牛県

營業中

休息中

今天和朋友去了荃灣廣場睇戲，散場已經晚上七點多了，有點肚餓，行到享和街見到間近期流行之熱石燒牛肉專門店，我哋比較鍾意食牛，二話不說便走進去，餐廳不算太大，但坐落舒適。餐牌有多款牛的不同部分選，分200、300及400g 重量收費，我們選擇了……200g的上腰西冷和小牛柳，加咗$32 就可5揀3，有飯、薯條、湯、沙律及汽水，我們就每樣都揀一來試。服務員貼心的送上圍裙，以免弄污衣服。先來蕃茄濃湯，內有些西芹碎，很香滑creamy；沙律有蕃茄及什菜配清新的醋汁很開胃；薯條是即炸非常爽脆好食；飯是日本珍珠米加上芝麻同紫菜味配合牛肉食真絕配！到了主菜，廚師把一成熟的牛肉放在熱石上，如果不想牛肉太熟及硬，我建議先將牛肉另外放在碗中，分開切才放上熱石上燒到自己喜歡的熟度；小牛柳肉嫩又juicy，真好d後悔冇叫300g,至於上腰西冷，牛味十足有口感，每款牛都有餐廳自製的阿根延青醬或紅酒牛肉汁揀一，很配合和清新，這餐真的不錯及滿足，下次可以再來吃其他牛部分。

牛県小牛柳小牛樓嘅肉非常之柔嫩一個人嘅份量都啱啱好夠食而且牛肉味足好味又淋身牛橫膈膜腹肉橫膈膜肉，識落爽口牛味重有咬口配埋阿根廷嘅青草醬識落好有清新嘅味道紅酒牛肉汁加落去令到牛肉嘅味道立即帶咗出嚟仲可以加$15叫咗個套餐， 跟飯，薯菜，湯同沙律都幾抵沙律同埋湯都非常之新鮮超重嘅蕃茄味薯條都大大條好好味好有薯仔味比起出邊嘅石板燒牛依度嘅性價比都算高值得推介

朋友成日都話想食石燒牛，上網揾到話牛県好好食，就黎試下，真係好好食，叫咗兩個牛。最好食係牛柳，好淋，鐘意食幾熟就自己控制，味道又啱啱好 唔好睇咁細塊，其實好飽嫁。會再黎食，好值得

住在荃灣，久唔久就會到牛県大快朵頤，相比其他石燒牛店，牛県更著重不同部位牛扒嘅分別，而非一味sell和牛。亦因為牛県，小弟都學多咗有關牛肉嘅知識。早排亦有去再食牛県，果次叫嘅係是日special 300g 牛扒。先上沙律，新鮮蕃茄配上柚子醋，酸甜醒胃，亦為一陣嘅牛扒打好底。再來係西蘭花湯，老實說並不出色，湯並未能釋出西蘭花獨有香味，反而加上香草後增強咗其草青苦澀味道。平時嘅西湯並唔會出現依種情況，應該只係當晚失手。其後主角石燒牛登場，一上枱，牛扒油脂香撲鼻而來，食落牛肉味濃郁，而且亦不斷有散發油香。想更有咬口，可以順紋切；如想食腍身牛肉，逆紋切則更理想。我就較愛逆紋切。配上有飯素嘅珍珠米飯，十分匹配。講開又講，每次諗點樣切割牛扒，都算係我食石燒牛時個人嘅小樂趣。😂美中不足嘅係燒耐咗牛扒底部會過熟變硬。同時，牛扒太厚，以致離石板較遠嘅牛肉會有點過生，做成生熟不均嘅情況。不過我諗依個係石燒牛店嘅通病。配上石燒牛，白飯都可以整多兩碗！

第一次食石燒牛！整體感覺幾好😚.今次叫咗兩款牛：牛側腹扒($138)同埋小牛柳($148)有得揀200/300/400克，今次兩款都叫咗200克，我覺得份量都已經夠💁🏻‍♀️.牛肉送上枱嘅時候係一成熟，跟住自己先喺高溫岩石上面煎到啱自己嘅熟度😋我會一開始就切開一舊舊先再煎。算係叫做有得玩有得食🤣我覺得都幾得意🥰不過注意⚠️煎嘅時候會有少少彈油㗎🙈餐廳亦都會提供圍裙，好貼心呢！.另外注意牛肉如果一直放岩石上，好易煎到過熟🙈所以記得一開頭就問店員拎多隻碗😆可以用嚟放煎完嘅牛肉。今次兩款牛肉都幾好食！冇筋之餘又唔韌唔嚡，食落有牛肉味。就算有啲唔小心整到全熟食落都唔會嚡🤪牛肉會附有醬汁，但係唔點醬都已經好好食😋.另外都加咗$32轉做套餐，可以喺白飯、薯條、湯、沙律同埋汽水入面揀三樣。白飯係必叫啦！牛扒送白飯好正㗎😋薯條份量都幾多，即叫即炸，熱辣辣又香脆。.整體真係幾滿意😆

難得黎開荃灣，幾姊妹決定去試下呢間係荃灣享和街的「牛県」，想食石板燒牛好耐😍去唔到日本，黎呢間頂住先。我地大嘅等左30分鐘左右就有位，不過坐吧枱位置。餐廳環境有啲迫，似足日本😂😂傾計辛苦左少少，張木椅子🪑唔係幾好坐，個背脊頂住好唔舒服。我估餐廳都想做到似日本，速食文化，食完就走。我地幾個都決定叫「牛橫隔膜腹肉」200g對女仔黎講份量岩岩好，$138加$32 就可以有埋飯、沙律、飲品。埋單每人$187 都可接受。食之前每人派咗條圍裙，上枱時件石燒牛有張吸油紙隔住，以免彈到周圍都係，相當貼心。「牛橫隔膜腹肉」係熱辣辣既石板上燒左陣，差不多彈完油我地先開始切，入面仲係半熟狀態，你可以隨你喜好燒到幾熟都得，入口都好香濃，好有口感相當juicy，下次要帶媽咪黎試吓🥰總括黎講呢餐都幾滿意，係坐得唔係咁舒服之外，其他都ok🥰上菜好快，服務員都有禮貌。服務 🌟🌟🌟🌟🌟抵食 🌟🌟🌟🌟🌟食物 🌟🌟🌟🌟🌟環境 🌟🌟🌟

今日同同事去慶生，佢話想食牛。而咁啱喺佢屋企附近，就有間食石燒牛嘅餐廳，佢話不如去呢間吧。呢度嘅環境乾淨整齊，燈光黃黃，都幾有氣氛，坐得舒服。我哋叫咗兩份熱石燒牛，我哋唔算大食，所以每人嗌咗各200g嘅牛套餐。我哋揀左餐湯，沙律，薯條，飯同飲品。呢度嘅飲品係罐裝，有我鍾意嘅雀巢檸檬茶，而同事就揀咗可樂。食熱石燒牛，通常都係日式嘅麵豉湯，而呢度就比較特別，係西式嘅蕃茄濃湯，飲落酸may may，口感實在。而沙律係蕃茄沙律，入口新鮮，沙律醬汁係醋，兩款都是開胃之選。薯條係剛剛炸起，食落鹹鹹地，加上茄汁一齊食就係最佳配搭。好耐無食過炸嘢，所以我就幾鍾意，覺得好好食。職員話今日嘅是日推介係牛腹心肉，牛腹心肉比較瘦同幼嫩，所以我就揀左呢個。嚟嘅時候肉只係一成熟，我哋可以用熱石板煎到自己鍾意熟嘅程度。入口真係唔肥喎，肉質比較結實，帶點肉汁，好味。旁邊有兩個款醬汁，都是自家製的，一個係阿根廷青醬，我比較鐘意呢個醬，呢個醬比較清新，係草青味，配牛扒好夾。而另一個係紅酒牛肉汁，呢個醬就比較濃，鐘意濃味就要揀佢。另一款係牛側腹扒，呢款扒油脂比較豐富。同事話脂肪分佈平均，肉質亦很淋，每一口都充滿肉汁，佢話配

以前經常覺得鋸扒係一件好奢侈嘅事，但至從自助式石燒牛扒出現後成件事就平民化咗，不過亦因為咁質素相對參差，幸好今次試嘅呢間牛県各方面都做得唔錯淨係牛肉都有五款選擇，我地揀左CP值較高嘅平鐵牛扒同貴少少嘅牛側腹扒，再每人加配左個五選三套餐個人覺得個五選三套餐幾抵食(+$32＠)無論係沙律、白飯同湯都唔馬虎：沙律個汁唔係普通油醋汁或者麻醬，而係味道清新獨特嘅紫蘇沙律汁；白飯灑有飯素，令整體賣相同味道都增添不少；而麵豉湯入面更加有3大隻蜆～出乎意料呢❤️平鐵牛扒200G $108平鐵牛扒係指牛三角肩對上嘅部位，口感柔軟，肉味濃， 不過普遍黎講會比較多筋，但呢到又唔係好食到d筋，估計塊肉有事先處理過，挑走左d筋，所以口感會比較一致牛側腹扒200G $138牛側腹扒則係連接牛胸同牛腹之間嘅部位，由於纖維同脂肪較多，口感相對豐富，肉味鲜甜又有油香～牛油炒蘆筍 $48食得太多肉叫返個小菜平衡一下，擺盤精緻，蘆筍爽嫩鮮甜有牛油同芝麻香，值得推介～

今日去荃灣搵食, 係球場個邊聽聞有間食STONE GRILL 既日式牛扒店幾正, 佢地D牛扒出哂名, 好多街坊都知, 無理由唔去試下, 星期二晚七點鐘去到` 都幾FULL下, 好彩都有兩個BAR枱位, 好過無, 因為入到去聞到D牛扒味已經口水都流埋, 由於對牛既部位唔係咁了解, 店員推介咗我地食今期限定既牛腹心肉, 一隻牛得好少, 唔係次次都有, 講到咁唔試唔得啦, 另外就係叫咗個牛側腹肉, 聽講係油脂分佈最平均, 熱賣皇牌, 我地加咗32蚊加配菜, 五選三, 我地點咗薯條,白飯,湯, 同沙律, 要講講係佢個西洋菜湯, 係西式既做法, 好CREAMY, 好濃西洋菜味, 必試的, 好快兩份肉都上埋啦, 石板煎住咁上真係好正, 未食已經俾個陣香氣吸引住, 首先緊係食腹心肉先啦, 講到咁少有, STONEGRILL既食法係先切少少, 再按自已喜愛既生熟度係石板上再煎, 本人喜歡熟少少, 肉味會濃D, 腹心肉果然係正喎~ 肉質係爽爽地, 有咬口, 唔太肥, 但係肉味好濃, 果然無介紹錯, 再試係牛側腹肉, 相對地佢油脂多少少, 仲意食油香既要點佢啦, 肉質好林, 一口牛再一口白飯, 哩個日式

荃灣牛県石燒牛扒, 一直是大熱的石燒牛. 七時多,食客已經滿滿. 和朋友來個石燒牛套餐. 七款選擇中, 我們吃牛橫隔膜腹肉和是日精選. 店員接著遞上圍裙防油濺, 也拿來汽水. 牽上後,喝著聊著.  不消一會, 跟餐的沙律, 素飯, 西式西洋菜湯和薯條來了.  簡單基本的沙律, 蕃茄和菜也夠新鮮;西式西洋菜湯則有點像濃抺茶,同時帶有甘味;粗薯條條條熱騰騰. 食扒的最佳配搭. 主菜大過手掌的牛扒, 份量超讚. 燙熱的岩石板緩緩燒著封煎過的精選和牛橫隔膜腹肉. 將本身緊鎖的肉汁逐一釋放. 由一成開始, 隨著個人喜歡的生熟度,熨熟便可.  食一件,砌一件, 肉嫩多汁,十分惹味.  配上兩碟醬汁紅酒牛肉汁和阿根廷青醬,各有特色, 一牛兩口味非常棒. 最厲害的是那塊岩石板鎖熱很強. 吃了差不多半小時, 釋出熱力也能燒好最後一件牛. 伴著素飯一件又一件, 牛県石燒牛扒好好食. 

近年捲起一陣吃石燒牛的風潮，不少地方都開了石燒牛餐廳，作為荃灣人有時候都會經過牛県，但一直都未有機會淺嘗，早幾天趁朋友相約，决定一起到訪牛的份量都有劃分 分別有200g、300g同400g 食客可以按照自己的食量而選擇而且店員會貼心地向我們介紹牛肉的不同部位，令我們對牛的知識增長了不少，亦可以按自己的喜好去挑想套餐加錢可五款選擇 : 有薯條，飲品，西湯，飯素飯及沙律等，我們加配了兩個套餐，很喜歡有飯素的白飯，配上燒牛扒很好送飯，沙律有小番茄，酸酸甜甜很開胃，而是日的湯是西洋菜濃湯，西洋菜味濃郁，很好喝～～～未介紹牛之前，先講下店家的醬汁，與出面的店鋪截然不同，因為醬汁是小店自家製的，誠意十足❤️醬汁有2種：阿根廷青醬同紅酒牛肉汁，前者清新脫俗，可以減去牛扒的油膩感，後者與牛扒味道相輔相成，各有千秋講到主角，今次我地就叫左兩款牛，一款是牛側腹扒，另一款是special 腹心肉 先講牛側腹扒🥩是連接牛胸和牛腹之間的部位，脂肪比例較高，油脂甘香，有肉味，口感豐富而special的腹心肉更討我們喜歡💕 脂肪比例較少，肉質較軟腍，放上石板燒一會就很容易切開，配埋有飯素的白飯真的一流🤤最值得一讚的是

今時今日食牛愈黎愈講究但係愈講究 又唔代表要付出高昂價錢先食得到今次去到荃灣食食呢間性價比高既牛扒食店簡單黎講 食店有固定好幾款唔同牛既部位可以選擇 每個部位可以因應唔同食量簡選相應份量每份牛亦可以加$30 追加飲品/薯條/沙律/湯/飯（5選3)小牛柳（肩胛小菲力） - 配紅酒牛肉汁牛肉源自牛比較少運動到既部位肉質細嫩 小牛柳於熱石上枱如果怕生 可以係熱石再焢焢 不過對於我黎講就剛剛好配合埋個汁 再配合埋啖飯 感覺非常滿足牛側腹扒 - 配阿根廷青醬係牛胸和牛腹之間的既部位 口感豐富 有咬口朋友唔太中意食濃味 所以配青醬就剛剛好唔會蓋左個牛肉原有味道呢個價錢品嘗到呢種牛扒 確實冇得頂😋

自己好鍾意牛扒放係高溫岩石上咁樣就可以自己控制牛肉生熟度。今次揀左呢間位於荃灣價錢合理牛県試下鋪內裝修以木為主，牆身貼滿牛圖片。都唔少客人。店員都好細心解釋落餐牌一次，另有一張牛部位圖比我哋認知選擇👍🏻我哋叫左牛側腹扒-牛側腹帶少少肥，更有口感，唔錯。小牛柳-食左牛側腹就覺得牛柳乾d牛側腹帶肥真係好食好多🥰有兩個醬汁阿根廷青醬紅酒牛肉汁我比較鍾意阿根廷青醬，佢有啲薄荷檸檬味 配牛好夾 我地加左沙律，薯條同飯。佢個沙律唔錯 d菜好新鮮,仲好多蕃茄💋店員周不時會主動幫手加水👍🏻最後，店員會比消毒紙巾抹手，離開時仲幫我哋噴熊寶貝消除油煙味添，好鬼細心，今餐我地食得好開心😚

食材新鮮，用心制作👍🏿👍🏿路過遇到牛県，試下嘅心態，點知有意外收穫✌🏿，食材超新鮮，呢下好重要，有湯有飯有野飲，連醬汁都係師傅自家制，用心制作，價錢公道，有服務，呢類型食肆，超值得推介一番👍🏿👍🏿

同一個keep fit中嘅中佬食飯，以為要食素，點知話要進行乜嘢生酮飲食，去食肉，wow真係估你唔到呀，咁就去鋸扒啦。😄相比雞同魚，對牛嘅熱愛無咁強烈，不過一入呢間日式石燒牛扒店內，就被佢陣陣牛香吸引住。叫左個套餐，除左主角牛扒外，味噌湯、飯同沙律唔駛加錢。我哋叫左最平嘅平鐵牛扒(200g)同次平嘅上腰西冷(200g)。牛扒以較生狀態放係岩石上，自己隨生熟喜好再封煎，適合唔同人口味。平鐵牛扒比想像大份，雖然價錢最低，肉質偏淋，但唔似港式豉油西餐牛扒咁，落大量鬆肉粉，攪到塊扒得個淋而完全無肉味，呢塊係幾有牛味兼唔少肉汁，以唔駛100元就有咁嘅質素，相當超值高水準！另外一塊上腰西冷貴30元，味道當然更勝一籌，肉質結實但唔會靱，有𡁻口，肉味更濃郁，好食！其他如飯同沙律都屬正常水準，服務亦都唔錯，店員同顧客有唔少交流，加上小店經營有heart，一定支持！