榮哥廚房私房菜

營業中

休息中

來到觀塘這間私房菜， 只離地鐵站1分鐘，10分方便。因為是平日，沒有太多人，餐廳還有還有輕音樂作背景， 10分舒適。廚師準備了個四人套餐，流心蛋厚切茄子 -流心蛋有煙燻本身帶點咸味， 厚切茄子10分好味，加上有點鹹的甜醬， 本身個茄子不知道加了什麼配料， 10分易入口好味。之後上了到湯蜜瓜螺頭黑毛豚肉湯， 再加陳皮海底椰鱷魚肉湯， 十分清甜。用料十足。飲完完全頸渴， 可以看得出沒有下味晶。再來是蝦球水芙蓉，賣相很吸引，晶瑩剔透的蛋黃再加大大粒嘅蝦，有彈性。芙蓉蛋上面有汁，香滑易入口。 另外上來的單蒜香PRIME牛仔柳， 牛仔柳很大塊， 上面鋪滿了蒜，很香。 之後來了海斑兩吃， 第一個是黑松露醬炒斑球， 第二個是明梅醬炆頭腩， 10分新鮮，因為斑球有咬口，然後加上黑松露和菇，很入味。 再來明梅醬，炸得有點香脆，帶點酸味，有少少像松子魚。吃到這裏已經7分飽， 最後一道菜是她鄉炒米粉，米粉10分幼細， 上面鋪了Parma ham. 十分有趣。最後水果拼盤， 份量也多。 很滿足。

私房菜唔係好多地方有，但竟然你可以在工廈搵到，唔講食物淨係講環境都有個好特別感覺，在工廈的私房菜都唔知得唔得，今次我就要抱住一時的心態去吃。先來張菜單，小食四蝶，涼拌黑木耳竟然有白色木耳爽脆，岩鹽花枝豆送酒應該唔錯，本地有機沙律這個菜非常特別因部分是食肆自已在店內種面真是清甜的 裡面還有少少芥辣味非常特别，煙燻流心蛋 配茄子流心蛋做到連蛋黃都有煙燻味道而且茄子軟軟地索汁。哈蜜瓜螺頭黑毛豬燉湯，第一次飲哈密瓜燉湯味道似椰子，湯很鮮美。蝦球水芙蓉蒸，蝦好似玻璃蝦一樣是亮點。蒜香芝士焗蠔，個鐵板真是好熱，生蠔非常肥美芝士很香。帶子蝦餅，蝦膠應該用新鮮蝦打的，所以非常鮮美釀落帶子上鮮上加鮮。魚湯時菜，菜汁在湯內非常入味。海斑紅白米蒸飯，班皮的魚鱗打得好乾淨，這個最值得欣賞。甜品是生果非常健康。味道: 出色環境: 企理衛生: 可以服務: 不錯抵食: 超值

今日跟朋友去搵食，去到工業中心一間餐廳食私房菜，估唔到非常有驚喜。整體而言，每款菜式食材都好新鮮，而且烹調同味道都唔錯，值得再去。我哋叫咗幾款前菜，其中涼拌木耳口感清爽，有黑白木耳，味道不過不失。 另一款前菜係溏心蛋配茄子。溏心效果做得唔錯，而上面加咗魚子醬，成件事高級好多，最有驚喜係溏心蛋經過煙燻，有種淡淡香味。平日自己好少煲湯，所以今次嗌左哈密瓜螺頭黑毛豚肉湯，補下身。 可能係加咗哈密瓜，湯頭非常清甜，而豚肉份量亦非常慷慨，煲過湯後仍能保持豚肉的味道和質感。蒜香芝士焗蠔賣相很吸引，蒜蓉香味不會蓋過芝士白汁的味道，而蠔肉很大隻，有鮮味。就算係焗蠔下面的薯蓉，一樣係好好食，我同朋友一刻愛上。今餐令人好滿足， 除咗食物，我亦好欣賞餐廳的上菜速度。基本上差不多吃完一道菜，先再奉上另一菜式，唔使食得好趕，或擔心食物變涼，係真正既品味食物。

今天在觀塘放工，約了吃貨朋友吃晚餐，搜尋之下發現觀塘也有私房菜，所以去嘗試一下。店內環境寬敞，亦有間開不同區域，讓我們吃飯之餘也有空間談天說地。因為我倆太貪吃，所以點了二人餐，希望每款菜也可吃到。有機沙律水耕菜拌芝麻醬賣相十分精緻，以青瓜薄片包著水耕菜，除了芝麻醬外，也吃到陣陣的芥末味道，但不會嗆喉。而旁邊有不同顏色的小蕃茄，吃著吃著發現加了柚子醋調味，十分開胃。茶燻溏心蛋伴魚子醬配厚切茄子 第一次吃燻過的溏心蛋，感覺很特別，有陣陣茶香，溏心效果很好。而下方的厚切茄子，伴著特調醬汁，很惹味。 茄子兩面有薄薄炸衣，奉上時還熱呼呼的，相信是即點即製。蝦球水芙蓉賣相精緻，蝦球爽口彈牙，水芙蓉原來是蒸蛋白，面層鋪上了甘筍汁，鹹香鹹香，有種令人忍不住一口接一口的吸引力。荷葉蒜蓉海斑片蒸紅白米飯曾經在酒樓吃過類似菜式，但這裏的蒸飯更有水準，份量十足。海斑片有兩大片，肉質有咬勁，魚皮厚身，感覺吃著滿滿的骨膠原。面頭 鋪了蔥和蒜蓉，而紅白米飯並沒有太多的調味 ，但這種原味道更引人入勝。其實套餐還包括了很多不同菜式，每款也是用心之作，但個人覺得以上幾道菜為我留下深刻印象，下次一定會再來，約朋友或家人聚會

私房菜的“時令甜品”竟然是生果拼盤😳有朋自遠方來本想帶佢食好dd…私房菜就算不是上等食材都會賣手工，點知上甜品時我O晒嘴…生果拼盤（菠蘿、火龍果、西瓜）唔係掛？？？冇誠意到一個點…甜品係一餐飯的結尾，理應令人感覺完滿。先唔好講佢之前的菜式如何，個結就令人覺得佢唔配叫私房菜！！！真心…冇 下 次😥

環境乾淨企理，套餐$568每位，食材新鮮味道好，不會太濃太咸，擺設精緻，可惜性價比低。最失敗是11吋避風塘瀨尿蝦，兩隻要$528,這兩隻瀨尿蝦好俾人虐待過，完全唔合比例，見到都想報警。五個人合共 $2912

7舊幾兩位食到高汁私房菜，抵! 老闆生日梗係要氹下佢開心，請佢食中式私房菜，佢不知幾雀躍，因為私房菜嘅感覺一般都係非常之高級，今晚就係嚟到喺觀塘非常近地鐵站、1分鐘距離嘅榮哥七百幾蚊兩位有四個前菜、兩個湯、四個主菜、再加甜品、淨係聽到呢個陣容已經有巴塞咁勁！哈密瓜螺頭黑毛豬臀肉湯,川貝陳皮海底椰鱷魚肉湯，用料十足！流心蛋配麥魚子醬蝦球，係必須po相IG之作水芙蓉香煎北海道帶子海中寶, 你當食緊一個好好好好味嘅高級蝦餅蒜香頂級牛仔樓，似食緊日式鐵板燒嗰啲薯片牛咁正Ending嚟埋荷香蒜蓉海斑片龍仔飯，我已經飽到食唔晒，仲可以免費打包比屋企人食！其實佢仲有啲更高級別嘅餐牌，下次我一定會再嚟!

觀塘工廈內卧虎藏龍，有水準的食肆和星級廚師，紛紛進駐。今晚來到觀塘工業中心三期的榮哥廚房私房菜。這裡地方不算太大，但頗為舒適，近門口種植有機蔬菜，令人眼前一亮。頭盤先來有機蔬菜沙律，薄薄的青瓜包裹著有機生菜，伴以鮮艷的車厘茄，配以芝麻醬，沙律爽甜醒胃。跟著是冰鎮清酒南非鮑魚，清酒的香，冶味而不奪鮑魚的鮮甜味，相當成功。原壺舞茸菇螺頭杞子黑毛䐁肉湯火候十足，配料徹底滲透湯內，以茶壺注入杯內飲用，頗有新意。全個迷你溫室南瓜炒北海道帶子鑊氣十足，外觀美麗，食材健康，甚有創意的菜式。慢煮西班牙黑毛豬粉嫩叉燒製作打破傳統一般造法，叉燒肥瘦均勻，鮮嫩香口，醬汁冶味不濃稠。吃過黑毛豬來個濃湯浸有機蔬菜相當適合，濃湯滲入菜內，非常鮮甜可口。最後來個鮑魚仔福建炒飯，材料豐富，炒飯色香味俱全，為這次私房菜劃上完美的句號。

觀塘有很多好餐廳，星期四下班就跟家人來試試私房菜。餐廳位置非常已找，一出港鐵站就看到那工業大廈，十分方便。有機沙律醬伴芝麻醬賣相精緻，用青瓜片卷成一棵棵菜。我們一進餐廳門就看見有自家種有機蔬菜，想必這裏的蔬菜一定很新鮮，果然蔬菜新鮮爽脆，芝麻醬香， 清新開胃。雙色墨魚仔店員介紹黑色的是麻油味，橙紅色的是士泰式士拉差醬。墨魚仔厚肉爽脆，可能是冰鎮過的。麻油味芝麻香，辣味非常惹味，兩種風味都好吃。茶燻流心蛋伴魚子醬厚切茄子一吃下去淡淡燻香味湧出，流心蛋白嫩蛋黃香。食完蛋再食厚切茄子，那惹味醬汁配軟綿綿厚切茄子好吃極了。原鼎海椰皇仔燉鷓鴣黑豚肉湯色澤清澈，不油。海椰皇仔清潤，螺頭肉清甜滋陰，鷓鴣和黑豚肉添上肉鮮味，總言之燉湯很甜。蝦球水芙蓉賣相漂亮，蛋白滑溜溜震騰騰，晶瑩剔透而且粉嫩的蝦球單是看見已流口水。蛋白嫩滑，玻璃汁清甜，蝦球爽口彈牙，菜式清淡但不乏味。脆皮牛仔藍配特製咖喱醬外層炸皮酥脆不肥膩，內裏牛坑腩非常軟稔，中間夾著入口即融充滿骨膠原的牛筋，沾上惹味少許辣的咖喱醬，很滋味。生猛海斑兩食- 黑松露炒斑球很夠鑊氣，端上枱就香氣撲鼻。斑球大大件，啖啖肉，肉質結實爽口，新鮮沒有魚腥味。厚

公公生日，媽媽提議食榮哥私房菜，呢次係全家人第一次食私房菜，Whatsapp訂枱時已經俾左menu我哋揀，前一日要俾每位$100訂金，我哋12個人，揀左特選海陸鮮味豐盛宴。頭盤: 本地有機水耕菜伴老陳醋麻花青瓜 + 涼拌黑木耳 + 雙色墨魚仔 + 茶燻流心蛋伴黑魚子醬配厚切茄子先講青瓜，一上枱已被呢個特別嘅造型吸引左，究竟點整到呢? 青瓜口感好爽，充滿麻油香，而水耕菜感覺好新鮮好爽。流心蛋伴黑魚子醬配厚切茄子都好好，真係有流心，茄子好juicy，配埋甜甜地嘅醬汁好夾﹗反而雙色墨魚仔就無咩特別。自選燉湯: 哈密瓜螺頭黑毛豚肉湯好足料，成個湯都好鮮甜，飲完成身暖笠笠。香煎北海道帶子海中寶似係將帶子釀入蝦肉丸，無乜特別。遠年新會陳皮骨第一次呢道菜，最鍾意佢每一啖都有陳皮香，肉質夠稔又唔會太多骨，大愛﹗原隻龍蝦開邊上湯煮 (每位半隻)肉質都算爽口，都幾入味，咁多隻龍蝦排開影相好震撼﹗黑松露醬炒花尾龍躉配鮮蘆筍啖啖肉嘅龍躉肉，用黑松露醬炒過好香，而蘆筍亦好鮮甜。招牌茶王燻雞最期待嘅雞果然名不虛傳，肉質好嫩滑，帶有淡淡嘅茶香，雞皮仲燒得好脆。通常我哋一家都唔會食雞胸肉，但好難得成隻雞可以消滅晒，證

今晚一家人到觀塘這間樓上私房中菜館吃飯，全部菜色都很有水準，我們都吃得津津有味。我們的菜單連同甜品有十一款菜式。頭盤有三款：有機沙律菜伴芝麻醬有機沙律菜很新鮮爽口，每棵都有青瓜片包裹着，感覺清新，芝麻醬是日式的芝麻醬，配上番茄仔，很醒胃。雙色墨魚仔墨魚仔很爽滑，一款是芝麻麻油味，充滿芝麻香，簡單而美味。另一款是士拉差辣椒醬味，薇薇香辣味，很惹味。茶燻糖心蛋配厚切茄子糖心蛋很香煙熏味，糖心效果不俗，很香及濃郁的蛋黃味。厚切茄子的底部很有趣，是帶點煙韌的麻糬的口感，茄子軟滑，配上特製的芫茜汁，很香。湯：原鼎海椰皇仔燉鷓鴣黑毛豬豚肉湯湯很清甜，海洋椰皇仔細細粒很香椰子味除了鷓鴣及黑豚肉外，還有響螺頭，材料豐富。鮮蝦水芙蓉很清的一味餸，蛋白蒸得非常滑溜，配上清新的醬汁加上爽口的鮮蝦，健康得來很好吃。脆皮牛仔腩配特製咖喱醬牛仔腩肉非常鬆軟，肉質鬆化，牛仔腩以薄脆包裹着，有外脆內軟的口感，簡直吃過返尋味，配上惹的咖喱醬汁，不過辣，吃不停口。黑松露醬炒班球非常有鑊氣，班球啖啖肉，沒有半點魚腥味，肉質爽滑，鮮味，每件班球都沾有淡淡的黑松露味。明梅醬燜頭腩頭腩肉以起骨，非常方便，腩肉位魚油豐富。醬料帶點

今日第一次同朋友食私房菜，朋友推介依間隱藏係觀塘工廈嘅榮哥私房菜，一早訂好枱七點半準時到。呢度喺觀塘地鐵站附近行一分鐘就到啦，非常方便。呢度嘅員工都十分有效率，一坐低開好茶就上菜啦。頭盤係本地有機沙律水耕菜配芝麻醬，番茄仔超級juicy，配埋有少少芥末醬嘅芝麻醬，好醒神。另外仲有涼拌黑木耳，微酸嘅汁伴住爽脆嘅黑木耳格外醒胃。原盅螺頭黑毛豚肉湯，夠火候，老火湯好有住家家常味道。鮮蝦水芙蓉的芡汁和鮮蝦非常合襯，而且蒸水蛋十分滑溜，食到無停口。芝士焗蠔伴薯蓉更係一絕，蠔肉質新鮮，配上濃郁嘅芝士汁，係絕配呀！最尾有魚湯時蔬跟蒜蓉海斑片紅米飯，作為今餐飯嘅完美終結。我同朋友都飽到捧住個肚走😂😂😂好滿足呀！希望佢地時不時會轉菜單，等我地再試下師傅嘅手勢啦。

今日去左觀塘工廈試下呢間幾出名既私房菜首先有頭盤3食有機沙律水耕菜伴芝麻醬自家水耕菜一卷卷包住食起方便 而且爽脆新鮮另外仲有涼伴黑木耳同岩鹽花枝豆味道亦不錯流心蛋魚子醬配厚切茄子配以秘製醬汁同流心蛋一齊食非常滋味而且茄子炸過但食落一啲都唔油膩必食原盅哈密瓜螺頭豚肉湯以哈密瓜燉湯都係第一次飲螺頭豚肉配搭令成個湯都好甜好好飲個人比較喜歡海底椰鱷魚肉湯湯頭好清甜感覺滋潤蝦球水芙蓉蝦球新鮮爽口蒸蛋白非常嫩滑香煎北海道帶子海中寶混合帶子同蝦膠再以慢煮煮熟 再煎香食落爽口彈牙亦食到帶子同蝦既鮮味蒜香牛仔柳Prime 既牛仔柳果然滑D而蒜香片更大大提升了牛柳惹味金銀蒜香菜心荷香蒜蓉海斑片原籠蒸紅白米飯一打開蒸籠已經聞到好香荷葉香海斑油脂滲哂入米飯入面好正桂花椰汁糕我們今晚的菜單

媽媽與其他親朋戚友於母親節期間去旅行 所以就一早帶她尋覓好餐館 提早慶祝 兩母女撐枱腳🥢媽媽級的慶祝選擇最安全的中菜 又不能太過普通乏味 所以經過我詳細的資料蒐集 一早便向榮哥私房菜定位兼定做菜單甫到訪就知呢間小店是私房菜 店員親切有禮 又悉心調降冷氣溫度 仲向媽媽介紹一次今晚的餸菜👍🏻我們的餐單如下👇🏻本地有機沙律水耕菜配芝麻醬 沙律菜新鮮爽脆清甜 食落無渣 亮點是酸甜的醬 仔細咬落好像有橙皮的味道 好開胃 黑木耳拌料相當出色 無一般的辣蓋過原味 涼拌菜式媽媽很怕會雪藏得過冷 當然這碟菜沒有這個問題越簡單的配料越能夠品嘗材料是否新鮮 岩鹽毛豆每粒都脹卜卜 適當的咸香 很是過癮茶爋流心蛋伴黑魚子醬配厚切茄子 蛋是有機蛋 蛋味濃 亦食得安心茶的香味四溢 茄子的配搭新穎又與蛋的口感互相輝映😛我這一碗燉哈木瓜螺肉黑毛豬湯 上等肉燉完清晰可見 無多餘油方 每滴水都成了精華 再加上水果的甜 一飲上癮！而媽媽的舞茸菇杞子螺頭黑毛豬也不惹少 菇味濃烈又不止失衡 菇燉後仍然爽口 齋食都很好味😁水芙蓉的蝦球新鮮彈牙 蒸蛋白滑得像豆腐花士多啤梨豚肉十分高質 🍓豬肉肥瘦雙間 咬落柔軟多汁 正當你覺得要中和味

提早為母親大人慶祝生日,所以想同佢食D特別嘅菜式,見到佢價錢唔係好貴,已經包晒前菜,燉湯,主菜同甜品。所以一早book定間私房菜。一入門口就見到餐廳自家栽種嘅水耕菜,夠晒新鮮,第一碟前菜就係佢哋自家栽種本地嘅有機水耕菜配芝麻醬,好爽脆鮮甜。涼拌黑木耳好爽脆,岩鹽花枝豆熟到啱啱好唔會過淋。茶燻流心蛋伴黑魚子醬配厚切茄子嘅外型好吸引,流心蛋嘅就心效果極佳,蛋味好濃蛋香好Creamy,厚切茄子有D似天婦羅,炸粉唔會好厚,好鬆脆同軟淋嘅茄子好夾。當晚有兩款燉湯分別係原盅燉哈密瓜螺頭黑毛豚肉湯同原盅燉川貝陳皮海底椰鱷魚肉湯。兩款肉湯都係原盅燉夠晒清甜滋潤,原汁原味。蝦球水芙蓉算係比較清淡嘅菜式,蝦球爽脆,蒸蛋非常之嫩滑,同清淡嘅芡汁好夾。蒜香芝士焗老外蠔王,隻蠔王真係巨型,有成隻手掌咁大。一啖完全食唔晒成隻,芝士同蒜味都唔算太濃,所以唔會掩蓋到蠔嘅鮮味。士多啤梨豚肉伴草莓味道幾特別,好香士多啤梨味,甜甜嘅果香味道令人越食越開胃,不過略嫌豚肉有少少靭。魚湯有機時令蔬菜,魚湯煮到奶白色,魚味超濃厚,令到本身冇味嘅小棠菜都變得更好味,更鮮甜。荷香蒜蓉海班片原籠蒸紅白米飯,雖然只有兩片海班片,不過蒜香同