申、居酒屋 (已結業)

同家人去天后呢間居酒屋, 所有串燒即叫即燒，又唔算等得好耐, 串燒質素非常高質。點菜後, 店員先送上前菜, 係韓式泡菜, 味道酸辣，好開胃呀。豚肉露荀$48, 露荀爽口,  芝士年糕$28 外脆內軟。生燒鰻魚, 燒得好脆口, 鰻魚厚肉, 肉質彈牙, 帶點鰻魚的魚油香味。一向茄子燒完會變得乾身, 但呢度的茄子田樂$38, 上面鋪满了海鮮甜醬味的肉醬,令茄子保留本身的水份, 味道好夾。另一特別的菜色係文化燒牛脷$108, 外皮炸得鬆化, 最讚的係中間塗上一層牛油果醬,  可以中和牛脷的輕微膻味,估唔到同牛脷咁夾, 塊牛舌燒至7成, 又厚又淋, 好似食緊塊牛扒咁, 超正。飲品叫了杯巨峰乳酸提子梳打$42 , 好解渴。麵鼓燒蠔, 好惹味，又鮮甜。燒雞翼同樣好食，皮脆肉嫩，串燒壓軸, 當然要叫份燒菠蘿啦, 超甜超多汁, 好味! 

這個離天后地鐵站不遠的新蒲點 - 亨環天后，有很多不同種類嘅食肆，今日就揀咗呢間居酒屋試吓！這裡主打串燒同炸物，價格合理，座位舒適，店員服務也很殷勤！店員首先奉上一碟前菜 - 泡菜，味道較韓國餐廳淡味些。立鱗楊甘鯛（$88）- 今晚最欣賞的一款菜式，外脆內軟，魚皮炸至魚鱗好似棟篤企晒喺度，好好味😋😋，值得推薦！💯💯文化燒牛脷（$108） - 厚切牛脷，口感不錯但略嫌味道有點淡！豚肉蘆筍（$48）- 味道ok!免治雞肉棒（$48）- 加咗鷄蛋，口感更滑嫩，味道不錯！沙椎魚（$48）- 炸得好脆！煙肉鵪鶉蛋（$38）- 比較普通！ 明太子蓮藕（$38）- 這款味道如蓮藕中間夾集了咸蛋黃一樣！手造豆腐（$38） - 豆腐上的醬汁好惹味！生燒鰻魚(78) - 魚皮炸得夠香脆，魚肉好鮮甜！最後叫咗炸雞飯（$88）- 在炸鷄上面鋪滿他他醬汁，同炸雞好夾味，炸鷄外脆內軟，最重要一點也不覺油膩，頗為驚喜！🤗🤗芝士年糕($28) - 差唔多每次去居酒屋必叫的甜品！食完就覺得個晚餐好完滿結束！🥰🥰

今晚朋友約食飯，不在銅鑼灣而去天后，因為行多幾步價錢平一截，一間居酒屋名叫申．居酒屋，既有川燒加串揚，佈置光猛，環境舒服。免費小食－泡菜類似韓式的泡菜但冇咁辣。特別推介兩款：立鱗楊甘鯛呢款一定要點，魚皮炸至魚鱗站立起，入口極脆，肉又嫩，超好食。文化燒牛脷極厚牛脷，口感非常好。串燒5款生燒鰻魚很有質素，魚肉好有彈性，魚皮仲要炸得極好，很脆口。豚肉蘆荀是很夾的組合，豚肉薄片包着蘆筍，味道好。免治雞肉棒配生蛋，口感激滑，好好食。手造豆腐的醬汁特別。芝士年糕，外脆內軟。串揚3款沙椎魚、煙肉鵪鶉蛋、明太子蓮藕炸得脆，唔膩，炸漿薄，沙椎魚魚肉軟滑，明太子蓮藕最特別，明太子看來似雞蛋黃，味道少少鹹。最後的炸雞飯很特別，以白色的他他醬鋪面，這款沙律醬通常配炸雞，有助平衡炸雞的油膩，炸雞很脆不油，外脆內嫩，水準一流。

上次經過亨環天后, 就好似天后揾食的新地標, 裡面有好多美食， 選了申 居酒屋, 一入到餐廳, 裝潢型格, 有張吧枱, 啱晒食廚師發辦。先來酸辣泡菜作前菜，主打串燒, 叫了豚肉露荀$48, 豚肉薄薄的包住多水的露荀,  芝士年糕$28 漲卜卜, 面脆內裡軟熟, 芝士味濃。必食燒雞中翼$48, 雞皮燒至香脆, 雞油仿似燒時溜晒出來,完全唔膩, 燒得剛好,  麵鼓燒蠔, 麵鼓唔會太咸, 蠔味好鮮甜呀, 燒完都好juicy, 另一特別係炸明太子蓮藕$38, 呢款超驚喜, 無論配搭, 口味同切開後的賣相都好吸引,明太子的甜味配上淡味的厚切蓮藕, 口感好爽口。好似未飽, 再叫了個咖哩飯, 珍珠味粒粒分明, 咖哩汁唔算辣, 夠飽肚。甜品, 叫了燒菠蘿$38, 啲汁多到漏出來, 好清甜呀! 

今晚同朋友去了天后個邊搵食，落車行過去時被我發現了這裡亨環天后內有好多不同美食，而這間居酒屋就係今晚之選，一入去見到佢地隻公仔吸引住，即時上網望望，原來是由潮人葛民輝設計Logo、餐具及杯墊，成為餐廳型格摩登的Icon。而餐廳以原木系列配搭大理石的物料打造而成，營造輕鬆簡約的時尙格調，坐得分外舒適自在。只要是阿葛嘅Fans 都可以在這裡感受到佢嘅簡約設計！餐牌內有不同選擇，有由廚師發板或自己單點，今晚先試吓單點，有串燒或串炸外還有小食及食事，先來生燒鰻魚，鰻魚燒得皮脆肉香，入口十分肥美彈牙，燒完即上枱夠晒熱辣辣！另一個就係免治雞肉棒，旁邊跟埋隻蛋黃，入口前將免治雞肉棒混埋蛋黃一齊入口味道更佳，肉味更鮮！而雞骨腸，一咬時在口中爆汁嘅感覺超正！而炸墨魚咀，外面炸得十分薄脆，入口十分煙靭彈牙！加埋個特製醬汁超級好味！而唐揚池魚仔都真係佐酒一流之選，份量多條池魚仔入口都十分香脆！加埋個牛肉烏冬，彈牙烏冬浸在香濃鰹魚湯底內，上面還放滿了肥美嘅牛肉，真係另人覺得滿足！最後甜品點埋個牛油番薯伴雪糕，落單後師傅即煮牛油番薯，再在上面加上紅豆雪糕球，真係又有冰火嘅感覺！食物質素，裝修同服務都十分滿意，下

話說喺維園做完運動，順便散步去到天后食好嘢，朋友帶路搵咗間居酒屋🏮坐低慢慢傾偈，hea ｡下 relax 吓！申、居酒屋🏮裝修新潮有型，餐廳的Logo、餐具及杯墊 都有一點面善，原來係潮人葛民輝親自設計，曾經係軟硬fans的我，即刻感到好有親切感。餐廳室內設計以日式木系配搭大理石吧枱為主調，簡約時尚，開放式廚房乾淨衛生，專業爐具配合主打串燒及炸串 的主題。主打串燒同炸串，款式多而且不定時更換，如炸墨魚嘴、炸蛋，為食客帶來新鮮感，串燒價錢好親民，大部份都係 $38 起，鍾意❤️ 串燒同炸串嘅朋友不可錯過！生燒鰻魚即叫即燒，彈牙又鮮味十足的生燒鰻魚，每次食串燒都必叫嘅生燒鰻魚，燒到外脆內嫩。聞到鰻魚香味，生燒可以食到鰻魚本身嘅原汁原味。厚肉彈牙幾美味，表皮燒得微微焦香脆可口，鰻魚味好濃郁，鍾意食鰻魚嘅朋友一定要試吓！免治雞肉棒免治雞肉棒配上日本高質生雞蛋，非常新鮮增加味道層次，雞肉的口感順滑，好香又肉汁豐富，份量好大。芝士年糕芝士年糕 烤到微焦，一咬便吃到流心芝士，微微的甜味好味道。鱈魚餅鱈魚餅燒得好香口，魚肉好彈牙，有魚味又有半融芝士，佐酒一流！炸明太子雞翼無骨雞翼最啱我哋呢啲懶人食，餡料

中秋節加生日飯，揀選左呢間申居酒屋，位於天后全新美食大廈，交通便利。當日中秋節未見太多人，大約有7成入坐，人少少夠清靜方便傾計。申居酒屋最吸引我嘅係中央格調高雅的燒烤區。當日安排左我哋坐bar 枱位，可以一邊看師傅烹調燒烤食物，一邊品嘗串燒美食。我哋叫左大約10款食物，全部都好好食。Book枱時講咗係興祝生日，食到最後餐廳送上一球紅豆雪糕加一張生日卡，攪笑的是卡的下款寫左申居酒屋而唔係我，真係笑屎我😂😂

好耐沒有過式串燒了，所以和朋友約吃飯時特意選了她司附近的餐廳，網上評價好像也不錯，所以我們決定試試。🔸前菜韓式泡菜酸酸辣辣的，作為前菜滿開胃。🔸炸太子蓮藕兩塊大的厚切蓮藕中間夾著太子，外層經過油炸後蓮藕依家保留爽脆口感，中間明太子帶出鹹香味道，第一次吃這個配搭滿有驚喜的。🔸免治雞肉棒雞肉棒內裡混合雞肉和雞軟骨，所以口感不會單調之餘仍有肉汁，吃的時候沾上日本雞蛋，新鮮的日本雞蛋沒有腥味，反而為雞肉棒增添順滑感和日式風味。🔸牛舌牛舌不會死韌，而是爽口得來有點脆脆的，是彈牙的口感。只用鹽作簡單調味，但也不會單調，反而是食到食材本身的味道。🔸生燒鰻魚同朋友一樣好鐘意食鰻魚，生光既鰻魚和一般買到的鰻魚不同是味道不會死鹹，吃的是鰻魚本身的味道，所以師父不用使用過多的調味料，這串燒鰻魚已經很美味，肉質鮮嫩。🔸明太子雞翼飽滿多肉不用自己骨，是懶人最愛的食物。🔸炸雞飯點了一份南蠻炸雞飯，使用了大量洋蔥的塔塔醬有少少辛辣，但無損它的美味，雞塊則是大得來又香脆嫩滑，食落真的啖肉又多汁。🔸牛油番薯伴雪糕即點即燒的牛油日本小蕃薯，上碟時依然熱辣，外層有牛油香外還有少少焦脆，配上冰凍的雪糕，一熱一凍出奇地非常配合

約咗閨蜜食飯，餐廳揀咗由同事介紹嘅＜申、居酒屋＞，位置距離公司十幾分鐘路程，而家開始秋涼放工慢慢行過嚟都唔會太辛苦！大家都唔係好肚餓，所以我哋叫咗少少串燒同埋叫咗個飯share食☺️生燒鰻魚：同平時食開嘅蒲燒鰻魚唔同，生燒可以食得出鰻魚本身嘅味道！鰻魚厚肉彈牙無腥味，表皮仲燒到微微焦脆👍🏻牛舌：每次食串燒都必叫嘅牛舌，厚切牛舌燒到外脆內嫩而且牛味濃郁👅雞軟骨：燒得剛剛好，香脆惹味唔油膩！炸明太子雞翼：無骨雞翼內餡包住滿滿嘅明太子，入口鹹香惹味但略嫌炸得乾身咗少少🤔炸雞飯：南蠻雞食得多但係啲醬多到咁真係第一次見，起初擔心食落會膩，但係當我食咗第一啖就即刻知我嘅擔心係多餘，因為醬汁加咗洋蔥碎喺入面非常惹味又清新，我嘅喜愛度直頭係淨係啲醬我都可以食到成碗飯😍主角炸雞都非常有驚喜，皮脆肉嫩仲好juicy，而且份量都幾多❤️牛油番薯伴雪糕：香甜蕃薯仔配上微甘嘅抹茶雪糕，甜度較低感覺上罪惡感低啲😆食物整體價錢唔太貴而且坐位都幾舒服🤗

今日同朋友慶祝搬屋入伙，就㨂咗屋企附近的居酒屋，而且同港鐵站十分近，食物質素同價錢成正比，CP值唔錯，日後又多個地方做飯堂。我地今日第一次嚟，就樣樣都試下。每一樣食物都燒得剛剛好，唔會過火，可以保持食物的水份。野菜沙律（$68) - 食串燒炸物，要食d菜中和下。個沙律菜好新鮮，沙律醬的份量適中，唔會太多，保持輕盈清新。免治雞肉棒（$48) - 雞肉棒配上日本生雞蛋，隻雞蛋非常新鮮，個蛋黃顏色好濃，係高質日本蛋。除咗增加味道上的層次，仲為雞肉加強順滑的口感。豚肉芝士 ($48) - 邪惡之選，個豚肉燒到脆脆，仲保持到肉汁，食落嫩口。豚肉包住的芝士已經溶化，軟林林仲拉絲的。個配搭好特別。茄子田樂（$38) - 第一次食茄子田樂，原來佢係茄子上鋪滿日式麵豉醬，燒茄子同麵豉醬的味道好夾。朋友超鐘意麵豉，所以好鐘意呢個。唐揚魷魚鬚（$68) - 同個菜名有少少出入，因為唔係得魷魚鬚，仲有魷魚肉。個炸魷魚係厚身，外層脆卜卜，裡面完全唔覺得乾，咬落有口感唔靭。服務方面超好，職員好主動同快手，好細心同留意我地的需求，密密加水同適當時收拾碗碟。

今日嚟咗申居酒屋食串燒🍢🏮大部分串燒價錢都唔係好貴，好多都係$38到，我同朋友都無點睇價錢，大叫特叫😋開胃菜🥗野菜沙律$68 🥢枝豆$38🥢鱈魚乾$48 — 去居酒屋必食。食串燒都要食得健康。我都叫左沙律同枝斗。蔬菜都幾新鮮。配上酸酸甜甜的醬汁，幾開胃。枝豆熟辣辣，表面灑上鹽花。鱈魚乾口感鬆脆。食下傾下等串燒來。炸物🦑炸魷魚鬚$68炸粉不會太厚，調味不會太鹹。魷魚彈牙。都幾香口美味。串燒🍢炸明太子雞翼$38🍢豚肉芝士$48🍢雞軟骨$38🍢免治雞肉棒$48🍆茄子田樂$38🍢芝士年糕$28🍍燒菠蘿$38🍙燒飯團$38基本上都幾美味，即叫即燒。豚肉芝士的芝士味好濃郁，鍾意食芝士嘅朋友一定要叫。免治雞肉棒配上日本雞蛋，蛋黃偏橙色，好香蛋味。茄子田樂上面鋪滿麵豉，第一次食到呢個煮法，都幾得意。甜品🍦豆腐雪糕$38🍵綠茶雪糕$38最後甜品叫左雪糕。食咗咁多熱氣嘢，都要降下溫。雪糕質地有少少似雪芭，冰冰地。豆腐雪糕好滑，豆腐味好濃郁，鍾意食豆腐嘅朋友必叫。我哋雖然一次過落單，但餐廳好細心會因應食物類型順序上菜。環境坐得舒服，侍應會時時都來收碟加水，慢慢同朋友飲吓嘢傾吓計，都係一個好選擇。

约咗朋友在天后晚餐。他带我去这闲叫申，居酒屋。坐位宽阔，好 Grand 的装修。炸明太子莲藕 ($38) : 炸桨包着两片薄薄的莲藕片而莲藕片中间是明太子。莲藕片爽脆而中间带有明太子的味道，好有变化。忌廉蟹饼 ($38) : 外面金黄松脆，里面忌廉蟹肉 creamy, 强烈对比。炸饼好有蟹味，味道会在口中回转。盐釜烧鲍鱼 ($208) : 当店员摆上时，真不知是什么东西，直到她打破外面的盐巴，跟着打开荷叶包，先知道面系只鲍鱼。鲍鱼这样煮好 juicy ，除了尝到鲜鲍鱼味之外同时食到荷叶的香，好特别。鳕鱼饼 ($38) : 我好锺意这味。鳕鱼饼本身烧得香口，鱼肉弹牙，鱼味超正。鱼肉中间仲有融化的芝士，令鱼饼更香更和味。烧纽西兰羊架 ($68) : 羊架肉嫩，外面的香料令羊架冇膻味而且令羊肉好惹味。烧菠萝 ($38) : 好耐冇食过了，我特别叫了来吃。菠萝烧过令甜味倍升，juicy而且暖暖的在口中，真系好正。芝士年糕 ($28) : 年糕外面松软，烧香，内里连同芝士好黐口，完全系日式年糕 feel 。㗎喱饭 ($68) : 㗎喱汁带点辛辣，不偏甜，𩠌饭好正。汁绝对够多，完全够晒每啖钣都有

終於可以日本自由行啦，不過未咁快搶到機票，都係喺香港食吓家鄉菜，以慰思鄉之愁先啦，呢晚就泥左天后呢間『申·居酒屋』。呢間餐廳地理位置都算幾方便，近地鐵站巴士站，附近又多停車場。上到餐廳，一眼望落去感覺唔錯，整齊企理，坐得都舒服。以下就講下啲野食啦：餐廳出左啲set，仲有廚師發辦，有興趣可以睇相睇餐牌。我同老婆本身打算食下串燒chill下，所以就無叫set單點左幾款串燒同叫左個飯。串燒我地叫左『炸蛋』，『牛舌』，『免治雞肉棒』，『極黑牛小排』，『雞肝』，『炸蠔』，『炸牛骨髓』，『炸帆立貝』，『羊架』，『炸雞飯』。Overall泥講，食物質素同味道真係算唔錯，所有燒物炸物都係即叫即做，所以等既時間可能會耐少少，但我覺得係值得等。而咁多樣串燒之中，我首推個『羊架』同埋『極黑牛小排』。燒得啱啱好，味道又夠，啲肉又夠稔👍🏻👍🏻