胡爐 (已結業)

現在疫情穩定，生活大致回復正常，我們呢行，還是要見客才有生意，今日同拍檔見完客去食餐好。吸引我們到胡爐，因為在開飯平台訂位，$1食佛跳牆火鍋，鮑蔘翅肚材料足，炆得亦夠火候，湯底濃、味甜，沒有將貨就價，雞髀肉唔少，差唔多沒有一件雞嚡口，實在超值。既然省了火鍋湯錢，可以食得更豪，飛驒和牛肉眼A5 啱胃口，雪花牛肉對辦，灼幾秒即可食，入口即化口感好。另一款白鱔片剛好相反，有咬口。亦欣賞有紫菜炸響鈴，炸得好，而且大堆頭。其他配料都新鮮，油麥菜及蓮藕片，手打梅菜豬肉丸唔算特別。

胡爐銅鑼灣耀華街3號百樂中心3樓一直聽朋友極力推介呢間火鍋店，自己都有上openrice睇下，都係一置好評所以都心思思想黎試下，知道係尖沙咀都有分店，今日終於有機會帶左媽媽黎銅鑼灣試一試餐廳既座位好闊落，環境非常舒適，見到仲有包廂房，如果一大班朋友出黎聚會就岩晒啦食火鍋之前當然要混好個醬先啦，跟住就點左個菊花蜜，打邊爐咁熱氣飲就岩晒啦自己一直都有選擇困難症，餐廳有好幾個湯底其實都好吸引都唔知點揀，好彩餐廳既職員好熱情，逐一介紹比我地聽最後我地揀左<金翅花膠乳鴿鍋>,真係好正，大大隻乳鴿，仲有魚翅，花膠，南瓜一齊煲，非常鮮味，未見過咁足料既火鍋湯底火鍋配料方面都好新鮮，最鍾意嘅就係紫菜響鈴卷好香脆，另外丸類都係手打自家製嘅， 其他餐廳好少機會食得到，一定要試試小食方面，叫咗黃金炸魚皮，魚皮嘅表面沾滿晒鹹蛋黃，睇見都流晒口水，食落脆卜卜另一個小食就係酒泡鴨舌， 用花雕酒浸住食落陣陣既酒香，都係必食之選

去了銅鑼灣食胡爐， 湯底選擇都幾有特色，我就揀咗個鮮椰青青雞鍋， 店員先將雞件炒香，再放入一個鮮椰青去煮！ 椰青同埋雞嘅結合好有層次，湯底非常滋潤，椰香餘韻十足又幾清甜！ 雞件亦都幾嫩滑唔乾！之後叫左份廣島蠔，非常抵食，only $88,有9粒，份量好多，而且粗粗都相當飽滿，熟左後都冇乜縮水，味道充滿鮮蠔嘅香味，非常吸引又好味！海蝦都係幾抵食，100蚊唔使又係份量幾多，蝦肉爽口彈牙，幾新鮮！半份xo鮑魚蝦餃王，餡料足料，食落有層次。吸左湯底味道，味道仲正

是日是產檢日，所以都沒有時間煮飯，唯有出街吃！*金翅花膠乳鴿鍋 ($328)當然要點一個平常在家不會吃到的湯底！金翅帶有少少甘味；老公說乳鴿很重酒味；我就只飲了湯底，湯很濃厚，很鮮味，又不會太咸。還有一片大南瓜。*老友鬼鬼($78)老友鬼鬼是油炸鬼釀墨魚滑；新鮮炸起，但墨魚的部份比較硬，可能是炸得太耐。*西班牙黑毛豬豚肉 ($168)打邊爐不一定要食牛的，黑毛豬都是一個好選擇；看上去有點似肥牛的脂肪分佈；豬肉很濃肉味，而且帶點肥膏，所以肉質很軟。*黃金墨魚丸(半份)($52)墨魚丸很彈牙；不過個人認為咸蛋黃和熱氣的炸物會比較配；包在墨魚丸中間有點太格格不入。*牛骨牛汁丸(半份)($48)很濃牛肉味的牛丸；大概是因為用了牛骨牛汁；而且口感都是很彈牙。*XO鮑魚蝦餃王(半份)($58)蝦餃王皮薄多餡，而且有少少辣的XO醬味！加分！

突然間好想食火鍋，約咗朋友去銅鑼灣，第一時間諗起百樂中心嘅胡爐，餐廳之前停過業，而家重開啦。餐廳嘅裝修有點古色古香味道，以木為裝飾主題。一到達餐廳就感覺店員好有禮👍呢度既火鍋湯底幾特別，有好多款式，今次試咗金翅花膠乳鴿湯底，裏面材料好豐富，有魚翅，花膠，乳鴿，南瓜，淨係食入面嘅料都飽飽地。有啲口渴，叫咗一渣竹蔗茅根，非常滋潤，又可下火，好健康。另外再叫咗一碟安格斯手切肥牛，分量好多 ，一啲都唔欺場。仲叫咗一個蔬菜拼盤，有皇帝菜，通菜，油麥菜，娃娃菜等，更加健康😍

好耐之前食過一次鮮椰青雞鍋第一次食就好難忘 因為真係幾正亦因為疫情關係 有一段時間冇打邊爐而且知道重開返 心思思終於再黎食一開始佢會用配料同酒炒香左隻雞先 之後再加湯湯滾好之後 就緊係飲下湯先 真係好正好濃既椰香味 手切安格斯肥牛一睇油花咁靚咁平均就知正 入口溶化 啖啖既油香雖然牛味冇鮮牛咁濃 但油脂香味都係一絕酒泡鴨舌啖啖既酒味 鴨舌既肥香味 一流小食份量都唔少黑松露蟹籽魚蓉麵呢個係新野 第一次食 好有驚喜平時好多黑松露食物陣味都好難頂 好強烈但呢個一d都唔會 平衡做得岩岩好做到黑松露係取其香味既要點呢個黃金魚皮唔洗講啦就咁食 點湯食都係咁正 必食推介脆鯇腩厚切大大片 肉爽鮮嫩 又係必叫鐘意食魚一定要試青檸梳打味道調得都唔錯 唔會死甜

同朋友好想打邊爐，朋友係銅鑼灣收工，再上網睇下銅鑼灣邊有打邊爐，見到胡爐係湯底可以飲，同朋友都喜歡飲湯，一定要去食，上到去環境好舒服，好快安排位置，仲要侍應好好人主動介紹我哋湯底，湯底選擇都不少，當然我們想飲湯，選擇左濃湯佛跳牆雞翅湯，好足料，所有湯料都是係我好喜歡食，等到湯滾，我同朋友飲好好飲，每人都飲左幾碗，個人十分推介這個湯底。👍🏻👍🏻👍🏻 ～當然要試一試佢打邊爐配料，手切安格斯肥牛選擇左半份都好大碟，入口即化，好香牛味，～紫菜響鈴，唔係到到都有紫菜響鈴，每一條好大條，食到入紫菜都好脆。～牛骨牛汁丸 呢個都推介，因為佢入口好正，濃濃牛骨汁味，口感爽口。～香菇韮王帶子餃 香菇味好重，勁要足料，食到有帶子。～蘿蔔好大碟，仲要食好甜，好新鮮，～老友鬼鬼油炸鬼，我自己食落去，覺得有啲乾同硬，麻麻喜歡。～整體不錯，仲要食到中段，侍應會主動幫我們湯底夾格油，怕雞湯會好多油。好細心。

自從疫症出現咗邊爐家族之後就好耐冇打過邊爐喇趁着而家情況緩和左少少 又係時候解既邊爐引一坐低店員就送咗一個麻辣雲耳俾我哋作為一個免費嘅小食佢簡直係超班雲耳醃得好入味好香好麻辣 好開胃今次嚟到叫咗個招牌鮮椰青鍋 個湯超有椰子香味而且佢嘅雞應該有份量都唔少 應該有差唔多半隻佢個雞食落好滑亦都好有雞味 呢個牛雪花好靚 食落口有少少入口即溶但相比之下牛味未話係好重 但以呢個價錢黎通 分量都算幾唔少脆肉鯇好新鮮但今日有少少唔好彩 因為今日切到俾我地既位 有一半都有好大舊骨但其餘既都好好食呢個黑松露蟹子魚蓉面好有驚喜男朋友好怕黑松露味佢都覺得好好食黑松露個味配得啱啱好 3樣野加埋一齊好夾 好食 分量又多 食極都仲有！相比之下呢蝦滑就比下去嚟到嘅時候蝦滑未完全解凍 入邊都仲係冰嚟而蝦仲有少少腥味 除此之外仲叫咗兩個小食呢個黃金炸魚皮非常好食無論佢係就咁食定係佢放落湯浸一陣都好好食另外呢個花雕鴨舌亦都好入味係打邊爐樣樣野都咁重口味下 佢算係清清地 清下口腔濃味既一碟青檸梳打都有驚喜！唔算好甜 一路打邊爐一路飲 有種清油膩既感覺值得一試

由於疫情關係，好多火鍋店都暫停營業，最近我鐘情的胡爐重新開番，就即刻揾個朋友陪我去。上次試完龍蝦湯底，今次我係想試佢個佛跳牆湯底，個湯底材料十足，價錢就不可以同普通清湯比較，材料十足，鲍魚，花膠，螺片，雞，好滿的一煲。靚女侍應話滾了先飲湯，個湯十分清甜，鮑魚爽口彈牙，花膠厚厚的，鷄肉嫩滑，食完D材料都飽咗一半。由於朋友唔食牛，所以叫了黑毛豬片,一上枱色澤鮮紅，乍看以為係牛，厚厚的一片，淥得耐咗都唔韌。出面好少有嘅梅菜豬肉丸，大大粒嘅貝帶子餃，最好的是冇半份叫，兩個人食唔數量咁多，可以試多D款。最後叫咗生菜烏冬，烏冬非常彈牙，索哂啲湯汁，好味。

今日同朋友行開銅鑼灣，之前有朋友介紹佐哩間胡爐，一於試下濃湯佛跳牆雞翅窩配料有 鮑魚 花膠 海參 雞 同娃娃菜 ，好多配料而且真係好豐富，完全食哩個湯底都飽嗮🤣🤣唔可以唔提佢個湯，真係好好飲🤣我同朋友每人都飲佐幾碗，而且一d都唔流😍😍，哩個湯底真係必試！10級推薦👍🏻👍🏻手切安格斯肥牛肥牛無好多肥肉，剛剛好，而且好有牛味😍 放落去我鐘意7成熟，個牛味仲係度食落好香，如果2個人食叫細份都夠了！手打墨魚丸好彈牙，同好滑😍年骨牛汁丸哩個牛丸10分推薦，食落去好香牛味，彈牙，而且咬落去仲有d汁 必出黎😍 好爽口香菇韭黄帶子餃可能本身我自己麻麻地香菇，不過朋友話唔錯，不過d餃子都好大隻另外我地再叫佐d蔬菜類:萵筍片、娃娃菜、蘿蔔紫菜響鈴好大舊🤣 不過感覺紫菜味唔大，同平時食快普通個d響鈴相差唔大，不過鐘意紫菜既人都可以試下

雖然冬天好鍾意打邊爐，但夏天食都得㗎，不過夏天唔可以成日食辣，咁就食下滋補野，知道胡爐開番，終於有機會食到。湯底都好吸引，今次試招牌鮮椰青雞鍋清甜椰青水，香甜椰青雞湯，清甜不躁。萵筍片 $58萵筍平常我會切絲炒，厚切第一次食，煮過都保持到爽口，清新爽甜。新鮮黑牛柏葉 $78平常少有黑色牛柏葉，熟後好有咬口，感覺咀嚼香口膠似，有灂勁。蔬菜拼盤 $683款菜都新鮮翠綠，份量足，吸收雞湯味更香甜。魚皮餃 （半份）$48魚皮餃最吸引是皮煙韌有彈性，魚肉鮮甜，爽口。稻庭烏冬 $38烏冬入口幼滑，彈牙有彈性，吸收湯精華後更好味。職員好好服務，乾淨企理

雖然天氣熱，但時有落雨，個人成日好攰，又無時間煲湯，突然好想飲湯，決定去銅鑼灣搵食。時代廣場附近這裡最多食肆，就決定打邊爐，食就一定食招牌。招牌鮮椰青雞鍋職員會在面前炒雞，再落酒快炒，幫助酒精揮發，雞香已香氣撲鼻，再落原個新鮮椰青，再落湯去滾起，湯頭清甜，有啖啖雞香，我飲了3碗。極上本地手切牛頸脊（大）牛頸脊排得好有層次，脂肪花分佈好好，灼1-2分鐘即可，牛味非常濃郁，牛肉淋又啖啖油脂香，好牛必試！竹蔗茅根水清新爽甜又解渴職員好友善，又細心，乾淨企理，下次一定再來！

有食過佛跳牆，知道是鮑蔘翅肚齊的上等湯，不過做火鍋底就未聽過，今晚有得食，原來真係幾得，只得兩個人食，$398一鍋好似幾貴，食過先知材料非常足，事實上係好抵。睇吓有啲乜嘢，嘩！鮮鮑魚有兩隻，咬落唔太硬又唔太腍，可以用筷子食，軟硬度啱啱好。花膠呢都有幾件，非常厚，很大塊，一樣係啱啱好，食到膠質，又唔會林啤啤，連埋湯食好好味。有唔少翅，唔知素翅還是真翅，但係一樣咁好食，諗落都應該係素，仲好，支持環保好啲。有厚厚太軟熟的螺片，仲有好多雞，兩個人食晒啲料，再飲幾碗湯都已經飽咗八成。唔叫咁多嘢加咗個蓮藕片，好爽。仲有紫菜炸響鈴，非常大件手掌咁長，非常之脆，有埋紫菜更加好。調味料應有都有。環境唔錯。

爵士佛跳牆湯鍋$398呢個湯底物超所值 係由兩個大鮑魚 幾塊螺片 大片大片嘅花膠 正宗金華火腿 素魚翅 好幾塊海參 仲有食吾完既滑雞 娃娃菜 煲成嘅濃湯 職員叫我地飲咗湯先 再落餸滾 真心係唔捨得加清湯住 想飲晒佢呢煲先❤️❤️❤️ 其實就咁食個煲嘅料已經覺得好飽 睇相已經知道呢個湯底真係成煲都係料 極力推介！真心推介！👍🏻🔥....手切頂級安格斯肥牛 大$338口感鬆軟 入口即溶 呢個係menu上邊嘅介紹 但係佢真係冇呃人！ 滾十幾秒左右 即食得 你就會食到入口即溶嘅感覺 肥瘦相間 啲油別出嚟 油香滿口 awww🥰🥰🥰...鮑魚蝦滑餃呢間嘅餃子係自家製 蝦滑肉質鮮甜彈牙 搭上鮑魚嘅味道 成個口感層次豐富 睇個名都已經覺得好重本😂..炸響鈴$88呢度嘅炸響鈴出奇地超級大😂 份量足 表面炸得好脆 擺落熱湯度滾一兩秒 加埋啲濃湯嘅味 簡直係回味萬千😍....蝦滑佢哋嘅蝦滑真係冇得彈 新鮮不在話下彈牙 又實在 呢啲就係真實材料嘅表現啦 值得一試...油麥菜掛住食肉都係唔得嘅 為咗健康着想係咁意都嗌咗個菜

朋友仔近排加左人工, 請大食妺去位於銅鑼灣嘅胡爐食大餐既然係慶祝加薪, 當然要食好啲<濃湯佛跳牆雞翅鍋>大食妹一於唔客氣咁嗌左最貴嘅濃湯佛跳牆雞翅湯底湯底超級濃郁, 大食妺同朋友仔都忍唔住一人飲左好幾碗呢個湯底真係超有料到除左雞肉、魚翅外, 仲有大大舊嘅鮑魚同大量花膠真係好豪華係食左部分湯料再等緊湯底滾起嘅時候, 我地就調配好自己嘅醬料, 為之後打邊爐做好準備<西班牙黑毛豬豚肉>西班牙黑毛豬豚肉好厚身, 配上醬料, 好有咬口, 係打邊爐必備<皇帝柱貝墨魚丸(半份)>皇帝柱貝墨魚丸都好彈牙<香菇韭黃帶子餃(半份)>香菇韭黃帶子餃好新鮮, 韭黃味突出<紫菜響鈴>紫菜響鈴係即炸嘅, 掛湯力一流<手唧黑松露蟹籽魚蓉麵>手唧黑松露蟹籽魚蓉麵份量好勁, 黑松露味好濃