楚撚記大排檔

營業中

休息中

食團年飯，今年無得出街食，訂咗楚撚記大排檔嘅新春盤菜 $768 （小，3-4人）～份量好足，4個大人再加細路食都有餘！好夠味，屋企人本身鐘意食南乳味就話南乳再重味啲就正喇！啲料幾啱食，底下芋頭豬皮腐竹吸晒啲味好正，面頭有飽魚蠔豉大蝦鵝掌冬菇燒肉基本嘅都有齊又足料。買原味都有送個秘製辣醬，大蝦點落去真係好好食。荃灣/中環都有得外賣自取，再唔係揀送貨都得～個人覺得CP值都幾高，除返開每人$200都唔洗，足料好味又抵食！

疫情前去過位於土瓜灣的楚撚記，是一間比較新派式的港式大排檔，內裡環境非常舒適，而且食物很好吃，海鮮小炒肉類樣樣齊，小炒夠鑊氣，最重要的是一間黃店💛。昨天去朋友家，發現原來荃灣都開了分店，那當然叫朋友一起訂楚撚記外賣😄。雖然外賣一定會沒有堂食那很好吃，但朋友都一致覺得就算放涼了也超好吃。😋脆皮豬手 $135（必點💛）-即使是外賣，依然非常之香脆，豬手啖啖肉。金沙蛋黃九肚魚 $82（必點💛）-有一層鹹蛋黃醬在外面，是超級香濃嘅鹹蛋黃味😍飛天通菜 $72（必點💛）-好香口，辣辣的很惹味蜜椒薯仔牛柳粒 $98燕麥金沙蝦球 $98楚撚沙拉骨 $83椒鹽鮮魷 $92（必點💛）另外送了四碗糖水（番薯糖水及清補涼）

非常差嘅外賣經歷，喺Openrice 6:30落單，寫住7:03可取；到達後發現幫襯嘅人好多，心諗：既然咁多人就等多十分鐘，越等越唔對路，比我遲order 嘅人已經可以取餐離開，入去問過職員，永遠同我講整緊整緊，但係又冇幫我問我張單Number係咪整緊，唔發爛渣佢都唔幫你follow，正一劣店！真係好奇怪點解佢可以有咁多好評足足喺佢門口等左差唔多一個鐘其實做唔切就唔好接咁多單！同埋亦都冇認真幫客人處理問題，喺度敷衍啲客，菜式又唔係出色，非常失望

.黃嘅大牌檔去邊度搵！💛終於試到超高人氣嘅楚撚記啦～呢度唔單止乾淨企理，仲要坐得好舒服，而服務都好好而裝修行懷舊風，好似去左啲好舊嘅餐廳，都幾有feel㗎 ( ´▽｀).✨ 香煎黑松露手打蓮藕墨魚餅招牌菜之一，果然有驚喜！彈牙嘅墨魚配爽口嘅蓮藕，呢個配搭梗係冇得輸😍估唔到真係食到好香嘅黑松露味～唯一缺點就係每份得8塊 ，完全唔夠喉 (´･_･`).✨ 古法生扣蝦籽柚皮柚皮呢樣嘢應該好多人都未試過👧🏻小編印象中係好細個食過一次，嗰時完全唔識欣賞點知呢一份完全顛覆咗對柚皮嘅印象😍柚皮嘅口感都幾淋，再索晒啲汁，都幾特別～好可惜個日嘅柚皮咁啱有少少渣，不過都係接受範圍 ><.✨ 菠蘿拔絲咕嚕肉咕嚕肉好好食，醬汁調得唔錯，唔會太酸豬肉嘅肥瘦恰當，一定要試吓😋.✨ 飛天通菜煲上枱嘅時候出晒煙，超正😍調味有少少辣，怕辣嘅要留意吓～.✨ 椒鹽鮮魷呢款係每次去大排檔都一定會嗌嘅菜式不過，因為裡面嘅鮮魷太細舊炸得幾香口都淨係食到炸粉，有少少失望🥺.最後仲每人送咗一碗糖水，凍嘅係清補涼，熱嘅係番薯糖水.整體食物質素唔錯，而且小菜價格合理，啱晒一班人去食記得要早少少book枱，唔好摸門釘啊！💛

大排檔系列 – 楚撚記大排檔💛大排檔風味🔥係一個香港既獨特味道講求火喉,炒功,同大量既事前功夫👨🏼‍🍳一間又好味又有良心既大排檔更係小之有小🥺-----------------------------環境:店舖裝修格調呈懷舊復古風⚒️裝修好新淨企理廚房唔係開放性🌝而且通風唔錯唔會有油煙味💨只有餸菜香味-----------------------------食物:小炒王: 炒得乾身唔油膩,XO醬味道濃厚份量非常多🦐蝦同🦑魷魚粒都絕不偷工減料老火菜乾煲豬肺湯: 好香🥳入落舒適無怪味豬肺湯最怕洗唔乾淨有異味🤭佢處理得非常好飛天通菜煲: 蝦醬咸香🌶️辣椒惹味放上火辣辣既瓦煲🤤口水分泌無法停止最令人食唔停口既一個餸🤪難望漁港蝦醬骨: 即叫即炸好新鮮可惜部分豬扒太瘦有點硬實😥香煎黑松露手打蓮藕墨魚餅: 意想唔到既配合口感豐富,味道均勻👍🏽家鄉三絲炒米粉: 鑊氣直登滿分💯愈是平平無奇,就更突顯大廚功夫👨🏼‍🍳喜歡小炒的朋友絕對唔可以走寶😋P.S. 最後店員請飲蕃薯糖水😍-----------------------------服務:開張近一個月,基本無可能BOOK 到呢日屋企人想食,就膽粗粗去試下WA

今日平安夜都知等外賣要等好耐架啦！所以希望係剛開鋪時去排會快d, 但都等左兩個幾鐘, 雖然只叫了3樣食物.....未食已經好高期望, 因為唔少人都話好好味.....有豉椒炒蜆: 食落唔覺好有穫氣, 而且太咸, 拎到返屋企已經凍晒(15分鐘車程);有勝瓜雲耳炒牛肉: 家常小菜, 味道唔錯! 冇咩味精, 牛肉唔韌;有瑤柱蝦肉帶子蛋白炒飯: 雖然凍晒, 但味道係3樣食物中最好咸淡適中, 材料頗足, 如果係熱嘅我諗更好味。總括黎講, 如果唔使等嘅話會食得幾開心, 但要成兩個幾鐘先食到就覺得唔值啦! 建議大時大節外賣嘅話可以其他方式落單, 例如whatsapp, 直接去到先叫野食就有排等啦

疫情的關係大家看似對燒肉、打邊爐、跳舞群組等字眼都會有所警惕。不知道市民的消費意欲毛骨悚然。從前的大排檔以街邊小巷為主，與時並進下風味以然。荃灣一直是美食匯聚的好地方，【楚撚記】第三間分店，進駐此地之前土瓜灣及西環仍舊人流不斷，荃灣的旗艦店也不例外。綠色的霓虹燈相當閃耀，相當容易看到。入內樓高兩層，無論裝修、擺設等都富有懷舊的味道。餐牌上的食物真的應有盡有，煲仔靚粥、小菜、炒粉麵飯、各式招牌菜及西環分店限定菜式。過百款的菜式選擇，的確令人花多眼亂。香煎自家製韮菜粿 $68荃灣旗艦店限定菜式之一，香煎自家製韮菜粿 。韮菜粿一客六件並以小圓形煎香為小食似的，香氣四溢的韮菜粿皮，帶有燒韌口感而且內裡的韮菜及小蝦肉，味道上相當匹配好食。鑊氣豉椒炒蜆 $92有獲氣的海鮮我至愛，小時侯最喜歡炒蜆 。此店的鑊氣豉椒炒蜆 ，尤如其名份量十足並且豉椒味道出眾，配上一碗白飯一流。避風糖鮮魷 $93香口的食物最多人喜愛，避風糖鮮魷 相比椒鹽鮮魷更加辣及惹味。相當多的避風糖脆脆將鮮魷炒至香口，即叫即製美味極了。難忘漁港蝦醬骨（海山骨）$96平常比較少看到蝦醬骨又名海山骨，一字骨的橫樣香脆並帶有蝦醬味道，相當特

餐廳裝修成昔日大排檔嘅格局，又用戰鬥碗飲酒，喺度食飯都幾有風味😆💛脆皮芝士焗原隻新鮮龍蝦（$336/ 2隻）賣相吸引，未食已睇得出面層香脆😋 龍蝦啖啖肉，芝士份量都真係幾多，但略嫌芝士太多覆蓋咗龍蝦味，稍為扣分😆💛楚撚記原隻脆皮豬手（$135）最抵讚係豬手已被起肉切件，真係方便我哋進食，啱晒我哋呢啲懶鬼😆但老實講，我真係覺得呢碟豬手麻麻......外皮係香脆，但口感又乾又硬，都幾嚡口，應該唔會再有下次🙈💛香煎黑松露手打蓮藕墨魚餅（$95）煎得幾香口，彈牙嘅墨魚餅混合爽口嘅蓮藕都幾有口感，而且仲食到淡淡嘅黑松露香味，係幾好食嘅😋💛豉椒鵝腸（$92）鵝腸份量都幾多，以豉椒炒的確惹味😋但感覺欠缺咗啲鑊氣，而且個汁稠咗啲，仲有進步空間嘅😆💛楚撚記小炒王（$88）每一間菜館都有自己特色嘅小炒王，楚撚記嘅小炒王有腰果、韭菜、蝦乾、菜甫及脆魚干等，夠晒鑊氣，真係香口又惹味😋推薦👍🏻💛腰果炒肉丁（$73）估唔到呢款菜式與小炒王好相似，只係將韭菜換成西芹，所以味道大致上差唔多😆一樣都係有鑊氣，都係炒得幾好食嘅👍🏻💛蕃薯糖水/ 清補涼飯後仲每位食客送糖水，有熱嘅蕃薯糖水或凍嘅清補涼可以揀😍蕃薯煲到好腍，有

晚市最後一日堂食，揀番啲中式野。之前經過見到呢間都好想試，不過好多人排隊。今晚最後一晚，我地都黎排下。兩個人嗌左4樣野，雖然唔係好肚餓，但都食得哂！因為真係好好味！！！.本身諗住嗌白飯，不過難得排到，都係嗌瑤柱蛋白帶子蝦炒飯，蝦同帶子既份量都唔講得笑，啲飯炒到一粒粒好乾身，好有鍋氣。香港人食多條菜～嗌左飛天通菜煲，啲蝦乾好好味，通菜都好惹味。一上菜果陣沙沙聲，打開煲蓋好香！我最期待既蜜汁黑椒薯仔牛柳粒，砌得比較細粒，薯仔好似冇炸過，不過邊邊都有啲脆，好香黑椒味同蜜汁味，食落甜甜地好舒服！最後有手指公推介既避風塘鮮魷，避風塘既份量嚇親我鮮魷就冇乜避風塘味，但都有啲鮮味！仲有好多樣餸都未試呀，下次嗌外賣試埋其他餸！！

見天氣凍凍地好想食返啲熱辣辣同暖笠笠嘅嘢，第一時間就諗起《楚撚記》啲煲仔小菜，趁未停晚市之前，即刻飛去食先！今次點咗個冬季限定嘅椰香荔芋油鴨髀煲、豉汁蒸大鱔及濃湯海鮮粉絲什菜煲！未食上枱見到啲煲仔已經覺得成個人暖咗咁！個椰香荔芋油鴨髀煲超正呀！入面除咗有油鴨髀同芋頭之外，仲有臘腸呀！椰香撲鼻加上油鴨髀同臘腸嘅鹹香，配搭特別又有新鮮感，最緊要係好食！同好耐都冇食過咁肥美嘅大鱔了，食落啖啖肉的，好正呀！仲有非常足料嘅海鮮粉絲什菜煲，味道清甜又健康！而且個價錢又親民，埋單都只係HK$350! 仲有暖笠笠嘅番薯糖水送！這個冬天真的不太冷了！非常之滿足呀！🥰🥰🥰《楚撚記》永遠都冇令我失望的！食物好食，環境又靚，服務又好！👻👻👻

呢排聽朋友成日食，今日第一次來朝聖！有d 似大圍個間陳根記既大牌檔feel , 小小名過其實！最大致命傷係D餸唔熱，已經係20幾度既夜晚！炒蜆：好咸，好辣，佢應該幾碟幾碟咁炒，所以都幾多殼，有幾隻無開口，多沙，無特別，凍炸大腸：好韌，咬唔開，凍，見到佢最後係用火槍燒，因為罐頭菠蘿都有燒過既痕跡鳳爪：因為好辣，咬左小小就無食，朋友話好食既想試新奇嘢，試左蝦醬骨：似普通蝦醬豬扒，食唔出佢既等別避風塘鮮魷：好食，全場最好食，熱糯米飯同白粥都正最緊要係服務都好好，同佢反映左炸大腸既問題佢都有換比我！服務對一間餐廳真係加左好多分！

呢間楚撚記我已經食過第三次真係要不斷encore！荃灣分店仲做到兩層設計而且仲有啲好地道嘅特色設計我叫咗幾款嘢食 都係呢度嘅推介避風塘炒鮮魷避風塘炒發夠晒香口無可否認比較熱氣帶有少少嘅辣椒同埋蒜子同胡椒鹽鮮魷食落去新鮮有咬口👍🏼👍🏼菠蘿生炒骨非常開胃酸酸甜甜嘅菠蘿加埋份量適中嘅生炒骨仲有好多紅椒青椒作伴碟西楚霸王雞半隻呢隻雞一定係必點每一次我都食佢有非常豐富嘅花生粒再加一條條青蔥而且啲雞件全部切得好靚 加埋甜豉油每一啖都好好味呀！誠意推介我仲叫咗呢度嘅壽桃包好得意仲買流心效果呢最後仲送番薯糖水做甜品啲黃色番薯全部煲到好腍 仲有少少薑冬天飲落去更加暖身😍

家住荃灣，晚晚都出街食飯，睇到 openrice 呢間野咁多 like, 就試下，openrice 即日 book 5:30, 2 個人都有位，睇到 d 評語話裝修點特別，點懷舊，踏入舖頭上埋樓梯坐低埋，跟本就係前身同位置既金記冰室，完全冇裝修過，唔信自己上 google search 下荃灣金記冰室。叫左 3 碟簡單野，啫啫芥蘭煲、墨魚餅、蝦醬骨，唔知係咪 openrice 真係咁多打手，3 樣我都只可以比佢合格分數，基本上求其一間茶仔都可以煮到，但絕對唔洗呢個價錢，同大碟好多，呢間野基本上冇性價比可言，最得人驚係我以為自己去左酒樓飲宴，每碟菜送上時間係足夠食完晒，再落街食支煙，再上翻黎都未有得食。又一次中 openrice 伏，啫啫芥蘭煲咸到盲公開眼，墨魚餅、蝦醬骨都只係極普通小炒，呢間野冇下次，荃灣仲有好多正小炒的。

一直都聽講過呢間野好出名，訂位要一個月前，今日佢一開門我就行過拎咗飛，都要七點先有得食。所以可能令我過分期待，質素同想像中有啲出入。我哋兩個人叫咗一個拔絲咕嚕肉，一個避風塘魷魚，一個黃金椒鹽粟米。拔絲咕嚕肉係用咗梅頭肉，炸到少少脆，炸粉唔算厚，入邊仲有菠蘿同蜜桃，酸左d但其實味道吾差，但重點在於佢拔絲放喺旁邊，好快溶，而且係拔絲還拔絲，咕嚕肉還咕嚕肉，就算夾硬將兩樣野放入口食，都會喺東一舊西一舊，食過其他餐廳嘅拔絲咕嚕肉，係夾起都會拉絲兩者融合得好好。二避風塘魷魚，啲魷魚大大塊己有咬口，而且啲蒜粒好好送飯，呢樣係全晚最高分。全晚最低分就係呢啲黃金椒鹽粟米，首先啲黃金係好濕，但又冇乜味，粟米好乾，完全唔甜，食咗兩塊已經唔想食。另外叫咗一支手工啤係桂圓味，食唔到桂圓味，但不過不失。

楚撚記是荃灣新開張了一段短時間的大排檔由於每次walk in都好多人等位，的起心肝訂枱後，終於食到喇🤩進到店鋪內，裝修都是懷舊的大排檔風，卻非常乾淨企理👍🏻侍應們非常有禮貌，坐低後便自動波送上熱茶供洗餐具，又有濕紙巾及口罩套贈送，防疫意識💯。而且，兩個人晚餐都無需搭枱，安全社交距離，個人十分滿意！/介紹完環境和服務，當然要介紹一下大家最關心的味道吧: 🦞脆皮芝士焗原隻新鮮龍蝦 新張優惠$168/隻龍蝦外皮有層脆卜卜的炸粉，咬開後是滿滿的芝士和新鮮厚肉的龍蝦🤤好好味呀🐟金沙蛋黃九肚魚 $82 外層脆卜卜且充滿蛋黃香，一咬下就要燙倒了，九肚魚新鮮熱辣辣，嫩滑多汁，外脆內軟的口感，讓人吃不停口！🐮蜜椒薯仔牛柳粒 $98 雖然這碟的牛仔粒和薯仔粒的體積偏細，不過新鮮軟嫩牛仔粒和帶蜜糖香的脆皮薯仔粒都perfectly matched🤝很惹味🐔醬爆鴛鴦雞煲 $99鴛鴦雞包括了田雞和雞件，田雞很嫩很好吃😋雞件略嫌走油時炸得較乾身；但是帶麻椒香的醬汁非常濃郁惹味，送飯一流🥩干炒牛河 $75 由於大部分小菜都相當出色，所以我們再加了一碟干炒牛河。牛河有鑊氣，河粉軟滑，配辣椒醬非常開胃！原以為會吃不下