406
7
2
港鐵銅鑼灣站 A 出口, 步行約3分鐘 繼續閱讀
所有分店 (2)
電話號碼
27572988
開飯介紹
傳統中式風格火鍋店,裝潢以木系為主,枱與枱之間有屏風隔著,私隱度高。招牌湯底包括火焰龍蝦海鮮鍋及鮮椰青雞鍋。 繼續閱讀
營業時間
今日營業
17:00 - 22:00
星期一至日
17:00 - 22:00
公眾假期
17:00 - 22:00
公眾假期前夕
17:00 - 22:00
付款方式
Visa Master AlipayHK 支付寶 現金 AE 銀聯
座位數目
80
其他資料
網上訂座
餐廳運作模式 - C類 詳細介紹
Wi-Fi
酒精飲品
VIP房
電話訂座
賞訂座積分
加一服務費
當面支付
有關獎賞計劃
食評 (428)
唔理呢個「胡爐」裡面賣咩藥,我淨係記得我去過一次到而家都幾深印象,環境幾企理夠舒服,唔會太嘈,最緊要係咩呀?打邊爐呢家野當然要渣緊十下十下既宗旨,咁就自然唔會七下七下啦。👇📌湯 底 - $238(+38) ▪ 清 香 青 麻 辣 豬 手 鍋 -▪ 潮 汕 沙 嗲 鍋 - ▫ 作為嗜辣者打邊爐湯底一定要辣咖啦,但又要就一就朋友,嗌返個鴛鴦鍋就fit哂。雙拼以計價高果邊加多38蚊,「青麻辣豬手鍋」呢一邊以大量青花椒,打造台灣最強青麻辣,湯底裡有大量秘製豬手,豬手夠軟腍唔肥膩,仲有豬紅、枝竹,非常足料;而另一邊「潮汕沙嗲鍋」港人一定最愛,濃香惹味。📌小 食 - ▪ 招 牌 炸 魚 皮 - $68▫ 話明招牌一定唔惹少,魚皮大細非常均勻,每一塊SIZE都夠厚身乾爽,恰3-4秒就岩岩好,外層非常酥脆,魚香十足,唔錯。📌丸 及 滑 類 - (半份)▪ 蟹 籽 蝦 丸 - $52  ▪ 黃 金 墨 魚 丸 - $52▫ 輪到丸類,絕對建議各位每樣嗌半份就好,因為半份都有4粒,絕對夠食,留返個肚食其他更化算。蝦丸爽彈幼滑;墨魚丸裡面清楚食到墨魚肉,搭配沙嗲最夾。📌餃 類 - (半份)▪ 手 工 雲 吞 - $48▪ X O 鮑 魚 蝦 餃 王 - $58▫ 最後整返兩款候,一款手工雲吞皮薄餡靚,食到大大隻蝦肉,夠哂爽彈;蝦餃王亦唔差,加左xo醬零舍有風味! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-31
1132 瀏覽
疫情下,好耐都冇去打邊爐。今日同老公都放假,可以食早啲避開人群,所以即刻選擇咗打邊爐。餐廳揀咗位於百樂中心上樓嘅胡爐,我哋 18:00 到達,餐廳仲未有人。裝修以木色為主,餐廳成L字形,有獨立房間可供選擇,環境尚算舒適,有木既屏風做分隔同裝飾。每位計: 醬料$28 茶芥$8 有8款醬料可供客人自行選擇。餐前小食 $28   餐前小食有麻辣黑木耳,都幾開胃。湯底選擇咗 卜卜蜆鮮蟹魚湯鍋    $298餐廳職員會喺客人面前煮滾湯底,有點火環節,未食之前先有視覺享受。先將卜卜蜆同蟹炒過,再加入少許酒,點火再炒。之後放芫茜同高湯滾一滾。之後先慢慢享用卜卜蜆蟹湯,非常清甜,飲咗兩大碗湯,大大隻蜆肉鮮甜,非常新鮮。餐廳今日有特價推介:  一 人份量,有一隻鮑魚同一隻蟶子  $88鮑魚大大隻,爽口有咬口,聖子鮮甜。台灣鴨血  $78 鴨血份量十足,煮熟後唔會散開,口感滑滑好味。黑松露墨魚丸  $52 (半份)  鮮蝦豆苗餃       $58 (半份)                    黑松露墨魚丸爽口彈牙,黑松露味濃,推介之一。餃皮薄,鮮蝦彈牙爽口,味道唔錯。自家制炸響鈴   $68 鮮炸響鈴,上枱熱辣辣,可即食。不過點湯,吸埋湯汁食比較好味。竹蔗茅根水  $68/札大大枝竹蔗茅根水,解渴不會太甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-23
1517 瀏覽
市面上既邊爐店真係多不勝數!位於銅鑼灣嘅「胡爐」,再次重開環境清幽,感覺上有D似私房邊爐🙈加上高質火鍋同配料環境食物質素兩者兼備🥳.【餐牌】.【招牌鮮椰青雞煲 $298】識食一定係食鮮椰青雞煲🙈鍋中有半隻鮮雞件,椰子肉,杞子等店員會先幫我地炒至半熟加入花雕酒提鮮,再黎個「火焰燒雞」表演🤣呢個時候,記得要影下相呀📸最後倒入原隻鮮椰青水同大量嘅濃雞湯煮到水滾就可以開動😋雞湯味道濃郁,陣陣嘅椰香,入口非常鮮甜建議飲多一兩碗先開始打邊爐哦😎.【紐西蘭草飼羊肉片 $138】紐西蘭草飼羊隻以天然牧羊餵飼所以係不添加激素同抗生素肉質精瘦細嫩多汁,味道香甜建議涮耐少少,愈嚼愈好味🙈.【XO 鮑魚蝦餃皇 $58】每粒餃皇都有多隻蝦肉,仲有芹菜粒添皮薄餡多,微微辣更加惹味😘.【黑松露蟹肉餃 $69】呢款小編都好推薦🙈餃餡係滿滿嘅粒粒黑松露,仲有絲絲蟹肉口感滑溜,正👍.【炸芋頭 $58。黃金墨魚丸 $52】墨魚丸口感彈牙,粒粒嘅墨魚肉最特別嘅係,中間係流心鹹蛋黃架😍芋頭即叫即炸建議煮耐少少,先有粉粉嘅軟糯口感🤣 繼續閱讀
(以上食評乃用戶個人意見 , 並不代表OpenRice之觀點。)
好耐冇打邊爐,今日同朋友黎左銅鑼灣胡爐,之前一直都好想試,不過疫情冇機會試,依家重開即卡約朋友一齊去,入去環境好舒服,分隔開好似好多個包廂咁,又安全又衛生餐前小食有麻辣木耳,又爽又有咬口,辣辣地好開胃。仲有自助醬料自己中意點配都得,飲品我地叫左一升既竹筍芧根水。湯底揀左火焰龍蝦海鮮鍋,真係冇得輸,龍蝦一開始仲扎扎跳好新鮮,店員幫我地灑 d 酒再炒熟佢,一路炒一路睇住 d 龍蝦郁。超大獲氣,再會比我地飲左 d 湯先,龍蝦超鮮甜超厚肉,最後先再加番茄湯打邊爐,個湯底超鮮甜,剩係飲湯同食 d 海鮮都食到半飽。胡爐牛拼盆(小),打邊爐點可以唔叫牛,推薦呢個拼盆,可以試哂唔同牛,入面有齊牛舌芯,牛胸爽,安格斯手切肥牛,極上手切牛頸脊,霜降牛柳粒。每樣都好香好好味。店員仲會好好咁解釋番每樣係咩部位同點樣淥法先好食,非常貼心。丸類叫左黑松露芝士手打牛丸同芝心墨魚丸各半份,芝心墨魚丸咬落去真係要小心,因為 d 芝士真係會爆出黎,超香芝士味,岩哂芝士控既我。仲有新鮮黑柏葉,好有咬口同份量好多菜方面叫左個蔬菜拼盆同厚切萵荀片,淥到索哂 d 湯底好 juicy 好好味 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-25
1475 瀏覽
無論一年四季,我都會打邊爐,特別係嘆住冷氣打邊爐,一邊飲凍飲既感覺好爽。呢晚收工我就去左銅鑼灣,去胡爐食火鍋慶祝520。佢既環境好有中國風,加埋屏風同畫,好似穿越左咁,而且屏風將間隔隔好,不但食我更安心,而且大大提升左隱私度。胡椒豬肚雞花膠鍋我鐘意佢既鍋底有好多配料,豬肚同雞都有好多件,2-3人食完全夠食,而且濃濃既胡椒味,一邊食一邊出汗,未正式放配料前,都已經飲左滿滿一碗。雞肉都食好嫩滑,一熟就撈上黎食,啖啖肉,加埋花膠,感覺好滋補。涼拌木耳(餐前小食)$28佢既涼拌木耳係偏辣,但係個種愈食愈上癮既辣,因為加左蒜同香醋,而且木耳都好爽口,作為餐前小食夠開胃。牛骨汁牛丸$48、黃金墨魚丸$52、手工雲吞$48呢3樣我真係覺得必點。雖然份量唔算多,半份4粒,不過食完就明白個價值。牛丸好有牛肉鮮味,感覺似之前食過潮汕牛丸,咬落好多肉汁,仲唔會好硬。而黃金墨魚丸都特別,因為係入面咸蛋做餡料,比較少見,配落墨魚丸出奇地夾。手工雲吞係驚喜,因為大大粒,一咬開見到入面成2隻蝦,仲要好爽口,真心唔錯。自家製炸響鈴$68、紅薯粉$38結尾我通常都會食響鈴加麵條。炸響鈴佢地係即炸,一上黎摸到仲熱,而擺入鍋幾秒吸曬湯汁,加埋響鈴半脆半淋既口感,好滋味。而薯粉放入鍋一陣就食得,已經預先泡好左,食完一定夠飽。 繼續閱讀
(以上食評乃用戶個人意見 , 並不代表OpenRice之觀點。)