渝味曉宇重慶老火鍋 (創紀之城五期) (已結業)

生酮飲食就唔可以打邊爐？？？咁你就錯啦，其實生酮飲食都可以有好多選擇㗎😆渝味曉宇就出左生酮火鍋，岩哂進行緊生酮飲食既朋友仔，就算唔係進行生酮飲食嘅朋友都可以食㗎😍入咗冇耐，職員就送上冰糖紅棗雪耳糖水，第一次喺食嘢之前食糖水🤣食咗糖水再打邊爐就唔會咁熱氣啦😎餐廳提供左三款生酮湯底，皮蛋香菜鍋、山珍菌湯鍋、養生花膠雞鍋，我就揀咗最後兩款做鴛鴦鍋，花膠雞鍋選用三黃雞、花膠、鮮蟲草花、杞子及鶏湯等餚製，雞肉肉質嫩滑，皮脆骨軟，湯底味道鮮甜，菌湯有不同品種嘅菇，淡淡的好清香。渝味曉宇好貼心，為生酮人士提供生酮調味料，調配湯底用生酮雞粉，仲提供生酮醬油，我試咗兩款醬油嘅分別，生酮醬油比較鹹。如果想飽肚啲，可以食海帶麵，以海帶製成既麵條主要都係纖維，接近零卡，口感爽脆，夠哂健康菜單紙上面每一樣食物旁邊都有寫建議煮熟時間，仲有埋計時器⌛️，啱晒我哋呢啲冇咩時間概念嘅人生酮特飲我地揀左青檸梳打、生酮雜莓梳打，兩杯都用左生酮糖作為代用糖，所以都屬於無糖飲品黎架😜最後一定要食甜品，紅糖糍粑同紅糖冰粉一定唔少得，為呢一餐畫上一個完美嘅句號

店員服務好，有效率一坐底，店員就遞上茶水同糖水，店員話糖水暖下身，都幾貼心嘅服務環境乾淨企理，湯底味道符合香港人口味大大杯特飲，真係食到飽，飲到飽。不過普通辣湯底越滾越咸

渝味曉宇今日同一個好耐無見嘅朋友👭👭食飯，我第一眼見到佢嘅時候嚇左我一條。因乜解救，佢突然瘦左咁多。佢同我講原來佢用緊生酮飲食🍽🍽去減肥。佢得知渝味曉宇推出左生酮火鍋🍲🍲🍲。佢都話想試下久違打邊爐🍲🍲嘅感覺。湯底選擇方便。火鍋店🍲🍲非常貼心地有分生酮湯底同非生酮湯底比大家選擇。鴛鴦湯底係以每位去計算。$38一位。我哋今次係生酮湯底選擇左養生花膠雞湯🐥🐥，而非生酮湯底就揀左重慶辣大紅鍋🌶🌶🌶。餐前糖水係紅棗雪耳🥣🥣，飲落好清。紅棗味道好出。唔會話一味得個死甜。我地點左🐑🐑羊肉卷，羊肉味🐑🐑好出，而且唔會一陣騷味，即使唔多食羊嘅我都接受到。鵝腸非常新鮮，咬落爽口彈牙👅👅。毛肚出面嘅火好鍋店比較少。所以一定要點，食落好爽。牛🐮🐮🐮小排，牛味香濃，肉質層次分明。乾貢菜食落口感好特別，食落好爽口。鮮蝦🦐🦐肉質新鮮，口感實淨。海帶麵🍜🍜🍜，烚出嚟嘅口感好似粉絲，但又未到粉絲咁淋，帶少少煙韌。最貼心嘅係每碟配料上面，都會有張紙仔教你圾幾多分鐘🕑🕑，咁就唔使擔心食物烚得過熟而影響口感。整體朋友相當滿意呢一餐，既可以滿足佢生酮飲食減肥，亦可以滿足佢為食嘅心理。可以話一舉兩得。

幾正，一坐低有甜品送。開下胃先。野飲超巨型，非常驚喜。初頭以為會飲唔晒，原來好需要咁大！🤣🤣叫咗個set，一人鍋，一邊麻辣，一邊莞芫茜皮蛋。麻辣夠香，夠曬辣椒籽。芫茜係驚艷，因為d芫茜好新鮮好香，其他地方少有咁香嘅。好豐富！尤其係兩隻蝦係最好味的。大隻，超新鮮，有膏！！我以為要再加菜，原來食完呢度都幾飽了。重點係呢支香油我以前去四川成都打邊爐，default 就係香油加大量蒽響碗低咁食，沒有醬油。係呢度，真係可以有返果隻四川味！百零蚊，幾唔錯。

好似好耐冇打邊爐啦🍲所以最近就去咗觀塘呢間—— @xiaoyu_hotpot 渝味曉宇重慶老火鍋，之前都有食過，不過今次好特別，係<渝味曉宇 X 生酮達人唐貝詩 Keto火鍋> 首創既生酮火鍋呀🤩 習慣生酮飲食嘅朋友咁就可以一個火鍋共「酮」瘦住擦餐勁👍🏻因為呢個火鍋係巧妙咁運用咗生酮飲食嘅知識同經驗，配合埋「渝味曉宇」嘅精選食材，創造出令人驚喜又健康嘅生酮火鍋套餐💕._.🌟｜湯底｜🌟🐥養生花膠雞鍋（生酮） + 🌶普通辣大紅鍋「渝味曉宇重慶老火鍋」特設鴛鴦鍋底，除咗生酮湯底外，另一邊就可以揀麻辣湯底🌶滿足大家嘅口味👍🏻養生花膠雞鍋材料好足，花膠同雞件都算多，而湯底比較清淡💛而另一邊就想刺激啲，揀咗普通辣大紅鍋，呢個就香辣得好過癮🥵·🌟｜火鍋料｜🌟·🐂美國Prime牛小排火鍋又點少得肥牛，牛味香濃，肉質腍身·🦐手打蝦滑最愛食蝦滑，我火鍋必點嘅嘅一款食物·🐚桂花蚌有提示碌30秒就食得，香甜爽口·🪸鮮活海蟶火鍋又點少得海鮮，好新鮮，size都算大隻，碌完之後都冇縮水，鮮味十足·🐦鮮鵝腸口感好特別，好爽口·🐚珊瑚蚌有提示碌30秒就食得，香甜爽口，平時火鍋我都會點黎食·🐂 滕椒牛舌

其實我真係好鍾意食辣野尤其係麻辣火鍋🍲但係要係香港搵麻辣火鍋一係唔夠正宗一係就貴到飛起但係今次食呢間就真係價錢公道而且味道都十分好用料都上乘👍🏻👍🏻👍🏻今日專登嚟食午市套餐外賣得大杯嘢飲都大概係$600埋單都仲有超多款嘢食基本上次次都食唔晒所以真係覺得超抵😆首先就叫做鴛鴦湯底當然就係麻辣湯底同埋豬骨湯底豬骨湯底會跟埋一大舊豬骨放落去麻辣湯底煮一煮食都係另一番風味😋呢度每一道食物都會話俾你知建議煮用時間係幾耐等你唔會overcook可以食到食材最新鮮嘅味道😚桂花蚌新鮮 唔腥 彈牙👍🏻牛肚大大塊 不過得幾塊🐂但係都好新鮮 建議唔好煮太耐如果唔係會好韌鴨血普通鴨血 都有6舊吸哂麻辣湯汁都係好入味蝦滑爽口彈牙🦐完全唔會咬落就散晒 十分出色另外都值得講嘅就係甜品紅糖糍粑真係好好食好煙靭 😍紅糖同黃豆粉都俾得好足夠糍粑都炸得剛剛好 唔會好油整體來講都真係覺得十分抵食同埋唔同分店個分別都唔大建議食午市套餐因為晚市應該會相對貴啲

店面裝修唔錯俾人感覺好衛生。但係抽風個系統好似有少少奇怪好似抽唔到啲味道上去咁。一開始呢就會俾茶你飲嘅調味料呢就喺側邊，十分方便。我點嘅套餐係$98，1人火鍋。成個套餐奉送汽水一罐。由於我唔係食牛所以我就叫咗黑豚腩肉。喺打邊爐之前佢仲會送碗糖水俾你飲咗先。由於係一人邊爐。所以就冇用到個電磁爐，轉咗做gas爐。呢度留意番鴛鴦鍋係唔使加錢，所以我就專登去試佢個麻辣火鍋。唔試唔知道真係好辣。實在太勁，佢會辣到個人個嘴腫咗。冇乜鹹味我只係食到辣味。份量非常之足料，佢附送嘅嗰個麵我係食唔晒。黑豚腩肉不過不失，但係硬係覺得汽水配火鍋就會怪怪地。總體來講係性價比之選，有齊肉同菜之餘鴛鴦鍋唔使加錢。

一直都喜歡麻辣火鍋一直都喜歡渝味曉宇今日第一次來觀塘分店餐牌和尖沙咀的一模一樣不同的是今天和另一位朋友(生意客人)吓！他鍾意香菜(芫荽)新鮮蔬菜又揀咗皇帝菜仲點咗鮮魚標見到都覺得腥呢啲係打死我都唔會食嘅嘢湯底有芫荽我真係頂唔順純粹個人口味有麻辣就OK啦我最鍾意嘅豬腰片真係又鮮又甜口感一流嫩滑牛肉 醃製過的超正珊瑚蚌新鮮爽脆 必點然後第一次食熟鵪鶉蛋竟然同麻辣係絕佳配搭以後又多樣選擇爽脆黃喉 好多人好鍾意我就真係麻麻哋好似咬一塊膠定一張紙Anyway 冇點到我最鍾意嘅午餐肉同芝士腸下次同自己友去補返

疫情期間同朋友想食火鍋, 都會擔心衞生問題, 最近發現呢間火鍋店午市有一人鍋套餐, 而且只係$98起, 決定一試! 餐廳環境舒服, 好多卡位。每枱旁邊都會有架車放咗壺茶、湯、調味同紙巾, 自助方便。湯底四選二, 估唔到一人鍋都可以做到鴛鴦湯底😍有齊辣, 唔辣同重口味嘅芫茜湯底! 套餐肉類有齊豬牛羊選擇, 最意想不到嘅係原來會有埋其他海鮮、丸類、蔬菜配料。主食揀咗坊間比較少有嘅魚麵, 彈牙可口。食麻辣湯底嘅朋友就揀咗苕粉, 煙煙韌韌。整體嚟緊, 一人套餐價錢經濟實惠, 選擇多夠彈性, 啱晒唔同口味嘅朋友, 一定會再光顧👍🏻

當晚同朋友試吓嚟依間，因本身同朋友都好鍾意打邊爐，而且大家又食得辣，再加上見好多朋友都推介依間，所以一直都想試。店內裝修唔錯，侍應都好有禮貌。我哋叫咗雙拼鴛鴦鍋 (普通辣大紅鍋、蕃茄湯鍋)、現炸豆皮、麻辣牛肉、牛骨髓、肥牛、鮮魚膘、曉宇嫩牛肉、自製洛神花茶、檸檬茶。確實食物非常正，本身個湯底已經好得。嫩牛肉真係好嫩滑，入口即溶。現炸豆皮一出場已經好吸精，個賣相好掂。牛骨髓嘅口感都幾好，好滑。鮮魚膘個口感都特別。但麻辣牛肉就實在太辣了，真係頂唔到。飲品方面，好大杯，超抵。各方面我都覺得好得，所以我應該會encore。

渝味曉宇重慶老火鍋原本唸住自己一個人去打邊爐，咁啱同事都一個人食野，可以一齊食晏。我覺得店舖非常貼心，準備咗圍裙俾食客使用，唔怕整污糟件衫，而且座位非常闊及舒適。鴛鴦鍋底🍲我地揀左山珍菌鍋🍄及麻辣重慶辣🌶山珍菌鍋雖然沒有麻辣咁重口味，但菌的味道濃郁;而麻辣重慶辣，好香好濃，一個字---正。配料質素不錯，十分新鮮。我地叫左羊肉片🐏，薄得黎，嫰滑無羶味。手打香菜牛肉滑🐂，牛味香濃同香菜好夾。最特別係亁貢菜，大部分其他火鍋店冇提供，可以試一試。

開始凍凍地，lunch都可以食火鍋！好正！正宗重慶火鍋風味！午市套餐都好抵食，選擇都幾多！叫左一個2人套餐，加少少野～有特色食品，有菜有肉！食材都好新鮮，分量又足！3個女仔都食到好飽！好鐘意佢個9宮格！ 好地道啊

可能近做冬又近聖誕啦比之前多咗啲人都感覺到Staff好忙碌今次點左麻辣鍋拼蕃茄鍋其實食物都OK嘅我哋都滿意係一開始Staff忘記比甜品我哋啦不過同佢哋問返佢哋都有講唔好意思補返俾我哋係問佢拎湯羹時發現有條面喺裏面我哋就頓時呆咗一呆囉因為之前黎都覺得佢衛生情況幾好冇諗住會發生呢種事不過要一讚係佢上菜都上得幾快

講到食正宗重慶火鍋，渝味曉宇係舌尖上的中國推薦嘅重慶火鍋，上得央視好似好巴閉😂😂一於食下試下有冇咁大魅力啦！大部份菜式都有一份同半份叫，跟據返個人喜好選擇，下面介紹有星星嘅係推薦必叫🥸🍴任選湯底 $38 一位 (大骨滋補鍋+重慶辣大紅鍋)大骨滋補鍋有兩大舊骨，粟米，紅蘿白，紅棗，湯底幾清嘅，而重慶辣大紅鍋，超級香辣，但冇乜麻嘅感覺，越食越辣😂真係食得辣先好叫！🍴⭐️稻田毛肚 $118 一份 (8/10)超級爽脆，冇異味，煮完會細咗好多。🍴鮮黃喉 $108 一份 (7/10)完全冇味，靠個湯調味，都係非常爽脆。🍴⭐️鮮鵝腸 $118 一份 (9/10)超級爽脆，冇異味，好好食！🍴牛骨髓 $89 一份 (6/10)完全冇味，靠個湯調味，口感好淋身，一般。🍴鴨血 $79 一份 (7/10)煮完都係超嫩滑，好食！🍴⭐️曉宇嫩牛肉 $82 一份 (10/10)超級鍾意嫩牛肉，大大片，食落有牛味，鮮肉口感，同安格斯手切牛唔同，係另一種風味。🍴⭐️黑豚腩肉 $82 一份 (9/10)意料之外好食，好濃豬肉嘅香味，食落完全唔膩！🍴⭐️凍豆腐 $29 一份 (9/10)真心凍豆腐吸湯一流，質感似蜂巢豆腐，比較鞋

真係忍唔住要讚下呢間店 平時自己一個人係午餐時間出去食飯 周圍都要等位 見一個人有啲店仲會吾樂意接待 呢間就吾同 又吾洗等 服務又主動就算見我一個人 店員都好主動介紹優惠感覺都幾親切 食物都幾高質👍🏼一定會再次去食