申、居酒屋 (已結業)

今日同朋友慶祝搬屋入伙，就㨂咗屋企附近的居酒屋，而且同港鐵站十分近，食物質素同價錢成正比，CP值唔錯，日後又多個地方做飯堂。我地今日第一次嚟，就樣樣都試下。每一樣食物都燒得剛剛好，唔會過火，可以保持食物的水份。野菜沙律（$68) - 食串燒炸物，要食d菜中和下。個沙律菜好新鮮，沙律醬的份量適中，唔會太多，保持輕盈清新。免治雞肉棒（$48) - 雞肉棒配上日本生雞蛋，隻雞蛋非常新鮮，個蛋黃顏色好濃，係高質日本蛋。除咗增加味道上的層次，仲為雞肉加強順滑的口感。豚肉芝士 ($48) - 邪惡之選，個豚肉燒到脆脆，仲保持到肉汁，食落嫩口。豚肉包住的芝士已經溶化，軟林林仲拉絲的。個配搭好特別。茄子田樂（$38) - 第一次食茄子田樂，原來佢係茄子上鋪滿日式麵豉醬，燒茄子同麵豉醬的味道好夾。朋友超鐘意麵豉，所以好鐘意呢個。唐揚魷魚鬚（$68) - 同個菜名有少少出入，因為唔係得魷魚鬚，仲有魷魚肉。個炸魷魚係厚身，外層脆卜卜，裡面完全唔覺得乾，咬落有口感唔靭。服務方面超好，職員好主動同快手，好細心同留意我地的需求，密密加水同適當時收拾碗碟。