲酒揮發後就會倒一個鮮椰青落去佢講得冇錯呀！真係好香椰子味加完椰青之後侍應就提我地湯滾起之後要即刻飲湯 嗰時嘅湯會係最濃最鮮味個湯好味到我哋每人都飲咗兩碗佢嘅湯好重好重椰子味 配合埋鮮雞嘅味簡直係天作之合 十足我阿媽係屋企煲嘅老火湯一樣我就10分喜歡湯底裡面嘅椰子啲椰子就算煲到最尾食落口都仍然係好重椰子味 反而隻雞唔知

之前食過佐尖沙咀分店覺得醉胡爐好得，所以今次路經銅鑼灣，又咁啱想打邊爐，就即刻諗起胡爐呢間分店。銅鑼灣呢間分店同尖沙咀嘅裝修格局都係差唔多，卡位係私隱度好高，就好似自己係包廂一樣。上次食咗個非常好味嘅火焰龍蝦海鮮鍋，所以今次諗都唔使諗都係揀返火焰龍蝦海鮮鍋。首先侍應會炒一炒個龍蝦，你會見到隻龍蝦仲郁緊，證明係一隻生猛嘅龍蝦，好新鮮。跟住用白酒點火去燒，火焰龍蝦嘅名就係咁黎。跟住再加入佢哋得秘制嘅龍蝦汁去煮。滾起之後當然要試一啖龍蝦湯先，好清甜好重龍蝦味，龍蝦好大，好彈牙。d蜆都好甜。由於太肚餓嘅關係，所以一嚟就叫咗個紅薯粉，打個底先。估唔到碟粉係咁大份，食咗一半都已經飽咗九成，跟住叫咗1份黑松露蟹肉餃同埋蟹籽蝦丸。黑松露餃子要放在勺子一齊滾，如果唔係就會變成餚湯底。餃子非常好味, 蟹肉好甜，黑松露好香，如果水餃皮再薄d就會更好。蝦丸好爽，食得出係手打嘅，因為真係好滑好彈，蟹籽令口感更豐富，食入口好似有爆炸糖嘅感覺。

來到幾乎整座都是食肆的百樂中心，看到了一個新的牌寫著胡爐，就到了這間中高價的火鍋店。醬料有八格醬料盒，有辣椒、蒜、蔥、辣醬等。（$22/位）火焰海鮮龍蝦鍋（$398）職員先炒香湯底的龍蝦、蜆、蕃茄及洋蔥。然後再加入白酒製造火焰效果。然後加入龍蝦湯。先來一碗清甜的龍蝦湯。西班牙黑毛豬豚肉（$168）西班牙黑毛豬豚肉肉質軟稔，可惜肉味不算太突出。蔬菜拼盤（小）（$58）蔬菜拼盤有機會一次過品嚐不同種類的菜。不過由於我們點了小的，兩人吃份量不太足夠。可能只點一款喜歡的菜會較好。脆鯇魚腩 （$78）脆鯇魚腩魚肉爽脆，份量也比較正常。蘇格蘭大蟶子（$52）蘇格蘭大蟶子的外殼呈長方形，帶淡褐色，肉味鮮美。

天氣開始轉涼了，又到了想打ＢＩＮＬＯ既時間。九龍人難得今日過左海，梗係問香港既朋友有咩推介。朋友大力介紹宜間胡爐，一於試下。（不過其實尖沙咀都有佢地既分店喎＠＠）去到坐底，店員推薦我地試下佢地既椰子雞湯底。果然無介紹錯的，是好正！！首先下單無耐，椰子雞湯底已經端上來了。店員係我地面前炒左Ｄ雞一陣之後（炒到好香＞＜吞口水ＨＡＨＡ），就加了少少酒再點火睇到我地哇哇聲，開心呀。跟住就即直開左個椰青倒落去再加了點湯。很真材實料讚！等Ｄ湯滚，就即刻想試下Ｄ雞啦！宜個時候店員就過泥幫我地拎起個蓋，仲好細心咁幫我地撇走浮面既油！ＷＯＷ　服務真係一流食雞喇！嗯～～好大舊肉啊！而且都好入味，正！因為我地２個人食既關係，其實都叫唔到太多野。仲要個湯底咁多雞食。嗌左肥牛，烏冬，豆腐，娃娃菜同埋蟹子丸肥牛不太肥！好味，好大碟！！烏冬是我大愛的稻庭^^Ｄ食材都好高質，食得很過癮吃飽飽了，有埋甜品就十分滿足：Ｐ芒果雪糕蛋糕同榴槤炸彈！哈哈！

打邊爐又怕熱氣，見到佢有個鮮椰青雞鍋，幾特別，椰青又清熱，就決定試吓🤔🤔湯底黎之前就有個打邊爐必備嘅調味架，芫荽，蔥，蒜蓉，炸蒜，辣椒所有需要嘅嘢都有👍👍仲要提一提佢個辣椒油，真係好辣，鍾意食辣嘅朋友一定要試吓😋落單之後好快個湯底就到，職員首先會炒下個雞，本身已經有啲牛油，之後佢會再落個清酒，跟住個鍋就有火出來，因為我嚇親驚得滯，影唔到🤣不過真係超級香同埋啱晒啲鍾意打卡嘅朋友🎥雞嘅份量都好多，而且啲雞都好香好滑，應該係新鮮雞🤔叫咗個竹庶茅根水叫咗個自家製韭菜餃，可能因為係自家製，同出面食嘅真係唔同啲，好足料，好多韭菜，加埋啲豬肉，肥肥地好好味😋野生竹笙要百幾蚊其實真係有啲貴，但係唔係好多地方有得食咁大條咁靚嘅竹笙，吸咗個湯底嘅味，真係幾正👍牛胸爽，唔知大家有冇食過牛胸爽，雖然望落好似好肥咁，但白色部分同平時啲肥膏唔同，係爽脆嘅，而且香過平時啲牛肉，我個人來講幾鍾意食😋😋

話說每當我放話說要減肥，都會有人提議去食d邪惡野來挑戰下我的意志，又咁岩每次我都經不起誘惑...今次朋友吹雞打邊爐...🙈混醬質素不俗，沙爹麻醬系我的最愛。先上個椰青嘆下，爽！夠清甜！龍蝦湯底，來之前，我已經很期待，侍應加左白酒爆炒，令到龍蝦更香甜。火焰龍蝦，爆炒時龍蝦仲郁緊，真系好新鮮吖！加湯，蓋蓋再煲幾分鐘，先飲一碗湯！嘩！勁鮮甜！龍蝦肉好鮮嫩，肉質厚實飽滿，質素相當高！墨魚汁丸，外表系黑色墨汁，放晒入煲，幾分鐘就浮上來，夾一粒沾上醬，墨魚味濃厚，十分彈牙。炸芋頭，估晤到反沙綿密得好緊要！食完已經好飽。炸響鈴，賣相已經贏晒，在湯中滚左一兩下即食得，仲保持左酥脆的口感，同時有龍蝦湯的鮮，好正。另外點左兩份菜，系懷山同冬瓜，即養生又好味，吸取了龍蝦湯的精華，懷山同冬瓜更清甜，口感一流。

踏入十一月，天氣轉涼，心思思想去打邊爐。Openrice 見到胡爐，完全被「火鍋」吸引，鍋𥚃真的有火火陷龍蝦海鮮鍋同鮮椰青雞鍋都有火陷效果裝飾以木配合中式擺設為主，檯之間有屏風，另外有個箱房，私穩度算幾高，幾適合聚會傾計連打邊爐器具都有特色調味架有生蒜、沙嗲、蔥、莞茜、麻辣和辣椒，最欣賞麻辣醬，非常惹味鮮椰青雞鍋 $298店員先推手推車，送上新鮮椰青、雞湯、銅鍋先炒香雞加入清酒點火，鍋內火焰燃燒雞件，再加入雞湯滾幾分鐘後，每人先一碗雞湯，湯底甜；雞件滑，湯底鮮甜濃郁，有椰奶香銅鍋傳熱快一滾就熟，我有理由相信銅鍋傳熱快關係，滾出食材特別嫩滑鮮甜！ 自家製炸魚皮 $68魚皮使用每日新鮮白鱔皮即叫即炸，熱辣辣上枱，咬落酥脆，必食之選！紐西蘭草飼羊肉片 $138羊肉片肉質帶鮮紅有油花而且脂肪同肉平均，羊肉沒有羶味，肥瘦適中，食落肉質嫩滑，但雞肉比羊肉配椰青雞湯比較配合鮮蝦帶子水餃 $108黑松露蟹肉餃 $108**水餃和丸類雙拼加$10水餃皮薄足料，可以見黑松露蟹肉餃，一點點黑色松露，入口幾香鮮支竹 $48鮮支竹吸收椰青雞湯，味道好好.Menu

聖誕節黎啦，尼排忙住去買禮物，前幾日咁岩去左銅鑼灣掃貨，人太多，行到好攰，搵左個就腳嘅地方坐低食下野。我地就左 銅鑼灣耀華街嘅 胡爐 Wulu，尼度嘅火鍋好出名，喺OpenRice訂二人位仲有免費送火焰龍蝦海鮮火鍋送，可惜我地係即興黎，所以最後揀左 鮮椰青鷄鍋 $298 。鮮椰青鷄鍋 一向係我至愛，尼度嘅火銅有一個特色，就係職員會喺你面前即場將椰子肉、鷄、再加酒炒香，炒嘅時候真係香到不得了!之後再加入椰青水、鮮鷄湯，滾5分鐘左右，就可以飲左湯先。鮮雞湯真係唔同D，又香又滑，天氣咁涼飲左佢個身立即最笠笠!之後再食雞肉，煮得岩岩好，肉質鮮嫩、香滑，唔洗點醬都夠味!我地仲叫左 新鮮卜卜蜆 $98份蜆肉大大粒，肉身肥美，洗得好乾淨，唔會食到有沙，口感好彈Q，非常唔錯!雙拼丸 ( 牛骨牛汁丸、薑汁黑珍豬丸) $98牛骨牛汁丸 超級值得推介!咬落口彈牙多汁，D汁係彈出黎果種!!!大家一家唔可以錯過，薑汁黑珍豬丸 外軟滑，內裡豬肉餡味鮮、足料!食左咁多肉，最後要叫番碟菜，娃娃菜 $58，尼個就中規中矩，份量多D更好。總體黎講，尼度既火鍋質素高，夠鮮味，個湯底、海解、肉類都好鮮味，下次要叫埋成班朋友黎

現在很多人都會睇open rice 食評去選擇餐廳食飯, 今晚同朋友敘會就選擇了銅鑼灣呢間火鍋, 由於係open rice 訂座, 餐廳送了個火焰龍蝦海鮮火鍋比我地, 之後服務員好熱心地介紹一些比較受歡迎的食品, 而且還耐心教我地進食既先後次序, 由於我地六個人, 餐廳方面安排了一個獨立房, 老實講我好怕坐房食飯, 因為好多時叫好耐都冇人理會, 但呢間做得好貼心, 佢會隔一段時間望望你地有咩需要, 但又唔會煩住客人進食, 環境坐得尚叫舒服, 另外餐廳既食物真係值得一讚, 肉類夠新鮮, 海鮮夠鮮甜, 湯底夠足味道, 就連熟食炸物都夠晒野味, 雖然總括黎講價錢偏貴左少少, 但真的值得一試。

琴日同女朋友去銅鑼灣SOGO拎返之前訂既護膚品，順便係果頭搵晚餐食。甘岩天氣轉涼凍凍地就最岩打邊爐。最後揀左位於耀華街百樂中心3樓既胡爐。餐牌選擇十分之多，同時亦有別具特色既湯底。店員十分詳細甘同我地介紹meun上推介既食物。揀左依個鮮椰青雞鍋，做法非常之特別。店員先炒起鍋入面既雞塊同配料，然後加入酒再點火，火焰升至半空，打卡夠哂型。再加入原個椰青汁同湯底，煲滾後先飲湯再打邊爐，正！紫菜響鈴第一次食，原塊紫菜夾係中間，仲係新鮮炸起，上碟熱辣辣，淥3秒食得脆卜卜。麻辣牛肉餃， 餃子皮入包滿麻辣牛肉，咬落去啖啖肉之餘辣得過癮。牛骨牛汁丸依個係店員推介，食完就明白佢既邪惡之處，彈牙之餘咬落去啖啖肉汁，比起我食過既潮汕牛肉丸更正！珊瑚蚌鮮鵝腸鵝腸上面黐住肥美既脂肪脆鯇魚片兩個人埋單$942，總括而言，依個鍋底別具特色，先炒雞後滾湯。店員再強調記得飲左湯先，打完邊爐再食雞塊，多重享受！

天氣開始轉寒，又是打邊爐的好時候！今天放工後就馬上和老公去公司附近新開的胡爐打邊爐。天氣乾燥，鮮椰青雞鍋湯底好像很滋潤，就試一試。侍應捧來一個銅鍋，裡面已有鮮雞件、杞子和椰子肉。侍應先炒香雞件，然後贊酒、點火，熊熊火炎真的嚇我一跳，但又非常賞心悅目。侍應一邊炒雞塊，雞香、椰香、米酒香撲鼻而來。待酒精揮發，雞塊也炒至半熟後，便倒入新鮮椰青水和奶白色的上湯。蓋上煮一會，直至湯滾。侍應叫我們先嚐湯和雞肉，之後再下其他火鍋料。食雞有雞味，這些雞的雞味跟我回鄉時吃的走地雞非常相似，肉也夠嫩。湯頭是最最最令我驚喜的！淡淡椰青味，又潤又滑，我和老公喝完一碗接一碗，差不多喝了一半的湯底才記起要留下湯底打邊爐😂😂😂我地點了蘇格蘭蟶子皇，超級大隻，肉厚，焯一焯，離殼便可以吃。又爽口又鮮味，椰青雞湯更提升了蟶子的鮮甜！另外還點了黑松露墨魚丸和芝心墨魚丸，也很彈牙。還有秘製蝴蝶腩和鮮雜菌。其實椰青雞鍋的雞件已經很多，吃了很多肉，還點蝴蝶腩確實有點膩⋯我們有點失策😑

呢間店已經成為同朋友慶祝必去的火鍋店，火鍋店最緊要係材料新鮮同靚，一分錢一分貨，唔駛咁多調味已經好好食。花膠鮮雞煲😋上煲後先飲兩碗骨膠原美容湯，完全飲到係屋企阿媽煲既足料味道。真係超正，然後再食雞，啖啖肉呀～加埋花膠真係勁補又好味。脆肉鯇新鮮又爽口，淥一淥就食得，無得彈同埋次次黎都會叫黑毛豬🐖 真係得呢度同日本先食過好似和牛感覺的豬，入口即溶化，豬味濃郁但唔會有任何豬臭味，超正！仲有碟芝士蝦丸，一粒粒蝦由手打而成，爽口彈牙。加埋流心芝士，好食到唔小心碌親咀。

一開蓋見到成隻雞，即刻口水直流當職員開火的時候，加入牛油快炒，瞬間全個空間都滿有牛油雞既香氣最後加上自家制日本清酒，把所有香鮮味都迫曬出黎之後倒入椰奶，將所有精華留住係湯底裡面職員都提我哋要飲左湯先，真係鮮味無比，飲完湯、食完雞都已經夠曬飽肚。牛肉拼盤，包左好多唔同款的。只我自己覺得最好味係牛舌、香脆美味！一個拼盤可以試曬所有牛部位是超值的！黃金墨丸真係超彈牙，每一粒都係香濃、爆汁的！完全係完美配搭❤️

天氣開始有點涼，又是邊爐好季節，約了幾隻火鍋腳，涮……涮……涮……😂😂😂，早就心儀胡爐的火煱，終於有機會入去看過究竟。胡爐裏環境裝修骨子，善用每一吋空間。餐具精緻，感覺高檔 👍火焰龍蝦海鮮鍋 $398，鍋底有龍蝦半隻，大蜆、料頭各一把。小二哥將酒倒入鍋底，一點火……瞬間火延起半呎高……，有驚、有喜。😂😂倒入龍蝦濃湯，慢慢煮滾，先飲濃湯再邊邊。頂級霜降牛柳粒 $188，紅白分明，雪花分佈平均，大火滾5分鐘最適宜。牛肉粒熟透，但完全不會韌，輕蘸點醬料，極美味。本地農場鮮雞件（小）$138 ，雞件新鮮肥美。稻庭烏冬 $48，熟透後嫩滑煙韌。午餐肉 $58，層層疊的擺盆方式，有驚喜。下回自家邊爐可以照辧。賣相雅致，味道當然甚得我歡心 😍😍黃帝菜 $58，夏天版唐蒿，打邊爐都是嘆食材的原味鮮味，味濃的蔬菜當然是理想選材。白鱔片 $148，夠新鮮，如份量多點更好。鮮支竹 $48，比軟耐火，要多煮一會。一分錢一分貨，不論食材用具的格調都略高，重質不重量的火煱店，跟放題火煱是兩碼子的事。要享受人生當然要選這個。🤗🤗

呢排天氣開始轉涼,又係打爐邊o既最佳時刻~ 朋友提議去呢間用龍蝦做湯底o既胡爐~未食之前，一方面諗 個湯應該好甜; 另一方都考慮到不停o甘煲隻龍蝦,會唔會晒左呢?!! 所以都幾期待呢一餐架~呢間火煱店位置o係銅鑼灣, 好易搵~裝修以沉色為主, 感覺好舒適, 間隔上都花左心思, 有私隱度, 好適合三五知己聚會慢慢品嚐.坐左一陣, 揀好食物, 重點龍蝦湯底好快就出場~ 原來，一開始係用個煱以牛油 炒香左龍蝦、蜆、洋蔥同蕃茄等等o既材料~其實見到隻龍蝦o甘肥美, 真係好想未落湯就食左先~haa ,炒左一陣, 已經香到不得了, o係呢個時候, 職員仲落左酒，成個煱出現火焰場面, 睇到大家目瞪口呆~ 焗一焗之後, 就落左一樽非常濃郁o既龍蝦湯再煮, 就可以開始打邊爐喇~~ 呢個心急o既時候, 職員介紹可以先飲左啖湯先, 真係唔可以講少, 真係鮮甜到不得了~ 我飲完再飲, 之後比朋友stop 左我haaaaa好喇~o甘我開始食火煱食材~第一樣係蝦丸, 係一d都唔平凡o既蝦丸, 因為入面放左鵝肝, 真係無諗過可以o甘match~蝦丸o既肉食得出係新鮮打出黎, 又彈牙, 又爽, 鵝肝味道濃郁~另一樣丸