影片
更多
2021-03-07
99 瀏覽
好耐冇食過咁好食嘅牛，真係太好食太好食太好食啦，一開始就要同大家講清楚先，其餘嘅細節我會係下面慢慢講。西鐵站附近行5分鐘就到，係一個幾寧靜嘅街道上面，有一間日本風味嘅食牛嘅餐廳。究竟有幾好食同埋究竟個樣係點樣？而家即刻同大家分析下。羽下牛扒（Special）入到去覺得環境已經好靚，望一望個餐牌見到今日係食呢羽下牛扒，寫到明係2021年嘅食物，就梗係叫你試吓啦。話說喺超級市場買一塊西冷牛扒都要差唔多$200 ，呢度竟然$150左右就食到200 g嘅牛扒，有人整埋俾你唔使自己洗，真係邊度搵呀。你見到啲相，牛勁厚，六個表面都煎封左。鎖住晒所有肉汁。入邊接近三成熟，最正嘅地方就係塊鐵板超級熱，等我可以慢慢唔想食咁生嘅話就煎熟少少，豐儉由人。食落口肉汁鮮嫩，多汁得來口感豐富，牛味十足，再加埋啲醬汁，真係人生一大樂趣。A5和牛鵝肝飯呢個都係店員介紹先知道原來咁好食。一開始諗住淨係食牛，据下扒。但係店員都好親切話俾我哋知有啲好好食嘅食物，就係呢個是日嘅精選。唔單止分量豐富，真係試過先知原來可以將牛肉同埋鵝肝配搭得咁好。加埋佢個飯有日本嗰啲飯素，大大啖食落口，喺疫症以來終於有啖好食。其餘嘅薯條或者係味
好耐冇食過咁好食嘅牛，真係太好食太好食太好食啦，一開始就要同大家講清楚先，其餘嘅細節我會係下面慢慢講。西鐵站附近行5分鐘就到，係一個幾寧靜嘅街道上面，有一間日本風味嘅食牛嘅餐廳。究竟有幾好食同埋究竟個樣係點樣？而家即刻同大家分析下。
羽下牛扒（Special）
入到去覺得環境已經好靚，望一望個餐牌見到今日係食呢羽下牛扒，寫到明係2021年嘅食物，就梗係叫你試吓啦。話說喺超級市場買一塊西冷牛扒都要差唔多$200 ，呢度竟然$150左右就食到200 g嘅牛扒，有人整埋俾你唔使自己洗，真係邊度搵呀。你見到啲相，牛勁厚，六個表面都煎封左。鎖住晒所有肉汁。入邊接近三成熟，最正嘅地方就係塊鐵板超級熱，等我可以慢慢唔想食咁生嘅話就煎熟少少，豐儉由人。食落口肉汁鮮嫩，多汁得來口感豐富，牛味十足，再加埋啲醬汁，真係人生一大樂趣。
A5和牛鵝肝飯
呢個都係店員介紹先知道原來咁好食。一開始諗住淨係食牛，据下扒。但係店員都好親切話俾我哋知有啲好好食嘅食物，就係呢個是日嘅精選。唔單止分量豐富，真係試過先知原來可以將牛肉同埋鵝肝配搭得咁好。加埋佢個飯有日本嗰啲飯素，大大啖食落口，喺疫症以來終於有啖好食。
其餘嘅薯條或者係味精湯，伴碟小菜都係好正，嗰啲都係其次，最緊要最緊要係食佢嘅牛，尤其是精選羽下牛扒，食過你就知有幾正，而且加埋都唔係好貴，絕對係晚市裏面一個好好嘅選擇。
後記：有時食鐵板餐會搞到成身都係油漬，但係呢度好親切，有條好靚嘅黑色圍裙俾我哋用。
張貼
