火水爐冰室火鍋

營業中

休息中

近期天氣雖然逐漸回暖但溫早晚溫差都幾大所以又有藉口去打邊爐暖下身在 “口袋清單” 找出勁有懷舊風格的 - 火水爐對於從未接觸火水爐的我來說感覺好新穎除卻一系列懷舊的裝修外碗筷亦都添上歲月的痕跡前菜小食 - 以為係啲咩花生、酸菜, 原來係魚蛋 + 懷舊炸魚球 (當時仲諗緊...咦! 我地未叫火鍋配料呀!)招牌鮑魚麻辣雞煲 - 小辣雞煲上枱後要再煮5分鐘先可享用雞件醃得濃味...但幾適合重口味的我雞件肉夠鮮嫩, 鮑魚亦無令人失望食完雞煲就轉台去打邊爐喇湯底方面 ~ 放棄了我們最愛的麻辣鍋因為被招牌特濃沙嗲鍋吸引了沙嗲味道不算濃郁偶爾會聞到花生的香味時令海鮮拼盤海鮮款式會按當晚食材而作出調節今晚我地有沙白、廣島蠔、脆鯇片、蝦、花甲雖然任食, 但質素都有一定水準美國安格斯牛, 西班牙黑豚豬肉各類丸子、餃類、炸物、蔬肉最最最重要係汽水任飲 ~ 打邊爐最緊要有....最後仲有個雜果涼粉紅豆冰紅豆煮得夠腍夠入味 ~ 有誠意仲有大量我好鍾意食嘅雜果

最近天氣仍舊「凍凍地」最好就係食雞煲打邊爐。與友人相約於旺角附近，行到去火水爐入內。見到外面既poster寫可以任食安格斯牛，正！火水爐地方闊落，最緊要又衛生。一入內就聞到好香的雞煲香氣。(店內已有不少顧客。)我們選了好有特別的「夜總會」「招牌」處坐下等點餐！一坐下職員已立即推出「配料車」俾我們選擇所要的配料。未上「主菜」雞煲前還有餐前小吃。一上雞煲後職員會俾個timer，set好五分鐘後就可以煮雞煲啦~我們點了少辣風味，雞煲的辣度剛剛好，不會太辣。需知道街外好多雞煲點的辣度亦不太準確，好多時少辣都變左好辣...一開鍋不禁嘩左出聲，因為真係好香！心情都得更好~當中有兩隻鲍魚仔，真係好爽口，睇得出真係好新鮮！雞煲又點少得主角雞呢？雞肉真係好入味，入口真能感到當中的微辣。那種辣是在口腔中慢慢傳入味蕾。因為太顧住食，沒有影太多相，不過並不誇張，雞煲雖然十分足料，也給我們食得7788。(完全忘了是為了任食安格斯而來)上火鍋了~ 未上鍋先打卡！就是海鮮拼盤。這是兩人分了。海鮮最重要的是新鮮度。生蠔不算大，但勝在夠新鮮，而且海水味十足，哈哈~ 本人很喜歡海水味~海鮮真的很新鮮，很不錯~蔬菜是一份份

為食男友勁鍾意食火鍋～經常聽朋友講起火水爐食物質素同環境都唔錯～一於嚟試吓先！地方唔算好大～但岩晒同朋友聚會～不過都好少好似我地咁兩個人嚟打邊爐🤣🤣（利申：我地真係好食得～唔做大晒鬼）一早訂咗位有鮑魚雞煲食～～同平時啲雞煲味道有啲唔同，揀咗小辣～醬汁偏甜～但勝在雞肉唔會太多骨～啖啖肉！仲有鮑魚添～仲有前菜～～食完雞煲會俾你再揀湯底，今次我哋就揀咗沙嗲湯底，係佢哋嘅招牌之一， 好香花生味，味道濃郁，一樣比較甜。仲有六碗醬料可以調配，比起大型火鍋店會比較少，但對我來講其實已經好足夠🤣🤣（我淨係落蒜泥、蔥同辣椒～）換咗火鍋湯底就會跟埋海鮮拼盤～記得一定要填埋黃色張紙仔啊！不過店員都好貼心提我地要落單～🤣唔係就淨係得海鮮拼盤。因為食咗個雞煲都有啲飽～無嗌好多食物～肉食朋友一定要嗌安格斯牛任食！勁抵啊！我就鍾意豬肉片～肉騷味唔算重👍🏻👍🏻仲加啲菜～好乾淨～（有無人好似我咗打邊爐鍾意狂食娃娃菜）今次冇揀到響鈴因為驚太飽，食咗啲炸魚皮一樣脆卜卜～勁正呀！選擇其實算多～因爲食咗雞煲就無嗌好多野食～呢個餐仲有跟甜品架！不過太飽食唔落～下次約埋朋友多啲人再嚟食✌🏻✌🏻

窩夫與蝦子餅早前常在旺角出沒，某天突然想吃火鍋，便再度光顧火水爐。火鍋任食套餐跟之前吃過的不一樣，正價時段每位258元，限時150分鐘。另加醬油費每位12元。去火水爐吃任食套餐前記得要訂座，否則便吃不到招牌鮑魚麻辣雞煲。雞煲上桌後要煮5分鐘，窩夫與蝦子餅點的辣度是BB辣，十分惹味。邊吃雞煲，邊選火鍋湯底和配料。火鍋的湯底選了招牌特濃沙嗲鍋，沙嗲湯充滿花生的香味，香而不辣，一試難忘。湯底裡加了大量豆卜的大蔥，吸盡沙嗲湯的豆卜很好吃呢。除了湯底裡的豆卜，蜂巢豆腐和脆炸響鈴都是吸湯的好材料。薄切的西班牙黑豚豬肉口感一點也不硬，不比牛肉遜色。美國安格斯牛並非一般任食火鍋的貨色，非常大塊，而且切得比較厚身，肉味特別濃，蝦子餅吃了很多呢。炸魚皮跟上次一樣出色，香脆可口。二人前的時令海鮮拼盤，有蝦、蠔和蜆等，全部都很新鮮。吃過肉和海鮮後，要吃些唐生菜。墨汁墨魚丸和玉米貢丸比較少見，值得一試。牛柏葉、豬皮和水魷都是熱門的火鍋配料。因為太喜歡那沙嗲湯底而點了一個烏冬。

來打邊爐必定會食海鮮，今次都唔例外來到叫左野食，等緊既時候店員會送上呢碟炸魚蛋同炸燒賣，時間岩岩好，肚餓既可以食先，醫下個肚，又可以一邊吹住水等個雞煲到呢度嘅燈光偏黃，配合返佢懷舊嘅氣氛魚蛋燒賣都炸得金黃香脆，沾上微辣既醬油一齊食，熱辣辣冇得彈戲肉來啦！呢個雞煲有鮑魚仔，每隻既size都幾大，撈勻醬汁一齊食，肉質彈牙，洗刷得好乾淨，食左落又好味，相比起出面其他普通既雞煲，呢個有埋海鮮，真係略勝一籌食完個惹味既雞煲就到左打邊爐既時候，店員整個煲同我地換好左，好有風味同埋滾得好快！熱辣辣咁，真係迫不及待想快d拆海鮮海鮮拼盤砌得好靚，好似食緊放題既刺身盤咁，冰鎮住上面有竹籤海蝦，蠔，花甲，蜆仔同埋脆鯇片生蝦好新鮮，蝦肉爽口彈牙，充滿鮮味花甲大隻得來冇沙，好肥美脆鯇片好薄，好快淥熟有得食雖然薄，但係都幾爽口彈牙基本上想食咩海鮮呢度都有，如果有得一再encore既話就冇得彈啦仲有不得一提既係，呢度個煲既形狀係一個半球體，而且火力夠哂猛，所以d水keeo住好滾最中意凍既天氣一直打住熱辣辣既邊爐，食完成個人暖哂，掂

2,3月香港的天氣非常反覆, 好像一個月內已經歷4季天氣而今天剛好是春天裡的冬天, 打邊爐最好係openrice 搵到呢間被裝修吸引離遠睇以為係一間陳年戲院, 上面掛住廣告有每日放映的巨片 - 火水爐Interesting看到懷舊的東西時都經常會另人回味自身的good old days佢有一個雞煲火爐set先食雞煲, 之後再打邊爐, 香港好多地方都係咁無特別不過佢就可以任食安格斯牛 同 黑毛豬, 咁曬D牛魔王另外配料都有一般出面食到既野, 不過D丸都特別一坐底, 就送上頭盤小食, 炸陳皮魚蛋, 炸燒賣, 呢幾粒野另外開一間小食店賣都得, 好食過市面好多魚蛋燒賣檔…好好食, 而家口味非常懷舊調味料選擇先食雞煲, 份量都幾多, 同埋D雞好大隻好多肉, 好嫩, 好juice, D汁都好濃高質雞件係雞煲入面撈下撈下驚現有原隻鮑魚, 非常surprise, 而且加埋D汁好夾, 好軟好彈牙, 唔係流野, 一人一隻食完雞煲就換爐打邊爐啦海鮮拼盤都多種類, 有海蝦, 蠔, 脆肉鯇, 蜆, 花甲等其中海蝦唔錯, 肉質彈牙任食既安格斯牛, 普通, 牛味不濃, 但有肉質, 要靠醬汁幫手帶味陳皮魚蛋, 墨汁墨

之前喺網上見到介紹呢間特色火水爐火鍋店同朋友去試吓先！裝修感覺好懷舊好有風味試個安格斯海鮮火鍋任食套餐！限時150分鐘 前菜小食 時令海鮮拼盤 美國安格斯牛就冇得任食 其他各式丸子 餃子 炸物 蔬菜 麵條 同埋其他美食等等全部任叫首先揀咗招牌鮑魚麻辣雞煲 可以揀辣度 我地就叫左微辣 鮑魚大大隻 下邊仲有勁多雞 好嫩滑 麻辣湯底夠辣夠惹味 鍾意食辣唔可以錯過！食完雞煲可以再order湯底打邊爐 我哋就叫咗芫荽皮蛋湯芫荽味好香清清地幾好味！重點推介安格斯牛！脂肪分布均勻 牛味突出！呢個海鮮拼盤都相當架勢 應有盡有 海鮮新鮮！最後梗係要食甜品 紅豆雜果涼粉刨冰

呢間位於旺角既火水爐打邊爐其實已經一早知好耐,賣點係走懷舊風格,今日就搵埋小胖女去刷返餐黎到一望上門口就已經見到個好醒目既招牌,各式唔同樣既復古野放哂出黎,真係唔食都黎望下當然我地唔係為左睇先黎啦,食野最緊要,由於早早已經有BOOK位,即送一個鮑魚雞煲未黎雞煲前都有小食醫下肚先,另外全場汽水任飲,火鍋料任叫任食(部份除外),雞煲話咁快就到,份量超多,鮑魚岩岩好每人一隻,味道唔錯,夠哂入味,小弟覺得辣D會更好味食到一半就開始落ORDER 準備打邊爐啦,基本上係任食既情況下,咩肥牛阿,海鮮阿,都會叫哂咁濟,食到最後叫埋大大碗什果涼粉冰就完滿結束啦,餐廳真係好好FEEL,復古味好正,都係個句,唔食都黎睇下望下

通常個個人去火水爐都係食邊爐，但我就試咗佢地個下午茶，西多士就見得多啦，阿華田脆脆西多見過未呢，真係聽見都吸引呀西多士外脆內軟，加埋舊肥美嘅牛油，甜而不膩嘅糖漿，一個字 正。再加上中間夾層係阿華田醬，濃郁嘅華田味入侵口腔，面頭嘅阿華田脆脆，增加咗脆口嘅口感，令西多士食落更加多層次，唔落糖漿都夠甜，但身為甜食控係唔會放過任何食甜嘅機會。下午茶成日食得咁普普通通食嚟食去個幾味又Dry，偶爾食餐高熱量嘅放縱吓自己，真係幾享受。

上次到訪火水爐時聽經理說餐廳會有點調整，今次即管看看有什麼不同。來到餐廳，感覺生意好了。服務生依舊甄勤，快快加開了一張枱安排我們入座。坐下不久，服務生便為我們安排雞煲及小食，他們動作非常迅速，令餓得非常的我們非常滿意。小食和上次一樣，炸魚旦很彈牙入味。和上次不同的，是上次以小食送上的醬汁鮑魚，現在放進雞煲內一起煮。服務生純熟地攪拌鮑魚、雞件及配料，這次還加了計時器計時，非常專業。我比較喜歡這個鮑魚與雞件一起煮的做法，醬汁只是微微掛在鮑魚上，已經非常入味。雞煲依然出色，雞件切成較大件的，肉又厚又滑。加上大量洋葱及芫茜等配料，配合稀稠適中的醬汁，讓雞件非常惹味。火鍋的安排有些變動，以往餐廳自動奉上所有配料一份，現在改由客人在點餐紙上點選，減少浪費之餘又減價(之前好像是308一位，現在只是268)，安排值得大讚。我們點了沙嗲拼芫茜湯底，湯料十足。沙嗲一邊的豆卜有點多，吃不完又有點擋著食物，我們最後都撈起了雖然減價，但食物依然足料和新鮮。海鮮盤是自動送上的，其他都是我們點選的食物，點著點著點了一大堆，今晚又準備大開食界了牛一看便知夠新鮮，塊塊鮮紅，肥瘦均勻。魚有點泥味，我倆都不太喜歡。蝦和蜆都

未入嚟已經俾佢嘅風格深深吸引咗5/60年代嘅霓虹燈招牌，格仔地板，牆身嘅廣告設計，一檯一凳都散發住懷舊嘅氣息而且佢呢度唔係淨係得門面個樣，入到去入面，餐廳一直播住懷舊嘅歌，碗筷都好特別，可以話係裝扮得毫無破綻，抵讚一坐底冇耐就有餐前小食，魚蛋燒賣都好有香港特色，魚蛋有陳皮味然後我哋叫嘅雞煲就嚟到啦，個店員好貼心咁話叫我哋等5分鐘，完咗佢會過嚟幫我哋整然後真係係枱面放咗個計時器，與此同時我哋就可以睇住張點菜紙再觀察一下店舖環境，有好多details位做得好仔細，好似坐緊大排檔咁，廁所度門都掩飾得好好，唔講唔知有toilet時間夠，店員幫我哋炒下個雞煲，之後等我哋食完又主動問我哋仲要唔要食完雞煲當係前菜，戲肉就係打邊爐西班牙黑毛豬好靚，切得好薄之餘，食落肉質幼滑唔會鞋安格斯牛肉都好靚，有雪花嘅紋理，稍稍淥兩淥就熟，真係火鍋必選叫咗個娃娃菜，切開得唔會太散，夾起上嚟幾方便而且娃娃菜好吸味，索哂成個湯嘅精華，好好食

夜晚係旺角搵嘢食，煙廠街附近有好多好嘢食，俾呢間好sharp嘅招牌吸引咗，就入咗嚟入到嚟佢就叫我哋混醬，都係港式火鍋嘅醬汁配料，豉油就係自己檯嘩個雞煲認真一流！本身嘅醬汁好濃稠，滾住咁打好香每件雞件都好入味，加上入面本身有嘅洋蔥同蒜頭粒，想唔清哂都唔得湯底叫咗芫茜皮蛋湯，好多芫茜十分下火之後就上咗呢個超具型海鮮拼盤，幾多選擇，又有唔同種類海鮮，都幾新鮮冇咩沙啲丸類全部放係一碟，有粟米貢丸，墨汁墨魚丸，龍蝦沙律包，餃子，百頁豆腐，豬皮，芋絲特別推介粟米貢丸，雖然冇冬菇，但有好多粟米粒，成粒都好甜，肉質又夠彈牙百頁豆腐同豬皮都好索湯，淥完質地仲係好滑安格斯牛肉好靚，雪花好靚，肉質彈牙因為呢個唔使加錢任食，所以叫咗好多碟炸魚皮好薄，新鮮夠脆，就咁食都好好食皇帝菜都幾靚，臨尾食埋蔬菜真係完滿結束，食到好飽

話說成日泥呢邊食糖水，次次經過都俾佢既裝修所吸引住，我好鐘意呢類懷舊野。一直都想入去食野試試佢。但次次我都係食完飯先經過呢到😂終於有機會收工同朋友係果頭搵食，去到門口好多人等緊同係門口影相拍照留念我都無執輸影埋一份，沿路上樓梯都有啲舊式既影畫海報做裝飾，上到去影入眼簾既擺設裝修果然無令失望，好鬼正，任何角落都搵到5、6、70年代既野，摺枱，火水爐，收音機，打字機形形色色各種各樣都有。好鐘意！一坐定，服務員就已經問我地雞煲要大中小辣，我地要左中辣，等既中途仲有任食小食係陳皮魚旦同炸燒賣呢。巧巧痴！上雞嗱，味道惹味夠辣，啲汁入哂落雞入面，又無鞋口且大件雞。洋蔥搗耐左入哂味最好食，而且每位一人一隻鮑魚，爽而不un食到咁上下，服務員見我地7788問我地要咩湯，我地揀左推介既沙嗲湯同清湯。打邊爐既配料選擇亦很多，一般配料必備既都有不得不說既係沙嗲湯底超好味，自己煮既沙嗲加入花生醬香而濃，煮烏冬公仔麵同樣出色最後仲有甜品，涼粉什果紅豆碎冰作結尾！好有台灣刨冰feel。大滿足不得不說既係要讚下啲員工，個個都好好禮貌，換碟各樣自動自覺。讚揚！整體來說不論食物，裝修同服務都好滿意！

今次係我第二次過黎呢度食再返黎食因為覺得呢度d邊爐有返咁上下先會再黎食！不過上次新開張黎食冇咁多人今次閒日星期四黎，bk左8點半都要等左成半個鐘先入到，所以要食真係要bk定位先！人頭擁擁而我都幾鐘意佢入面既裝修，行懷舊路線，d回憶返哂黎而我今次就叫左個半任食海鮮火鍋餐同上次一樣，都係用雞煲+火鍋既形式去食！今次雞煲仲送左兩隻飽魚，差唔多有成隻手掌咁大雞味濃亦算滑溜，份量都算多！食完雞煲都差唔多飽左一半😂呢度火鍋配料大約有幾十樣揀，而我對呢間牛既印象都幾好，鮮澤紅潤，肥肉既比例唔錯，入口鮮嫩，我自己都加左單好幾次黎食！海鮮幾新鮮，份量正常，不過海鮮冇得任食上次食沙嗲湯底，今次試麻辣一開始都食得到，但佢d麻辣愈煲愈麻愈辣，好刺激😂之後頂唔純都要加返d湯中和下，不過係好食！係食完哂所有野後，佢有一個特色既甜品做點綴冬天打邊爐，呢間值得推介，係我會再過黎食既鋪頭🙊

早前在網上見到雜誌介紹過有一間特色火水爐火鍋店，约朋友一早就打去預約，與朋友開心 gathering任食安格斯牛海鮮連加一，每人約$300在門口已經見到呢到的懷舊裝修，有個售票處，真係好特別！還在樓梯旁邊貼八十年代感的海報，又一影相位上到樓上就會見到好多的火水爐，同懷舊的枱凳，每一樣物品，都特別懷舊飲品任飲，還送上小食 —— 炸魚蛋燒賣，我就諗起以前讀書時，好鍾意食的炸陳皮魚旦，真令人懷念秘製鮑魚雞煲雞煲可以選辣度，我們order 微辣，雞煲十分香口雞肉和鲍魚好入味好嫩滑！十分惹味招牌特濃沙嗲鍋食完雞煲可以再order湯底打邊爐，沙嗲鍋湯底十分濃郁，沙嗲味香濃，用來煮牛肉，變成『沙嗲安格斯牛』十分美味重點推介『安格斯牛』帶鮮紅有油花而且脂肪同肉平均，肉味香濃，想不到任食火鍋牛肉質素如此高盤海鮮拼盤海鮮拼盤只上一次，按人數有蝦、蜆、蠔、脆鯇片！海鮮十分新鮮鮮甜而且其他火鍋配料有安格斯牛、牛柏業、魷魚、雲吞、炸魚皮、響鈴......紅豆雜果涼粉刨冰最後還送上甜品，紅豆雜果涼粉刨冰