楚撚記大排檔

營業中

休息中

日食夜食之終於食到楚撚記.話說同班朋友由上個月食飯已經想試但串到full 哂唔接walk in就更激起想食既衝動於是特登book 定一個月後再黎試一試佢老鼠🤡.入到去既環境好懷舊無論地下裝修定掛牆圖都好70's HK 感覺🥰地點雖然係街市附近但入到去唔會係難受既街市feel.嗌左鹹蛋黃白飯魚椒鹽九肚魚菠蘿拔絲梅頭咕嚕肉小炒王猴頭菇蟲草花雪耳紅蘿蔔粟米淮山螺頭煲豬骨湯4條冷食嗌左兩個靚仔岩岩好.個湯好L 甜真心超超超超超好飲唔係死甜係戀愛既感覺.小炒王足料有蝦蝦乾魷魚韭菜鮮甜味道好好夠獲氣.鹹蛋黃白飯魚送飯一流基本成條白飯魚包滿咸蛋好食到暈.椒鹽九肚魚熱辣辣辣口架大佬不過兩份炸野都唔建議點醬本身咁食已經好好味！.菠蘿拔絲梅頭咕嚕肉好L 好食唔會太多肥肉係我個取向加上甜酸醬做得好出色口感亦有脆脆感覺梅頭肉質亦好有彈性很好.最後仲送左蕃薯糖水因為太鐘意食蕃薯嗌左哥哥比多d 我佢真係比多d 好感動🥺糖水夠薑味蕃薯入口即溶係愛啊！.整體唔錯朋友已話book 埋下個月再食😹

❣️小公主品嚐懷舊菜式· 楚撚記大排檔❣️呢間餐廳一直都好想食😋因為荃灣街坊好多都推介性價比高👍🏻今日終於有時間同小公主一齊來品嚐啦😍我哋揀咗勁多街坊都推介嘅菠蘿拔絲咕嚕肉💗真係冇得頂！用梅頭肉做既咕嚕肉非常軟嫩😚加埋手工制成個拔絲，鮮甜美味！配埋白飯簡直一流🤩另外有小公主超級鍾意食荃灣分店限定嘅一口脆炸雙重芝士波波🧀份量都好多！一碟有12粒😍炸到外脆內軟🔥一啖咬落去芝士夾心係個口度充滿香濃嘅芝士味😛加埋個勁足料濃湯海鮮粉絲什菜煲🥬裏面啲菜真係有好多種類！西蘭花🥦菜心、生菜🥬粉絲！乜都有😍另外仲有啲帶子仔、蘿蔔片、魷魚同埋蝦🦐真係好豐富👍🏻另外我哋加咗一渣竹蔗茅根紅蘿蔔馬蹄水去吓濕熱💗清清甜甜好好味🥰小公主都飲咗三杯😆最驚喜嘅就係食飽之後仲有糖水送😍我哋揀咗番薯糖水同埋清補涼！食完大滿足👍🏻👍🏻👍🏻

今晚終於成功book到枱，試了足足2個月有多也full booking , 今晚決定早一點晚飯，避開人潮而且比較容易book到枱。餐廳裝修充滿懷舊意味，格仔地鏄舊式海報menu ，型格又不失玩味。果然係旗艦店，空間感非常大，而且座位都算多。凍杞子龍眼菊花蜜天氣開始熱而且仲有啲潮濕，飲返杯菊花蜜滋補一下就最啱，而且杞子又可以明目，入落清甜潤喉，消暑解渴。菜干豬肺湯每次餐廳有豬肺湯我都一定必叫，因為自己洗豬肺實在太多功夫，餐廳用菜干，南北杏，豬骨，豬肺等豐富材料煲成，味道咸香濃郁，豬肺軟嫩鮮甜，正宗老火靚湯。燕麥金沙蝦球咸蛋黃包住蝦球，面上加上大量燕麥片，口麥粉粉脆脆，非常特別，而且蝦球咸蛋味香濃，蝦肉爽口彈牙，超鍾意所有食材互相配合得恰到好處。香煎黑松露手打蓮藕墨魚餅黑松露味不算太濃，但這樣可以保持墨魚鮮甜香味，入口爽彈鮮嫩，中間蓮藕粒增加了爽脆口感，非常好吃。香甜梅菜蒸菜心菜心上面鋪滿香甜梅菜，菜心吸收咗梅菜香味更加清甜，有淡淡梅菜香味，而甜梅菜味道清甜可口，配上白飯簡直一流。

由樓梯開始已經比我一種老香港既感覺，綠白色配搭既地面加上刻意做舊既扶手帶我進入童年回憶。令人印象最深既係中間真係有個好似牌檔既位，放住唔少醬汁食具，影相配色都好靚入位後環顧四周，見到牆上掛住唔少仿手寫既菜牌同埋綠色鐵皮頂，自自然然已經令人食指大動，餐牌上都見到唔少地道功夫菜，例如拔絲咕嚕肉、炸豬手、蝦籽柚皮同埋大魚頭。 .蜜椒薯仔牛柳粒 $98 7.5/10配菜非常搶眼，紅紅綠綠，食落都幾爽甜。薯仔有走一走油，表皮有點薄脆。牛柳粒切到一口size，黑椒蜜糖好香甜，好似去咗食BBQ咁，但係室內涼住冷氣咁嘆菠蘿生炒骨 $78 7.5/10配菜同牛柳粒差唔多，但由於係酸甜醬汁，加埋一齊食會開胃好多。生炒骨既骨都幾整齊同埋細舊，唔會吉到個口，就算近骨邊既肉都幾離骨易食食完之後會送糖水，凍既係清補涼，熱既係蕃薯糖水，兩款都算唔錯，特別係清補涼比較少見，適合食完大排檔熱氣野後食

楚撚記大排檔由土瓜灣起家，主打懷舊裝修同埋鑊氣十足既本土小菜，一直都係一間長龍店，如果係晚市黃金時間walkin分分鐘要等1個幾鐘。今日同朋友6點3就過到黎，啱啱好仲有幾張檯剩，7點半前交檯都照殺上去一嚐佢地既廚藝係咪真係咁堅豆漿杞子鮮腐竹浸時蔬 $72 豆漿杞子咁既配搭都係第一次見，感覺上好養生，鮮腐竹非常滑溜，配合豆味濃郁既湯汁入口好潤喉。食完菜後見到個湯汁好吸引，一飲有小小辣喉嚨，一睇先發現原來有加辣椒，呢招真係神來之筆，唔怪得個菜唔鹹但又係咁惹味金針雲耳蒸滑雞 $82 落單時侍應已經同我地講呢個餸係即叫即蒸，要等20分鐘，咁食住其他餸等都冇乜問題。食到一半佢就上菜啦，時間控制得唔錯但一食就發現中伏，蔥蒜落得好重手，唔太食到雞味；話明滑雞，但其實係連骨雞件，斬雞功夫都幾差，食到唔少碎骨，食起上黎都要小心翼翼。

讚1.環境幾企理，雖然逼左啲，但呢區黎講算好企理2.之前食過土瓜灣果間，印象麻麻，但今次整體幾好，炒蜆惹味，唔會殻多肉少，小炒王乾爽唔油，咕嚕肉開胃，醬汁好均勻彈1.部份菜式要改良下，金銀多炒菜唔知點解係甜既，根本食唔落，豬油撈飯既飯好硬2.檯太細，根本擺唔到野3.服務要改善下，明明啲客已經清晒，訂左位都要等多四五個未先入到去

今晚和朋友來到荃灣楚撚記吃晚飯，值得推介！楚撚記的裝修是舊式香港風格，打卡一流！因為只是兩個人來吃，所以嘗試到的款式並不多。但點的都是好吃的菜！今晚點了白灼鵝腸、沙爹粉絲金菇牛肉煲、豉椒炒蜆、手工水晶包、脆皮豬大腸（鳳梨底）、香煎黑松露手打蓮藕墨魚餅。這裏上菜的速度也挺快，首先來到的是白灼鵝腸和豉椒炒蜆。白灼鵝腸上面鋪滿香蔥油，底部有芽菜，另外配上醬油。鵝腸份量挺多，十分爽口肥美，超級好吃！豉椒炒蜆夠鑊氣，而且蜆肉肥美沒沙子，份量也足夠3-4人所吃。手工水晶包有4種口味選擇，可選擇兩款口味。今晚選擇了麻蓉及奶皇味，水晶包外皮晶瑩剔透，煙韌彈牙。餡料豐富，甜甜的很好吃。脆皮豬大腸是切好一片片，皮脆，而且清洗得很乾淨。最特別之處是每塊豬大腸都配上一片鳳梨，與大腸一起吃的時候可以解膩，鳳梨的酸甜味與大腸竟是這樣夾！香煎黑松露手打蓮藕墨魚餅十分足料。能吃到香香的黑松露味，配上爽口的蓮藕和彈牙的墨魚，十分好吃。而且份量也有7件呢！最後來到的是沙爹粉絲金菇牛肉煲。這裏用的是鮮滑牛肉，煮得剛剛好，不會過老。配上沙爹粉絲金菇，絕對是鑊氣之選。沙爹亦不會太辣。這裏還會送上糖水，今晚的熱糖水是蕃薯糖水，凍

各國菜式之中，個人真係最鍾意食中菜，知道今日會去荃灣，知道楚撚記開咗分店，同埋男朋友去食返餐久違的晚飯。我地5:30就去到，因為根據之前係土瓜灣分店的經驗，楚撚記係長期多人，早啲去就早啲食。荃灣分店係新開，與土瓜灣比較更加光猛，而且伙計的服務態度熱情得令我驚喜，由一入門口至到坐低，解釋十分清楚，亦都好貼心地提供搓手液俾食客使用。一早已經睇定餐牌，決定叫啲平時自己唔會係屋企整的菜式。京都骨餐牌寫明用腩排，好驚喜無豬肉的肉腥味，應該事前功夫處理得好好，啖啖肉，充滿肉汁而且肉質鬆軟；醬汁酸酸甜甜，第一道菜好開胃，而且份量好多，至少有6大件。香爆黑椒牛仔骨煲煲仔菜一定要熱上，食到最尾依然散發出香味。牛仔骨份量好多，唔會骨多肉少，黑椒味同牛肉真係好夾，無鬆肉粉嘅味，仍然係有肉味有咬口，係好標準合格的黑椒牛仔骨；最驚喜其實係洋蔥，煲仔仲係熱令到洋蔥處於加熱狀態，越食越入味!!芝士琵琶豆腐每次去楚撚記都一定會叫的，琵琶豆腐唔係間間整得好食，足料及有魚肉冬菇香味更加唔多，外面炸得香脆，配上另加的芝士汁，一脆一軟的口感太令人回味。芝士汁的誠意仲有睇得到的芝士粉，增加香味；另上的智慧鍾意撈幾多就幾多，亦都

不嬲都鍾意食大排檔，最近去左荃灣楊屋道街市附近既「楚撚記大排檔」，呢度嘅裝修好特別，佈置得好以前大排檔嘅風味，但同時亦好摩登，十分有特色。🤣黎到叫左蜜椒薯仔牛柳粒、燕麥金沙蝦球、酥炸鯪魚球、楚撚記小炒王，食物質素正常，明顯食得出唔多夠鑊氣，份量唔算多，不過佢每份價值唔算貴，所以都合理，人少少都可以黎食都。😃個人覺得蜜椒薯仔牛柳粒好好味，牛柳粒數量都唔少，而且啲牛肉同薯仔粒都好野味，送飯一流。😋

懷舊風格既裝修，行入店好似穿越左，大排檔除左獲氣食物外，就係果種地攤味道亦令人難忙。店舖既裝修令人難忘。🔸燕麥金沙蝦球炸得香口，夠脆夠熱，燕麥帶有少少糖份，所以食落偏甜，金沙即鹹蛋黃煮到流沙狀態，再包住蝦球，加上外層既燕麥食落鹹甜鹹甜。🔸香煎黑松露手打蓮藕墨魚餅招牌菜之一，亦係其中一款吸引我前來的菜式，果然無令人失望。表層煎到金黃香脆，食落香口仲充滿黑松露味道，墨魚滑爽彈牙，蓮藕切粒加入增加口感之餘仲添加蓮藕香。🔸菠蘿拔絲咕嚕肉菜單上有兩款咕嚕肉，呢款寫明係用梅頭的，所以食落啖啖肉，鮮嫩多汁，外脆內軟，酸酸甜甜，個人覺得幾好送飯，除左菠蘿仲有水蜜桃，令到成碟餸帶點清新。🔸豉汁蒸大鱔每次食小菜必叫菜式，魚汁流入豉汁中，配上白飯真是絕配。魚肉蒸到岩岩好，沒有泥味。🔸豬油撈飯已經非常少見的懷舊菜式，豬油已預先加熱到液態，將豬油、豉油、蔥花、芫荽和白飯撈勻，就咁食已經非常好食，豉油唔會非常鹹，所以配餸食亦非常得。飯後仲有免費甜品，當天有清補涼和番薯糖水，番薯糖水夠薑味，番薯也大大塊，絕無因為免費而偷工減料。清補涼清熱，食完熱氣野最岩來番碗。非常適合一家大細或朋友來食，咁就可以叫多幾款。

難得可以同枱食飯，當然要摸下酒杯底了「酒逢知己千杯少」，大排檔的氣氛就最適合不過了。大排檔最講究鑊氣，小菜要抵食夾大件。椒鹽鮮魷最是靈魂，所需材料不多，但用料與時間的準繩決定一切。這裡的椒鹽鮮魷確是一班，乾身脆口，炸漿剛好，咬下去，配一口啤酒，爽！飛天通菜鍋也是惹味之選，鍋一上桌，香氣撲鼻，夾起通菜蝦乾，話不多説，白飯立刻來一碗。想不到這裡也有干鍋，椰菜花和鹹肉煸炒得惹火，鹹香送酒又是一絕！驚喜的是炸乳鴿認真好味，多汁皮脆，咬下去肉質鮮嫩，叫人如何招架呢！最後，還貼心的送上糖水，冰凍的清補涼，還是暖胃蕃薯糖水，任君選擇。冷氣開放，乾淨舒適的大排檔簡直炒不可言！

我經常到荃灣河背街買餸，近月留意到新開了一間食肆，懷舊裝修的大排檔，今晚特來晚膳試試。「楚撚記」的門面不大，上到二樓後，豁然開朗，原來地方非常大的。地板上的花街磚，牆上的海報，都充滿香港60年代的情懷。看過餐牌後，我們點了「經典」的菜色。“西檸煎軟雞”, 新鮮炸出來，香噴噴，脆卜卜，加上新鮮檸檬，酸甜可口，口感一流。“京都骨”,厚肉豬肋骨，啖啖肉，肉質鮮美，香醋好味道。“枝竹火腩豆腐煲”, 火腩層次分明，加上惹味𧐢汁，豆腐枝竹都非常入味，炆得特別香。“手工水晶飽”，晶瑩通透,餡料飽滿，水晶皮不黏口，是非常可口的飯後甜品。還有奉送的番薯糖水呢！這裏除了環境懷舊之外，連味道也懷舊，把傳統大牌檔的「色香味」完全體現出來。而且，價格也非常大牌檔，又免加一，加上服務員態度又親切友善，性價比奇高。

話說同同事聚餐，同事介紹咗呢間餐廳，一去到好彩有book位，如果唔係真係要排長龍。呢間餐廳號環境係走懷舊嘅情懷，有好多霓虹燈，一個個菜色牌掛牆。但講到尾，食先對我最緊要。首先，想個白菜豬肺湯好有家嘅味道，豬肺洗得幾乾淨，可以食埋啲渣，啲湯飲完唔會覺得口渴。👍👍👍另外，佢地嘅焗豬手都好出名，記得要趁熱食，咁先會食到卜卜脆嘅豬皮，而啲肉又岩岩好半肥瘦，唔會太油膩。👍👍👍👍但令我覺得最好食，會再食嘅一定係呢個辣辣水魷。水魷同粉絲嘅份量比例差唔多，可以一啖入面食到兩種唔到口感，加上粉絲又入晒啲辣味，食得好過癮。👍👍👍👍👍（掛住食唔記得影😂）其他嘅咕嚕肉我覺得不過不失，但個拔絲都可以用來打下卡😂椒鹽鮮魷，啲蒜香過多得幾舊鮮魷cp值唔高，但味道係唔錯，特別配個汁。

今日同個女仔friend一齊食大排檔，其實間餐廳就喺荃新天地對面上到去地方闊落仲有卡位，跟住睇吓個Menu，以下全部係朋友發板，直頭成個套餐咁有主菜又有甜品我哋點左：避風塘鮮魷🦑香煎黑松露手打蓮藕墨魚餅白飯一碗杞子龍眼菊花蜜一渣手工水晶包避風塘鮮魷好香口，鮮魷啱啱炸起個皮脆卜卜好好食，鮮魷仲好彈身香煎黑松露手打蓮藕墨魚餅，黑松露好多，充滿黑松露味，蓮藕係小方型粒粒狀手工水晶包～見到佢喺荃灣店限定一於試吓。四粒可以揀兩款，我哋揀咗綠茶麻蓉。綠茶味幾吸引，好滑溜而且好吃原來最後仲有糖水送，真係好貼心

我訂左枱六點，攞位嘅時候reception 話用餐時間兩小時，但七點半要還枱，因為佢話七點半到下輪用餐。原來呢間大排檔都好似放題咁行時段制，夠鐘要還枱。好彩我唔係訂七點，如果唔係我就得半個鐘食🙈餐牌上話制作時間需要20-30分鐘，我哋未齊人，諗住叫咗等得嚟啱啱好，但唔駛10分鐘啲嘢已經嚟齊，好似去咗快餐店。食物無特別，唔難食亦唔係話好好食咁。份量偏少，價格偏貴。到六點九左右，啲員工開始好積極咁收嘢，我有幾碟仲有少少未食完，佢哋一個問完兩三分鐘後又有另一個同事嚟問我收得未，好心急要收曬你啲嘢，最後有一個直接收，問都費事👍🏻終於俾佢哋收到七七八八，佢哋就問可以上甜品未，其實我仲睇緊餐牌，諗緊試唔試下個壽桃。後尾我嗌多兩個壽桃，包都未上，佢哋又車輪式過嚟問我哋啲嘢上齊未，上得甜品未。嗰時我爸爸去咗食枝煙，我答佢等埋我爸爸返嚟問埋佢食乜先一齊上甜品，然後佢哋五分鐘入面再有三個人過嚟問我哋上得糖水未。個感覺好差，好似逼你快啲食完快啲走咁。未到七點半，我哋未叫買單時，有個黑色西裝女人已經俾張單我哋叫我哋俾錢。大佬，我糖水未食完，啤酒未飲完。不過既然你都送客送到出面，我唯有嗱嗱聲食完還返張枱俾你囉。