渝味曉宇重慶老火鍋 (創紀之城五期) (已結業)

晏晝去食都幾抵👍🏽有套餐 湯底又免費中午唔算好多人 入到去帶位帶我去坐梳化位又主動介紹 唔同優惠 😹第一次去食 印象幾好因為我鴛鴦兩邊都選擇清湯 叫咗店員幫我落單 佢哋都好快手 叫咗嘢食五分鐘就到哂我都幾肚餓 個爐好勁啲嘢好快熟 食咗一個鐘頭多啲 就已經食晒 好飽呢間火鍋店真係 幾高質 服務又好👍🏽👍🏽👍🏽

是日想食下辣野刺激下個味覺揀左呢間麻辣火煱之前食過其他分店都幾好點左~麻辣拼菌鍋菌鍋係第一次食飲左啖湯偏清淡既裡面有唔同種類既菇菌之前試過大骨湯個人就鍾意骨湯多D好濃味好香~窩筍片片得好薄刀功一流呀薄薄地好快淋索晒湯好正呀~豬腰半份呢個比較少見本人又鍾意食不過口感麻麻地好似....怪怪的~竹笙一份/ 凍豆腐半份呢個又係索湯好啱無得輸~鮑魚半份見係期間限定佢話浸30秒就OK我地擔心太少時間自行再浸耐D可能真係過左火好似有少少UN呀

講起重慶麻辣火鍋一定係上過舌尖上的中國既渝味曉宇今次黎到apm 5樓食重慶火鍋一坐底就有碗welcome drink,係紅棗雪耳糖水糖水上台熱辣辣，起轉凍天氣飲落好暖胃同埋食辣野前墊下個胃湯底揀左鴛鴦鍋，擔心佢麻辣湯底太辣到時可以轉食竹菌鍋麻辣揀左小辣，可能為遷就香港人嘅口味唔太辣一入口就似譚仔10小辣，去到後期都係3小辣我下次應該會叫辣D另外食麻辣火鍋會叫既毛肚同埋黃喉呢間好可惜咁唔太新鮮，我7上8下煮熟既毛肚已經太靭我以為我煮得太耐再試煮少d,都係太靭但其他火鍋料都正常，特別推薦乾貢菜好少起香港食到呢樣

呢間野，味道，環境，食物質素都好。食過唔同分店， 荃灣，銅鑼灣分店都食過， 食品上菜好快， 服務員都算有禮貌，枱與枱之間既距離好夠，燈光又暗，就算食辣，食到身水身汗都唔會覺得好尷尬。今日黎食， 雖然唔算食好多野， 但人均都叫有400蚊。我同女朋友今日好肚餓，所以食得好快，唔夠一個鐘就食曬d野。服務員都好快就收走我地枱面所有吉碟。 我見枱面壼熱茶飲曬，想叫服務員加熱水，但見佢地應該好忙， 既然係錦，都打算離開出去，去買野飲就算，但下一刻，竟然有個男同事放低張單叫我地埋單。即係我食完野就要即刻離開還枱，比你繼續做生意？你當你係快餐？？我比幾百蚊出黎食野，食完無耐用餐時間重有成半個鐘就要比你趕？ 我自己食野食得快就代表要早d還枱比你？？？？

中午和同事lunch ，唔洗等位，食物係幾好食既，好正宗，食物選擇多，亦夠辣！我差唔多將整個manual 既食品都叫咗一次，都係食咗$1400 幾，我覺得價錢ok, 但係帶位員同店員都一般，無乜禮貌，我想要多對筷子要叫3次（叫唔同店員）先囉到！個個都當聽唔到！一個答應咗但最少等左15分鐘，後來要再叫另一位店員囉，呢個價位嘅食店，收費同服務不成正比！不過公平啲，係有1-2個店員有禮貌嘅！除咗味道之外，座位同服務都係一個重點。牛肉滑（半份）$48竹笙（1份）$48午餐肉(1份）$48紅糖慈粑 （半份）$38麻辣牛肉 （半份）$48美國牛小排 （1份有8片）$238 一般我會再去，希望服務有所改善。

唸住晚市時間7pm食火煱，去到等幾張枱，等到我的時候，門口reception一定要我地用安心出行，如果唔係就要再排飛等過等２區，但拎飛果時從來冇提過講過，咁我問佢，如果C區咁可以坐到幾點，佢話冇關係都係粒半中要起身走，我話又唔係可以跟規定可以去午夜12點，咁DL黎做乜，另外打邊爐嚟講粒半鐘時間真係太短，而家仲要又唔係放題，咁樣真係唔需要幫襯

中秋當晚去了apm,發現多咗間火鍋店，當然去試下啦，味道同服務都唔錯，唯獨半份肥牛份量太少，問過侍應，話跟重量出，但我覺得4小塊的肥牛真的唔抵食。其他硬件同服務幾好，可以一試。

一家人去觀塘游完水後，行去APM見到這間重慶老火鍋店，疲倦的身體即刻要想叉叉電😄一坐低餐廳就送來每人一碗雪耳紅棗糖水，好滋潤叫了鴛鴦火鍋湯底（$152)一邊是超級辣湯一邊是山珍菌湯，好大盆點了鮮牛肉（$88)肉質真的很不同，鮮牛肉又香又滑又厚肉，牛小排（$128)薄薄一片也不錯！還點了半份羊肉片（$58)羊肉有驚喜，好香又有咬感。之後點了香葉（$28)烏冬（$48)竹笙（$28)枝竹（$28)還有迷你燕餃（$28)細細粒十分有咬感。手打墨魚滑（$48)小朋友至愛。環境好舒服又闊落。適合一家大細來的火煱店，叫了買一送一的啤酒，（$58)這啤酒入口好滑，解辣好幫手

兩個月內去過不少於3次，可見有幾鍾意呢間火鍋😄原本以為香港人未到無辣不歡嘅地步，佢度唔會好爆，大把位可以坐，點知…………係我狹隘喇每次去食都係鴛鴦鍋底，其中一半必須重慶麻辣，另外一半就睇自己心情喇。豬骨頭，真菌鍋底都OK。褒貶嘅係食客，喝彩嘅係過客……先踩再讚。食火鍋食材新鮮之外，佐料好唔好都係一個幾重要的因素。佢度嘅調料的份量同埋款式都唔係好夠，冇炸蒜，芫茜同服務員要先有，其他的醬料亦都唔算豐富。雖然重慶火鍋的調料只需要蒜泥和芝麻油，但另外一半唔辣的鍋底都係粵式打邊爐嘅款式。唔要忽略食唔到辣嘅婦女和兒童啊🤨再嚟讚下：食材都唔錯！可以要半份，就算人少都可以叫多幾樣試下味道。滿足咗食客嘅味蕾，又免得浪費，仲可以慳返啲錢（暴露咗窮人嘅本質😂）我個人鍾意麻辣牛肉，大刀腰片，豬腦。呢三個算係成都&重慶火鍋嘅經典老三樣喇，每次都會嗌一大份。其他的內臟，譬如黃喉，鵝腸亦都可以試下，嗌半份。重慶火鍋在當地完全稱不上係陽春白雪嘅高大上嘅存在，都是平頭百姓，下里巴人嘅日常烹調方式，所以食物用料嘅精髓就係內臟，雜碎，邊邊角角嘅地方。食飯期間有一個稍稍讓人皺嗮眉頭嘅瞬間：由於張檯上嘅調味料唔係好豐富，就會同

食麻辣火鍋最緊要就係個湯式，佢既湯底我覺得很不錯，淥肉既話可以唔點醬食都好味一黎到仲有碗糖水食添，感覺好窩心佢有普通辣同重慶辣，我地問侍應佢話唔係食開辣既就唔好揀重慶辣，所以我地都係揀普通的雖然價錢有d貴，但食物既質素都好好，個人非常推薦食重慶酥炸肉，當小食食都好味，淥的話佢吸哂d湯汁非常好味

見過地鐵廣告牌多次，好似好吸引，上網search過唔少分店的食評都話好味同正宗，所以想試好耐。趁去開apm 又有消費券，仲要唔洗點等位咪試囉！叫了鴛鴦湯底，未開餐，這裡2人1孩份量的湯底連茶已先要174元。大骨湯唔錯，辣湯只點普通，感覺味道算正宗，只沒想到越滾越辣，中途全家已放棄辣那邊。食物新鮮，但份量少得可憐，半份的肉食，只有3至5片，素以為會多些，怎料雜菜籃4種菜，每種1株都無，只幾塊葉，而炸豆皮只有3片，唯一似樣就是杯48元的檸檬茶，真的有2人量。最奇怪係仲有大半小時，有個男侍應走來又唔出聲，靜靜搞個爐，以為佢調整火喉。誰知原來係熄火。當時枱上仲有3碟野未烚呀！真係o晒咀，搞咩呀？啲野貴同量少都算，話晒味唔錯，偶然一次倘可接受，但客未食完又未夠鐘，無啦啦熄人個爐，真係唔知想點囉？雖然之後好意外咁忽然送了4碗冰粉予我們，但應該不會再來，因一家3口連加一吃了過仟都沒怎覺飽，這個價位應該有更多更好的選擇。

在渝味曉宇火鍋吃過3次了，個人覺得是在香港難得好吃的火鍋店。除了價格較貴以外，沒什麼其他缺點。環境挺好，座位較為寬敞，光線適中比較舒服的用餐環境。服務員態度也ok，有圍裙防止湯汁濺到衣服上，餐前有一碗小甜品。點餐是自助掃碼點單，第一次使用時詢問服務員，有耐心教怎麼使用。底鍋我地選的是普通麻辣和骨湯，辣度適中，有辣香。鍋底沸騰速度比較快，食物可以可以很快熟。食物質量還不錯，牛肉相對選擇比較少，建議添加多一些不同牛肉的選擇。在香港吃那麼多家火鍋，尼間係個人比較推薦的一家重慶火鍋店。

星期六去到apm如果唔係想同人迫嘅話呢度係一個幾好選擇 座位都唔算迫所以而家疫情來講都係幾安全，可以安心進食。兩個人食咗十幾碟野到其實都唔係好誇張因為佢好多樣都可以半份半份咁叫，所以份量幾好。最後兩個人都係總共78x幾蚊。仲已經包左我哋兩個人都有叫啤酒飲。唯一美中不足嘅就係佢嘅期間限定蟶子，有沙。喺座位側邊有壺湯可以隨時加，所以喺打邊爐嘅時候真係好方便，唔使下下叫職員加。呢間嘢，下次放假可encore

一人四人, 其中二位年過八十, 一位年過七十, 吃了一個二人午市套餐, 再加四款簡單菜肉, 埋單要九百有多, 不便宜啊！ 以後都係星期一至五才再來好點！ 招呼和味道尚可, 環境也乾淨.

知道apm開左呢間標明重慶辣的火煱！當然要約埋嗜辣的朋友一齊嚟食啦！見到餐牌上重慶辣有三隻辣椒，大家都驚辣得過分，所以冇叫佢個九宮格重慶辣，而叫左個鴛鴦鍋，另一邊依然係重慶辣！食物方面可以叫半份 或 全份，咁就方便我哋女仔可以每樣都叫，每樣試少少！呢度有好多出面火煱未必有嘅食物，例如：豬腦、魚標、牛扣……..等等等等重慶大辣都唔算好辣，嗜辣朋友一定接受到，整體食物質素係好食的！仲可以叫半份就啱哂我哋幾個女仔喇！一於下次再嚟呢度