牛県

營業中

休息中

石燒牛前果排勁hit，開到周圍都係，呢間牛県都算開左幾耐，間唔中都會見到人推薦食，佢除左最普通既牛扒、西冷、牛柳呢啲有得食之外，仲有好多特別部位例如係腹心肉、橫隔膜肉可以試😲佢地既牛扒係用左濕式熟成既方法保存，可以鎖住肉汁😀同埋呢度既店員好好，好主動咁同我地介紹啲肉有咩唔同，仲有提供圍裙仔比你等你唔洗驚食既時候整污糟件衫👍1️⃣腹心肉（$138）呢個係限定既，唔係日日都有㗎。見到有得試，就試下！店員好熱心咁同我地介紹，佢係偏近牛柳既部位，肉味會重啲同埋淋啲。食落牛味真係好重！牛魔王必試🐮  另外佢既醬都既特別，有兩款可以揀，分別係阿根廷青醬同埋紅酒牛肉汁。兩款都好好味，同埋係佢地既廚師自己調㗎！阿根廷青醬好特別，有少少草清味，點黎食感覺幾清爽。不過我自己就鍾意紅酒牛肉多啲，醬汁香濃，感覺match啲。不過其實我覺得唔點醬食已經好好味，同埋更加食到牛本身既味。  另外lunch set 會跟埋沙律、湯，同埋飯，好抵食！  2⃣️牛側腹扒（$138）餐廳入面有介紹，牛側腹扒係連接牛胸同牛腹之間既部位，口感豐富同埋有脂肪既紋路，肉質有咬感，肉味鮮甜有油香。呢個食落感覺油脂感係會多少少，肉質比腹心肉實

限聚令終於放寬啦，今日突然好想吃燒肉，於是馬上約了朋友去荃灣吃熱石燒肉。這裡於餐廳外就有車位，不過要double parking，裡面的座位夠寬敞，4人坐位都唔會覺得迫夾。點餐後很快便送上了，店員細心為我們講解吃法，態度良好。我地選擇了羽下牛扒200g，以及牛県燒肉海膽丼，食物未黎已經聞到附近燒牛肉香味撲鼻。仲有五選三套餐包括沙律，麵鼓湯同薯條。羽下牛扒用石燒方法將肉汁封住，以大概一成熟度放係熱岩石，我再因應自己喜歡去燒到半生熟，最後落鹽落黑椒，攪掂完成。另外有兩種醬汁選擇係紅酒牛肉汁同阿根廷青醬味道，喜歡濃味的就試紅酒汁，喜歡簡單的就試鹽燒就無錯了。裡面夠多汁！肉質相當高汁。除左石燒牛肉，仲有呢份一睇就流晒口水既丼，薄切燒牛，相信燒2-3分鐘，生熟度就剛剛好五成，口感爽滑，而且十分香口。值得一提是我最愛的海膽盛，多到不得了，新鮮不在話下，而且食落夠清甜，加上爆滿既三文魚子，仲可以用紫菜包住吃，十分鮮甜。只有簡單的配料，蔥和生雞蛋，飯及醬汁，但是超級好味，令人欲罷不能。總結而言，這家日式石燒肉店非常高質，上菜速度快，服務良好而且細心。

放寬限聚後, 可以堂食晚餐, 想繼續支持小店, 今次第二次黎此店, 因為我都好早就到, 所以唔使等位就入座了. 限聚期間餐廳都有做外賣, 客人都唔少嫁. 店員會細心介紹後, 我今次叫左石燒牛扒, 同1個丼同朋友一齊share 試下.店員提供圍巾以防彈油到衫上.牛-腹心肉 200g , 呢款係廚房廚師推介, 餐牌見唔到既, 會在店內黑板不定期推出，當然非一般喇，肉質稔, 肉汁多, 濃厚既牛味,  先煎下牛扒鎖住D肉汁，上檯時已以1成熟放上高溫石，可以按照個人喜好燒熟牛扒，自己控制熟度，再配2款醬汁(紅酒牛肉汁-意大利黑醋/紅酒/牛肉汁,加重牛肉既香味). 而另一個(青醬-蘿勒/蕃茜/薄荷/蒜蓉/檸檬汁, 青香既香草味, 好清新, 令你食多幾夠肉都唔會覺得滯)...套餐仍配有炸薯條/薯仔沙律/蜆肉味噌湯及汽水牛縣燒肉海膽丼,  嘩嘩嘩, 一上檯已經被畫面吸引了, 好豐富既畫面, 成個碗面都舖滿-三文魚子/海膽/燒牛肉/日本蛋, 海膽鮮甜...牛肉燒得剛好, 肉質嫩稔, 加埋日本生蛋汁, 超好味, 份量多......推介

好耐冇食過咁好食嘅牛，真係太好食太好食太好食啦，一開始就要同大家講清楚先，其餘嘅細節我會係下面慢慢講。西鐵站附近行5分鐘就到，係一個幾寧靜嘅街道上面，有一間日本風味嘅食牛嘅餐廳。究竟有幾好食同埋究竟個樣係點樣？而家即刻同大家分析下。羽下牛扒（Special）入到去覺得環境已經好靚，望一望個餐牌見到今日係食呢羽下牛扒，寫到明係2021年嘅食物，就梗係叫你試吓啦。話說喺超級市場買一塊西冷牛扒都要差唔多$200 ，呢度竟然$150左右就食到200 g嘅牛扒，有人整埋俾你唔使自己洗，真係邊度搵呀。你見到啲相，牛勁厚，六個表面都煎封左。鎖住晒所有肉汁。入邊接近三成熟，最正嘅地方就係塊鐵板超級熱，等我可以慢慢唔想食咁生嘅話就煎熟少少，豐儉由人。食落口肉汁鮮嫩，多汁得來口感豐富，牛味十足，再加埋啲醬汁，真係人生一大樂趣。A5和牛鵝肝飯呢個都係店員介紹先知道原來咁好食。一開始諗住淨係食牛，据下扒。但係店員都好親切話俾我哋知有啲好好食嘅食物，就係呢個是日嘅精選。唔單止分量豐富，真係試過先知原來可以將牛肉同埋鵝肝配搭得咁好。加埋佢個飯有日本嗰啲飯素，大大啖食落口，喺疫症以來終於有啖好食。其餘嘅薯條或者係味

呢間好有質素嘅扒房喺荃灣，位置鄰近荃灣西站，一出地鐵行2條街就到，店鋪面積唔大。扒房非常細心，佢哋係店面放咗好多海報，介紹一隻牛唔同部位，令客人知佢哋食緊嘅牛肉有咩特別。牛側腹扒今次叫咗份200 gram 嘅牛側腹扒，呢個部份係連接牛胸同牛腹之間嘅部位，肉質比較紮實，牛肉脂肪嘅紋路非常清晰。牛肉會用熱辣辣嘅石板呈上，令顧客可以自己控制自己想要嘅生熟程度，牛肉咬落好有質感，味道非常好。餐廳嘅阿根廷青醬同紅酒牛肉汁非常惹味，同埋牛肉食一流。A5和牛鵝肝丼A5和牛脂肪紋路分明，有入口即溶嘅感覺。鵝肝味道唔錯，和牛同鵝肝分量足夠，加埋飯就岩岩好。齋食肉同飯點會夠飽，餐廳有套餐提供只需要加$32蚊，就可以由沙律，飯，薯條，湯同飲品中揀三樣。呢間扒房雖然唔係係荃灣市中心，但係食物絕對係有質素。行開荃灣嘅朋友絕對唔可以錯過呢間優質扒房。

自上次去完食行運漢堡，發現原來享和街都幾多唔同種類既食店上網search下享和街附近有咩好食，見到呢間試石燒牛既餐廳新開，評價都唔錯，一於晚市黎試試招牌Logo設計幾得意，遠睇就好似一隻牛牛咁有style既店內poster，你哋係咪都好鍾意美牛呢🤣（我就鍾意“金牛”多啲啦）牛 X 燒肉海膽飯原價$338 半價$168老實講半價算係合理價錢，原價有點貴呀～呢個飯分量十足，有魚子、海膽、牛肉、玉子唔講其他，只講賣相已經十分吸引🤤將海膽、魚子、紫菜同玉子，撈埋一齊食，完全無違和感牛肉熟度剛剛好，記得趁熱食😋牛橫膈膜腹肉牛肉放上燒熱左嘅石板，即燒即食夠晒風味肉嘅成熟度自己控制，可以迎合唔同人嘅口味牛肉肉質鮮而香，最重要係一啲都唔「UM」切開仲有少少紅色，啱啱好，最啱我呢個食肉獸🙈牛肉有兩款醬汁，紅酒醬汁同青醬汁紅酒🍷汁濃郁回甘，和牛肉搭配絕佳，帶出牛肉鮮美。青醬汁係羅勒葉和橄欖油等混和而成，味道清香，同牛肉配搭，可以去除牛肉油膩，食落有另一番風味最尾以薯條作結，食到好飽好滿足呀😎✌🏻

位處荃灣，這家牛排石燒店晚上的人流甚多，原來在賣的牛排性價比很高，所以超熱鬧聽說他們好很鐘意美國牛，比日本牛多了一些牛肉香，沒日牛那麼多油花，正合我意牛橫隔膜腹肉 ２００克＄１４８侍應指示我們要等滋滋作響的聲音完結後才切開上碟，指示果然不錯，由一分熟到５分熟果然需要些時間，滋完後切開就知道！橫隔膜腹肉肉汁非常多，口感比較煙韌但肉味香濃，亦不會太多脂肪，愛牛者必試！配一份帶飯素的白飯，口味出色，完全就是正宗的日式吃法套餐＋＄３２薯仔沙律帶些許辣味很開胃，味噌湯帶２隻非常出色甜滑的，好吃！Ａ５和牛鵝肝丼＄１６８意外地鵝肝彈牙，香味濃郁口感不錯，和牛細嫰，如果想吃熟一點不妨放到鐵板上燒一燒，異常美味！水牛城雞翼非常大隻有份量的雞翼，帶一些酸味，微辣的味道很出色！

同朋友去開荃灣食飯，之前上網見到依間石燒小店🐮就決定試吓，果然冇令我失望😍😋間餐廳雖然唔多位，但係坐落都好闊落，一坐低仲會好細心提供口罩袋同埋一次性圍裙俾你，等你唔使驚俾啲牛肉汁整污糟件衫😉💯🔎 小牛柳石燒 200g $148佢個石燒牛扒有好多唔同部位可以選擇，今次我就叫咗個小牛柳，200g已經夠男仔食，自己燒緊牛嗰陣仲可以喺自助區嗰度拎黑椒同埋鹽，唔使點汁已經好惹味，燒完咬落去啲肉汁好似爆出黎咁，另外亦都可以配佢個阿根廷青醬，食落去會 fresh啲女仔食都唔使驚油膩🤨 🔎五選三套餐 +$32跟住就叫咗2個五選三套餐就揀晒薯條，湯，沙津，一個飯同埋兩罐汽水。麵豉湯淡淡蜆肉，薯條食落去係即炸好脆🍟 ，一啲都唔淋，佢個沙律令我有啲錦上添花嘅感覺，係食啲肉之前佢上咗一個薯仔沙律🥗但係食落去少少辣辣地有好有口感，用黎開胃一流😃 🔎 牛県燒肉膽丼 $168佢個燒牛食落去一啲都唔韌，海膽一啲腥味都冇，份量都好足，有成四舊海膽🤓 有時如果唔想兩個人食飯都做食肉獸嘅話，可以share一個石燒，一個丼飯，咁係依間小店食就 perfect la☺️💛-📍牛県 (荃灣)荃灣享和街49號地下D1號舖

自從搬了過來荃灣，才開始明白朋友所說的「荃灣有很多好味的餐廳」原來不是假的，只要細心行入小巷後街，真的有很多不起眼的小店值得光顧。牛県是一次路經時發現的小店，裡面大概只有6-7張4人桌，見到不用排隊就入去。牛県以食石燒牛肉為主，對於牛肉愛好者應該覺得很滿足。由於第一次前來，不太知道牛肉的分別，店員主動過來介紹，為我們推薦了不同口感的牛肉，最後我點了口感相對有咬感的牛側腹，而朋友則點了低脂的小牛柳。晚市加錢可配套餐，我們選了飯、餐湯、薯條、沙律。兩款牛肉的味道都很不錯：牛側腹是連接牛胸和牛腹之間的部位，脂肪紋路會比較細緻，肉質有咬感，入口香氣濃郁，帶有鮮味及油脂香；小牛柳是牛的嫩肩胛部位，肉質少油少筋，蛋白質含量豐富，是相對健康的選擇。上菜時，牛肉是大概一成熟的狀態，大家可以因應自己想要的熟度，把肉切開後再於石板上燒熟，個人推薦切開後輕輕一燒就可以，比較能吃得出牛肉本身的細緻口感及味道。沙律、餐湯會在上牛肉前送到，而飯、薯條就會等牛肉到才上，上菜時間控制得很好。另外值得一讚還有醬汁，青醬的味道非常清新，中和了牛肉本身的油脂感，大大推薦大家要點青醬試試。

可以食晚餐堂食時，即刻約frd子食牛牛！全場滿座，等一等。石燒牛食過好多次，今日食依個有少少居酒屋風格！薯仔沙律有d辣，開開胃！薯仔粉粉的，幾飽肚share食岩岩好！味增蜆肉湯蜆肉好鮮甜，有兩隻！份量夠，但唔夠喉呀，出色！唔過咸！牛県A5和牛鵝肝丼 $168燒汁加減點都得。因為個A5和牛實在好濃牛肉味，所以加減選擇！牛肉買鵝肝嘅份量比例一比一，大滿足！和牛一邊煎香帶脆，一邊嫩口。鵝肝外脆內軟，蘿蔔蓉係超貼口之服務位，加分！食完個鵝肝之後成口油淋淋，食一口蘿蔔蓉之後fresh哂！是日精選 - 腹心肉近牛側，嫩肉帶超多肉汁，好味道！阿根廷青醬非常好食，必食！岩岩青香味道。同牛肉嫩嫩好配！紅酒牛肉汁就西餐咁，驚喜無咁大！紫菜飯點綴之肉！薯條粗香口！汽水有可樂雪碧芬達雀巢檸檬，幾多款！

辛苦搵來自在食 一直有食肉獸之稱既我 簡直係無肉不歡所以今日決定去鋸扒😋聽聞荃灣有好多隱世美食今日我揀左一間專門食石燒牛扒既小店牛県試試係門口已經嗅到超濃郁既燒牛味仲不停聽到 沙沙沙 既鐵板聲音呢一刻我個肚都不其然地奏出咕嚕咕嚕聲既交響樂曲🤭一入到去店員非常細心會預備口罩套俾我仲會配給我一條圍裙 預防進食期間整污糟件衫👍當店員知道客人係第一次黎食的話 佢地就會好耐心講介店鋪餐牌上既牛不同部位有不同口感和特色最後仲會推薦是日推介聽完一大堆講解後店員仲有一個小提示就係呢度點餐都係分重量而嗌佢話普遍女仔都可以選擇200 g呢一刻我不自覺由心笑左出黎我應該要點300g 先夠🤫跟套餐仲可以+$32 五選三 有飯 薯條 湯 沙律 飲品 或者+15 單點作為一個精明消費者既我 緊係揀左五選三啦。牛側腹 (HK $138/200g) (HK $198/300g) (HK $258/400g)連接牛胸和牛腹之間的部位口感豐富含細緻的脂肪紋路 肉質有咬感肉味鮮甜又有油香😎配飯首選😋。牛橫隔膜腹肉 (HK $148/200g) (HK $213/300g) (HK $278/400g)牛隔膜中間部位 原來每

喺屋企玩煮飯仔外有時都要出街食下好野但係又唔想同人地爭位又唔想食太貴於是行過見到呢間舖頭淨係食牛牛嘅鐵板燒餐廳再望望環境同餐牌餐廳裏面都坐得幾舒服兩個人坐四人枱再望望餐牌，有好多唔同介紹包括唔同牛嘅部位最後我哋揀咗牛側腹扒同橫隔膜腹肉值得一讚嘅係餐廳會送圍巾防止油周圍彈到身體而且牛扒送到過嚟嘅時候都會有牛油紙擋住防油彈👍🏻我前面嗰碟係牛側腹扒牛嘅肚腩底部肉厚多汁，牛味濃郁嘅部位👍🏻但係比較多筋，厚身同難切啲🍴另外加咗$32升級做套餐五選三，有飯，薯條，湯，沙律，飲品另外仲有海鹽同埋黑胡椒for自己調味但係我覺得食牛嘅原味，已經好夠而另一塊扒，橫隔膜腹肉相對冇咁厚身，比較容易切係屬於牛橫隔膜中間的部位味道都濃郁，無牛側腹扒味濃但係口感非常柔嫩！👍🏻👍🏻👍🏻有少少入口即溶嘅感覺🤤直頭係瞌埋眼，一路咬一路享受油花豐富，但係唔油膩，正！😆如果唔堂食嘅話，外賣都幾平，$38起食完牛牛當然要散吓步Highly recommend 去荃灣西海濱公園嗰度嘅日落係香港十大最靚之一每日都好靚，唔會令你失望當然影唔少相留念啦🤪

難得早放，突然想食牛扒，醒起荃灣有呢間有得食石板牛，就一個人去食。門口個自動門，望落好隱蔽，好彩見到營業中，就入左去。抗疫期間，唔使搭枱。好彩早一步入去，遲少少都無位，我諗平時都要排晒隊。定食好似幾抵食，但我叫左石板牛肉。午市叫石板牛肉有飯、湯同沙律送，晚市要另加$32。叫左200g 西冷扒（$128），熱辣辣，超正，可以自己決定幾時食。我食野算快，塊扒好厚，都keep 到肉嫩。食得慢嘅人，可能要叫佢地換走塊石板，因為佢好熱，食太慢，啲牛會過熟。整體很滿意，仲提供靚靚紙袋放口罩，仲會俾埋紙圍裙防止啲油彈到件衫。可以再試

味道：⭐️⭐️⭐️⭐️⭐️天氣咁凍🥶緊係要食返啲熱辣辣既野石燒牛就不失係一個好選擇啦😎呢間小店性價比高同時店員仲超級細心🥰主動同客人講解啲牛唔同嘅部位而且仲送上圍裙👍🏻除此之外 仲有唔同食物份量可供選擇👍🏻❶小牛柳 200g $132見到呢個部位其中一個selling point係脂肪含量極低又多蛋白質🤓所以就諗都諗咁揀咗呢個啦💁🏻‍♀️牛柳相當厚身🐮 而且軟腍用石板既餘溫煎熟牛扒 生熟程度由自己控制 另外仲有兩款自家嘅醬汁可以點嚟食包括：紅酒牛肉汁、青醬🍷即使沾上醬汁都唔會覆蓋到濃濃肉味 正🙌🏻❷跟五選三套餐 +$32今次揀咗湯🥣、薯條🍟、飯🍚其實個肉嘅份量已經相當大🤯建議如果係兩個女仔食嘅話+1個餐都夠🤫❷.❶南瓜湯因為掛住食嘅關係冇影相📸️南瓜湯飲得出淡淡南瓜蓉🎃味道完全假！而且幾飽肚🧐❷.❷薯條🍟個人超級推薦👍🏻係粗薯條而且即炸，熱辣辣🔥脆卜卜超好味😋❷.❸飯🍚係一個配上飯素既日本珍珠飯😽撈埋一齊食真係食到停唔到口👀而且份量都唔細🤤兩個女仔食一碗就夠晒啦🤡

今日同朋友來荃灣食石燒牛扒，餐廳主打石燒牛肉，有6款不同部位，價錢 $108至$158，餐廳會先煎封牛扒鎖住肉汁，以1成熟放上高溫熱上，客人可以按個人喜好燒熟牛扒，自己控制熟度，再配2款醬汁，非常吸引。店員服務有禮，仲提供圍巾以防彈油到衣物上。牛 腹心肉 200g $158，呢款係廚房推介，餐牌無的，會在店內黑板不定期推出，味道同口感都非常好，值得再食。切開煎熟，入口非常嫩腍，牛味濃郁，腹心肉特別鮮甜，燒至半熟也很嫩很多肉汁。重點牛扒無筋位，整塊都好高質好嫩。熱石燒牛扒，除左即燒即食，夠哂熱辣辣，仲可以高溫燒脆外層，入口香脆，內裡肉仍很柔嫩。份量也按個人喜好，女仔200g很夠飽。紅酒牛肉汁，用左意大利黑醋、紅酒、牛肉汁煮成，味道好香好惹味，但唔會好重味蓋過牛肉味，反而好夾，令牛肉更鮮。阿根廷青醬，用蘿勒、蕃茜、薄荷、蒜蓉、檸檬汁及皮……煮成，有好香好重蘿勒味，加上蒜香及薄荷清爽感，微酸的檸檬味及香味，令味道更多層次更豐富。牛側腹扒 200g $138朋友的側腹扒有2大件，好靚好吸引。牛扒脂肪豐富，脂肪紋細緻，很夠油香，牛味重且肉質有咬口。超好配搭飯，牛脂與飯味道溶入口中，正好白飯吸收