榮哥廚房私房菜

營業中

休息中

老友相聚，晚餐選觀塘地鐵站，大家都方便，想不到真的非常近，就在D出口旁邊。地方不是寬敞，我們六人坐十二人大枱，也坐得頗舒適。訂位後，吃飯前幾天便送來點菜資料，先落訂金及現金付款有優惠，當然照做啦。沙律菜新鮮，醬汁好味道。燻蛋伴炸茄子，有新意。燉湯位上，有得揀，我揀了哈蜜瓜黑䐁肉，清甜夠熱，非常好飲。到了最期待的煎大蝦，蝦肉果然彈牙鮮味，蒸魚也是剛剛好，有鯉魚門海鮮水準。其他，如茶葉燻雞、上湯菜苗、黑蒜炒飯也不錯，麵包南瓜和甜品也有驚喜。招呼親切，整體來說，是一頓令人滿意的晚餐。

放工和媽咪食好東西，今次我帶她來到榮哥食私房菜。餐廳位於觀塘工業大厦，鄰近港鐵站，步行約數分鐘便到達，非常方便。餐廳環境乾淨舒適，而且不會像其他酒樓般嘈吵。沙律菜非常新鮮爽脆，配上微辣的芝麻醬，格外醒胃。車里茄比外間的更清甜多汁，可能是因為有機的關係吧。枝豆咸咸的，木耳亦很爽口，不錯。流心蛋很嫩滑，茄子厚切，外層經過油炸，但一點也不覺得油膩，醬汁比較濃稠，配上本身淡味的茄子很夾。以下兩款湯都非常足料，滿滿的豚肉，蜜瓜的味道慢慢從湯中滲岀來，清甜十足；鱷魚肉滋補，海底椰川貝潤肺，燉過後鱷魚肉吃下來亦不覺得嚡口，好適合冬天飲用。皇帝蝦第一次吃，上枱的時候香噴噴，侍應貼心地提醒我們不要碰到碟邊，因為是非常熱的。蝦很大隻，大蝦中間切開，外層塗上一層蛋黃醬一起焗，蛋黃如流沙般流入蝦肉中，與蝦肉很夾，蝦肉非常新鮮彈牙，蛋黃流沙醬齒頰留香賣相很精緻。帶子大大隻，火喉剛剛好，肉質軟腍，鮮味十足。掏出後的南瓜肉再和青瓜，紅椒一起炒，爽口又清甜。炸至金黃，香脆可口，吃下還有啖啖陳皮香於口中散發蔬菜清甜又爽口，加上以蒜蓉炒，很惹味蒸飯粒粒分明，不會過硬兼過熟。加上紅糙米，增加口感。班片皮甘香可口，肉質嫩滑，

現今一些餐廳的名字愈來愈特別，有的是人名，有的是該區的名字，又有一些是業主自己改的，多數都是差不多的形式，但總有一些會令人特別印象深刻。是日到訪的【榮哥廚房私房菜】，開業於官塘工業中心三期，不是朋友人介紹的話也較難發掘得到。工廈真的有愈檬愈多特色商店及餐廳進駐了。【榮哥廚房私房菜】門面以一般中式食肆的陳設示人，在門外用上簡潔的長條木板作牆，店內一般中菜館的格局，亦有點像舊式茶樓，簡約的裝潢予人親切的感覺！侍應安排好座位後先端上一壼茶，替我們倒茶後遞了一張今晚我所訂的菜單𥿄﹐一目了然很清清楚楚的列出當晚菜式。菜式方面，以傳統手工中菜為主。一如其他私房菜，餐單提早選定，方便師傅準備食材，保證用料新鮮。私房菜套餐賣$348/位。另外如果不想點套餐的話，榮哥做私房菜，也做散點。可以散點一些王牌食物如遠年新會陳皮骨、三蔥鮑魚、茶燻流心蛋伴魚子醬配厚切茄子、原籠荷香蒸龍躉鴛鴦飯等....『精心配伴2人餐』﹐菜式分別是：-有機沙律菜伴芝麻醬、涼伴鮑魚菇、涼伴黑木耳-茶燻流心蛋伴黑魚子醬配厚切茄子-原盅燉哈密瓜螺頭黑毛豚肉湯-蝦球水芙蓉-蒜香芝士焗老外蠔王-遠年新會陳皮骨-魚湯浸碧綠溫室菜-荷香蒜蓉海

一行6個人星期六晚過黎食 我地散叫，老實講，食完真係五知點解咁多好評先上椰皇仔燉鷓鴣黑毛豚肉湯，呢個湯係幾好飲，之後我諗等左成半個鐘先上，黑毛豬粉嫩叉燒，呢碟叉燒係厚切既，但成二百蚊碟先得8舊，招牌茶王燻雞，脆皮而且雞滑，但吾覺好特別椒鹽鮮魷同埋避風塘11吋特大尿蝦王先一絕，你係吾會諗到佢點解會咁整，後者得兩舊蝦殼，四舊蟹肉，成七百蚊，但根本係分吾到6個人，啲薯蓉仲話係裝飾黎，吾建議食。。。全餐最有水準係懷舊盤龍膳，真係好大條，無泥味，係略咸，不過友人就覺得okA級奄仔蟹粥。。。算啦，兩者完全完美分開，粥無蟹味，仲有個碟黃金蒜香有機菜芯苗，普通菜一碟，承惠128（可能有機吾同啲？）總的而言，吾覺特別好食，份量又少，大家都講笑好彩黎之前飲左珍珠奶茶打底。。。

其實之前都食過兩次，幾滿意，今次又再回頭! 一行4人，都係食SET! 揀左個438套餐，証下新菜式!今日嘅MENU就見相片，係私房菜，所以佢地都會好有心，轉登整張專屬你嘅MENU，等你知道自己有咩食~首先係前菜4款:沙律伴芝麻醬--> 沙律新鮮，份量夠，佢除左有沙律菜，仲有D蕃茄仔配柚子油，超越FRESH!涼伴黑木耳--> 夠爽，味道醒胃岩鹽花枝豆--> 正常，但個份量少得滯....4個人...如果兩個人會係幾多?! 哈哈流心旦魚子醬配茄子 --> 旦好流，流心個流，魚子醬唔算好有味，茄子好好味，配埋少少茄醬好好味!!湯，我地係海椰皇燉黑毛豚--> 好有椰香味，但稍為咸左少少溫室南瓜配帶子--> 帶子煎得岩岩好，面一層熟，中間少少剌身感覺，南瓜好甜，仲配左青瓜同哈密瓜煮，正!!蒸鮑魚-->  鮑魚質感蒸得岩岩好，爽爽，而且洗得夠乾淨，但鮑魚味唔夠濃陳皮骨--> 呢個真係超級好味，離遠已經聞到超香陳皮味，一舊肉食落口都唔"流"茶王燻雞--> 雞超嫩超滑EVEN雞胸都唔鞋，但茶味唔算好濃，皮都有少少"UN"魚湯時令蔬菜

每年都會搵機會同媽媽撐枱腳，第一次揀私房茶，起初都膽戰心驚，因媽媽口味好飄忽。雖然見到有好多獎盃，但都要食過先知。兩間廳房已各有一枱人，佢地開心過頭，講野講得好大聲，環境顯得比較嘈，不過我都接受，因為被好味餸菜淡忘。前菜三小碟清新開胃，涼伴黑木耳比較淡口， 岩鹽花枝豆有啲鹹鹹地， 有機沙律菜伴芝麻醬配三色車厘茄新鮮脆口。茶燻流心蛋伴黑魚子醬配厚切茄子味道好濃，蛋好滑。茄子經過特別處理，炸咗之後都係白色肉，亦冇油膩感，個皮用左啲比較厚身嘅米紙炸成再加嗰個特別嘅醬汁，香脆嫩滑。 原盅燉哈密瓜螺頭黑毛豚肉湯湯料好足，肉連筋同骨煲、哈密瓜、淮山、龍眼肉、 果皮、螺頭夠腍， 湯好清甜，味道有啲似飲緊用印度椰子煲的湯，飲到底仲有一浸果皮嘅香味。蝦球水芙蓉個蛋好似食緊豆腐花咁滑，上面嘅芡汁係甘筍做出嚟嘅，味道好易入口。蒜香芝士焗老外蠔王，隻蠔有手掌咁大隻，肥美、多肉、鮮甜、多汁，最欣賞佢嘅芝士，一啲都唔羶，仲可以拉絲。遠年新會陳皮骨陳皮骨有甜和甘味，陳皮好香。魚湯有機時令蔬菜魚湯唔係奶白色，冇腥味，杞子大大粒，估計應係寧夏杞子， 小棠菜幼嫩，加埋杞子食好清甜。荷香蒜蓉海斑片原籠蒸鴛鴦飯白米熟，糙米煮

平日覺得最唔抵，就係出街食一圍圍嘅中菜，都要成三四百元一個人，啲嘢食永遠都唔好食，毫無新鮮感。今次朋友生日，推介呢間位於觀塘嘅私房菜，令我對中菜刮目相看。朋友一早已經預訂好菜單，店員服務亦都好好，人齊立即上菜，上每度菜之前都幫我地換碟，完全係VIP享受。預訂嘅菜單有四道前菜，三道輕食（沙律、木耳、枝豆），而最後一道係煙熏流心蛋，加上魚子醬嘅配搭，係一餐好好嘅開始。而燉湯有兩款，我哋可以按自己嘅喜好揀湯，非常貼心。之後仲有四道主食，芙蓉蛋白嘅蛋白煮得啱啱好，10分滑，最啱攞嚟送飯。另外陳皮骨都係出邊食唔到嘅中菜，雖然排骨嘅質地唔算特別好，但陳皮嘅味道都好獨特。最後大概$400一個人，相比起平時出面嘅中菜，呢間私房菜比較特別，起碼食得開心俾得開心

一家四口，爸爸媽媽結婚周年紀念唔想食西餐，唯有搵下啲特別啲嘅餐廳同佢哋食。今次嚟到中餐嘅私房菜，兩老都非常滿意，加上員工安排得非常周到，服務一流！是日嘅餐牌仲印住阿妹個名，10分貼心。每一道菜都10分精緻，最值得一提嘅係糖心蛋同蝦球水芙蓉，除咗有賣相之外，兩款蛋都煮得啱啱好，同一般平時出去食嘅中菜有所不同。另外嘅highlight係燉湯，我要左哈密瓜螺頭豚肉燉湯，非常暖胃，哈密瓜更帶出一絲絲嘅甜味，好中意。 同西宛既爵士湯有得俾比。最後最特別嘅係個燴飯，唔知點煮令到成個飯都變咗綠色，同佢唔係普通嘅白飯，食落個飯既質地好滑，每粒就好似豆甘，10分分明。從來未試過呢啲咁嘅飯，好特別。最後每人埋單三百幾，物超所值。

今日經朋友精心安排，食到了很多平時在其他地方都食唔到嘅好野，相當精彩! 1. 煙燻蛋蛋嘅流心程度做得相當好，不會太實亦不太水，食得到剛好的煙燻味道。2. 松葉蟹味道很鮮甜，蟹腳啲肉一疏疏，好鬼正!3. 意大利龍蝦及帶子師傅即席幫我地隻龍蝦片肉和帶子，刀功一流。4. 人蔘鵪鶉湯湯頭有很重的人蔘味，相比用雞去煲，覺得鵪鶉更夾人蔘。5. 鮮姬松茸蟹味菇極少能在外邊買到的鮮姬松茸蟹味菇，相比一般的雞脾菇，更加鮮及沒有草青味。6. 肉眼邊牛味濃，好有口感7. 手打蝦丸全晚我最欣賞的一道菜，很彭湃的蝦味，爽口彈牙，一般街市貨無法相比8.豆苗bb精選豆苗最鮮嫩部分9. 鹽燒金目鯛燒得剛剛好，不會太熟，仍然有啖啖的魚油香感謝朋友的安排，精彩開心的一餐私房菜，一定會再返黎試埋其他野。

榮哥私房菜是我初嘗後愛上的餐廳，每次幫襯都帶給我驚喜，食物質素每次都保持到應有水準。今晚就同朋友一起光顧，餐廳全場滿座。茶熏流心蛋配黑鱼子厚切茄子：熏蛋表面熏至茶色且有帶點甜的熏香味，半溏心的蛋王十分吸睛，下面的茄子不會太腍，配上咸咸地魚子醬。四品胡椒匯澳洲皇帝蝦王：蝦肉脹卜卜，每隻都差不多手掌大，而且蝦肉厚身，以大量胡椒炒香，十分惹味，蝦肉爽彈結實，而且鮮甜，下面就舖著香葱。遠年新會陳皮骨：入口有淡淡的陳皮香味，帶點甘香及微微的甘草甜味，肉質鬆化有肉汁，陳皮味道滲入肉內，口腔內都充滿著陳皮香。金銀蒜香有機時令菜芯：菜芯去掉了外層老葉，只留嫩芯，菜芯完全無渣，不過味道較咸。桂花糕：以特製的桂花糖淋在表面，帶著清新花香，亦夾著點椰香，簡單清爽作結尾。

阿妹由外地返港，帶了多年未嘗中菜的她去一嘗私房菜風味。早一個多星期訂位點菜，讓餐廳有足夠時間預備新鮮食材。有機沙律菜伴芝麻醬自家水種菜顏色翠綠，味道較外面超市的沙律菜鮮甜，加上自家製的芝麻醬帶點柚子汁香味。涼拌黑木耳及岩鹽花枝豆黑木耳爽脆帶點麻油香，花枝豆有點咸香，簡單清新。茶熏流心蛋配黑魚子厚切茄子蛋王呈流心狀，帶點茶香及煙熏味，下面是略炸的茄子，再配上黑魚子汁，帶點甜香。原鼎海椰皇仔燉鷓鴣黑毛豚肉湯湯鮮且甜，有淡淡的椰香及螺肉鮮味，鷓鴣及豚肉香味全部都保留在湯內，十分足料。溫室南瓜北海道特級帶子迷你南瓜外觀精緻，表面是略煎至半熟的帶子，中間還帶點刺身狀，南瓜裏面是香甜的蜜瓜及青瓜，南瓜香甜又腍。招牌茶王熏雞熏雞外皮薰至茶色，外皮香脆帶茶香味及煙熏香，雞肉嫩滑，吸收了茶香味。脆雪映漾海中鮮聽個名都覺得好味又有意境，其實就要海斑湯飯再加脆米粒，湯飯以魚湯做底，加上嫩滑鮮甜的魚肉，表面灑上脆米粒及葱花，一軟一脆的組合十分特別。椰汁桂花糕表面是自家製的桂花蜜，純天然製造，清香且不太甜，帶淡淡桂花香。不得不讚就是店員殷勤有禮，主動換碟加茶水，非常醒目，有用心了解客人需要。

有朋至遠方來想在觀塘區食個晚飯發現呢間私房菜食評唔錯所以決定試吓叫了一個四人餐每位$338選好菜式後餐廳會將你的 menu print 出來朋友說很有VIP的感覺呢哈哈認真每一道菜賣相跟味道都很不錯呢特別是新會陳皮骨炸得剛好 咬下去有淡淡陳皮味而肉汁亦保留著 Impressive!不過因為掛住食同傾計冇影到相🤣外地朋友也大力讚好👍另外值得一讚嘅係侍應好有禮貌service好好所以大家是晚都食得十分開心😃

從未試過私房菜，今日男友便帶我來到觀塘一試。榮哥廚房私房菜位於觀塘工業中心3期，本來個人都有點怕進入工業中心，但這裡不但方便，而且環境光猛，指示清晰，很容易便找到。餐廳座位寬敞，無論人數多或少都有適合你的空間。餐廳非常有心準備了印有我名字的專屬餐牌。先上前菜涼拌黑木耳和岩鹽花枝豆，黑木耳夠爽口，花枝豆夠嚼口。再來有機沙律菜伴芝麻醬，沙律菜用上新鮮水耕菜，除了擺放精緻更份外新鮮！茶燻流心蛋伴黑魚子醬配厚切茄子，流心蛋有茶燻香味，整個配搭特別同時非常恰宜！而吃過各款前菜小食便更加開胃！原盅燉湯有2款，2款都用料十足，香味濃郁，而個人比較喜歡哈密瓜螺頭黑毛豚肉湯，感覺滋潤及較為香甜。主菜有蝦球水芙蓉，蝦球夠彈，蛋夠滑👍🏻遠年新會陳皮骨，每啖都有濃濃陳皮香味🤤蒜香極佳級prime牛仔柳，啖啖肉，男友吃不停口！金銀蒜香豆苖，豆苖夠嫩口，果然是有機蔬菜！主角還有荷香蒜蓉海斑片原籠蒸鴛鴦飯，用原籠蒸飯更能鎖住荷香，紅白米飯上舖上蒜蓉海斑片，更能將海斑片的鮮香流入飯中，平日晚餐不吃飯的我都吃了一大碗！當日時令甜品是桂花椰汁糕，賣相吸引，吃下去更有層次！另外還試了餐廳新推出的飲品-士多啤梨smoothi

見咁多人寫得咁好食，今天同2個朋友午餐時段去试吓，下午時段見冇咩人幫襯，連埋我地得2張枱客人。味道冇食評寫到咁好食，普普通通，甜品只是每人一件细细件桂花榚，菜单有9樣食物，但每樣份量好少，如果食量畧為大少少，肯定唔夠食。環境麻麻，我覺得以咁嘅價格，平均每人4佰，去APM 利苑或食日本放题仲好。以后都唔敢相信食評！

公司要聚餐，廿幾個人唔知食咩好老細話不如包房食私房菜本身都麻麻地中菜仲要係圍餐啲friend ，但係呢間真係令我好驚喜🌸✨唔講咁多，去相！沙律菜爽甜，塊塊都好新鮮唔會見到有一兩塊係霉嘅食完為大餐打打底🏃‍♀️呢個蛋一絕！好有茶燻味道個黃好棉好流心茄子有天婦羅嘅感覺個人唔太好茄子🍆配蛋食落又幾好喎鱷魚肉湯聽落好恐怖😱冇食肉齋飲湯，飲落唔會成嘴油食埋海底椰好滋補🤣帶子一咬落就覺得好彈牙！！唔係霉到一夾就碎嗰啲好鮮好爽口🌸✨😘入面仲有啲甜甜地嘅瓜陪襯鮑魚好新鮮爽口彈牙個人唔算太好鮑魚但係都覺得好味✨全晚亮點之一！個士多啤梨醬好甜但係又唔會搶咗豬肉個味😍😍😍豬肉咬落啖啖肉🥳唔會齋咬骨咁配米餅不得了💆‍♀️全晚真係高潮一浪接一浪😂😂😂個蟹好好味！！雖然有啲重味咸咗少少但係啲醬汁入晒啲蟹肉到蟹蓋仲有膏😱😱😱配片麵包食沾醬真係好過癮食到好飽嘅時候仲有雞！但係呢個係亮點二！個雞好有燻煮嘅味道好特別😍好少可可以食到呢種味道仲有雞皮好脆口雞肥膏好滑雖然好邪惡但係我都啪咗三四舊🤣菜都好新鮮魚湯濃郁中規中矩嘅🌸🤘食到最後有埋湯圓🤣🤣🤣🤣飽到唔想食但係老細係咁話要食😂😂😂臣不得不吃食落又幾滑！同埋薑湯幾甜好夠辣收尾