胡爐 (已結業)

雖然天氣咁熱，但係身為火鍋控嘅我，當然一年四季都要打邊爐！因為疫情，已經好耐冇打過邊爐，胡爐終於開返啊，今次試咗店員推介嘅新湯底，金翅花膠乳鴿湯。-成隻乳鴿上，仲有大量嘅湯料，翅花膠南瓜金華火腿瘦肉等等。好滋潤嘅湯底，我同朋友都飲咗幾碗湯先開始打邊爐！湯底非常清甜，最適合而家嘅天氣飲啦。-牛拼盤一次過可以食到唔同部位，最啱晒心大心細嘅我。牛丸好juicy 鮑魚珊瑚蚌非常新鮮同埋爽口，呢個湯底最適合食海鮮啦，可以帶到海鮮嘅鮮味出嚟。-整體食物同服務都好好，高級享受，枱同枱中間仲有板隔住，有晒私隱度，亦都唔怕附近食客的飛沫會傳過嚟，疫情期間可以令人放心去食嘅火鍋店。