榮哥廚房私房菜

營業中

休息中

父親節快到，所以開始尋覓新的地方跟爸爸慶祝。爸爸是傳統的人，只喜歡中菜、最愛海鮮，但普通中菜又好像沒有什麼特別，找著找著就找到榮哥私房菜，見之前的食評不錯，就一行十人去試試。 確認訂枱後就從whatsapp收到了本月菜單，需先預訂菜式及付訂金，以便準備食物。看了覺得預設菜單選擇少，所以決定散點，可以多試幾個菜式! 因人多，而家散點是例牌的份量，我們幾乎點了menu上每一個菜。 脆皮豆腐滷水鴨舌開煲菜 亂炒王 藍龍蝦湯煮 / 上湯龍蝦煮椒鹽鮮魷 盤龍鱔 黑毛豬叉燒 清湯蝴蝶腩 茶王燻雞 手撕雞 脆皮牛仔腩 配咖哩 海斑爆米泡飯 奄仔蟹粥 P.S 原本還點了九轉豬大腸，但付責人稱最近沒有供貨，與豬大腸無緣。 服務實在有待改善 - 訂枱是7pm, 當日下午5點幾通知我所訂的4 隻藍龍蝦的其中一隻質素不太好，建議我轉普通龍蝦，這一點我是appreciate的。 - 菜單上其實還有上湯浸時蔬，當天到達餐廳，他們已將印好的菜單放桌上，並著我們double check，我已即時告知付責人漏左，而他亦回應廚房的菜單是有的，著我放心，但最後上湯浸時蔬沒有出現過。 - 分海斑爆米泡飯的小姐好似第一天

每年令我最花心思同最頭痛的日子就是媽咪生日大日子去那裏食晚餐慶祝生日好！！上次試過榮哥廚房私房菜令我至今還念念不忙, 媽咪是比較傳統, 喜愛食中菜, 所以今次選擇這裏為媽咪慶祝生日兼可滿足自己的食欲！！一舉兩得！！首先上枱是有機沙律菜拌芝麻醬~蔬菜甘嫰清甜, 新鲜脆口, 配上濃濃的芝麻醬, 胃口大開！涼拌黑木耳~麻油味充满口腔, 黑木耳柔軟爽脆！岩鹽花枝豆~脆脆的, 口感出色！最令我心動的菜式~茶燻流心蛋伴黑魚子醬配厚切茄子~茶燻流心蛋有淡淡燻香味, 口感軟滑如綿, 柔軟有致, 加上黑魚子醬真是相得益彰; 厚切炸茄子不膩之餘, 令整個菜式口感更豐富精彩, 更交織出複合味道, 質感和清新三重口感, 配搭完美！！原盅燉哈蜜瓜螺頭黑毛豚肉湯同原盅燉姬松茸淮山燉甘荀黑毛豚肉湯~飲落清甜, 好滋補, 並且鎖住湯料鮮甜精華, 做法極細致, 叫人回味！！蝦水芙蓉~蝦肉爽口又鮮味, 蒸蛋如綿细滑, 食後滿嘴充滿蛋香！兩者清新怡人相映成趣！！蒜香芝士焗老外蠔王~蠔王確實大隻, 鮮甜多汁, 蠔面舖滿香濃蒜蓉加芝士, 食味更添層次, 提升了鮮與甜, 甚有驚喜！！士多啤梨豚肉伴草莓~入口酸酸甜甜, 開胃之作,

老公放工話好累，想係屋企附近食但又想食好啲我好好，即刻book台做到嘢book咗呢間係觀塘工業區（近住地鐵站，唔洗行好遠）裡面嘅「私房菜」同我darling撐檯腳。中式小菜館格局，ok 啦，冷氣有d大，不過好過唔夠冷氣。最重要都係食物同服務。私房菜有度好就係唔洗諗食乜，有人serve正1）前菜：茶燻流心蛋伴黑魚子醬配厚切茄子：暖暖的流心蛋，邊個唔鍾意！黑魚子令菜色更高檔！厚切茄子配呢個特別黑色調味汁，勁多配料係入面，有蔥蒜芹菜⋯超惹味！涼拌黑木耳：調味剛剛好，酸妹妹，好開胃岩鹽枝豆：鹹鹹地，唔會太硬，好容易取出豆豆有機沙律菜伴芝麻醬：極爽脆，芝麻醬好惹味2）原盅燉哈密瓜螺頭黑毛豚肉湯：超級熱！好香！個湯好清澈，係一盅靚燉湯！甜甜地，加埋肉味鹹香原盅燉川貝陳皮海底椰鱷魚肉湯：呢個湯濃啲，肉味同藥材balance得好好👍🏻好滋補！3）蝦球水芙蓉：個名同碟餸一樣咁靚，一人一碟唔洗爭，又唔怕夾夾吓跌咗～ 大大粒蝦球又滑又爽黃色汁配碟底的蛋白滑lulu～ 正！4）士多啤梨豚肉伴草莓：豬肉有少少肥，所以好香好諗好好味，我本身好鍾意咕嚕肉，呢個無炸，少咗油膩感，更加正！個汁都好味，所以碟餸有舊脆卜卜

今天工作超忙, 真係要食返D好味東西黎補償返, 所以又黎搵榮哥啦精心配.伴二人餐($348/位)有機沙律菜伴芝麻醬, 捲起一卷容易食, 口感爽脆多汁, 配埋芝麻汁就係一道用筷子食嘅沙律!另外2款前菜有涼伴黑木耳, 口感爽口, 多食木耳都對身體有益; 岩鹽花枝豆, 外皮少少咸, 內裏豆子甜!呢客茶燻流心蛋伴黑魚子醬配厚切茄子, 不單外型靚, 流心蛋呈流心狀態, 蛋黃汁味濃; 下面個厚切茄子先油泡, 外脆內軟, 最緊要係個黑魚子醬汁, 濃味惹味, 夾無味茄子就加添好多分數!黎呢度食飯, 對於佢嘅燉湯係相當期待架今晚有2款 : 原盅燉川貝陳皮海底椰魚肉湯, 簡直岩晒呢輪係咁咳嘅我, 原盅滿滿湯料, 味道清中帶甜, 雖則有川貝, 但一D都唔苦, 正呀!原盅燉鮮土茯苓鑽地老鼠黑毛豬, 土伏苓能清熱解濕毒；鑽地老鼠能去痰火 , 岩晒呢排落雨天及夜訓嘅人飲, 飲完個人都無咁累啦, 味道一D都唔難入口, 反而飲到甜味, 又唔會油膩, 成盅清晒!呢客好似畫咁靚嘅係蝦球水芙蓉, 滑溜蒸蛋上有個爽口大蝦球, 一爽一滑, 清清地都幾好!蒜香芝士焗老外蠔王 - 老外蠔王即係來路貨, 果然品種唔同都零舍大隻, 以

朋友推介觀塘一向好多嘢食位於工業大廈上面，今次走去試吓私房菜，正值我哋有四個人可以試多啲嘢食。餐廳環境好大，一出電梯已經見到招牌Banner，位置容易搵。裝修以木為主，座位大多數以圓枱設計，適合一大班朋友，如果兩個人更加有二人枱提供。店員服務親切，隨即俾咗一壺茶水我哋，同埋向我們介紹私房菜推介小菜。有機沙律菜伴芝麻醬蔬菜好新鮮，食落去好爽口鮮味，撈埋芝麻醬一齊食，味覺多重享受。另外仲有涼拌黑木耳同埋岩鹽花枝豆。燉湯有兩款，朋友揀選左原盅燉川貝陳皮海底椰鱷魚肉湯，我就要原盅燉哈密瓜螺頭黑毛豚肉湯。平時就咁食哈密瓜當水果咁食，真係好少喺湯入面食到哈密瓜，估唔到味道都一樣鮮甜美味，哈密瓜同埋螺肉質感好林，食落去好軟熟。茶薰流心蛋伴黑魚子醬配厚切茄子賣相非常吸引，雖然都好好食，但係我比較鍾意遠年新會陳皮骨。驟眼睇陳皮骨賣相已經非常滋味，食落去外脆內軟，而且半肥瘦，食落去肉質鮮嫩之餘，味道仲好Match。仲有蝦水芙蓉、生猛海班可以兩吃，包括首先係黑松露醬炒斑球同埋明梅醬燘頭腩。魚湯浸碧綠溫室菜苗飲一啖魚湯試吓一啲都唔腥，而且好鮮甜，魚味道非常濃郁，菜苗爽口冇喳，而且好入味。最後有荷葉蒜蓉海斑片原

又係觀塘食好西時間！今次試下食「榮哥廚房私房菜」，慰勞下自己！地點好方便，地鐵站天橋位一落，幾步就到。當日落大雨，因而無濕曬對腳。裝修唔算華麗奢侈，不過整潔舒適，空間感足夠，唔會太嘈太迫。叫左個二人餐，人頭$348，另有加一。坐低好快就有店員送上頭盤，祭祭五臟廟先！花枝豆唔係好識欣賞，唔腥，略帶甜味。木耳就非本人所喜，不過依碟木耳夠冰涼、又有麻香同微微酒味，爽口清脆，令我改觀。沙律就非常出色，極級鮮嫩爽口，完全無苦澀味，用青瓜綑住成為一口沙律既設計亦非常有創意同方便！黑魚子醬味道似燒汁，但味道更加提鮮，流心蛋同茄子點住醬食，非常醒胃。到盅湯上檯，燉湯可謂水準之上，湯水清澈，但鮮味十足，啖啖湯都有肉汁精華，做得好過好多高級酒家酒樓！十個讚！蝦球水芙蓉都係招牌菜，黃色芡汁味道偏淡，食唔到咩味。汁下有蒸蛋，滑溜香口。蝦球不用說，爽口彈口，非常新鮮！焗蠔都係必食！芝士唔係西式濃厚膩溜款式，但仍然香氣撲鼻，而且加左孜然粉，超級邪惡！火喉焗得剛剛好，蠔身仍有好多肉汁，口感類似桶蠔。陳皮骨都幾有驚喜，食落有濃厚香甜味，微微帶酸，同豬肉味道非常相襯。碟菜就新鮮翠綠，此外無咩特別之處，不過魚湯好鮮甜，想

我一向都係鍾意食中菜嘅私房菜，今次四個人就去到觀塘嘅工廈上面，搜尋私房菜美食。見到做緊＄338一位，套餐入面有10樣餸菜，一份甜品，都幾豐富。首先就來一些餐前小吃，包括有機沙律菜伴芝麻醬、涼拌黑木耳同埋岩鹽花枝豆，呢幾款小食酸酸甜甜嘅味道，食落去好開胃。女士們一向鍾意滋補湯水，正好每人有一盅原汁原味嘅燉湯。原盅燉川貝陳皮海底椰鱷魚肉湯，見到入面非常足料，湯好鮮甜，鱷魚肉肉質鮮嫩，好香嘅海底椰陳皮味道。茶薰流心蛋伴黑魚子醬配厚切茄子🍆，茄子揸到香脆可口，食落去入面非常林，軟綿綿嘅口感，再配以半生熟嘅流心蛋，兩者味道非常match。除此之外，仲有蝦水芙蓉同埋遠年新會陳皮骨。當中嘅生猛海班可以兩吃，首先係黑松露醬炒斑球，黑松露味道濃郁，而且斑球好大件，一啲都唔腥，仲好入味添。另外，明梅醬燘頭腩簡直香味濃郁，就算係頭腩，魚肉都比較多，骨比較少。最後食魚湯浸碧綠溫室菜苗清一清腸胃。如果唔夠飽，仲有荷葉蒜蓉海斑片原籠蒸鴛鴦飯，飯香四溢，好香嘅荷葉味道。甜品就係水果，包括火龍果粒、西瓜粒同埋提子🍇，食完真係非常滿足同埋飽肚。

榮哥朋友相聚約好去觀塘食私房菜，預訂了套餐一收工就即刻上去啦，餐廳唔算太多枱空間闊落，特別隔開左一張大枱，多人的話可以訂大枱，私人度感覺立即提升。前菜有機沙律菜伴芝麻醬，個人喜歡食芝麻醬，配沙律當然不錯。茶燻流心蛋伴黑魚子醬厚切茄子都幾特別，外面好少食到，茄子厚但食落去唔硬，賣相同味道都幾好。原盅燉姫松茸淮山甘荀黑毛豚肉湯/哈蜜瓜螺頭黑毛豚肉湯，兩個湯都好足料，姫松茸好好食。魚湯有機時令鮮蔬，魚湯鮮甜入味，外出食飯一樣可以食好健康既菜架！農坊獨頭糖心黑蒜炒飯，黑蒜拉麵我就食得多，炒飯都係第一次，食落又係另一番味道喔。

朋友帶我到觀塘工廠區食私房菜，非常期待！6:45到達，座位上已擺放了印有朋友名字的是日菜單，誠意十足。餐前小食有涼拌黑木耳，岩鹽花枝豆，茶燻流心蛋伴黑魚子醬配厚切茄子及有機沙律菜伴芝麻醬，流心蛋口感豐富，味道難忘，值得一試！燉湯有原盅燉姬松茸淮山燉甘筍黑毛豚肉湯，湯料多，湯甜味濃，另一盅是原盅燉鮮土茯苓鑽地老鼠黑毛豚肉湯，清甜好味，不能錯過！主菜有精美可口的蝦球水芙蓉，原以為是蒸蛋，原來是豆腐加蛋汁，蝦鮮肉爽！另外有士多啤梨豚肉伴草莓，香煎北海道帶子海中寶及金銀蒜香有機時令蔬菜，荷香蒜蓉海斑片原龍蒸鴛鴦飯，均是水準之作！最後還有時令甜品(水果拼盤）。是晚收費是800多元，有殷勤的侍應， 豐富的食材，用心的烹調，誠意的安排，可謂難忘的一晚。

觀塘區既私房菜,,,,大大話話都試過好幾間~呢一間榮哥我真心覺得做得幾出色*「榮哥私房菜」主打新派粤式Fusion菜....除左味道之外, 食物賣相仲好精緻**o岩哂我呢D相機食先既人!!!o係openrice訂左枱, 一坐低就已經可以起菜喇!!仔細一睇, menu仲有我個名**好warm呀!!首先上枱既係3款前菜, 有機沙律菜拌芝麻醬, 岩鹽花枝豆, 涼拌黑木耳~沙律菜用左店家自家種既水耕菜, 超新鮮~涼拌黑木耳清脆爽口, 好香麻油味,,,枝豆用左岩鹽花提味, 食起上泥更加滋味**茶燻流心蛋伴黑魚子醬配厚切茄子軟滑既蛋白, 一夾落去, 半熟既蛋黃流出~配埋珍貴既黑魚子醬, 一齊放入口, 更添鮮味!!!蝦球水芙蓉面層係超大舊既蝦肉, 鋪上炸薑絲...橙色, 黃色, 綠色既配搭, 賣相好吸睛~蝦肉爽實彈牙~下層係嫰滑到一個點既蛋白!!呢個水芙蓉真係無得挑剔呀**士多啤梨豚肉伴草莓 一上枱已經聞到超香既士多啤梨味,,,,醬汁掛滿整塊豚肉, 唔會過甜, 又唔痴牙!!豚肉底仲有一舊米通, 米通沾上草莓汁, 香甜好味~蒜香極佳級PRIME牛仔柳用上高品質既PRIME牛仔柳, 肉質軟淋~夠哂鑊氣*

入座後，先上茶及開胃菜、有涼伴黑木耳、岩鹽花枝豆及有機沙律菜伴芝麻醬。跟住有茶燻流心蛋配厚茄子，茄子是䁔的，而醬汁甜甜地，服務員上菜時話係伴黑魚子醬。每位有原盅燉湯，我飲了哈蜜瓜螺頭黑毛豚肉湯，原汁原味，而且好甜，係咪因為哈蜜瓜，都係第一次飲。蝦球水芙蓉，蝦又大隻又彈牙。水芙蓉勁滑。蒜香芝士焗蠔王，芝士味勁濃，蠔又大隻，薯蓉放入芝士汁一起食，熱熱地勁好味。新會陳皮骨，真是有濃濃的陳皮味，肉質又松。魚湯時菜及海斑片原籠蒸駌鴦飯，斑片有好香蒜蓉味，而且厚肉又滑。最後時令水果，西瓜多汁、菠蘿又甜。今晩餐飯好満足，餸菜全是熱辣辣，服務又好，應該係私房菜優點。

地點算方便就係觀塘地鐵站D4出口一出就係入口了！上到去餐廳覺得地方空間感幾好唔會話坐得好迫咁訂位時經已訂好餐食，過了一會前菜就上了，首先上枱的是有機沙律菜伴芝麻醬，芝麻醬都幾香入口有甜甜的味道，另外仲有涼伴黑木耳及岩鹽花枝豆都唔錯架！之後上枱來了一個放得幾靚既菜，茶燻流心蛋伴黑魚子醬配厚切茄子，放入口香香的茄子加上流心蛋都幾好味！飲返個靚湯先，原盅燉哈密瓜螺頭黑毛豚肉湯及原盅燉姬松茸淮山燉甘荀黑毛豚肉湯，這兩種湯的味道都很鮮甜多料！來緊第二道菜係蝦水芙蓉，在蒸蛋上放上一隻蝦，整得幾靚味道也不錯啊！士多啤梨黑豚肉排骨，加鍋巴賣相唔錯，味道香士多啤梨味甜的！海斑兩食分別係，黑松露醬炒斑破明梅醬燜頭腩，兩個菜整得幾香！魚湯有機時令鮮蔬農坊獨頭糖心黑蒜炒飯比較普通一點。最後有時令水果

見d食物賣相都唔差就同朋友來試試，來到眼見得幾枱估計唔使好耐就有美食品嚐，員工就好多，但廚房出餐既速度慢到呢，坐左3個鐘先出得晒所有食物，唔知仲以為去左食法國菜😤慢工出細貨我明，但出到既食物真係令人太失望囉！👎🏻👎🏻🤦🏻‍♀️蝦水芙蓉完全無味👎🏻士多啤梨黑豚排骨，9唔搭8配個鍋巴，一啖咬又散開，分開食又唔係👎🏻海斑兩吃，4個人得個幾粒真係算點呢？👎🏻其他食物都唔想提了，差！唯一叫好小小味道既係個湯，不過飲完之後我飲左成壺茶！以為好近地鐵好方便，點知走既時候10點鐘已鎖大廈門，要穿越兩期大廈停車場先搵到出路，細膽d都嚇餐懵。

今天同二位大佬級文人雅士飯聚一下，當然要選一間配得起兩位大人物的隱世名廚才貼題，首推是「榮哥廚房私房菜」，睇下獎座就明實力多高，基本佢地有套餐選擇，不過其實可以散點的，雖然會稍貴一點，不過可以併出個人口味的夢幻套餐，以下是小弟最愛的夢幻套餐組合。還好好友都一致好評，亦學習到不少有用智識。冰鎮爽口青酒飽魚 (慢煮昇級版)夢幻菜單前菜先來個飽魚 (飽魚打人牙骹軟)😏，青酒香味滲入飽魚中，因為慢煮，所以飽魚仍然軟嫩可口，醒一醒胃先。茶燻流心蛋伴黑魚子醬配厚切茄子 + 有機沙律菜伴芝麻醬有機沙律菜伴芝麻醬，基本已捲好像春卷，應該改名為「沙律菜卷」更貼切，味道剛好，清爽得來不會太淡，很開胃。再來是小弟必食三步曲之一「茶燻流心蛋伴黑魚子醬配厚切茄子」，茶燻流心蛋伴黑魚子醬很淡口，如果大家想加少少味，可以加一至二滴茄子汁，個汁絕對是主角，曾多次問店長能否只外賣茄子醬汁，但未得到結果，希望未來能夠在超市買到，配清淡的蔬菜類，絕對是一流。原盅燉哈密瓜螺頭黑毛豚肉湯是咁的，太好飲了，飲完才記得好似要拍照...... 😅因為有哈密瓜，所以非常清甜，火喉十足十，飲多幾盅都無問題，而是是一人一盅，可以每人選不同

人大左 好唔鍾意食自助餐放題⋯有時屋企人慶生飯都唔知食咩好🧐好自然選擇左私房菜！今次簡左榮哥 位於觀塘工廈 都幾易搵！我地14個人 點左海陸鮮味餐 $438一位🤓其實佢有好多可以選擇 同時佢會詢問你口味呀budget呀咁 幫你縮窄考慮範圍😙期待左流心蛋伴魚子醬好耐 點知唔太好食 😵反而蛋下面既厚切茄子🍆有驚喜😋其他野都不過不失 有機沙律菜好好食 好新鮮！係佢自家種的😋醬汁開胃😋燉湯真材實料 唔會係例水！菜式就略嫌無咩驚喜 但有住家飯既味道🤣