榮哥廚房私房菜

營業中

休息中

今日跟朋友去搵食，去到工業中心一間餐廳食私房菜，估唔到非常有驚喜。整體而言，每款菜式食材都好新鮮，而且烹調同味道都唔錯，值得再去。我哋叫咗幾款前菜，其中涼拌木耳口感清爽，有黑白木耳，味道不過不失。 另一款前菜係溏心蛋配茄子。溏心效果做得唔錯，而上面加咗魚子醬，成件事高級好多，最有驚喜係溏心蛋經過煙燻，有種淡淡香味。平日自己好少煲湯，所以今次嗌左哈密瓜螺頭黑毛豚肉湯，補下身。 可能係加咗哈密瓜，湯頭非常清甜，而豚肉份量亦非常慷慨，煲過湯後仍能保持豚肉的味道和質感。蒜香芝士焗蠔賣相很吸引，蒜蓉香味不會蓋過芝士白汁的味道，而蠔肉很大隻，有鮮味。就算係焗蠔下面的薯蓉，一樣係好好食，我同朋友一刻愛上。今餐令人好滿足， 除咗食物，我亦好欣賞餐廳的上菜速度。基本上差不多吃完一道菜，先再奉上另一菜式，唔使食得好趕，或擔心食物變涼，係真正既品味食物。