渝味曉宇重慶老火鍋 (創紀之城五期) (已結業)

今日去左觀塘嘅apm，見呢間川味麻辣火鍋店好似幾正咁就同朋友去食個午餐。首先蝦滑就叫左半份，口感幾爽口。我個人就幾鍾意海鮮，所以就叫左鱔片同埋珊瑚蚌，鱔好肥美啱曬我胃口，而珊瑚蚌就唔可以煮太耐，如果唔係就唔夠爽同鮮啦。曉宇嫩牛肉係呢度好出名嘅菜式之一，口感果然好嫩滑，而且牛味都好濃郁。我朋友就幾鍾意食餃，所以韭菜豬肉水餃同鮮蝦餛飩就啱曬佢，我個人就覺得韭菜豬肉水餃好香同惹味。總括而言，呢度環境十分優美，而且服務同食物嘅水準都係一流。

已經唔記得幾耐無去深圳食重慶火鍋了, 真係好吊癮丫, 今日有同事同我一樣好想食辣野, 佢提意早少少蛇出去APM 食個間渝味曉宇, 我頭也不回咁狗衝出去啦~ 去到原來都幾FULL 下, (真係有咁多人LUNCH 打邊爐囉) 不過好彩都有個靚靚卡位, 坐底先俾個雪耳糖水潤潤先準備一陣狂辣派對, 我地點咗一個午市二套餐$398 再散叫咗其他肉肉, 因為同事都幾大食下, D野到哂先發現原來個套餐原來好鬼足料, 兩個人絕對夠食架, 真係死火啦, 我地叫得大多了, 首先要讚下佢個重慶麻辣湯底真係好香, 又夠新, 食材好新鮮,必叫係黑栢葉, 好少地方有得食, 好爽口, 結論: 係APM咁方便, 一定會經常去, 咁扺食, 正

假日就係要外出搵好野食既時候渝味曉宇係apm 開左新分店，睇到menu選擇眼花繚亂，又勾起左我想打邊爐既心啦🥢假日關係，加上食肆禁晚市堂食，三點半左右已經有人潮排隊等位約半小時後，店員安排梳化卡位比我地坐位位置闊敞，店鋪既裝修亦比人有種休閒既格調▫️店家會為每份食客附上小圍裙，方便進食充滿紅油既重慶火鍋，好貼心既準備💖▫️火鍋配料選項設計同樣貼心，設有一份/半份，價格亦合理▫️於點餐紙上有溫馨提示每種食材最合適煮成時間可因應自己口味調制火鍋醬油，餐廳亦都為每枱食客準備計時器，方便計時⌛️🩸老規矩，一半是辣湯，另一半是不辣的溫馨提示：餐廳最近做promotion，湯底免費🆓▫️普通辣大紅鍋：後勁凌厲既湯底，重麻，有些微嗆喉▫️大骨滋補鍋：正正常常的豬骨湯底曉宇苕粉 (半份 $29)火鍋必點，吸哂湯汁後煙煙韌韌，好味～🦆鴨血 (半份 $42)鴨血好嫩，煮熟後仍然飽滿多汁，加埋重慶湯底既味道，好惹味🐮曉宇嫩牛肉 （半份 $42）牛肉切比較厚身，但滾起後仍然嫩滑juicy，牛味重，價錢上好抵食，一定要order🎋竹笙  ( 半份 $32 )脆嫩爽口，火鍋必點🦑手打墨魚滑 ( 半份 $46 )打到起哂膠既墨

今日天氣凍凍吔，中午和朋友到渝味曉宇食火鍋，暖暖身。這裡環境舒適，明亮潔淨。在疫情下，餐廳將杯碟高溫消毒，讓 客人食得安心。午市二人套餐$398，包湯底、飲品。份量足夠兩個人食。坐下先來一碗雪耳紅棗糖水，滋潤喉嚨。鴛鴦湯底麻辣湯辣味香濃，配肉最啱。奶白色豬骨湯，味道濃郁，有超甜粟米、紅蘿蔔等。珊瑚蚌色澤鮮紅，新鮮爽脆。嚟到曉宇必點鴨血，鴨血吸滿湯精華，嫩滑飆汁。竹筒墨魚滑，爽口彈牙黃牛牛肚寬大薄身，用冰盛載，放在紅湯灼幾吓，入口帶有韌性脆。四寶丸有豬肉丸、牛丸、蝦丸、墨魚丸，粒粒彈牙爽口。另加安格斯牛肉，入口嫩滑，肉味濃郁。餐後甜品紅糖滋粑，口感煙煙韌韌。

本身都鍾意食麻辣火鍋，但最近限咗二人一檯，都好少出街打邊爐。今日同朋友行過APM，見到呢度原來開咗間食四川火鍋嘅新餐廳，一於一齊試吓。呢度採用自助落單 ，scan QR code就ok ，都幾方便衛生。而且每款食物都可以叫半份，啱晒少人數去食。一場嚟到點可以唔食麻辣鍋呢，另外就叫多個豬骨湯底，湯底有免費優惠，慳返唔少。見呢度有十大推薦，朋友想試黃喉、牛心椗同鵝腸，我就叫咗手打蝦滑同手打四寶丸、豬肉貢菜滑。每款食物都好新鮮，首推蝦滑，好多蝦肉粒粒，非常彈牙。豬肉貢菜滑都好得意，貢菜有少少似菜莆，但就更加爽口，夾埋豬肉打成滑，真係好特別，未試過喺其他地方食到。桂花蚌同鵝腸夠晒鮮嫩，而且鵝腸唔會好肥，應該有去過啲脂肪，所以入口好清爽，而且食得出好新鮮，一定要試。黃喉同牛心椗就有少少相似，不過一個豬一個牛，黃喉就比較博新食落好脆，牛心定就有少少似軟骨咁，不過兩者都係唔可以煮太耐，如果唔係就會老。另外我哋都叫咗少少蔬菜，例如海帶同手工萵筍片，萵筍切得好薄而且擺到好似花咁，真係好有心機，而且食落都幾鮮甜，幾好味。兩個人埋單都唔算太貴，而且環境都OK，好適合同朋友一齊食下野，傾吓計咁。

臨近過年今日咁岩同阿媽一齊去辦年貨辦年貨之前梗係要食飽個肚先有力shopping 㗎喇。好耐冇食麻辣火鍋，啱見到呢間渝味曉宇，竟然喺APM呢度都有分店，正呀喂，咁近我，第時經過都可以再嚟食！地方環境都幾舒服，座位都幾闊落，而且抽風系統做得唔錯，一入到去唔會好大陣火鍋味。午市而家做緊優惠，有免費嘅湯底，我哋就揀咗鴛鴦鍋，麻辣拼大骨湯底。再簡簡單單嗌個二人套餐，價錢都係$398，包咗好多款呢度嘅特色食品，例如麻辣火鍋絕對唔少得嘅鴨血同埋毛肚，桂花蚌、鮮黃喉、鵝腸等等，再加埋一啲蔬菜同飲品，其實都幾夠飽。不過為食嘅我哋再加咗個重慶炸酥肉同大刀牛肝。非常推薦呢度嘅鴨血同埋大刀牛肝，鴨血嫩滑得嚟，吸收晒麻辣湯底嘅味道，真係好惹味！大刀牛肝上面有一隻鵪鶉蛋，撈勻佢再淥，令牛肝更加香滑，而且切得好薄，口感好爽口。毛肚、鮮黃喉都好好食，非常爽脆，上面仲好細心插咗張紙牌仔，提示我哋每樣食材應該要煮大概幾多秒，枱面亦都有個計時器，夠晒方便貼心！不過食到咁上下真係好辣，雖然叫咗普通辣度，但估唔到越滾越辣。點解係一坐低嘅時候送上左一碗紅棗銀耳羹，估唔到解辣都幾work。最後食埋個紅糖糍粑，炸得好香口，咬落煙韌

呢間麻辣火鍋之前已經試過好正😍，而家apm都開左新分店當然要同朋友去食番個川味午餐啦🥳。。湯底：香菜皮蛋湯x麻辣鍋（普通辣）食左咁多次香菜皮蛋湯依然係我嘅最愛❤️，再配埋麻辣湯底就好夾。。黑豚腩肉（一份）腩肉配麻辣湯底一流水準🔥，每片肉都非常肥美🤤。。重慶炸酥肉（半份）作為呢度嘅必點菜式之一當然要試一試😙，加左少少花椒食落更有一番風味😆。。自製洛神花茶（一渣）我地食食下都覺得幾辣所以就叫左成渣洛神花茶🤣，自製嘅洛神花茶味道甘甜，而且仲幾解辣添💕。。紅糖糍粑（半份）最後嘅甜品都好滿足😋，口感一流🥳。

今日同朋友行街街經過見到原來渝味曉宇開左喺商場入面仲要午市免湯底我同朋友即刻黎試試！我地揀左個二人套餐再另加左啲小食同配菜😂😂其實個套餐都好多野食不過我地又好想食佢個重慶炸酥肉🤤炸酥肉微辣細細粒，一口一粒食唔停㗎😂我地另加左四寶丸好彈牙！肉味好濃仲有油炸鬼用黎沾湯食好正！竹笙又係超吸湯！但又有少少爽口口感，好好味！套裝入面嘅食物都好正由肉類到菜蔬都有跟住佢俾嘅時間去淥可保留返肉質，更好味！最尾食埋紅糖糍粑解解辣～煙韌好味！記得叫佢糍粑要後上呀！新鮮熱辣先好味㗎！

二人限聚令下，午市最佳選擇？緊係打邊爐啦 同個熟客仔約食飯，官塘APM絕對係一百分嘅地點兩條友仔都係大食鬼，唔係大曬鬼，所以叫到一枱都係嘢食 不過其實啲份量唔係太多，所以睇落好似「九大鬼」咁，但其實唔係話太多嘢睇落好辣嘅九宮格，開頭食唔會太辣，但愈滾會愈出味，所以會愈食愈辣，建議可以先食咗菜先，咁啲菜會無咁油同辣開胃前菜，甜咗少少菜菜好新鮮～ 蘿蔔好甜，又無渣，窩筍片好薄，雖然新鮮，料靚但太薄無乜咬口，唔啱我心水個海帶片，到底係我食唔慣定佢問題呢？我覺得有少少草青味，接受唔到鴨血，好實淨，唔會滾到散開一泡泡咁黑柏葉，唔夠牛什舖果啲咁爽口，但都可以，索咗啲辣湯之後好正珊瑚蚌，超爽爽呀 不過真係要用個「撈」嚟淥，唔係縮一縮，都唔知去咗邊午餐肉，幾夠油香，但嫌略太淋身，唔夠咬口 個滑牛都好靚，就算淥過龍，都唔會話鞋立垃咁，又有牛味美國大大隻珍寶蠔，淥完都唔會縮到變蠔屎呀，又香又甜又好味，唔會有陣臭腥味黃喉，真係好推薦朋友食，口感爽，索左麻辣火鍋個味，真係好好食，又唔會吸油不能不吃嘅羊肉片，麻辣火鍋必備魚片，啱晒我呢啲唔識食魚吐骨嘅女人墨魚滑，口感好有咬口，唔會太粉，夠哂起膠，誠意之作一餐完美

知道APM新開了渝味曉喻、忍不住又去吃麻辣火鍋！現推出$398二人lunch set 有好多野食、包湯底、飲品。一坐下就送上冰糖雪耳、滋潤一下。麻辣鍋拼大骨滋補湯、奶白色的湯底以豬骨蘿蔔煲、感覺有層骨膠原～ 普通辣的紅湯香氣四溢、較溫和的麻辣啱我～每次吃麻辣鍋超級期待的鴨血～稻田毛肚用上黃牛毛肚、薄身大片、快燙十秒就可以撈起、口感爽脆帶韌性！美國安格斯肥牛 油脂分佈均勻、肉味濃郁而且十分嫩滑嫩牛肉口感更軟～午餐肉是高質的那種、打邊爐好好吃！墨魚滑爽口彈牙淥三十秒就吃到的桂花蚌爽口美味跟餐有爽脆的篙筍和鮮菜藍充分吸引湯底精華的竹笙、是我火鍋必點！仲有紅糖滋粑作甜品、煙煙韌韌的。不得不提這分店的食具全經高溫消毒、乾淨衛生食得放心～而且店員都很有禮貌、值得一讚！

見喺APM新開無耐就去試食。一入到座位店員就遞咗碗糖水俾我哋，而且仲要幾好食添😂入到去叫咗個$398嘅兩人午市套餐見佢有個羊肉湯係期間限定所以就加咗羊肉湯。湯底整體來講都唔錯湯入面起碼有四舊羊肉，味道幾好係有啲煮到有啲老。佢嘅材料都幾新鮮，係個份量真係有啲少，一男一女食，仲要加多幾碟餸，先夠飽啱啱好全部清晒。推介好食😋👉🏻嫩牛肉，牛肚，萵筍飲品叫咗杯羅漢果，幾清新唔錯最後埋單七百幾蚊，午市來講算係貴。同普通嘅火鍋店冇乜分別，係佢嗰個麻辣整體來講都幾好，可以嘗試

最近知道渝味喺觀塘開咗分店，即刻嚟咗食！個人好鍾意食麻辣火鍋！呢度有午市二人套餐$398，都包咗好多嘢食，足夠二人份量，但我哋都係加咗鵝腸、黃喉同凍豆腐。麻辣鍋拼皮蛋香菜鍋。珊瑚蚌、嫩牛肉，輕輕滾佢30秒就可以食， 兩樣都好爽口！麻辣火鍋又點可以少得紅糖糍粑，不過午市套餐就冇得揀後上。紅糖夠多好好食！田園菜腩包左生菜西洋菜同皇帝菜，另外仲有萵筍，個人第一次食，食落有啲椰子味，感覺幾得意！套餐都包左鴨血同午餐肉，個人鍾意飯滷咗嘅鴨血多啲。午餐肉就火鍋必食！特別推介手打蝦滑，好彈牙！鵝腸同黃喉都係麻辣鍋必食嘅，索左啲辣湯，好惹味！兩者都係滾10秒就食得！凍豆腐，一份都有10件，索湯一流！

知道apm 新開左渝味曉宇今日襯放假帶埋最愛食辣嘅媽媽一齊去試試見到佢地特登spare一個窩用熱水淥下杯具感覺特別安心！當我地坐低左揀緊食乜好嘅時候侍應送上每位一份糖水感覺都幾潤！我地揀左精選午市二人套餐配鴛鴦窩超多野食，好豐富！由海鮮肉食蔬菜麵食到甜品都有！掃碼落單，感覺都好方便！點單之後，好快就送上窩底同食材擺到成枱都滿晒好彩每枱仲有架餐車可以擺放食材大部材食材都好好咁會寫清楚煮食時間配合枱上有嘅計時器咁就唔會煮得過熟喇！好多都好好味嫩牛肉比肥牛更嫩滑，更香牛味毛肚好爽，但唔會韌，記得跟推薦時間淥呀！萵荀有特別香味，爽身，正！麻辣窩雖然好多辣椒但唔會太辣而豬骨窩煮過嘅食物都入味我同媽媽都食到好飽！呢個套餐好抵！而家午市仲免左湯底添呀！

原來觀塘APM 5樓都有渝味曉宇分店，位置好方便，趁今日放假，同朋友嚟食鴛鴦火鍋。每人首先有碗紅棗雪耳糖水，暖暖哋，好滋潤。午市鴛鴦火鍋底免費，我哋要咗重慶普通辣同大骨滋補湯。見到普通辣都有好多辣油同埋辣椒仔喺入面，聞落超香，啱晒我呢啲鍾意食辣嘅人。大骨滋補湯就比較清淡，有豬骨、粟米蘿蔔係入面，都幾鮮甜。首先嗌咗半份重慶耗兒魚，有兩條魚，都算幾大，肉質爽口鮮甜，鍾意食魚嘅，不妨嗌呢個嚟試吓。然後係紐西蘭精品羊肉，因為次次打邊爐都食牛肉或者豬肉，真係有啲厭，所以決定係羊肉試吓。羊肉好好味，唔會太膻，同個麻辣湯底好夾。八頭鮮鮑半份有兩隻，都幾大隻，食落幾新鮮。不過唔知係咪淥得太耐所以有少少難咬。桂花蚌同珊瑚蚌都好好味，睇個樣就知好新鮮，食落好爽口同鮮甜，一定要試。蝦滑同墨魚滑都好新鮮，唔會有腥味，爽口又彈牙。最後嗌咗娃娃菜一份，夠新鮮，份量都幾多。我估其他蔬菜同菇類應該都好新鮮，下次都可以試吓。

之前食過渝味曉宇嘅灣仔分店，呢排天氣咁凍，又好想再食多次，今次就同朋友去咗觀塘APM呢間分店，位置真係好方便。同上次一樣，店員每人俾咗碗紅棗雪耳糖水，記得夏天食嗰陣，糖水係凍嘅，原來冬天就會俾暖暖哋嘅糖水，真係好貼心。火鍋湯底方面，我哋都係嗌咗鴛鴦火鍋底，重慶普通辣就梗㗎啦，另一款就決定試大骨滋補湯。普通辣真係超香口，食過返尋味。大骨滋補湯好清甜，有一舊大豬骨同埋粟米蘿蔔，都好啱淥菜同蝦滑嗰啲。八頭鮮鮑半份半份有兩隻，賣相唔錯，每隻大概有半個手掌咁大，食落好新鮮。不過我哋可能淥得過耐，所以有少少韌。如果大家去食，記得要跟足佢建議嘅時間。紐西蘭精品羊肉半份因為上次食過好正，所以一路都諗住要再食多次。佢嘅羊肉真係好出色，羊味好香又唔膻，用辣湯底淥真係好惹味。重慶耗兒魚半份睇見個名覺得幾得意，於是就決定嗌半份試吓。半份都有兩條魚，都算幾大條，睇落好新鮮。淥15分鐘就食得，肉質鮮甜，骨唔算多，啱晒唔鍾意多魚骨嘅人。桂花蚌一份桂花蚌依然好有水準，一入口就知道好新鮮，食落好爽口同鮮甜，真係每次必點嘅餸。珊瑚蚌半份之前試過桂花蚌覺得好食，所以今次就決定試埋佢嘅珊瑚蚌，果然冇令我哋失望，鮮甜好味。手打