胡爐 (已結業)

跟媽媽去時代廣場逛街，就想起胡爐的火鍋😋😋😋服務好，食物質素高又新鮮，而且還很清潤，一點也不燥👍👍真正能享受火鍋的樂趣😎鮮椰青雞鍋~雞湯很清甜，原個椰青水起鍋，職員會幫忙抄雞整湯，雞肉嫩滑超鮮味😍😍😍梅菜豬肉丸~很特別，獨有的，比平常吃肉餅的感覺更彈牙，好吃👍黃金墨魚丸~黃金是指咸蛋黃，還有少少漏油，墨魚丸鮮味，正🤗自家製韭菜餃~皮較薄身，肉惹味，但建議用大匙去整，會較易吃不散炸芋頭~先落酒炸過才落湯整，好味指數加分🤣紅薯粉~把雞湯都吸了，特別好吃😍😍竹庶茅根水~價錢合理，足料，不太甜，火鍋必備😋😋

自問食過胡爐幾次，次次都比到我驚喜，今次又再黎銅記呢間打個靚邊爐先。叫左個金翅花膠乳鴿湯底，特別之處就係有成隻乳鴿，足料嘅翅同埋花膠，底下仲有個南瓜，都可以想像到個湯會有幾濃郁。呢個木耳都調味調得唔錯，辣辣地，酸酸地，都幾開胃。鴨血拎黎打邊爐更加不得了，因為好滑同埋夠扎實。手打墨魚滑真係好驚喜，因為啲料係多到，同埋好大支，個陣我一野整哂落個煲度，幾乎填滿呀，哈哈。丸類我叫左兩碟，但係因為想食多啲味所以揀左半份黎嗌，而且仲嗌左碟菜平衡一下。今次要狂食牛，所以我地嗌左胡爐牛拼盤嘅大版，真係咩都食到，包括牛舌芯，手切安格斯牛，牛頸脊，霜降牛粒，牛胸爽等，講真個句啲牛真係好靚，呢種紅白配搭簡直係吸睛，食牛之人必叫之選。皮蛋酸薑係我朋友想叫嘅，但意外地我係食得最多，因為無諗到皮蛋同酸薑都咁正，通常我都驚食酸薑，今次一反態食得勁多。所以我都話去親胡爐食，次次都會有驚喜，咁樣先至令自己有繼續黎食嘅動力。

好耐冇打邊爐啦!雖然呢排天氣熱,但無改我要去滾既決心。黎左胡爐,先叫左個豪華既花膠PIGEON湯底,成隻幾大隻既PIGEON,好重量級,店員幫我地CUT成4份,湯一滾,我同朋友各人先食左4份之1,去到就黎打完邊爐就食埋其餘部份,口感好唔同,我中意開頭食,MEAT較結實,但尾尾先食就SOFT D,亦令湯底好有味,各有所好。食左一陣,我地就食埋已經好SOFT既南瓜啦!好SOFT好似蕃薯既質感,正!配料每樣都好有誠意,黑松露墨魚丸真心少見,呢排迷上黑松露味既食品,好濃味好高貴。另外叫左皇帝杜貝墨魚丸,食丸都食到咁高級。呢兩隻丸都係呢度既皇牌呀!我仲叫左X0鮑魚鮮蝦雲吞,好大隻,有我中意既鮑魚同蝦,真係絕配,XO SAUCE好吊味添。最後就食左碟脆鯇,口感是脆的,份量亦多,好抵食呀!打邊爐點少得有氣既野,唔想成日飲可樂,LIME SODA真係好既選擇!清新好飲!店員間中會幫我地清走湯既DIRTY物,又幫我地CUT PIGEON同南瓜,好服務!

今日屋企人生日，指明要食中餐。銅鑼灣西餐就食得多，中餐真係無咩貨。好彩朋友介紹左胡爐畀我，一睇menu見到佢地湯底咁補咁潤就已經即刻打去訂枱。 果日嘅湯底係金翅南瓜湯，一打開蓋見到佢啲翅金光閃閃，成屋人都即刻好興奮，個個手機食先。餸菜menu都好多選擇，除左一般嘅肥牛、豬頸肉、雞柳等等，仲有好多新鮮選擇，好似牛骨髓咁。不過牛骨髓嘅口感唔算好爽，有點似食緊豬粉腸嘅感覺，本人就唔算好喜歡。飲埋個湯簡直唔記得左頭先有幾熱、燥底，果種感覺好舒服。佢個南瓜係原個半邊放落去煲，好香好清甜。但係佢地嘅黑松露餃子、魚麵都好好食，大推！尤其係魚麵唧盡麵仲有成煲都係😂😂

明明大把位要所有人係外面企半個鍾，一定無下次。等已經勁熱又無位坐。成座大廈大把其他野食，價錢又貴，廚房又勁污糟，坐得又迫。佢個廚房嗰啲湯擺喺地下極嘔心。食你唔屙算你好彩。

最近疫情冇咩本地個案, 依家都放心左打邊爐~~好友約左我黎到ＣＷＢ既胡爐, 我地一黎到先攪個調味料.之後點左個金翅花膠乳鴿鍋 ，呢個鍋真係真材實料，入面有好多翅架，仲有個靚靚乳鴿，底下原來仲有南瓜。飲左啖湯底，唔錯，湯味鮮甜又濃，而且唔會好咸！點左鴨舌，望落油亮光滑，越食越香！蝦丸同黃金墨魚丸(半份)，食落好爽口彈牙，不過中間既蛋黃就麻麻地。　仲叫左個安格斯牛，睇望鮮嫩，食落易入口，牛肉味濃！2 個女仔真係食唔到好多野, 個鍋入面真係勁多料, 好抵食!! OVERALL 坐得舒服, 價錢合理, 下次可以帶屋企人黎~

雖然天氣咁熱，但係身為火鍋控嘅我，當然一年四季都要打邊爐！因為疫情，已經好耐冇打過邊爐，胡爐終於開返啊，今次試咗店員推介嘅新湯底，金翅花膠乳鴿湯。-成隻乳鴿上，仲有大量嘅湯料，翅花膠南瓜金華火腿瘦肉等等。好滋潤嘅湯底，我同朋友都飲咗幾碗湯先開始打邊爐！湯底非常清甜，最適合而家嘅天氣飲啦。-牛拼盤一次過可以食到唔同部位，最啱晒心大心細嘅我。牛丸好juicy 鮑魚珊瑚蚌非常新鮮同埋爽口，呢個湯底最適合食海鮮啦，可以帶到海鮮嘅鮮味出嚟。-整體食物同服務都好好，高級享受，枱同枱中間仲有板隔住，有晒私隱度，亦都唔怕附近食客的飛沫會傳過嚟，疫情期間可以令人放心去食嘅火鍋店。

最近又迷上了海鮮火鍋，想起前幾個月一間位於時代廣場附近湯底很贊的海鮮火鍋店，今晚特登返去再encore；最中意胡爐既地方係不同配搭的湯料，和一般火鍋店不同的是這裡的湯完全可以比媲媽媽煲既靚湯，對中意飲湯既我來說是種享受；今次點的卜卜蜆鮮蟹鍋，尤其鮮美，店員會先炒起蜆同蟹腳再加上料酒，最後淋上清湯，十分講究；店員見我地遲遲未選好海鮮，貼心地推薦menu沒有的海鮮拼盤，有多款不同海鮮滿足我地；另外再點上次都有叫既安格斯肥牛同黑松露蟹肉餃，味道依舊如記憶般出色，而服務依舊良好，食完格外滿足

一排無出街食飯，而家就勁食，最近食到間好需要介紹下嘅！胡爐有幾間分店，尖咀及銅鑼灣，我揀左銅鑼灣，放工就食邊爐好西。價錢絕對唔平，一份餸百幾，但佢唔似人地食出名或食裝修咁，百幾蚊得果四粒，以手打丸為例，百幾蚊有8粒，其實唔算勁貴！揀左龍蝦湯底，近400，兩位食一啲都唔平，但見到原隻龍蝦又新鮮，仲有蜆，加湯都係加濃濃龍蝦湯，實在覺得物有所值。食好西就係咁架啦另外好推介紫菜響鈴，可能新鮮現炸，因為同時間落單但係好遲先上枱，勁脆勁香無益味，又大條，$88 有6條，激讚！

因為約了朋友在時代廣場買點東西，到了晚飯時間就想說一起火鍋。店裡的私隱度很足夠很適合朋友聚會，而且設計很有中國古代傳統屏風的感覺，走著復古的路線。因為太久沒有吃火鍋的原因，今天想說要吃好一點，疫情下我們點了金翅花膠乳鴿湯，出奇地湯底料很足，有5、6片花膠，裡面還有一隻乳鴿、金翅、南瓜，所以味道很鮮甜很滋補，到最後食材跟南瓜蓉融為一體，湯底不得了！！花膠很足料！充滿膠原蛋白一眼望過去別桌的大家都點了竹蔗矛根水，甜甜的很下火。我們也點了。特別推介黑松露蟹籽魚蓉麵，唧到湯中滾一下就可以吃，口感像蝦滑的彈牙，又有麵的勁道，火鍋店中少見的，很特別。西班牙黑毛豬入口沒有豬腥味，而且肥瘦分明，很爽口。丸類我們點了牛骨汁牛丸，一咬下去牛丸會噴汁，鮮味十足，唯一可以改進的是牛丸的油脂可以少一點。另外要值得一提的是店員收盤子很快，而且很耐心的講解吃法。這間店的食材新鮮，值得一試。但有點好奇餐廳桌上沒有水？

今日Team head請食飯，我就提議book呢間胡爐！7點幾去到百樂中心樓下，勁多人等Lift。不過胡爐係3樓，我地就行樓梯上去！因為呀頭鐘意食乳鴿，見到呢個金翅花膠乳鴿鍋當然要即刻叫啦！個湯好濃郁，而且花膠份量都幾多，仲有大大個南瓜，身為南瓜控嘅我超surprise!肉類方面，叫咗牛舌芯同西班牙豬肉，一片片排得咁靚，真係好吸引。另外，手唧黑松露蟹籽魚蓉麵真係必點！唧嘅時候都要幾用力，可以發泄一下工作壓力，煮起之後成煲都係，至少有5碗！一切嘅努力都係值得嘅！最後飲返杯青檸梳打，Cheers!勁爽快呀！

夏日炎炎，胡爐以夏天限定金翅花膠乳鴿鍋作招徠。乳鴿據說有消暑功效，幫助下火，而且乳鴿比雞肉更少脂肪，作為湯底湯色更加清澈。胡爐店舖面積不太，枱與枱之間有活動木屏風隔開，古色古香。麻辣木耳餐前小食為麻辣木耳，含有豐富膳食纖維，微辣爽脆。金翅花膠乳鴿鍋此鍋有一整隻乳鴿，上面鋪滿素翅，花膠亦有數件，質感厚身爽口，南瓜有半個之多，侍應建議南瓜可以多滾一會，稍為會代為切開細件。乳鴿南瓜湯湯色金黃，湯味濃香鮮甜，不油不膩，夏天飲用又有消暑功效，難怪餐廳以此作為推介。手切頂級安格斯肥牛打邊爐必備肥牛，安格斯牛肉雪花分佈均勻，牛肉切得比較厚身，牛味香濃。黑松露墨魚丸黑松露幽幽香氣，墨魚丸內有墨魚粒，入口鮮甜，爽口彈牙。牛骨汁牛丸此牛丸比一般牛丸更多汁牛味濃，入口有爆汁效果，若果不是食量有限，真的很想多叫半份。蘿蔔夏天蘿蔔通常比冬天的質素略遜，但是夜的蘿蔔無渣鮮甜，再吸收湯底味道更加鮮甜。稻庭烏冬稻庭烏冬較為腍身，同樣吸收湯底後，烏冬滑不溜口，味道濃郁。

上年同朋友食過一次胡爐覺得提供既湯底好正，環境好（設計每枱都有間隔，私隱度滿分）今晚帶埋全家人二次幫襯 上次要左佛跳牆，今次試下新野-卜卜蜆鮮蟹鍋（$298) 店員即場炒起海鮮鍋，有巨多蜆、蟹件，西芹等加上酒炒起再落湯煮；打邊爐湯底真係好重要，有d火鍋店求求其其湯底同清水冇分別，但呢間係可以飲幾碗湯先湯真係好濃好鮮味 加埋打邊爐必備既肥牛，完全入口即溶成餐最驚艷係黑松露蟹肉餃（$68）黑松露味超香超濃，入口已經充斥著滿滿既松露味！仲有椰青（$48）可以解渴，雖然貴左少少但幾大隻下，唔會兩啖飲完

又再一次來到銅鑼灣胡爐，曾經因為疫情暫停營業現已重開，相隔了一段時間，這次已經是第四次來了，可能由於疫情漸遠，大家都急不及待共聚晚飯，星期三晚上7點多，朝爐已經座無虛席。是夜嘗試了餐廳新推出的金翅乳鴿南瓜湯底，湯底用料十足用半個南瓜，原隻乳鴿，再加上真材實材的魚翅，素翅，花膠，螺片，單單飲湯底已經可以半飽，再加上餐前小食麻辣雲耳，食物未到已經非常滿足。推介幾款必點食物-紫菜炸響鈴，黑松露雜菌餃，安格斯肥牛等等。

在糾結要點那個湯底之時，侍應給我們推介菜單上首三個招牌湯底，其實我是在想兩個人要一個鍋，點一個較便宜的比較划算，最後因為被推介而點了龍蝦湯底，yo~ho~，幸好沒有吝嗇，這個$398 的龍蝦湯底性價比很高！➡️ 火焰龍蝦海鮮鍋 $398，份量有整整一隻龍蝦，還有蜆，侍應給我們現煮，又點火又灑酒，最後倒入龍蝦湯，以為加湯只是加般上湯，怎料都是那瓶龍蝦湯，光是龍蝦湯我們就喝了3 jar，況且龍蝦鮮甜爽口，你說性價比高不高！➡️ 單看價錢是高價位的，但他份量不算少，半份數十元，份量已有4pcs，我們點了相片中的食物，飽到吃不下了。➡️ 紫菜響鈴是必點的！真的！現炸似的，又香又脆，建議不介意口水翻點湯的話，每次少部分點湯，吃時也叫到沒點的部分，勁脆，超級推介！